越一越南牛肉粉專門店

營業中

休息中

平時都比較少係鳳德村附近食飯，咁啱係呢頭收工，所以就同同事一齊試下食新嘅越南菜餐廳。而且佢啲二人餐都好多配搭🥢牛油雞翼上檯個陣已經見到炸到金黃色嘅雞翼，上面亦放滿左干炸蒜，牛油嘅香味亦都十分吸引。🥢雞絲扎肉湯濛粉雞絲都幾嫩滑，唔會食食下起渣；扎肉入面有一啲軟骨，食落煙煙韌韌，肉嘅味道亦都唔會太濃；湯底濃而不膩，飲落亦都唔似用味精煲出嚟嘅湯底，濛粉嘅份量亦都十分多。🥢生牛河湯底好濃，牛肉好新鮮，食落好嫩滑，所以牛味好重，而且有好多件！成碗份量好多，食完好飽🥢上湯蘿蔔本身佢地揀嘅蘿蔔都好有清甜嘅味道，加埋佢個比較淡味嘅湯底，完全滲入蘿蔔入面，好能夠突顯蘿蔔自然嘅甜味，令到蘿蔔甜上加甜。🥢紙米卷（香茅牛肉）紙米卷十分之足料，除左滿滿嘅菜、蘿蔔等配料以外，配上濃郁嘅香茅牛肉夾埋一次，令到成個紙米卷唔會太過單調，亦都因為有菜，香茅牛肉食落都唔會太過膩。🥂鹹檸七 / 薏米水呢兩款飲品係用料上都唔錯；鹹檸七嘅檸檬唔會太過鹹同酸，亦都好足料，唔會因為太多或者太少而影響味道；薏米水就好非常適合依家炎熱的天氣去飲，既解暑，又有益。整體來說，越一嘅食物質素都令人有意外驚喜，員工嘅服務質素都十分好！

今日尼到黃大仙食啲地道野，住附近個朋友帶我尼到試今次叫咗一個海南雞飯，啲雞好滑，特登冇叫到油飯，因為想食得清楚啲啲雞嘅味道，亦都，冇令到我失望，而且啲姜戎都係唔會太鹹，好鮮。另外，叫咗一個鮮牛肉牛丸河粉，跟住佢教嘅方法去加咗啲青檸汁落去，好香好開胃，份量亦都好足夠，跟住啲牛肉丸亦都係非常彈口，鮮牛肉亦都好滑好香牛味，唔會咬唔開！仲有叫咗一個蝦餅揸得好香脆，唔會太油膩同埋佢飲品有好多特別嘅款，今日叫左青檸梳打同埋鹹檸檬水而且環境都好舒服啊😌坐得好舒服，後面塊board嘅字都好有意思，成日都覺得尼啲餐廳入面啲文字好有意思，好值得睇下食到非常飽，兩個人都唔使二百蚊，見到都有好多住附近嘅街坊尼食，非常平民！

米飯班主去左旅行, 屋企冇人煮飯, 夜晚就同妹妹去屋企附近搵食, 見到間食越南粉麵, 望入去餐廳都整潔, 於是就入去食餐dinner~餐廳全日冇加一, 中等價錢, 平均五十蚊都食到碗粉麵樣樣都想試少少, 我就揀左【越一火車頭】HK$62SIZE都幾大碗, 包括有兩粒牛丸、兩件牛柏葉、生牛肉、牛坑腩、索左湯汁入味既蘿蔔, 牛丸非常彈牙, 牛柏葉爽口, 生牛肉上檯時已被熱湯焯至半熟, 肉質幾嫩, 牛坑腩好林兼索左個湯汁, 湯底清甜, 河粉好滑。另外上左一杯放有芽菜、辣椒粒、香葉, 可以因應個人口味再加入湯, 濃度可以自己掌握。【海南雞飯】HK$52飯唔會太油, 飯質粒粒分明, 海南雞雞肉嫩滑, 沒有肥油層, 配上三款醬料, 味道更加提升。【牛油蒜蓉雞翼】HK$39雞翼脹卜卜, 牛油味很重, 但嫌炸皮有D油, 面層加上蒜蓉片, 味道更加香口....【香茅牛肉米紙卷】HK$42米紙卷包住牛肉粒、沙律菜、青瓜絲、蘿蔔絲、粉絲, 點少少越式汁, 酸味味幾開胃, 整個入口層次豐富, 牛肉size太細, 唔太食得到牛肉質地。

今日經過黃大仙，終於俾我見到有好西食。想食越南野好耐啦。入去見到餐廳好整齊乾淨。的確加分。座位都舒服。仲有好道地既裝飾，好有越南既風情。叫左一碗順化香茅豬趴撈檬。見到都好開胃。好大份既撈檬。豬扒好香。最鍾意食撈檬淋好多酸辣醬。淋到湯粉咁樣先夠惹味。酸辣醬唔會好辣，鍾意佢既酸度。越食就越開胃。豬扒好熱，咬一啖食到好濃郁既香茅味。真係好好味！花生碎同炸紅蔥頭既碎物撈埋一齊食特別香。最鍾意越南野就係有好多呢啲配料，呢啲配料夠多，先可以將個主角呈現得100分。成個撈檬食落就特別香。之後叫左碟牛油雞翼。越南最出名亦都係牛油雞翼。一上菜就好香。雞翼上邊仲有好多唔同既炸配料。食落真係好香蒜同紅蔥油味。加埋雞翼一齊食。牛油味道勁香，食到上癮。牛油雞翼炸得出邊皮超級脆，而且陣牛油香特別濃。好高質既雞翼。雞肉又滑，所水份，整得超好。呢餐食得真係滿足！

黃大仙除咗商場同新蒲崗，鳳德呢頭都好多好食，因為又係方便泊車同多小店，近排就去咗呢間，附近比較少有嘅越南菜。好似開咗唔係好耐，舖面都幾光鮮仲有啲越南特‌色裝修。 Menu 都好多選擇，不過唔想用腦就直接揀人套餐，計返比散叫平咗十零蚊。 牛油蒜蓉雞翼，重點推介，上碟果陣仲熱辣辣，聞到陣陣牛油加蒜頭香味，入口雞翼肉唔乾而且幾大隻，食完成口係牛油同蒜頭味呀，正呀XD 豬頸肉米紙卷，米紙包住滿滿嘅菜同同豬頸肉，份量好足夠，大到一口食唔晒，記得搵野接住。 除咗車仔面好少係出面食肆單點蘿蔔，套餐跟嘅白蘿蔔帶有白蘿蔔原有嘅淡淡甘味，湯頭帶甜，而且份量都唔少。 再黎牛坑腩湯金邊粉，牛坑腩出面食都唔平，呢度都俾度幾件算幾多，加上面底好大份，女士唔太食得多野其實一碗粉已經夠飽。 跟住有炸豬扒河粉，豬扒分開上，仲有啲炸蒜同葱，食到香茅味，份量都係偏大。同平時啲越南粉面一樣，佢地都有俾埋芽菜，九層塔，辣椒，但係用杯上就幾得意。個餐包埋杯 $18蚊飲品，初時估唔包特飲果啲，但原來椰汁冰三色冰果啲都包，單點其實唔貴。我地就點咗椰汁紅豆冰同鹹檸梳打，而且貫徹成間舖頭大大份嘅食物，飲品一樣好大杯。 抵食同坐得舒服加上

越一呢間越南餐廳一向食開都幾有水準 今日就嚟咗黃大仙呢間分店食 雖然位置並唔算太近地鐵站 但行過嚟食都係值得嘅😺之前試過佢嘅二人餐 都幾抵食 有兩款小食 一碟菜或者蘿蔔 兩碗粉同兩杯飲品 不過我地想試吓佢嘅飯餐 所以散叫😛海南雞飯 有得揀油飯定係白飯 我地就揀咗同海南雞最夾嘅油飯 呢間嘅油飯唔會太油淋淋 有三款醬汁點嘅 個人覺得配黑豉油最夾🐥咖哩牛腩煲配法包 落單時店員已經話咗要等大概十至十五分鐘先有 但我覺得係幾值得等嘅 咖哩汁好重椰汁味 辣味都夠嘅 入面主要係牛腩片 較薄身 份量其實都幾多 配牛油法包係意想不到咁夾 其實牛油法包就咁食都非常好食 好脆卜卜😻 差啲想再叫多兩塊法包添呀香茅豬頸肉 小食嚟講一碟有八塊份量都算多 仲要件件都好厚身 半肥瘦嘅豬頸肉外層煎得好香脆 咬落口又有肉汁 雖然冇特別嘅醬汁配 但已經好夠味👍🏻椰汁三色冰 有綠色嘅珍多 去皮綠豆 紅豆 見到三色層次分明已經好開心 有好多豆同珍多 而椰汁又唔會因為啲冰融咗已變得好淡🙊兩個人食以上四樣野真係好滿足🥰 冇另收加一服務費 但服務都幾好吖

今日嚟到依間越南店食午餐，依度午餐set價錢都好抵食，店裏面有好多人佢嘅午餐選擇都好足夠，另外可以加錢嗌小食，同埋可以加錢叫特色野飲。我哋兩個人點咗兩個套餐，配兩杯特色嘢飲，小食今次就冇試到，因為套餐已經食到好飽。海南雞飯雞嘅份量好足夠。飯我哋揀咗雞飯，佢另外都可以比客人揀白飯。啲雞好滑，鹹鹹地好入味，配合埋辣醬、薑、豉油一齊食好夾。我本身有啲怕辣，我鍾意係依間辣醬辣都唔算好勁，又酸酸地好開胃。就咁用呢個辣醬嚟送飯都好味。呢個set非常飽肚！河粉份量好多，配料也好足。扎肉、豬扒，雞翼都新鮮整起，好入味。椰汁味香濃，另外嘅紅豆、綠豆、同埋啫喱糖好食，呢幾樣野好夾。薏米水好潤喉，薏米都煮得好軟綿綿。午餐雖然我地唔係食咗好多種類嘅嘢，但係每樣質素唔錯，以呢個價錢來講係好抵食！

店內環境舒適整潔牆壁上有一幅文字裝飾， 介紹越南出名的民間小食， 生牛肉河……二人套餐系列A餐越一火車頭湯河(二人份量)⑴ 生牛肉、牛坑腩片、 牛丸、牛筋、牛柏葉。⑵ 小食(任選兩款)香茅豬扒 / 香茅雞翼 / 炸蝦餅 / 扎肉蒸粉包(兩件)將一小杯配料放入一大碗火車頭裏，配料有青檸檬 、芽菜、一點辣椒、鵝帝香菜，紅洋葱絲、葱花，拌匀之後，香氣四溢，擠點青檸檬汁出嚟，先喝一口湯，嚐到甜鹹酸口味，混合牛肉湯底非常美味。生牛肉嫩滑鮮甜，牛坑腩片肉味濃，還有牛丸、牛筋、牛柏葉、浸過牛肉湯和香料的河粉、白蘿蔔真是好吃， 材料豐富， 份量十足 ，美味😋~香茅豬扒拼炸蝦餅豬扒夠香茅味，肉質鬆軟。蝦餅夠彈牙，兩面金黄，吃时蘸點酸甜汁，好好味。跟套餐， 免費飲品只限$18港式飲品或越式飲品， 不錯。~凍奶茶 ~凍青檸梳打，口味清新。~扎肉蒸粉包很喜愛扎肉及粉包，粉皮透明軟身 ，粉包主要餡料有豬肉碎、木耳、甘筍，蘸點酸甜汁，酸酸甜甜，更開胃，好吃😋價格好實惠！這店絕對吃得過。餐廳提供多款越南美食

住喺黃大仙嘅朋友之前曾經介紹過一間唔錯嘅餐廳佢係黃大仙嘅地頭蟲所以好熟悉附近邊啲餐廳 今日再次黎搵佢玩 夜晚晚餐想食越南菜於是佢就介紹咗依一間 — 越一越南牛肉粉專門店餐廳喺鳳凰新村嘅位置附近都有好多唔同嘅食肆睇一睇餐牌先單點又得 叫套餐都得 生牛肉湯河粉生牛肉靠熱湯浸熟 食落鮮嫩 令湯汁更鮮甜河粉幼滑 晶瑩剔透 碗上濃濃牛肉味湯汁 正另上芽菜同香菜 再加點青檸同辣椒仔 味道多層次雞絲撈檬撈檬伴有蘿蔔絲、青瓜絲同花生碎將雞絲撈埋青瓜蘿蔔絲淋上酸酸辣辣既醬汁 開胃又好味上湯生菜生菜新鮮 湯底清甜 健康之選酸辣鳳爪以洋蔥、芹菜同辣椒等調味切開既蕃茄食落清甜鳳爪爽脆 酸酸甜甜又辣辣地 唔錯唔錯椰青原隻椰青上 清甜解渴 椰肉嫩滑 刮完直接用飲管都吸到 正

平日間唔中都會想食下越南野，但次次去到啲越南餐廰都真心覺得唔多抵食，仲要未必好食。。。今次要喺黃大仙附近食晏，搵到呢間餐廳，見價錢又幾抵，所以就去試下！好彩早左啲去，如果唔係要等位架啦～～越一生牛肉湯河($45)湯河十分足料，河粉上鋪滿生牛肉，而且湯底味道濃郁，河粉都好夠味道，而且麪質口感適中，好啱我口味～～如果鍾意加埋其他配菜，佢地都有提供架！越一海南雞飯($52)海南雞飯一直都係我至愛，當然要order啦！首先油飯唔會好油膩，而且又香又好味道。雞既肉質鮮嫩，可見餐廰喺選材方面都好有誠意！另外，呢度既飲品都有越南特式，喜歡飲冰或者青檸梳打既朋友，都好啱你地～～餐廰環境企理，食物價錢十分合理，分量又好夠，係個約朋友一齊品嘗越南風味既好地方！

今日經過黃大仙，同朋友嚟到雙鳳街呢頭食嘢，呢度好多屋邨，亦都好多食肆，地膽朋友推薦依間越南野食大件夾抵食，所以就入黎試下啦～～8點入黎，成間鋪得番一張枱，好彩有位！餐牌有粉麵餐、飯餐、另有啲Set，如二人餐，我地好肚餓，所以決定叫二人餐，多啲野食。二人餐($198)有牛油雞翼4隻+上湯生菜/蘿蔔+春卷4件+2碗粉麵+$18飲品2杯，份量超多，食完好飽。牛油雞翼：即炸，食落脆卜卜，面頭有炸蒜，加埋脆既雞翼，口感豐富，充滿蒜味。上湯生菜：滿滿一大碗，超多！春卷：附上生菜，比食客可以包住黎食，春卷厚實，入面材料有木耳、蘿蔔等等。扎肉雞絲河：勁大碗！有好多雞絲，另都有洋蔥，同埋本身預備左既香料如九層塔、芽菜比我地落落去！好滿足～青檸梳打：好多青檸，可以自己搾汁出黎加落梳打水！總結：真係好飽肚！好過食茶記，另外服務態度好好，雖然樓面staff唔多，客人坐滿晒，但做野快手，有禮，唔冷落客人，非常好

今日黎到越一食越南野，離地鐵站唔算近，附近好多野食，所以條街唔太乾淨，同店面光猛整潔形成好大對比！印象分加分！我地叫左個二人餐，有兩碗湯河，4隻牛油雞翼，4件春卷，一碟上湯生菜，同兩杯野飲。其實都幾多份量，都唔洗200蚊，好抵食！先講個湯河，d配菜好似芽菜呀洋蔥呀辣椒呀，就分開上嘅，用個杯仔裝住，你唔想食邊d就可以唔落，幾貼心，湯河湯底都好好飲，有肉味得黎唔肥膩！我叫左香茅豬排湯河，朋友就叫左雞絲扎肉湯河，兩個都唔錯。牛油雞翼好香口，不過如果可以入味d就更好，味道主要係靠面頭d香蒜紅蔥頭，如果雞翼醃嘅時候重手d會再正d。春卷幾香口，不過同雞翼口感差不多，下次可能改叫米卷感覺會多花款d！野飲叫左青檸梳打，唔錯，不過要小心，d糖可能沉係底，記得搞雲d！

今日係黃大仙收工, 係附近睇下有咩食揀左呢間越南野 入到去, 環境幾好, 座位闊落 同朋友揀左個二人餐($168)食, 感覺好似抵食D 有一碗二人份量既湯粉, 兩個小食, 兩杯野飲火車頭湯金邊粉: 呢碗粉超巨型 我諗夠三個人食, 仲要好足料, 有牛丸, 牛腩, 生牛肉, 牛栢葉, 蘿蔔! 個湯好濃郁 最鍾意係佢另上九層塔, 辣椒, 芽菜, 可以因應自己口味加入去香芧豬扒, 蝦餅: 香芧豬扒煎得好香口, 但又唔會好油  蝦餅好厚身, 好有咬口, 如果外皮係炸既仲好 咸檸七, 咸檸梳打: 跟餐唔洗加錢可以揀兩杯飲品, 消暑解渴 一流 呢個份量應該叫做三人餐  小妹下次應該會叫多一個朋友食呢個餐 

去到黃大仙鳳凰新村一帶，看見一間裝修企理的餐廳，很大個招牌十分搶眼。平日晚上，餐廳人流也算很多，而且很多人外賣，質素感覺有點保證。店員也很有禮貌，感覺良好。兩個人都非常肚餓，參考了廚師推介，叫了一碗生牛肉湯河、一個海南雞飯，另外再叫春卷、蝦餅。以牛肉粉作店名，可看出是這間餐廳的招牌。的確，湯頭十分濃郁，很厚實的牛骨湯味，建議不用加辣椒更好，能嚐到湯的原汁原味。牛肉份量算多也夠淋，加一點點是拉差和辣椒醬吊味，帶少少惹味更開胃。海南雞飯可以選擇油飯，而且雞件非常滑溜，想不到越南餐廳的海南雞飯也帶點驚喜。春卷和蝦餅新鮮炸起，熱辣辣非常吸引。蝦餅很是足料，非常彈牙。春卷配以生菜，減低油膩感（兼罪惡感），炸得也乾身，不會有吃了幾件便很油的感覺。多點了一杯椰汁綠豆冰，價錢也算實惠，總括來說食品質素相當不錯，難怪吸引很多街坊幫襯！

好耐都無食過越南菜，今晚放工一於同同事去食先，越南菜以扎肉、河粉和蒸粉卷最為出名，我同同事一於叫齊哂哩幾款野食先，另外再叫多個豬頸肉青木瓜沙律。落完單後，店員拎住四個杯行埋黎我地檯，其中兩杯係清水，另外兩杯原來係調味配菜:有芽菜、辣椒粒、青檸、金不換同一片不知名既葉食物好快就黎左，我叫左一人份量的火車頭，貪佢有幾樣餸，樣樣可以食下唔洗貪甘煩，哩度出名係牛肉，所以我碗河粉當中當然全部係牛類啦，有生牛肉、牛坑腩、牛丸、牛柏葉。生牛肉: 仲有少少嫩紅色，有牛味，牛坑腩:好淋身，牛丸: 有鮮味，關於火車頭的名字由來其實是越南河粉的代表，相傳以前的越南火車站總有河粉賣，人們習慣在上下火車時都食一碗，久而久之“火車頭”就成了河粉的代名詞了。而同事果碗係香茅豬扒金邊粉，扎肉同蒸粉包都黎了，哩度既扎肉同出面一般食到既唔同，當中會食到有些豬耳及肉碎，比較特別同帶有鮮味，而蒸粉包都有自己特色，佢地係面頭放了些炸蝦干及蔥粒，令到食落更有口感和鮮味，別出心思，最後的沙律，青木瓜混左蒜蓉辣椒醋，食落辣辣地，加埋煎香左既豬頸肉同花生粒，更有咬口。