貴川風味館

營業中

休息中

旺角眾多雲南米線，唯獨依間我係覺得水準平均，每次行完旺角諗唔到食咩，就食依間。米線好似車仔麵咁樣揀你鍾意食嘅餸，我多數會選擇豬紅同埋鮮腐竹，朋友就食炸醬豬大腸，依幾個餸，水準平均，店內有一味蒜泥白肉，好好味，薄薄豬腩肉入面配青瓜，表面大量蒜泥，一啖一件，非常惹味

好耐無過來吃, 今晚想食一下, 叫左酸辣米線少辣, 要左菜心冬菇🍄‍🟫羅漢齋, 等左一陣, 碗粉送上, 賣相都靚仔, 菜心冬菇羅漢齋份量都唔少, 飲啖湯先, 熱辣辣少少酸酸地, 又唔錯👍米線煮得剛剛好😋唔會好淋, 冬菇🍄‍🟫食落好香冬菇味🍄‍🟫, 亦幾滑😍菜心食落清甜, 浸左湯好食😘, 羅漢齋又真係好耐無食, 浸左湯又唔錯😆, 食下粉飲下湯🤣🤣唔錯唔錯, 不過都係有d口渴😅😅

呢間嘢位於油麻地新寶戲院附近，今日試咗個金湯小鍋米線，淨係嗌咗少少辣，但係個湯底就好麻。食完之後連個嘴唇都喺度震緊。鍾意食麻辣嘅話應該會幾鍾意呢個湯底。呢度一定要試佢個豬頸肉，炸到啱啱好又唔會太乾身。

肥牛老得連續兩塊咬不爛（食材比以前差👎）同店員講了可以換其他餸，選換豬頸肉，另一店員話｛豬頸肉都好硬哦，冇得再換｝，那語氣串到！今時今日香港的服務態度⋯⋯👍👍👍

杯餐飲太甜，正常甜度都唔會咁甜。點知店員唔幫我轉，話已經整好所以冇得轉。最大問題係唔比退返杯嘢、又唔可以轉，只可以加多杯嘢飲。唔知咩質素 不論係店員定係杯飲品 😅。

收工過來原本想食其他舖, 但眼見好多人, 不如食依度, 仍有位😅依間都係我成日來幫襯的其中一個粉麵店, 今日叫左菜心羅漢齋木耳豬軟骨酸麻辣紅薯粉, 羅漢齋有時會賣晒, 不過又唔想食丸類, 木耳也是比左雲耳仔, 都係我經常去每間米線店多數叫的配料, 豬軟骨未試過就試一次, 一舊d軟骨都食到, 另一舊d骨仍好硬, 大家食的話要小心, 酸麻辣正常味道, 唔會太酸, 麻就唔係太覺, 但整體幾好味😘🥰😋

無論係米線定菜飯都係咁難食首先講左米線先，未食過米線個湯面頭係一層油唔好話叫外賣凍左所以啲油浮係面，我食過好多好食既米線個湯都唔會浮一層油即使係辣湯。另外小窩/ 金湯米線都係帶有肉碎，但係啲肉碎少得嚟仲要全部都係肥豬肉，咁我寧願你唔好比啦，或者不如做好啲先加落去？然後到個菜飯，最基本個飯都係未煮熟成碗都係生米嚟，仲要啲菜係求其擺落去扮菜飯，不如你專注做好米線先啦

去完染頭髮之後超級超級肚餓望到酸菜魚被吸引入去叫咗個貴川金湯酸菜魚套餐小辣配薯粉首先面頭俾個幾片酸蘿蔔好開胃再嚟係佢嘅配料都好足啲魚份量係夠嘅，再有好多芽菜金菇係娃娃菜建議切散一片片😛湯底對我嚟講好好味，因為我平時太辣食唔到，鍾意小辣多麻，呢碗小辣我食得好過癮，食完搭埋車返屋企都仲覺得有啲麻晚市呢個價錢有埋嘢飲，幾抵食👍🏼👍🏼👍🏼

🍜招牌酸辣湯薯粉+豬頸肉 ($45）紅薯粉+$2，薯粉煙煙韌韌好好食！湯底嘅辣度揀咗中辣，但係完全唔辣（好多人都話小編嘅難度唔可靠👀 p.s. 可以唔飲水食完辣雞麵)，而且湯底有好多辣油，食果陣要好小心，唔係就好容易濁親☠️另外，嚟個湯底米線本身就配咗好多芽菜，連埋薯粉食果陣都幾爽口！豬頸肉好食😋煎得幾好，而且係裝係一個兜另上，唔會浸冧啲肉👍🍜沙嗲小鍋米線(加大+$2）+鮑片 ($40)個沙嗲湯底幾特別，💁🏻‍♂️係沙嗲湯底愛好者，佢話佢每次食都係嚟個叫嚟個湯底！嚟個沙嗲湯底有一陣陣花生味但唔算好重，同一般茶餐廳嘅沙嗲湯底唔同，冇咁咸。🙆‍♀️平時唔太鐘意沙嗲味，都覺得可以一試！米線分面，💁‍♀️就略嫌冧咗少少，個人比較推介轉薯粉；鮑片就冇咩特別。🍹凍奶茶&凍檸茶 (跟餐每杯+8）抱住一個冇咩期待嘅心情去飲，第一啖有驚喜！有茶底味！但唔好expect係去到好好飲，但比一般米線鋪好！🥢黃金花枝丸6粒 ($33）嚟個小食就麻麻…本身粒丸都幾大粒，小小煙韌，但係個炸皮同粒丸係分開… 入邊亦都冇咩花枝粒… 唔推介🙅‍♀️🍴蒜泥白肉8件 ($45)嚟個真係好驚喜！之前食過天星嘅蒜泥白肉，勁唔抵又唔好食…

招牌酸麻辣米線 （配腩肉+蘿蔔） $46之前已經知道這家米線好像評價不錯，早前有天下午終於有機會來吃個 early dinner，第一次吃就先叫餐牌上的招牌酸麻辣湯底，因為不知道這家店的辣度所以先叫小辣試一試 （還有小小辣可選）！米線賣相是不錯的，配料有常見的肉碎，韭菜，芽菜，酸菜，芫茜，蔥花，腩肉不會太韌和太肥，蘿蔔亦挺清甜的，米線份量亦相當大碗，口感也不俗，軟硬粗幼適中。不過對酸麻辣湯底就有點失望，味道雖然不算差，但麻辣味著實吃不出，不知道是否叫了小辣的緣故還是廚房不小心煮錯了酸辣湯底給我，吃到最後一啖再仔細試多幾啖湯仍然吃不出麻味，而且湯底亦略嫌不夠濃郁。湯底雖然頗多紅油貌似挺辣，但實際辣度比估計為低，如果下次經過或者會再給機會叫中小辣試試吧！

有人說：「辣，是一種痛覺而非味覺。」辣，並不單一。令嗜辣的人五味雜陳。西南地區劃分成五個等級：雲、貴、川、湘、渝。 貴州的香辣以刺激食慾的氣味為主，「酸」亦是貴州的拿手好戲。加上芫荽、荳芽、酸菜等配料，誘發出對味覺、口感的層次遞升。四川的麻辣更多是一種刺激五官、行走於血液。花椒帶來的麻痺感，附加上一種顫動。 (1) 招牌酸麻辣紅薯粉 少有商店仍然提供粗身又煙韌的紅薯粉。 (2) 蒜泥白肉卷 豬腩肉精挑細選，與厚度劃一的青瓜片卷成。準確來說是蒜蓉而不是蒜泥，但不會太生而影響整體口感。

-🌟沙嗲小鍋米線 $59（7/10）（豬扒蘿白豬紅加沙嗲）依個配搭真係好正 沙嗲湯地唔辣 係正宗沙嗲湯 如果鐘意食濃郁啲 可以再加沙嗲汁 即刻變咗沙嗲濃湯😚-🌟沙嗲小鍋米線 $49 （7/10）（豬大腸加雞絲）豬大腸又夠肥膏又夠淋 浸埋的沙嗲湯仲好食 佢啲雞絲唔似雞絲 會話似雞肉多啲🤣 超級大嚿 不過都好淋-🌟 蒜泥白肉 $45（8.5/10）本身見到蒜泥白肉要45蚊都有啲貴 擺到上枱都覺得普通 冇咩特別 點知食落超有驚喜 原來每嚿都用兩三塊白肉包住啲青瓜絲 口感超正 啲青瓜絲中和咗蒜泥白肉啲油膩感 唔會覺得好肥膩-總分：7.5/10

身邊一位朋友經常極力推介 但係次次都食唔到-招牌麻酸辣雞絲米線 $39 [👅8/10]一嚟到就大大碗 上面有好多我最鍾意嘅芫荽🥰🤣米線彈牙 湯底幾夠味 酸辣啱啱好 加埋啲肉碎都幾好食叫咗雞絲 但唔係好絲😂係成塊雞肉🤣但係有個frd話次次食雞絲都太絲 唔見晒😂咁我都係prefer雞肉😂-蒜泥白肉 $45/8件 [👅9.5/10]第一啖食呢個我同朋友個反應都係瞪大隻眼👀首先係俾個口感震驚到 因為完全唔知入面有青瓜🥒個肉一啲都唔韌 無乜肥肉👍🏻豬皮好彈牙 口感唔係好核突嗰啲 加埋個蒜蓉醬同汁好鬼正如果佢賣平幾蚊就perfect!🤣🤏🏻-朋友超鍾意佢地嘅沙嗲湯 話一定要+$2追加沙嗲汁 不過聽佢地講元朗分店嘅好味啲 湯底都濃郁啲 大家下次入開元朗可以試下!🤤整體嚟講真係唔錯 一定會再食 但係openrice好多差評😳可能質素真係有參差🤧有待參詳🤌🏻

📍貴川風味館/米線系列/🍜招牌酸麻辣米線 $28一嚟到大大碗，望落已經夠晒吸引😌而餸係另外加配😗身為食肉獸嘅我的分別加咗麻辣腩肉（加$10）同雞翼2隻（加$12）😝首先講麻辣腩肉，唔會好辣🌶️肉就係煮得有啲韌🫣所以食落有啲鞋口，肉質一般🤪但雞翼反而有驚喜，炸得幾乾身，所以食落好脆卜卜🤩大細都好適中👍🏻另外，佢嘅酸麻辣湯底味道偏淡😳但勝在配料夠足，有大量既芽菜、酸菜、蔥、芫荽、辣肉碎等等，所以成碗嘢都幾多嘢食，超級足料😁🥄椒鹽豆腐 $29椒鹽味略嫌有啲淡，但熱辣辣新鮮炸起👍🏻粉唔會話好厚，份量亦都幾多，一碟都有8嚿左右，豆腐都算嫩口😋🙆‍♀️個人認為：整體感覺不過不失，味道方面唔會話好出色，可以去其他米線舖食🫣⭐️好味指數：6/10📍貴川風味館 (旺角)旺角豉油街88號地下G8號舖

Yunnan Sour spicy noodlesWhat’s better than having a bowl of noodles in such cold weather! This local noodles shop in Mongkok has get some attention in the local fans group long while ago. They offer extensive toppings for selection. Ordered their signature sour and spicy soup base which has more sweet and sour than spicy, somehow it is a bit oily too. My noodles consists of two toppings - pork belly and fried pork neck, served with a generous portion. They are tender and marinated with deep fla