貴川風味館 (已結業)

喺旺角上完堂，晚上10點半，3個人一齊搵野食，就黎左呢間餐廳食。一黎到職員態度已經令我地對間野打哂折扣：事緣係其中一個女仔喉嚨唔舒服，所以食唔落野，所以我地叫左兩碗米線。有位肥肥地既女服務員見我地三個人叫左兩個米線，就話要最底消費每人２０蚊，叫我地叫多個小食夾份，我就問佢：「乜而家夜晚十點半係繁忙時間咩？」同埋其實我見間鋪頭都無坐滿人，職員就話：「係咁架啦」我個下已經燥左，但無謂同佢嘈，咁我講左句：「等陣先再落啦」。關於飲品嗰部份佢亦都講得好誤導，佢主動叫我地叫飲品，我問佢：「米線包埋？」佢話：「係啊！個餐包埋，加錢就有」我已經唔想同呢位服務員對話落去。之後拎左張單黎，我地叫左嗰兩碗米線加埋係６８蚊，己經超過左人均消費２０蚊（３個人即係６０蚊啦）。最令人不爽係落單後女服務員一直企喺我地隔離，想睇下我地係咪會加單。等左一陣，清湯小鍋米線黎到啦！味道都算唔錯，米線食落口幾順滑，湯底唔會太鹹，金菇菜都好清甜，唯一敗北係蘿蔔，唔知啲蘿蔔係咪用左黑椒腌，食落去竟然係覺得辣，唔單止完全蓋過左蘿蔔本身既甜味，仲完全破壞左清湯米線既味道平衡。一樣失敗既配料已經令到呢碗米線fail。