貴川風味館 (已結業)

貴川星期日，作為happy weekend。緊係要訓到自然醒，再去搵食。今次森仔要去食反一間滿有回憶的小店。e間貴川位於旺角的米線店，係一位之前曾好fd的友人介紹。講反個環境先，佢地方唔算大，但都叫坐得舒服。數年來，裝潢也沒有變，但夠光猛整潔部份坐位更有梳化的感覺！食物方面，1年多沒食，質素還如以前般好食。我叫酸辣小鍋米線配豬頸肉，女友叫左沙嗲米線配豆扑，肉燥，冬茹。另外，我加了一客小食炸芝士丸。酸辣小鍋米線配豬頸肉：酸辣湯底，我叫小辣，酸酸辣辣的十分開胃，令人食指大動。對於嗜辣的我而言，略覺得可以挑戰中辣，應該會惹味更多。不過，今次個豬頸肉真係令我失望，猶如豬肉干般，又細件又干身同硬，完全沒有豬頸肉應有的口感和肥美。沙嗲米線配豆扑，肉燥，冬茹：沙嗲湯底的味道不濃，亦不辣，適合清淡的朋友。豆扑，吸在湯底，就變得好好食！肉燥配米線一向都好搭配，e到亦不例外👍🏼冬茹係用鮮冬菇，所以亦都好好食，好鮮甜炸芝士丸：當天見到14蚊再以有3粒炸芝士丸就叫左。真係不得之了，外酥脆內爆芝士醬！果種口感同味道，正正正！如果係芝士控更加要黎試下！飲品方面，對我亦有驚喜，我試左新野荔枝雪泡，即係類似沙冰既質地

呢間餐廳位於波鞋街，新寶戲院隔離，所以好方便。我本身就好鍾意食酸辣湯底嘅米線，所以我朋友帶我試呢間。呢間餐廳有多種湯底比你揀，例如係酸辣、麻辣、沙嗲、清湯和撈麵等等。我叫咗酸辣湯底，就咁湯底連米線24蚊，另外每個餸都要加幾蚊，可以加$8蚊加普通飲品一杯。 碗米線都多夠食既，飲品太細杯。酸辣湯底好好食，可以揀酸但唔辣，而且湯底入面有酸菜，係好自然嘅酸辣味。但呢間餐廳太細啦，所以入親去坐都搭枱，食食下都會比員工叫人調位，d員工冇咩禮貌，一放低筷子就問人要唔要收左碗野，好明顯想趕人走，所以去呢間野要食快d！米線係好食嘅，但好受氣！

喺旺角上完堂，晚上10點半，3個人一齊搵野食，就黎左呢間餐廳食。一黎到職員態度已經令我地對間野打哂折扣：事緣係其中一個女仔喉嚨唔舒服，所以食唔落野，所以我地叫左兩碗米線。有位肥肥地既女服務員見我地三個人叫左兩個米線，就話要最底消費每人２０蚊，叫我地叫多個小食夾份，我就問佢：「乜而家夜晚十點半係繁忙時間咩？」同埋其實我見間鋪頭都無坐滿人，職員就話：「係咁架啦」我個下已經燥左，但無謂同佢嘈，咁我講左句：「等陣先再落啦」。關於飲品嗰部份佢亦都講得好誤導，佢主動叫我地叫飲品，我問佢：「米線包埋？」佢話：「係啊！個餐包埋，加錢就有」我已經唔想同呢位服務員對話落去。之後拎左張單黎，我地叫左嗰兩碗米線加埋係６８蚊，己經超過左人均消費２０蚊（３個人即係６０蚊啦）。最令人不爽係落單後女服務員一直企喺我地隔離，想睇下我地係咪會加單。等左一陣，清湯小鍋米線黎到啦！味道都算唔錯，米線食落口幾順滑，湯底唔會太鹹，金菇菜都好清甜，唯一敗北係蘿蔔，唔知啲蘿蔔係咪用左黑椒腌，食落去竟然係覺得辣，唔單止完全蓋過左蘿蔔本身既甜味，仲完全破壞左清湯米線既味道平衡。一樣失敗既配料已經令到呢碗米線fail。

星期五同朋友去左旺角,朋友話想食米線,經過呢間入去試下,兩個人都即刻有位唔使等,入面都坐滿人喎,我地都分別叫左酸辣,我食薯粉配豬潤及腐皮,朋友食米線配雞亦及豬潤,飲熱柑桔蜜及熱凍珍珠奶茶.等左一陣就嚟,都好大碗喎,賣相一般,味道都一般啦,唔係好出味,唔酸唔辣既,我地叫小辣,但唔係好有辣味,個湯底的味道麻麻,配得唔多好,配料都OK,腐皮好淋好味,豬潤都好淋的. 朋友的雞亦都煎到金黃色,OK呀.我杯凍珍珠奶茶好大杯,但半杯都係泡,冇咩味的,好淡,珍珠有少少都OK的.普普通通的一餐.

午市尾段，本來去譚仔，見呢間有小人龍，就試吓，要撘檯，叫咗酸辣薯粉，餸要木耳絲同冬菇，小辣（$28）好快上菜，配菜有韮菜，酸菜，芽菜，肉碎，腐竹，份量都算多，湯底幾濃，薯粉粗身，幾煙韌，小辣可接受，木耳絲好多，反而冬菇唔算多一隻冬菇一開四，一碗得八件，即係兩隻，加分係冬菇幾厚肉，環境坐得幾迫，旺角係咁上下，侍應勤快，食完碗麵幾口渴

想食酸辣粉，路過這裡，便來一試。點了兩碗酸辣薯粉(小辣)，一上檯就發現不對勁，看上去湯很淡色，吃下去既不酸亦不辣，雖然是小辣，也不應該完全不辣吧！結果要自行加辣椒油。同樣是小辣，但BF那碗的湯明顯較紅，而且食落是有辣味的。看來辣度只是隨心，沒有標準？至於配菜尚豐盛，芽菜，韮菜，酸菜不缺。薯粉就好似煮得淋了些。

要了大辣的，是十分典型的桂林辣椒醬味道，帶點四川麻。辣的程度分的蠻仔細，只是不知道分別在哪。大辣真的很辣，可是卻辣的來有味，辣醬的味，味精不算太重手，可以接受。要了黑木耳絲冬菇米線。同行是豬大腸貢丸米線。配飲品Coke Zero一罐，價錢只加＄４，算是十分實惠。木耳絲咬勁很好，冬菇十分厚身，一大朵切開，還不算太少。豬大腸不俗，同行說較為硬身，是有咬勁的那種。米線則顯得過淋，不夠彈牙了。$4一款配料，選擇算多，$20米線底。價錢合理，份量飽肚。

找吃的來到此，因不是太多人，原來就是以前去開的貴川分店，環境只是一般；叫了以前喜歡的雞翼炸魚片米線，但嚐了中辣，但那兒的辣好像和舊店有些分別，沒有了香味，不知是否辣味蓋過了．但雞翼仍香口，炸魚片仍是好味，彈牙！不過下次也是回舊店好些．

lunch泥到,人唔多,不過都叫full o既..每張枱1-2個人,但係係expect比4個人的.叫左個豬排紅薯粉走湯(因為想試下咩係紅薯粉,但係又想要涼伴,所以就叫左佢走湯la)等左都有10分鐘la,以佢無咩客泥講,都真係幾慢.上到枱,無expect到佢會出熱...哈哈...算啦..係我諗多左啫..叫人走湯,人地無話要serve你涼伴的嘛...豬排得一塊(每餸加$4),乾煎一定沒有形容錯誤.因為真係好乾呀......個粉原來係玻璃粉,可惜overcooked,所以太淋,碗粉都好夠料,有酸菜,艽皇,芽菜等,份量好足!!另外加多左個牛肚,要了辣,但係唔係太辣,温度唔係好夠,似係室温.切得太絲,所以口感唔係好有....但係以佢間舖泥講算ok 啦!試左朋友的腩肉,一d都唔似...又係勁乾.....

今晚在旺角行街，見餓餓地想吃米線，過去女人街找找，見這間無咩人，吃了個豬頸肉小鍋酸辣米線（小小辣），豬炸過既、符皮得兩小片、個湯無咩酸味、米線份量都算多。想叫野飲，但望見水吧都幾污穢下，就無叫。

昨晚和男友出旺角逛街，差不多9 時見肚餓，我建議吃米線。在女人街行了一會，見到這間沒有人光顧的米線舖，又覺得個名好似好多地方都見過，心想應該拑不到哪裡。入店後揀了其中一張卡位，一坐下便看張枱邊布滿湯汁，眼見侍應即時手拿抹布抹去，便沒有換過另一張枱。看看餐裨，選擇頗多，跟男友都叫了紅薯寬粉，一個要豬頸肉，一個要午餐肉。碗紅薯粉ao份量都不少，除了主餸，還有一量芽菜、酸菜芫茜等配菜，豐富，紅薯粉好似水晶粉咁好滑，口感不俗；豬頸肉就韌了一點，午餐肉是煎過後才鋪上，整體來說尚可。最驚喜還是那杯熱菊蜜，菊花味香濃撲鼻，可是太甜了。