貴川風味館

營業中

休息中

米線大家應該都食唔少 平時多數都係食X仔 雲XX🤪 今次就介紹另外一間 好受中學生歡迎 食貴州四川風味嘅米線☺️ 都有唔少湯底選擇~~🍜雲南酸辣小窩米線 $28都有唔同辣嘅程度可以選擇 小弟揀咗小辣 酸嘅味道比辣更重 食落去幾開胃😋 啱啲唔太食得辣嘅朋友👍🏻配料都幾多 有肉碎 韭菜 芽菜酸菜 芫荽 啲肉碎好香🤤餸就揀咗腩肉同炸魚片頭 每款都係加$10 呢間啲腩肉本身辣辣地 同埋佢比出面啲舖頭冇咁肥 但又唔會鞋 幾好食☺️—總結1）味道幾好 大碗抵食—評分📈味道 7.5/10環境 6/10性價比 8.5/10

還記得中學時期，米線在香港仍未大行其道，這間旺角貴川米線便是早期主打貴州和四川米線店舖～當年仍是一名中學生的小妹，每天最期待的是午飯和同學一起食呢間米線舖～相隔多年，各式各樣的米線舖在香港隨處可見，但數到最喜愛的還是貴川風味館！今次難得經過豉油街，終於可以重拾當年的味道～最推薦呢度酸辣湯底米線，比起其他店舖，酸嘅比例比辣高，適合一些喜歡開胃但又怕辣嘅朋友～另外呢度嘅雞翼亦十分出色，炸得香脆可口，非常惹味，難怪相隔多年人客仍是絡繹不絕🥰🥰

每次去開旺角行街都會去一去貴川風味館食個下午茶,地址又方便,旺角豉油街88號地下G8號舖,又唔貴, 招牌酸辣米線HK$28, 金湯麻辣小窩米線HK$28, 經典云南酸辣米線HK$28,惹味熱拌米線HK$28, 沙爹小窩米線HK$28, 清湯小窩米線HK$28,呢間餐廳我已經食左幾年了,都鍾意佢地, 愈出愈多口味, 我最中意就係招牌酸辣米線,而飲品可以配珍珠奶茶系列,同雪泡系列,我就最鍾意佢既水蜜桃雪泡,每次去都一定叫, 另加2個餸, 豬大腸同炆冬菇, 2個餸都比得幾多, 豬大腸好重鹵水汁味, 炆冬菇都做得好入味同惹味, 而且介炆到好林

早幾日出旺角拎野比客， 拎完又咁岩肚餓緊係周圍行下睇下有咩食啦！路過見到有個阿姐係門口話，入來座有位喎，酸辣米線岩唔岩食呀！我見佢好有誠意，而我又好耐冇食米線了 所以就入去座底。我選擇左經典雲南酸辣小鍋米線 + 豬大腸+腩肉 + 水蜜桃雪泡 咁樣一個lunch 咁豐富都係60蚊係旺角差唔多了， 最正係杯台灣雪泡特飲估唔到咁好味。我叫了中小辣，送到來先飲一口湯，味道順喉小小酸唔太辣，岩我口味，腩肉唔會太肥， 豬大腸鹵水鹵得夠入味。整體都滿意下次出開旺角可以再食。

有時無啦啦想食啲酸辣野 第一個諗起嘅都係酸辣米線今日去試旺角呢間都幾岩自己口味配料就一般大路野另外加多左個黃金皮蛋呢個反而有surprise 平時都冇見過下午茶加幾十蚊就一份 份量都夠兩個人share😛

今日來到旺角拎野就緊係唔可以錯過食我最鍾意的酸辣米線啦！下午茶時間店舖唔多人，我終於可以放膽除底口罩自己座一邊慢慢嘆我最愛的米線了。今日我叫了 腐竹大腸酸辣米線小辣 加百香果雪泡。米線底唔洗講啦！必點酸辣，因為夠哂開胃， 配菜，因今日唔想食豬肉，所以叫左 腐竹，因為 腐竹好掛湯汁的，而大腸冇計我最愛必點的。成碗酸辣米線都好美味， 而百香果甜中帶d果香唔錯唔錯，再次有時間我都會再來嘆酸辣米線的。貴川風味館 (旺角)旺角豉油街88號地下G8號舖

在通菜街有好幾間食米線的貴川這家$28就有一碗，不貴的就去試試.叫了一碗雲南酸辣小鍋米線，加$2轉薯粉想健康一點所以配料只叫了雲耳另外還點了涼拌青瓜，夠健康吧.薯粉選用比較粗身的，更加有口感，酸酸辣辣其實十分開胃，而且熱辣辣很適合涼涼地的時候食。如果不夾陪了他另外還有肉碎芫荽等的配菜，分量多食得很飽。.本身比較少人出街食，但這裏的客人總是絡繹不絕，食個米線要的時間也不是太久，turnover rate 好高。

抗疾戰困在家已久，偶爾回味酸辣米線簡簡單單但就是有種莫名其妙的振奮。.在鼓油街見到這間小店，入都竟然有咁多人，相信一定唔錯。.叫了碗招牌酸麻米線（$28）加雞翼及肥牛。酸麻得正宗又好過癮！米線份量好多呀，食到飽飽豬。雞翼有2隻，而肥牛也有好幾片！是很有風味的米線店，會回頭的餐廳。另外加$7就有飲品。.飲水自己自便自己去斟。這裡要紙巾是要收$3，不過今時今日這個局勢，紙巾一個難求，而且他們是供應Temple紙巾，有良心！

.🔺貴川風味館今次心血來潮上嚟試一試個酸辣米線🍜呢間分店裝修完之後寬闊左好多食客與食客行之間嘅空間感多左😯就算入夜之後都係非常之多人呢間除咗有米線食之外仲有客飯套餐 啱晒唔同人嘅口味😀.今次就試左酸辣小窩米線配料好豐富👍🏻👍🏻有香肉碎、韭菜、芽菜、蔥花、酸菜、芫茜.另外小編額外叫咗三樣加料：豬潤、蟹柳、龍蝦丸，叫咗小小辣😁.食咗一碗米線就已經好夠飽😹最後發現原來仲有好多小食可以選擇🙌🏻

📍貴川風味館 (旺角)已經唔知第幾次食呢間米線，次次都勁多人，平日晚上九點都坐滿！個餐牌多左飯既選擇，好驚喜！有豬軟骨菜飯、金菇肥牛卷飯、香炸雞翼菜飯等等，我就試左個薑油切雞菜飯，包埋嘢飲都只係$56 ，超大碗飯同埋好大碟雞🥰個蔥油飯係偏清淡，啱一啲唔係咁重口味嘅人先！至於佢個米線依然都係咁足料咁好食，佢唔會太酸。店員服務態度都好好🤗🤗｜地址：旺角豉油街88號地下G8號舖（新寶戲院附近）價錢：$56

呢間米線我由中學食到而家 裝修完空間大左 食物質素都好左！豬頸肉金湯米線金湯湯底令米線麻左 辣左！ 豬頸肉好有肉汁 唔算太肥 好有𡁻口 面頭嘅莞茜令米線更香豬軟骨金湯米線豬軟骨好入味 份量都算多！唔會太鹹 味道岩岩好 軟骨都好淋好容易咬 湯底仲有肉碎tim㗎川味黃金皮蛋(香辣)呢到嘅皮蛋係唔同出面嘅 佢係黃黃地透明嘅 食落有啲似啫喱嘅口感 下面鋪咗一層辣椒醬唔算太辣 適合曬唔太食得辣嘅人食湯底仲有得揀反要咩辣㗎 我平時食開小辣嘅但我食呢度嘅小辣反而食唔出有咩辣 所以建議大家係呢度可以比平時叫多一個辣

今日真係一嘗川味風味，經過旺角一間人多多既餐廳，價錢又相宜，就走入去試下啦😛最鍾情既都係小鍋米線，小小酸辣，餸就叫左娃娃菜同埋秘制豬軟骨($49)，因為佢本身米線都有芽菜、肉碎，所以都唔洗叫太多餸🤔 哇黎到真係好大碗😝 豬軟骨超好食!! 好淋，同埋D肉係事前醃左，所以都好入味，值得一試👍🏻 另外D米線份量都好多，湯底好味唔太辣，岩哂我呢D唔太食得辣但又想試下酸辣味道既人🤩 本身以為佢只係得米線揀，原來仲有飯!! 另外仲叫左個厚切豬扒飯($41)，個飯係菜飯黎，而個豬扒係勁大份!!🤩 所以都差D食唔哂～～呢個飯真係好抵食😆蒜泥白肉($45)呢個真係重點黎，完全冇諗過係咁大碟😂😂total都有成6舊，而每一舊份量都好大，有D青瓜捲住，都幾fresh，加埋個蒜蓉，真係perfect🔥 重口味既人必試!!中意食川菜既人都唔好錯過喇😝

旺角呢頭有好多間雲南米線舖，每間嘅酸辣程度有所不同，唔試過唔知邊間啱自己口味。近排涼涼地想食番碗熱辣辣米線，中午經過旺角呢頭，一於試試佢。餐牌圖文並茂，一目了然，每碗設有最低消費。最後叫左酸辣小鍋米線(走辣)，配雲南炸醬同秘製豬軟骨。唔食得辣嘅我叫咗走辣，等咗5-10分鐘到米線上到。叫咗走辣，個餸(炸醬)有少少辣味，成碗嘅酸度同辣度啱啱好！唔錯唔錯！而豬軟骨份量都多，軟骨同肉質都幾軟身，整得唔錯。總括嚟講，呢間嘅酸辣米線幾啱我口味，下次再嚟試埋ｄ小食先！

餐廳：貴川風味館 (旺角)地址：旺角豉油街88號地下G8號舖下午係旺角行街行到有啲肚餓，去左一間米線餐廳食野，豉油街呢到有唔少餐廳林立🤓，未夠夜晚6點就開始有唔少人去食野米線有40幾款餸可以揀，除左湯米線之外仲有涼拌米線，想食飯嘅亦有健康菜飯比你揀😎，著校服嘅學生仲有優惠添叫左個厚切豬扒招牌酸麻辣米線($42)，8個辣度入面我就揀左小小辣🌶，湯底濃郁，雖然有少少油但係辣味同香料令湯底豐富好味😋，厚切豬扒醃製過夠哂惹味，剪左幾下仲好方便放入口咬，夠哂貼心臨走前成場都坐滿哂，聽講好似係新開裝修好，都吸引唔少人黎食野

今日去美容院做完treatment ，想簡簡單單搵間餐廳醫肚，經過豉油街，見到有間食米線嘅餐廳，人頭湧。睇下門前嘅餐牌，唔係太貴就入去坐。午市時間好多人，好爆要搭枱。 其實本身想食飯，但係店員話lunch冇飯食，所以就叫咗個平時好少食嘅熱拌米線。我加咗四個餸，有韭菜、芽菜、菜心同魚皮餃。 碗米線上枱，望落去成碗都係綠色 好green。麵底有啲炸醬肉碎，配酸菜同花生，本身炸醬有少少油膩，但係撈埋蔬菜食就 balance好多。食咁多菜，我覺得成個人健康曬😁😁