越北牛肉粉專門店 (已結業)

我平時好少會食連鎖餐廳，土瓜灣地膽推介呢間話好好食，跟佢試，的確幾驚艷生牛肉河個河粉好滑，牛肉味都幾出，湯底唔咸得黎都有肉味，算清清地得黎又幾濃郁春卷炸得幾脆，擺左一陣先食都仲脆卜卜豬頸肉幾彈牙同保持到肉汁

中午去依間食，環境幾好，裝修精緻，不過好似人手唔夠。服務員態度幾好。叫左生牛肉湯河粉，牛肉好食，唔會太生，湯底清甜，成份河粉都幾大份。上菜快，對放飯趕時間既人非常友好

冇去過越南，但係越南嘢真係可以又清新又重口味不過今次食嘅越北總體係有少少失望.. 兩個人叫左一個香茅豬排飯，一個牛腩咖喱，一個無骨鳳爪，一個札肉，一杯咸桔水，一杯越南奶咖啡🤣豬排味道還好，但煎得有點過火，油比較重⋯⋯牛腩…嗯，咖喱味好淡，感覺整頓飯都沒了靈魂幸好無骨鳳爪味道幾好，係清新又夠味的，但餐set只有幾塊，札肉普普通通，咸桔水都OK，越南咖啡就，作為香港人唔係好慣呢種咁fusion的口味😂越北以前不嬲味道唔錯，一定係我今次點餐方式錯左，都係食撈檬好d..

其實本身都對連鎖店嘅嘢食唔會有好大嘅期望，抵食夾大件就最好🤣食咗個生牛河覺得都幾大碗，上枱嘅時候啲牛肉仲有少少生，所以食落去嘅時候啲牛肉都會變到好老，加上份量都唔少，所以都幾飽。

今日過左土瓜灣，朋友話想食生牛肉河，甘我哋就揾左一間越南菜 — 越北。舖頭裝修好雅致同乾淨，卡位同四人方枱比例大概五十五十，我哋比較早到，所以好彩有超舒服卡位！見到餐牌嘅一人combo大概$86至$92，包一款麵食、一款小食同一杯飲品，都算幾抵又啱食就叫咗兩個餐。越北生牛肉牛腩片湯粉（$90套餐）有生牛肉片同牛腩片兩款肉，生牛肉喺熱湯入面輕輕灼熟，入口好軟嫩，蘸是拉差辣醬食就更加惹味！香濃湯底配上青辣椒同青檸，感覺更清新！峴港蝦頭膏酸辣海鮮湯檬（$92 套餐）配料有青口、蜆、墨魚仔同腸仔，酸辣湯底入口幾鮮甜，比我想像中辣，但啱晒重口味同鐘意刺激辣味嘅朋友。會安蓮藕蝦餅（2件）蓮藕切粒再混合蝦肉再煎香，爽口又彈牙，係好好味嘅小食！越南海蜇沙律，涼拌芝麻海蜇加上紅蘿蔔絲、青瓜絲、紫洋蔥、唐芹，醬汁感覺似撈檬嘅香辣汁，幾啱夏天食！三色鹹檸七，有青檸、檸檬同鹹檸檬加冰底，仲要係用原罐七喜汽水，甜中帶鹹，開胃生津，喺香港好特別嘅飲品之一！越南奶咖啡，有時都幾鍾意飲越南嘅咖啡，用煉奶配上齋啡，感覺更滑同香！

天氣好熱，就好想食泰國菜，越南菜！見到晚市menus 幾抵食甘，所以試下。Set menus ，$100有找，有小食，主食，飲品。香茅豬扒撈檬😗豬扒好味，好入味，肉質五硬，小小煎炸感，岩哂我口味！男友就叫左酸辣海鮮湯檬粉，都好足料，湯底辣度夠，好開胃小食，春卷/酸辣無骨鳳爪，鳳爪估唔到有四隻！凍飲品唔需要加錢，凍奶咖啡，凍鹹柑桔，飲完真係好舒暢。會再黎食，tkw街坊可以嚟試吓。🤣竟然唔使收加一，估五到😂😂

下午茶時間食午餐大概兩舊水嘆到正宗越南菜，性價比係高啦！🥰🥰🥰👍🏼👍🏼👍🏼睇左幾錢有個概念再睇下食物質數😁😁😁酸辣海鮮湯河 $65青口、花枝丸、八爪魚的配合不過不失，湯比較辛辣，河粉算不錯幾滑，正的🟢👍🏼三寶撈檬 $65呢個好食有扎肉有香華豬扒有牛油雞翼個粉都幾彈牙同埋個酸辣汁配合得唔錯都係一個必食嘅推介！😋😋😋蒸粉包 $23呢一個我放三張相，因為實在又平又靚又好食，粉包嘅靈魂材料豐富塊皮夠薄，同埋材料夠多啦喂，最重要夠熱咁就好食啦！😄😄👏🏻👏🏻河內炸春卷 $18偉鴻春卷真係冇嘢好講咋得夠脆，裏面嘅餡都係要新鮮，最緊要係咩啊梗係塊生菜啊包住一個油淋淋嘅春卷再點啊酸辣汁就已經贏晒啦！😃😃👏🏻👏🏻⭐️⭐️好啦嘢飲呀真係冇嘢好講啦，都係越南滴漏咖啡，味道OK濃啲仲好喂！青檸梳打薄荷葉無糖，夠氣夠凍冇錯OK 㗎 ！🥰🥰👏🏻👏🏻總評📝食物⭐️⭐️⭐️⭐️服務⭐️⭐️⭐️⭐️⭐️環境⭐️⭐️⭐️⭐️衛生⭐️⭐️⭐️⭐️價錢⭐️⭐️⭐️⭐️交通⭐️⭐️⭐️⭐️

放工嚟到土瓜灣想食越南嘢就試吓呢間越北牛肉粉專門店。原來呢間都好多分店，見到差唔多到兩點咁就決定等多陣先入去食下午茶，佢嘅下午茶由兩點零五分開始。我嗌左個西貢咖喱牛腩配白飯，首先個咖喱汁係勁正，味道好濃，牛腩勁多份量，肉質又好腍，白飯就正正常常用嚟配咖喱汁好夾，辣味就少量唔會話好辣。叫套餐可以用優惠價配多個小食，咁我就加$30叫咗個蜆港炸蝦餅，個蝦餅幾好食，雖然份量少咗啲但係食得出好香嘅蝦味，$30小貴但係值得一試。飲品方面，套餐可以加$8轉特飲，咁我就試咗越南椰子冰咖啡，咁都幾特別，上面有啲椰奶再加咖啡咁樣，椰味好重同埋同咖啡味都幾夾，如果鍾意椰子味又鍾意飲咖啡嘅人可以試一試。總括來講，想食越南嘢又想簡簡單單，越北牛肉粉專門店絕對可以滿足到你。

今日收工係土瓜灣附近揾食先知原來土瓜灣都好多平民食堂，今次經過間越南野見到下午茶餐都抵食，就一於試試🧄。🐒河內香茅烤雞扒撈檬配椰青💰$56+$26天氣熱我最中意食撈檬，因為夠哂清涼，仲有啲菜同青瓜好爽口refreshing🥒佢個撈檬汁一啲都唔辣，反而好開胃👍🏼雞扒厚肉，個皮都好脆，香茅味主要係皮到，所以一啖連皮食好香口又多汁🐥🧉野飲轉左椰青，加$26蚊好抵，因為佢大個，入面啲肉唔多但夠嫩😂好似食緊啫喱咁。🐒清沅蒸粉包💰$23未試過所以好奇試下，原來係粉皮包住肉碎同蝦米🦐再拎去蒸，外皮幾chewy我覺得幾好食😋如果想揾間平平地既越南野，我都推薦呢間

✨越北綜合牛肉湯粉有生牛肉 牛腩 牛肉丸三款配料生牛肉 肉質軟嫩 肥瘦適中牛腩片 肉味濃 有咬口牛肉丸 牛味香濃 滿滿肉汁 有爆汁感覺 呢度嘅牛丸真係幾唔錯 推介河粉 都算滑溜 份量唔少 湯夠清甜 另外有蘿蔔 芽菜 洋蔥作配料✨峴港炸蝦餅下午茶跟餐加錢加配蝦餅 夠香口 有淡淡蝦味 口感彈牙✨三色鹹檸七話明三色 當然有三檸包括有鹹檸 青檸 檸檬加埋七喜 鹹鹹甜甜 清爽又下火夏天飲最啱食物唔錯 份量足夠環境唔錯 土瓜灣店都幾靚座位闊落坐得舒服服務唔錯 價錢合理 都幾抵食

食咗個生牛肉河粉湯底好似溝咗水又有鹼水味牛肉碎濕濕仲差過佳寶蘿蔔冇味似白烚熱奶茶又苦又澀本身好期待專登一起身11點幾過嚟食本身印象中越北都唔錯，唔知係咪呢一間嘅問題，但係我唔會再食任何一間越北😟🤢🤮………………………………………………………………………………開OpenRice見到一個劣評都冇所以點都一定要開返個

話說晚市禁當食，諗住同老婆買外賣返屋企食，叫左2個湯粉同一份軟殼蟹米紙卷。開頭食都可以，點知食到第三件米紙卷就賴嘢！勁大仔曱甴喺裏面，即刻嘔返出嚟，之後仲嘔咗兩次！真心唔明件米紙卷已經唔係大件，如果係細隻既，見唔到都好合理，我都會算數，咁大隻曱甴咁都見唔到，仲要比個客食到，非常之離譜。

之前曾經吃過這裏的食物，覺得不錯，今天便再來到了。越北綜合牛肉湯河粉$58，內有生牛肉、牛腩片、牛丸，其中以生牛肉最為鮮嫩可口。湯底味道鮮甜濃郁，加上指天椒和芽菜，味道更佳。香茅豬扒撈檬，豬扒外脆內軟，香茅味道十足，加點越南的酸辣檬粉汁，整個組合就非常正宗。（餐)炸蝦餅，跟泰式的炸蝦餅有點不同，不過一樣爽口彈牙。（餐)海蜇沙律，海蜇不是廣東式吃到的海蜇，口感比較彈牙爽口。薄荷青檸梳打，青檸的酸味，混合了薄荷的清新，非常有東南亞特色。熱情果梳打，味道酸酸甜甜，非常配合吃越南食物。蝦頭膏生菜$26，有蝦醬的鮮味，又有蒜頭的香氣，這個越南特色蝦頭膏，鹹香味道十足。

岀街食咁多次飯，真係未遇過問題食客😰今次真係要讚下店長姐姐👏🏻👏🏻👏🏻話說，有個呀叔..可能自身問題，冇帶口罩走入嚟自己坐低。店長姐姐💁🏻‍♀️就叫佢帶好口罩，掃安心岀行！個呀叔🧔🏻就笑笑口話：你都痴線🤣入嚟食嘢點帶口罩呀？💁🏻‍♀️:法例規定，野食未上都唔可以除口罩，你掃左安心岀行未？🧔🏻:我投訴你呀！都唔俾人食嘢嘅？💁🏻‍♀️:你唔帶好口罩，我哋唔會安排同你落單，麻煩你岀去先。🧔🏻:咁你哋有冇多個口罩呀？我冇口罩喎💁🏻‍♀️:隔離有得買👏🏻👏🏻👏🏻大概情節係咁，我同老人家食緊都唔敢八卦，驚有咩事，我哋都走唔切😣食物海防番茄蟹檬超鮮甜嘅蟹腳！蕃茄湯都勁濃❤️蝦丸超級彈牙！咖哩雞飯

做完嘢想坐低食個下午茶，見到呢間越北牛肉粉就入咗嚟試吓。入到黎先知道原來呢間越南餐廳係連鎖店，服務員嘅態度非常之好，卡位枱面非常清潔，見我望住餐牌有選擇困難症，服務員好主動介紹之後，俾我自己慢慢睇餐牌。.終於我嘅下午茶叫咗三樣嘢：海防蕃茄蟹湯檬、炸蟹餅、咸甘吉水.由於我冇去過越南海防，唔係好肯定個味道應該係點。但係個湯檬實在好大碗，餸料好多，檬粉又多，啱晒大胃王！講味道嘅話，我個人認為芽莊嘅蕃茄蟹湯檬係冠軍🏆.炸蟹餅…比較細份同埋薄，口感麻麻地。.咸甘吉水，味道正常，冇特別。.總括嚟講我覺得土瓜灣越北都可以