賀天

營業中

休息中

作為一個住將軍澳嘅人，我已經食過好多次賀天，特別係前幾年都在家工作嘅時候都好鍾意過嚟食午餐，今次終於可以試到晚餐同大家推薦下。———————————————🌟豐州時令刺身7點 $568呢個刺身拼盤睇落以為貴，但其實性價比超高，因為每款刺身都係厚切，食落超有口感。拼盤包括帶子、池魚、甜蝦、油甘魚、三文魚腩、拖羅同鯖魚，每一款都鮮甜無比。特別想分享會係拖羅同帶子，拖羅油脂豐富，食落去真係會覺得好幸福，至於帶子係超大粒，就算切開都係好大件，肉質都好實淨同好鮮甜。🌟美國牛小排壽喜鍋 $188呢個壽喜鍋真係好滿足，牛小排油脂分布都幾靚，湯底嘅甜鹹味平衡得非常好。隨餐附白飯，如果你鍾意烏冬，都可以加錢轉，甚至可以選擇加$15一半飯一半烏冬，我自己就選擇咗全烏冬，煙靭烏冬同壽喜燒係絕配👍🏻🌟秘製法式羊架 $128我哋揀左7成熟，三件羊架一上台就香氣四溢，調味簡單，以香草同鹽為主，突出咗羊本身嘅香味，羊肉質感嫩滑無膻味。🌟伯爵茶千層蛋糕 $38$38就可以食到呢個水準，性價比爆燈！每層蛋糕都做得好實淨，帶有濃郁嘅伯爵茶香味，甜度適中。但唯一小小美中不足係上面加左一層朱古力醬，反而遮住咗伯爵茶嘅香味，如

噚晚一家三代同堂去賀天，幫個細仔點咗燒鰻魚飯定食，佢一咬就話好多骨，我心諗：鰻魚唔係燒好之後再要用鉗掹走全部細骨咩？我用我份燒牛肉飯同佢交換，再夾一塊鰻魚撩下，勁！我百分百肯定佢miss咗掹走細骨呢個工序！八塊鰻魚，𦧲咗差不多一百條細骨，食到盒飯都凍晒……你想挑戰𦧲骨速度就試下啦。公道一句，除咗壽司出得慢，其他都唔錯，魚生夠鮮，牛肉夠彈牙，侍應好招呼……唯獨燒鰻魚就係咁先啦！好彩冇哽親老人家同細路仔咋

經將軍澳朋友介紹，係donki對面嘅海天晉匯有一間日本料理幾高質素，而且而家仲做緊買一送一優惠，星期一三五日壽司，星期二四六串燒，折完真係好抵🤩壽司三文魚腩肉質鮮嫩，油脂豐富；大拖羅口感滑順，入口即溶；九州油甘魚肉質鮮美，油香十足；青森縣鯖魚帶有淡淡的海水味，有少少薑蓉用點綴；三文魚籽粒粒飽滿，咬開爆珠；火焰三文魚經火炙後香氣四溢；黃金松葉蟹肉鮮甜可口；玉子甜而不膩，口感仲好似甜甜地嘅蛋糕，好特別牛油果炸蝦卷卷物外脆內嫩，炸蝦的鮮味與牛油果的綿滑好夾，食起黎既香脆又清新鹿兒島黑豚肉鍋物豚肉肉味香濃，肉質爽口，鍋物仲有好多蔬菜、金菇同大蔥，熱辣辣幾惹味燒油甘魚頭油甘魚頭size十足，燒得外皮焦香，肉質鮮嫩多汁，味道非常鮮美🐟搭配特製酸汁更能突顯出魚頭的鮮味日式炒雜菜材料新鮮，口感清脆，除了椰菜，加添了洋蔥、青椒同木魚絲，吃起來清爽可口，非常開胃Asahi 生啤 食完餐廳仲送左2張coupon下次可以用😗

將軍澳朋友帶路，今日去了位於海天晉匯的「賀天」日本餐廳，食材非常新鮮，無敵大海景，值得大讚是每位服務員的態度都很好，表現得非常專業，詳盡地講解每一道菜的食法和建議進食次序；不時幫忙加水，非常貼心。季節六點刺身$378- 包括前菜兩點（牛脷和帶子裙邊），味增湯和甜品。三文魚、牡丹蝦、帆立貝、油甘魚、拖羅刺身……全部都咁肥美鮮甜，每天新鮮運到，厚切上碟望落更加吸引，打卡和味道都係一流。服務員介紹，靚靚嘅紫蘇花，除了裝飾之外，味道清香，配搭白肉魚食，令刺身味道更佳。日本海膽刺身$328，味道鮮甜中帶甘，加埋紫菜簡直係完美配搭，一大杯嘅份量二人享用，大滿足😋銀座吉列大蝦拼吉列廣島蠔$258，配時令三點刺身、日式前菜、和風沙律、御飯、味增湯和甜品。粉漿好薄，廣島蠔大大隻，甘香可口，大蝦非常鮮甜。整體質素非常高，非將軍澳居民可能有點遠，但性價比高，專登搭車/揸車去食都值得👍

呢間日本菜最近星期一至日都有優惠壽司或串燒做緊買一送一 折完好抵食想飲番杯 sake同啤酒都一樣有得平如果去開將軍澳南都好值得去試下當中海鰻壽司我地食完再encore長過手板嘅海鰻又香又嫩 火炙右口魚邊魚油好豐富白蝦好鮮甜 肉質細嫩玉子壽司件玉子好似食緊蛋糕咁 好有特式白色海之戀迷你丼飯有帆立貝 牡丹蝦同海膽鋪滿飯面每款刺身都好鮮甜 牡丹蝦結實爽口北海道松葉蟹肉海膽原隻海膽仲有松葉蟹肉同三文魚籽都係88蚊呢個真係必食 主餐牌上冇 係是日推介嚟西京銀鱈魚魚油比較豐富又冇乜骨 甜甜地幾好味鹿兒島黑豚豬鍋物食左咁多壽司食番個熱辣辣嘅鍋物先黑豚肉豬味濃肉質有彈性 加埋蔬菜幾清甜埋單仲有coupon送 下次再去又有得平

開心要食餐好既慶祝下☺️ 見到賀天環境幾舒適 食物種類又多 而且仲有優惠 逢星期一三五日壽司買一送一 星期二四六串燒買一送一✌🏼另外又有優惠券送🍂稚 $198有3️⃣點季節刺身 🦀軟殼蟹卷四本 同埋 🐟招牌卷三本軟殼蟹香脆 配埋青瓜 牛油果 非常夾甜蝦新鮮爽口 三文魚肥美🥢帆立貝海膽盛合丼 $238有帆立貝 海膽 三文魚子 黃金蟹肉 甜蛋 好豐富 海膽質地實淨 味道鮮甜🥇三文魚子除左鹹鮮外 仲帶點甜味 幾特別🍜海鮮炒拉麵 $138有蜆 蟹柳 青口 蠔 醬汁惹味👏🏼🥚松葉蟹肉日式蒸蛋 $58蛋味濃郁又滑🥰🐣九州手羽 $58買一送一真系正 一次過食四隻👅牛舌 $58好Q彈 🍣活北寄貝壽司 $68鮮北寄貝比較少食到 當然要點黎試試🐠 金目鯛壽司 $45魚肉幾厚身 清甜💭食物好食 環境舒適 仲有房 privacy啲 景觀望著跨灣大橋 整體感受不錯😚

將軍澳海天晉滙其實都有不少美食，「賀天」就以日式料理，以高性價比及新鮮食材作為賣點，而且更作初夏祭，壽司買一送一、串燒買一送一等…性價比極高！季節六點刺身定食🔸三文魚腩肉質肥美，入口滑嫩。🔸油甘魚油脂豐富，鮮味甘甜。🔸牡丹蝦肉質緊實，口感彈牙。🔸帶子肉質鮮嫩甜美，略帶嚼勁。🔸池魚 魚肉細膩，肉質柔軟。🔸大拖羅油脂豐富，入口即化。再有一系前菜，可謂更錦上添花，性價比極高！另外他們一、三、五、日，正作壽司買一送一優惠，仲唔即時下單，叫番幾件慢慢歎，真係非常抵食！🔸赤身壽司油脂極少，但魚味極重。🔸清心縣鯖魚壽司肉質柔軟，略帶油脂，口感🔸火焰北海道右口魚表面微焦，油脂盡出，鮮嫩無比。🔸日本帶子壽司鮮嫩柔軟，味道甘甜。🔸海鰻壽司魚肉柔軟鮮甜，略帶焦香。🔸九州油甘魚壽司肉質滑嫩，油脂感十足。賀天招牌卷外層酥脆，內裡豐滿，口感層次豐富，風味獨特，讓人甚有驚喜。日本魚勝味醂魚乾口感鮮甜，味道濃郁，非常開胃。西京銀鱈魚魚肉柔嫩，油脂豐富，口感滑順。最後結帳，他們還附上2張現金優惠券，可以下次光顧時使用，到時真係抵上加抵！

餐廳採用簡約木系裝修，仲有塌塌米包廂，當日晚市都幾熱鬧，睇嚟幾受街坊歡迎。餐牌價錢亦都合理，除咗有期間限定優惠之外，星期一至日都會有壽司或者串燒買一送一優惠。晚市消費仲有現金卷送俾你下次用。北海道松葉蟹肉殼付海膽 $88超級抵食限定優惠！$88有成個鮮甜海膽再加松葉蟹肉。雜錦天婦羅 $138食落唔油膩，大蝦天婦羅夠彈牙。九州油甘魚壽司 $28火焰北海道右口魚 $38黃金松葉蟹肉壽司 $32富山白蝦壽司 $48當晚係有壽司買一送一優惠，所以嗌咗四款。最愛係火焰右口魚，油脂十分香。賀天四色燒牛肉盛合定食 $328鹿兒島A5和牛、極上美國牛小排、極上美國西冷牛肉同頂級牛舌芯。每款肉都有4片，最吸引當然係A5和牛，油脂雪花好靚，入口即溶。而牛舌芯都好出色，爽口彈呀。<稚>季節三點刺身，軟殼蟹卷四本，招牌卷三本 $198軟殼蟹加鰻魚卷，配帶子、甜蝦同三文魚刺身。

將軍澳行近海邊有幾座連住宅嘅商場，裏面嘅食肆都幾高質，今次專登過去嗰頭搵食～呢間日式料理款式好多，除咗壽司同串燒之外，仲有鍋物同定食，大班朋友嚟仲可以有榻榻米包間🎎，私隱度極高！餐廳性價比好高，每日都有優惠！🈹壽司每逢星期一三五日買一送一；串燒就星期二四六買一送一，質素一啲都冇馬虎！-——————————————🥩◖網燒牛扒定食◗ $298汁燒300g牛扒，定食配埋時令三點刺身（三文魚、油甘魚、甜蝦）、前菜、沙律、白飯、味噌湯，幾豐富！牛扒用汁燒嘅方法，食落好juicy牛味夠濃，味道會相對偏鹹，一定要配白飯食～🥘◖美國牛小排壽喜燒鍋◗ $188壽喜燒鍋鋪上五至六片牛肉，牛肉質素唔錯肉味夠濃郁，伴上蛋漿一同食用，口感更滑！有皇帝菜、娃娃菜同京蔥呢啲配菜，索晒壽喜燒湯汁，啖啖精華！另外加咗$15將白飯轉半份烏冬，烏冬有咬口，好食！🐟◖燒油甘魚鮫◗ $88呢度嘅油甘魚餃好平，出面起碼都$100up，魚皮燒得焦脆，油甘魚魚肉好綿略帶酸味，就咁點佢嘅酸汁已經夠味！🍣◖紫菜帶子卷◗ $54飯卷配料豐富，有黏糯嘅帶子、微甜嘅玉子同鬆脆青瓜，有少少沙律醬，一啖落去口感超豐富，整體夠鮮甜，超滿足！今日有

居然喺將軍澳南發現到一間咁高質🎎環境充滿日式風情🪭更有榻榻米包廂，一家大小，朋友聚會都啱白色海之戀：期間限定，杯裝上，擺得好靚，有齊海老、海膽、帶子刺身既高級食材，呢個配搭鮮味十足，夠晒開胃。日本帆立貝海膽盛盒：一個當飯用盒上顯得格外高貴，滿滿既刺身鋪滿係個盒度，密到連飯都睇唔到，夠晒誠意。盛盒以三文魚子、海膽、帶子為主，鮮味十足，壽司飯亦握得好好，每粒飯都好光滑。賀天雜錦刺身丼：以粒粒三文魚、帶子、海膽、三文魚子、海老等為主既當飯，好colourful，一次過滿足晒鐘意食日本刺身既我，每啖飯加上色彩繽紛既刺生，非常滿足。剛好今日全部壽司🍣買一送一，忍唔住點多幾款壽司食包括活赤貝、鯛魚、拖羅、三文魚、帶子等既壽司，每款都好新鮮，來貨好之餘，亦食得出壽司師傅用心握壽司既心意。賀天地址: 將軍澳唐俊街28號海天晉滙1樓104-105號舖#賀天 #將軍澳 #將軍澳推介 #廚師發辦 #日式料理 #日式丼飯 #日式燒物 #刺身盛 #一品料理 #鍋物 #甜品

老公生日，當然要食好D，有朋友介紹這間餐廳性價比高，一定要試試，餐廳寬敞舒適，日系裝修，簡約雅緻，除了有榻榻米獨立房間外，還有戶外座位，方便攜帶寵物的客人，可以遙望將藍大橋，面對無敵海景，坐得非常舒服。餐廳每日都有不同優惠，逢一三五日壽司買一送一，逢二四六就串燒買一送一，Asahi啤酒買二送一，凡惠顧更送現金券，十分超值。我們點了二個套餐 :❤️朴葉蒲燒活鰻定食--跟刺身三點+沙律+前菜+味噌湯用精緻木盒盛載，一打開木盒已經聞到陣陣朴葉清香，鰻魚大塊厚身，份量十足，外層保持香脆，而肉質嫩滑彈牙，飯粒用上珍珠米，飯味香濃，配上特製的醬汁，水準真是不錯。❤️季節六點刺身---跟沙律+前菜+味噌湯擺盤漂亮，有油甘魚、三文魚、甜蝦、帶子、吞拿魚、鯛魚，舊舊都厚切，十分新鮮，其中我至愛的是三文魚，很肥美，油潤而有光澤，吃時有陣陣的魚油香，甜蝦刺身則有黏黏的口感，味道非常鮮甜而甘香，帶子非常清甜，令人回味無窮，非常滿足。❤️餐後還有個雪糕糯米糍，完美。坐得舒適，食物質素高，員工服務也殷勤有禮，值得再次回訪，再試吓其他食物。

今日去咗將軍澳南岸嘅一間叫「賀天」嘅餐廳食晚餐，餐廳嘅裝修寬敞，室內既有望到師傅嘅吧枱位、舒適梳化位同包廂榻榻米位，仲有室外可以望住將軍澳海旁嘅戶外位。餐廳每日都有新鮮空運到香港嘅飛機貨，除咗餐牌上面嘅食品選項之外，記得問一問職員當日有咩新鮮嘅飛機貨，包你會搵到驚喜！餐廳仲做緊特別優惠，逢星期一、三、五、日壽司買一送一及日本清酒$98/300ml，逢星期二、四、六串燒買一送一及啤酒買二送一，真係好抵食 ！🍊岩手縣赤崎生蠔岩手縣生蠔尺寸幾大，肉質飽滿肥美，帶有creamy嘅口感，食落去有濃郁嘅海水味，師傅特製嘅豉油啫喱可以為生蠔提鮮，餐廳做緊買三送一嘅優惠，$195就食到4隻啦🍊北海道松葉蟹肉殼付海膽呢一個又係大癲，原隻北海道殼付海膽，海膽肉鮮甜嫩滑，海膽殼入面塞滿味道清甜嘅松葉蟹肉，上面鋪滿彈牙鮮甜嘅三文魚籽，成道菜簡直係味蕾嘅享受，重點係價錢只需$88，絕對係性價比高嘅選擇！不過每日限量供應，真係超級抵食！🍊大間藍鯨吞拿魚壽司我哋嗌咗大間藍鯨吞拿魚赤身、中拖羅同大拖羅壽司，壽司嘅擺盤係根據漸變顏色而擺放，非常賞心悅目，拖羅嘅肉質肥美，入口即溶，食完口腔仍然充滿濃郁嘅鮮味🍊火焰北海道右

因為朋友住附近就去試試， 一坐低店員主動告知有優惠。 雖然冇食推薦嘅特價便當， 但係都分別單點刺身、卷物、串燒、天婦羅。 所有嘢都新鮮高質，而且價錢唔太貴。 最驚喜係海膽，上面有魚子同松葉蟹腳肉，估唔到咁甜。朋友話有日本嘅質素。 串燒買一送一， 來到份量十足， 個柚子豚肉有咬口又幾入味。 期間值得一讚係我哋冇點飲品， 但係店員好細心，會留意我哋隻杯，不斷幫我哋加茶。 最後，埋單仲送咗張50蚊現金劵， 而且冇需要最低消費，我應該會好快再去幫襯。

習慣咗生日同自己媽媽出去食餐飯，聽啲街坊朋友介紹呢間餐廳近期做緊優惠，我星期五去壽司竟然買一送一。估唔到大拖羅同埋海膽都有，全部都食得出好新鮮，好鮮甜，我最鍾意食嘅牡丹蝦都忍唔住食多兩舊。而婆婆就最鍾意食鰻魚壽司，小朋友竟然可以食晒一碟牛油果炸蝦卷，證明真係好好食。熟食都一樣好味，醬燒銀鱈魚呀，燒得好香，我點咗兩串燒牛脷同埋燒雞翼，小朋友就好鍾意食。老人家每餐一定要有澱粉質落肚，除咗壽司我哋仲叫咗呢個牛肉烏冬，非常有驚喜除咗用咗稻庭烏冬之外，湯底亦都好濃郁，薄切肉眼片食得出牛味香濃，最後用一件千層蛋糕做總結，呢餐真係非常滿足。

今日同朋友去將軍澳海天晉滙～賀天日本料理～餐廳簡潔方，面向落地大玻璃睇到將軍澳跨灣大橋😍好美的晚景。今日壽司買一送一😝😍😍😍我們點了活赤貝壽司日本北海道海膽壽司活鰻魚壽司黃金松葉蟹肉壽司日本烏賊壽司三文魚籽壽司海膽壽司松葉蟹棒肉壽司 池魚壽司壽司材料好新鮮，鮮甜好味。北海道松葉蟹肉殼付海膽好靚用原殼海膽加炭松葉蟹肉和三文魚子，鮮甜卜卜脆絲滑三重的享受。日本帆立貝海膽盛好豐富有帆立貝鮮甜好好味，海膽絲滑鮮甜，三文魚子，黃金松葉蟹肉。美國牛小排壽熹鍋牛肉好香濃牛肉味。湯汁濃香。甜品是日，檸檬慕絲蛋糕食滿$300/$500以上就會送 $20/50的現金券，下次消費就可以用不限金額😍😍🥰