越一越南牛肉粉專門店 (已結業)

越一呢間越南餐廳一向食開都幾有水準 今日就嚟咗黃大仙呢間分店食 雖然位置並唔算太近地鐵站 但行過嚟食都係值得嘅😺之前試過佢嘅二人餐 都幾抵食 有兩款小食 一碟菜或者蘿蔔 兩碗粉同兩杯飲品 不過我地想試吓佢嘅飯餐 所以散叫😛海南雞飯 有得揀油飯定係白飯 我地就揀咗同海南雞最夾嘅油飯 呢間嘅油飯唔會太油淋淋 有三款醬汁點嘅 個人覺得配黑豉油最夾🐥咖哩牛腩煲配法包 落單時店員已經話咗要等大概十至十五分鐘先有 但我覺得係幾值得等嘅 咖哩汁好重椰汁味 辣味都夠嘅 入面主要係牛腩片 較薄身 份量其實都幾多 配牛油法包係意想不到咁夾 其實牛油法包就咁食都非常好食 好脆卜卜😻 差啲想再叫多兩塊法包添呀香茅豬頸肉 小食嚟講一碟有八塊份量都算多 仲要件件都好厚身 半肥瘦嘅豬頸肉外層煎得好香脆 咬落口又有肉汁 雖然冇特別嘅醬汁配 但已經好夠味👍🏻椰汁三色冰 有綠色嘅珍多 去皮綠豆 紅豆 見到三色層次分明已經好開心 有好多豆同珍多 而椰汁又唔會因為啲冰融咗已變得好淡🙊兩個人食以上四樣野真係好滿足🥰 冇另收加一服務費 但服務都幾好吖