貴川風味館

營業中

休息中

行到攰攰地，諗住之前食過ok，就走入去食返碗米線先。。。因為行到個人好熱，原本想食涼拌米線無咁熱，但諗住叫杯凍飲應該都可以食到酸辣米線，碗米線到既時候，d米線少到喊，半碗都唔知有無🤬 食到一半叫侍應跟下2杯飲品，過多陣又問下可唔可以幫我地睇下d飲品，點知我地食完都未黎，真係嬲到爆，同侍應講碗米線都食完，杯野都未有 。。。真係收左我個碗，過一陣先有飲品到😰以前食都覺得幾好食，今日再食就好失望了。。。。

話說今日晚上10點幾，係旺角搵晚餐食。見呢間貴川風味館外表幾靚仔，就入去堂食，叫左個麻辣米線加左韭菜啦。個米線一黎到，得3,4條韭菜。就覺得怪，因為個底打明有韭菜，跟住就問職員點解得幾條，我明明另外加左.....得到既答案係：煮熟左，就係咁嫁啦呃我細路女味加過韭菜咩，食左咁多間面檔呢間係最唔老實，我問完之後無耐，聽到第枱客叫加唔知咩菜，不過菜另上，唔知係咪驚加左等於無加呢，當堂笑左出黎😂😂😂😂態度又差到無人有。無下次 。

叫左碗豬頸肉蘿蔔麻辣小鍋米線舊蘿蔔未熟 叫佢換個個餸 換左齋然後佢係我食緊個面嘅時候完全冇通知倒啲齋落我碗野到但係啲齋都係硬嘅 豬頸肉得個甜味叫左個蒜泥白肉卷 到食完個面都未到野食唔係特別平 食物質素唔係好

***食前必睇***/人生中第一篇OpenRice 食評咁就奉獻咗俾呢間米線餐廳。/話說今日懷住一個「挑戰新事物」嘅態度，決定要幫襯一間從來都冇試過嘅餐廳。想食米線但又唔想墨守成規米顧譚仔、雲貴香，就毅然入咗呢間貴川風味館。諗住四點幾正值下午茶時段會有咩著數好嘢食，我真係大錯特錯了！/甫進入餐廳發現只有兩位客人，我心諗「大鑊了，唔通有伏？！」，結果真係哈利路亞，感謝上帝冇令我失望，呢間餐廳「真係有伏」。拎起餐牌見唔到有咩下午茶套餐，連用特價配飲品呢啲優惠都冇。我同自己講「唔緊要，凡事都有第一次，或者佢真係好好食呢」。一碗雲南傳統小鍋酸辣米線$28元，再加多一個辣腩肉$10。/幾分鐘後米線就嚟咗啦，米線嘅份量神奇細，湯底只酸不辣，配菜還算足料；但係！重點就係喺個「辣腩肉」度（各位觀眾嚟料了！），完全唔辣嘅，但係真係酸，是他女馬的酸，又真係酸到他媽都唔認得，唔通又係啲咩祖傳秘方用檸檬汁醃製腩肉？！點解唔將個配料名改返做「酸腩肉」，畢竟香港都有商品說明條例。唔知呢間嘢午市、晚市多唔多人幫襯，或者唔多，佢啲嘢都擺咗一段時間唔新鮮了。/總括嚟講呢間米線舖真係唔掂，份量小價格高，辣腩肉作為好多米線

今次試咗呢間嘅米線真係不得不讚！今次去咗食，叫咗個酸辣湯底嘅米線，我個人幾鐘意食辣，仲要食好辣好辣，普通嗰啲辣都唔係滿足到我，都會覺得唔夠辣，但係呢到嘅酸辣我幾滿意！唔會話得個酸字，冇辣味，又唔會啲辣味蓋過哂啲酸味，真心滿意個湯底！😋😋而米線都好好，幾滿意，最重要係佢啲份量都好足，我叫咗個雞翼做餸，雞翼都整得唔錯👍👍而且價錢又可以接受，都幾平民價🥰食得好開心！係附近嘅學生，上班族放lunch嗰陣都可以去試下！

之前行過旺角都會食呢間貴川風味館！真係好好食！我自己係幾鐘意食辣野嘅，可以話係無辣不歡，所以我每次嚟會食呢到嘅麻辣湯底！個人覺得好夠辣，唔會話得嗰種麻嘅感覺冇辣味，辣度對我嚟講係啱啱😋平時都嫌出面嗰啲湯底唔夠辣，但呢到就唔會，而且個湯底都好入味，唔係嗰種好油膩嘅感覺，feel到個湯底都用心製作👍而米線又唔會話太淋，啱啱好，同埋份量又大碗，我有時都會食唔晒！好足料🥰好推薦鐘意食辣嘅朋友仔去試下！🥰

貴川風味館以我所認識嘅貴川風味館已經經營左好多年。十多年前仲讀緊書嘅時候喺附近返 周不時會叫佢呢間嘅外賣。或者有時間唔中經過旺角諗起米線都會首先諗到佢。以前一班同學仔柴娃娃叫外賣都係一個 幾開心嘅回憶。 記得以前舖頭細細今次再嚟到已經發覺全面翻新左，木枱加上梳化椅坐得比以往更舒服舖頭明亮好多，而且地方亦10分大相信顧客會坐得更加舒服今日叫咗既係招牌酸麻辣米線$28加咗豬頸肉$10芝士丸$10同埋菜心$7一共三個餸一如既往米線仍然有獨特嘅味道湯底亦都非常濃郁好味米線爽口彈牙配上各式各樣調味料 令人胃口大開叫咗杯熱嘅桂圓茶$12一共埋單$69其實佢跟餐仲有好多小食我記得都幾好味但係今次一個人嚟食真係食唔晒所以都係下次再叫啦：）

叫左一碗金湯麻辣小鍋米線轉咗做薯粉走芽菜送餐來的時候薯粉只得一轉問職員點解會咁少得一轉佢回答話因為你走芽菜所以薯粉會少左架啦加埋芽葉就會多架啦但是我已經不是第一次來這間風味館食薯粉今次實在太差

今日收工等埋男朋友放工出嚟一齊食飯，見呢個禮拜冇食過辣野，所以就去左貴川風味館食晚餐！平時我同男友都好鍾意食米線，我個人比較鍾意食小辣麻辣.餐牌上有哂圖去介紹，我點左必叫的豬腩肉、豆卜、豬腸😍男友就選了酸辣米線豬肚、魚皮餃、鮮冬菇！另外還點了蒜泥白肉卷😋腩肉有少少辣.豬腸夠淋、豆卜索埋啲湯加埋湯底啲肉碎一齊食好正👍男友話豬肚夠淋冇怪味. 魚皮餃就好普通😂冬菇炆到入哂味👍這邊的蒜泥白肉一卷卷，入面有包左點蒜蓉配埋店家的醬油.一卷一口，對於好鍾意食蒜既我們覺得好正😋

早幾日同成班同事走落去食個lunch，入咗「貴川」食酸辣米線，呢間野都犀利呀開咗咁多年，而家個價錢都唔係話貴好多都仲係既經濟又實惠👍🏻埋單都係$60幾超底爆，仲有杯飲品，我好鍾意叫個招牌酸辣米線🍜，加芽菜、肥牛、韭菜、豬大腸同蘿蔔，每次食親酸辣米線，我都較為喜愛配芽菜同韭菜同埋蘿蔔，因為我覺得咁樣零瀉野味，有啲似川菜水煮牛嘅感覺😋每次食親我心裏面真心覺得賺咗， 60幾蚊食到百幾二佰蚊蚊嘅食物😆真係好鬼正，而呢間食店嘅食物唔使講梗係好食啦唔係我都唔會成日返嚟囉！

今日出旺角同兩個朋友行街，都唔知食咩好，馬上上OpenRice睇吓有咩好嘢食先，我兩個女仔friend又話要食辣，咁搵吓啦⋯⋯點知睇睇吓，就見到呢一間貴川風味館，好！見好似幾抵食，又幾開胃，平平哋一於去試吓!我哋食家三人組，最鍾意就係嗌唔同嘅餸，嚟到嘅時候大家share，平均分配樣樣有啲，乜都可以試吓，湯底方面最主要試咗兩個，一個係金湯麻辣小鍋米線，另一個係經典雲南酸辣小窩米線，麻辣湯底口感唔會話太麻幾清香亦唔太油，已經典酸辣湯底口感夠酸夠辣好開胃，而兩個湯底都有回味嘅感覺，下次去開旺角都會再返嚟食過

以前喺呢度附近返工成日落嚟食呢一間貴川風味館，我最鍾意叫佢個經典雲南酸辣小窩米線加配菜，而每次都要跟返杯凍檸茶，咁啱行開呢一頭梗係要衝入嚟食反碗啦，平平哋，幾十蚊，又有杯嘢飲，又可以嘆吓冷氣，同埋每次都會叫中辣、多酸、超多青，今次當然都唔例外啦，要懷緬一番呀嘛❤️呢度嘅腩肉同豬軟骨真係冇得頂，同酸辣湯底真係好夾，而且再加多個蘿蔔同一個菜(咩菜都好)會吸晒原本個酸辣湯底嘅精華，令到啲蔬菜除咗鮮甜之外仲突顯左個酸辣口感零舍開胃！

今日陪朋友去中旅社攞回鄉咭，大家好耐冇見傾左好耐，諗住响附近食埋中午飯先返屋企。一個中意麻辣一個中意酸辣，所以去左唔係離地鐵站好遠既貴川，見到舖頭細細裝修普通，所以企响門口睇左餐牌先入去。朋友點麻辣米線，加配肥牛腐竹，肥牛剛熟唔起渣，腐竹冇煮到溶掉，佢話又麻又辣食到條脷痺痺地好爽。我點酸辣米線，米線加配山根豬軟骨，豬軟骨炆得好淋，山根吸收哂湯，酸酸辣辣感覺好開胃。小食點口水雞，辣味適中，雞肉嫩滑，芫茜非常多，好中意撈埋一齊食，份量足夠兩個人食。約好朋友下次再黎食過。

中學成日流連在不同的米線餐廳呢度充滿回憶因為學生黎食 係會送指定飲品野飲嘎當時送野飲既餐廳係我地首選學生因為冇乜錢會揀最平既黎食當時叫左普通酸辣米線，覺得好好味現在再返黎食，感覺不同了因為我可以食貴d可以自己揀其他送餐牌除左麵，仲有小食可以叫都是經典小吃有口水雞、麻辣豬耳、豬肚絲...仲有炸雞亦、椒鹽豆腐、手拍青瓜等等...呢款係我當時食的麵不過今日同朋友黎食 就好多人要等位，不過唔緊要 這裏回憶滿滿，我們還是會回來食

前兩日經開旺角就去咗試呢間貴川風味館，裏面嘅嘢食同service的確有驚喜，我同我朋友一齊去，我唔太食得辣，但我朋友就好鐘意食辣，佢叫嗰碗辣嘅湯底真係冇得彈！佢自己都讚不絕口，平時啲辣都唔係好滿足到佢，但呢次佢竟然讚🤣真係冇誇張到，我嗰碗唔辣嘅湯底都唔錯！啲米線都唔會話好淋，我自己好怕食淋嘅米線的，而舖面嘅基本衛生都做得好好，店員都好有禮貌，因為我第一次去食，有啲餐牌上嘅問題睇唔明去問店員佢都冇唔耐煩，十分讚！👍👍