貴川風味館

營業中

休息中

今日出左旺角行街,天陰陰咁唔算太熱,GOOGLE左一間好多人介紹既米線鋪好似幾好食一於去試試,叫左個招牌雞翼加雞肉湯米線最多人讚係佢個招牌雞翼,炸得超好食,再加埋辣粉同香料,十級惹味又夠辣個湯底又夠濃,又抵食大碗,一個小食雞翼加米線都係70蚊左右落樓個雞翼真係好脆好辣,但好好食,似川式香料,香又辣又重味道,食到出汗食完行街見到附近既鋪頭都開始賣緊中秋節既用品,例如大紅燈籠同蠟燭順便買2個返屋企做裝飾就完成左一日既旺角之旅貴川風味館評分7/10平均消費$70地點旺角豉油街88號

放左工又唔想自己煮米線食 就近近地去左旺角 睇下有咩好食就去左貴川風味館到食叫左2個米線🍜1 -豬頸肉蟹籽丸生菜🥬清湯米線豬頸肉係分開上 都幾香可口既 但好似食落去有d油膩既感覺蟹籽丸2粒 幾好食既 咬開要小心 佢會爆岀黎既生菜能夠保持爽口既感覺清湯佢比左好多芫茜同芽菜 味道都正常既 唔太濃唔太淡2 -魚皮餃蘿蔔豬大腸沙嗲米線魚皮餃3粒 蘿蔔 好似3-4個豬大腸 好似都有3-4個3 -蒜泥白肉包住一個圓形⭕️去食既 內有薄既青瓜片味道唔太辣 如果怕食辣既朋友 呢個就值得試下啦4 -蜂蜜柚子梳打蜂蜜柚子 同 梳打係分開上既當你將梳打倒進蜂蜜柚子既杯到 之後將佢融合一起我就覺得蜂蜜柚子味道會較濃整體而言 中意食米線既朋友 可以試下呢間既

天氣咁熱，中午食個酸辣米線開胃下，今日去左貴川風味館，中午餐廳幾乎坐滿人，剛好有位就試下食呢間餐廳有幾款不同既米線，包括招牌酸麻辣、麻辣、雲南酸辣、熱拌，夏天仲有限定既涼拌米線選左個招牌酸麻辣米線$28，入面有香肉碎、韮菜、芽菜、蔥花、酸菜、芫茜，我選左小辣，但係小辣其實冇咩辣味，而且冇麻味，但湯底比較酸，但米線份量好多，食完超飽！我加左一塊豬扒$15，豬扒比較韌同乾，有d失望，而且係凍既，$15唔係好值囉，唔建議大家選擇

今日想食酸辣米線嗰啲，由太子行到去旺角都仲未諗到食邊間，後來就諗起貴川嘅炸魚片。叫咗酸辣麻辣紅薯粉加炸魚片，點知原來已經同以前唔同曬。變咗炸魚片頭仲要好多油，唔熱嘅。飲埋野埋單 $48

旺角嚟講，米線鋪嚟嚟去去都係嗰幾間大牌子，所以今日試下啲細牌子。入到去地方尚算寬敞，坐一邊嗰啲2人枱，啲櫈係木櫈，會坐痛欏柚嗰啲。叫左嗰酸辣中辣，腩肉韮菜，多葱，凍0茶小冰。米線上枱，熱辣辣，湯面唔油令啖湯，夠酸夠辣，但硬係覺得唔係好自然，啫係嗰湯都係味噌湯多過料，不過好多間都係咁。試下個腩肉，不過不失，類似雲桂X嗰啲，無乜驚喜，再食佢嘅韮菜，都算爽，無煮淋，啱哂我。總括而言，食得太多大牌子，轉一轉可以的，不過唔會經常食，因為似終於無大牌子咁好食。😅

對上一次食係2年前叫咗招牌酸麻辣米線 小小辣。🥵🥵平時食開譚仔三哥五小辣呢間嘅辣好參差。超級辣 食到胃痛🥲食完返到屋企個嘴仲好麻唔建議唔食得辣嘅人嗌個湯底好麻 唔算油 完全食唔到酸味米線份量同芽菜一樣餸方面加咗腩肉👉🏻肥肉居多整體而言 好味但辣度可調整飲品加咗凍檸茶（$7）正常發揮小食方面叫咗 麻辣海帶結 ($23)味道不過不失價錢來講呢間米線比雲桂香貴，份量比雲桂香少但如果細食又鍾意食米線嘅女仔 可以試下貴川

記得以前讀書時期黎旺角行街一定要整返碗貴川米線🤤真係好耐冇黎喇今次黎已經係換佐新裝修呢到keep住好好生意坐得有啲逼，啲姐姐成日反應唔切落單都比較慢🤣 佢地既沙嗲湯，金湯麻辣，酸辣湯我都勁中意食！長期選擇困難症今日咁岩想食無湯嗌佐惹味熱拌米線+炸醬$10+豬頸肉$15一樣都係咁好食🥰熱拌仲有小小串燒個啲孜然粉味，好正🤣呢到啲花生🥜配料向來勁香脆！👍🏻👍🏻👍🏻不過個麵份量我覺得少佐😂 好快就比我食晒🤰🏻另外嗌佐個小食炭燒雞串，熱辣辣好嫩口又有沙嗲汁又幾好食喎👍🏻 中意食米線既朋友，可試下呢間旺角我最喜愛既米線鋪！

今天出去行街,血拼完，想找地方食野，經過這店舖，見到個海報的酸菜魚，幾吸引，入內試試，點了酸菜魚米線及豬軟骨飯，真係好失望，酸菜魚一點不像酸菜味，應改為麻辣鹹魚另外叫咗一個豬軟骨，一啲都唔似豬軟骨，似五香肉丁腩肉多啲，下次，一定唔會再去。

環境光猛，空間唔算闊落，枱同枱相隔都算近，用具枱面乾淨程度可接受。本身睇到佢係食四川嘅麻辣，酸辣等等嘅風味米線，原來仲有另一個餐牌，係食菜飯，豬扒，豬頸肉，切雞/口水雞，金菇肥牛卷等嘅菜飯set酸辣小鍋米線 $ 28 ＋ 豬膶 $10本身米線唔貴，但加料就貴，每款$10，仲要唔係多，不過佢配料嘅芽菜份量十足中大辣其實未去到好辣，對我黎講仲係小辣，味道好，湯底居然算濃稠，飲左都唔會口渴厚切豬扒菜飯 $ 48厚切就唔算啦，不過份量就似塊半豬扒咁多，加埋旁邊嘅椰菜都有咁上下多，配埋餐飲夜晚收$48係抵食嘅豬扒入味，唔柴唔乾，唔會過淋過鬆，做得好另外菜飯調味一流，唔係就咁放啲菜碎入飯就算，都係有調味疫情期間老實講都唔多想入，始終係幾迫，正常情況嘅話呢間發揮都出色，可以返頭再試

冇咗晚市堂食唯有嗌外賣，貴川我幫襯咗好多好多次，堂食真係好好食！今次嗌外賣叫咗經典雲南酸辣小窩米線，再加咗唐生菜同蟹子丸。可惜拎到番去滿心歡喜打開黎食，成碗竟然得2粒蟹子丸，同唐生菜都得好少。。。我記得堂食有3粒，外賣拎到番去都冇可能拎番落去同佢講，唯有將就咁食。唔知間鋪頭係因為唔小心所以外賣份量少咗，定係明知外賣加上有小小折扣，就係份量到縮水味道係好食既，我嗌咗小辣，有啲酸同埋有炸醬都幾惹味，係個餸既份量真係令我有啲失望。

貴川風味館身為米線控梗係連放假都唔放過食米線嘅機會啦呢間其實都食過好多次如果去親旺角想平平哋食碗米線呢一間一定係我嘅首選酸辣小窩米線豬大腸腐竹紅腸中辣個大腸都算洗得乾淨另一個酸辣小窩米線配豬肚豬頸肉小辣走芫茜走蔥花酸辣個酸度啱啱好簡簡單單一餐

本來打算運動完之後，到附近茶餐廳下午茶，怎料 已經轉咗晚餐時段想了又想，行來行去，唔知食咩！苦惱路過豉油街，見到呢間，即管試試搵個雅座，坐低，睇睇餐牌，主打米線、菜飯 客飯類（包冷熱飲品）秘制豬軟骨菜飯 $50菜飯 健康又好食，豬軟骨大大塊，仍有爽甜椰菜，份量多多豬軟骨炆得夠腍、黏黏 軟綿綿 夠入味，秘制汁 撈飯食一流滋味 😋惹味 👍凍檸蜜 竟然不要額外加錢，太好啦甜甜蜜蜜🥰 喝得開心菜飯預先煮好，翻熱，所以有啲菜略為變黃了，個人覺得都Ok啦總結： 味道不錯，價錢合理，仍會再來

黎親呢度好多人都食米線，配料足選擇多。就因為甘好多時都會忽略左其他美食。呢度既菜飯好好食，多菜又唔會油淋淋，高纖健康推介。配豬軟骨正，豬軟骨鹵得好入味同夠腍，連骨都可以食埋。金菇肥牛卷也是一流的，肥牛卷煎到外層微焦，肥牛多汁唔乾好有肉味。中意食雞一定唔好錯過口水雞，雞肉嫩口唔會鞋，口水汁又麻又辣又香，仲有勁多芫茜花生。值得一提仲有小食豬耳絲豬肚絲，無論清拌香辣定麻辣都很好食，豬耳豬肚爽爽卜卜脆。還有每次都會叫碟拍青瓜，食完人都醒神些。

大熱天時帶住個罩經過旺角！見到有間色彩門面一睇？係我最鍾意食嘅米線一於買外賣返屋企食！叫左招牌酸麻辣紅薯粉中辣有豬肚豬大腸雞C同一杯珍珠奶茶！總共：折左九折71元正！我覺得黎個價錢好合理！行行地出面買一杯珍珠系列飲品都要廿零蚊至三十幾！不如叫埋跟餐飲加$12蚊！一個字抵！我一返到屋企放低個外賣立即去沖個涼之後一打個薯粉🍜好香喎一試個湯底！哇.幾好飲喎🥣心諗冇中伏再試吓D薯粉🍜好入味又幾ok !唔錯唔錯喎！再食下餸豬肚出乎意料好食出面D豬肚好多都硬👟但尼間豬肚豬大腸好入味！🐔C方面用刀切唔錯有口感唔係用手撕雞——因我本人覺得好鞋👟好粉！所以幾好！整體我會比80-90分

成日食譚仔食到厭哂之餘佢又其實唔抵食，就去左試呢間似似地雲貴香既貴川風味館。成個meun都似似地雲貴香，主要係酸辣或者麻辣既小鍋米線，有熱拌又有涼拌，款款28$起跳。不過佢米線就最低消費$33，所以佢都有3個價位既餸比你追加，分別係$7-12！另外叫米線重有得加小食，分別就$13-18！我就叫左腩肉雲南酸辣米線小辣。佢個底真係好多料，有肉碎，韮菜、芽菜、蔥花、酸菜、芫荽，真係同譚仔冇得比！老實講，我鐘意個底多過個餸！朋友就叫左午餐，口水雞菜飯跟杯凍檸茶。可惜分量上相片與實物不符，唔可以話佢好小既，但張相⋯雖然唔大份，但的確係幾好食既。麻辣唔會太過火，夾雜住啲酸，好食！另外重加左個香辣皮蛋，不過就冇咩特別，個人覺得口水雞個汁好食啲。