貴川風味館 (已搬遷) 新店位置

琴晚去食咗佢既煲仔飯...真係成肚氣，list 下佢d 衰野出嚟先之前講到明半個鐘先有煲仔飯ok fine ~ 等咪等期間發現呢間野既衛生真係麻麻不單食具...連飲管都有塵與此同時對面枱食曬野...再等咗幾個字再追野飲點知個陣d 待應先話冇....( 要人白等咁耐)30分鐘後...對面兩個男人既煲仔飯都嚟曬( 遲過我地叫)好不耐煩咁問我地個飯去咗邊佢竟然話要翻煲...要八個字我係屋企煮都唔駛咁耐啦嚟到...以為佢有幾好食..點知d排骨唔熟...飯濕"撘撘" 以後都唔會去呢間野!!!!!

記得第一次食係差唔多四年前，果時間舖真係好多人幫襯，之後間中都有去食，都係一樣，好多人。但差不多一年無去食了，昨晚去，完全唔同晒了。昨晚去到，人唔多，都唔洗等已經有位，仲有吉位剩，果時係八點幾食飯時段，果時無諗過係因為食物唔掂，所以少左好多人幫襯。我叫左碗米線，小辣，炸醬、墨丸及雞翼。但發覺，味道完全唔同晒，炸醬鹹到瘋癲，無其他味可言。個湯底勁紅，好多辣椒油。完全唔似米線，唔講就咁睇以為係食緊五香肉丁。米線超淋，明顯整定好耐，但人流唔夠，去唔切，所以放係度耐左，再加熱湯上去就算。再加上湯底完完全全唔夠熱，炸醬、墨丸及雞翼又凍，攪到碗野唔洗等已經可以入口，我意思係d 湯既溫度都好似可以就咁飲水咁飲。<<< 唔夠熱，我覺得係米線既大忌！仲有就係，張桌子個面好唔乾淨，有上手留底既湯漬，但佢仲就咁放我隻湯匙係上面，完全無衛生可言！完全同意之前位(餃子姑娘) 講既野。但就咁睇個舖，我覺得應該係換左班底，完全係由另一班人接手做落去咁，唔似話轉口味迎合港人之類。因為我諗唔止我和餃子姑娘發覺家下味道唔掂。如果多人反映話唔掂，就應該唔好改變。但佢地就偏偏轉唔返以前既問道，再加上間

以往一直是常客，但因般了公司便少來了．今次與友人再來，雖然比以往貴了少少，但亦合理，食物種類又多了．米線刃度適中，喜愛吃麻辣多的我，但來此因只得酸辣，不過那辣味也合我心意，今次嚐了中小辣，來得剛剛好，辣又沒有蓋過其他味，又是叫了喜愛的雞翼，香脆美味，雖不是特色，但來得很好．肥牛就不過不失，以往多吃的魚片是十分可口，香腸又煎得香口；新來了的小食，便嚐了，炸芝士蟹子丸，很好味啊！我想都是買回來的，但不妨一試，20元6粒，不過若然熱一點就更好．加３元又有飲品，都算經濟．地方就只是一般，不過不失，要慢慢享受的就未必是合適啦！雖則不是常來，但仍保持此味道，下次一定會再來的．

尋晚唔知食咩好, 行黎行去, 最後師傅突然間好想食米線, 於是乎想起呢間食店, 心諗都好耐冇食過喇, 所以決定黎呢度食番餐!入到去人唔算多可能比較夜關係啦, 坐底睇左一陣, 最後師傅決定要炸醬, 龍蝦丸同鮮蝦雲吞配中辣, 而友人就要午餐肉, 紅腸同豬扒再加一碟蟹子芝士丸, 一杯凍檸茶同一杯凍檸七!等左一陣兩碗米線分別奉上, 先講下師傅碗, 炸醬賣相一d都唔吸引, 係一d肉碎咁, 就咁食就唔好味, 又咸又乾, 但係連埋個湯同d米線一齊食又出奇地好味喎, 咁食就一d都唔咸, 可以啦; 龍蝦丸得兩粒, 可能係龍蝦比較貴關係所以少d啦, 不過龍蝦丸就幾爽口同幾香, 幾好味; 鮮蝦雲吞就有三粒, 皮薄個餡都可以, 隻蝦都幾爽, 不過豬肉就多左d同埋乾身左少少, 如果以米線食店黎講師傅都收貨喇; 午餐肉就冇咩特別; 而紅腸就煎得好香, 都幾好; 豬扒就一塊連骨, 幾入味同幾鬆, 可以喎; 而芽菜就好爽口, 米線就煮得好, 唔會太腍又唔會太硬, 連埋一齊食都幾惹味; 而湯底就酸酸辣辣咁, 都幾好味, 不過就幾重味精, 食完後真係不停咁飲水! 至於個蟹子芝士丸就一碟有六粒, 蟹子芝士丸炸得好香, 咬開

食左貴川大大話話都6,7年了。以前的我簡直是狂熱FANS,個個星期都去,就算唔行開街都會專程搭車去。吸引我的原因,全因那又酸又辣的湯底,每次食都會流晒鼻水,流晒汗,總之一句講晒：非常過癮！但近幾次食，發覺個湯底變左好多，唔夠酸又唔夠辣（連桌上的白醋都唔見左）。我男友有一次同朋友去食，話聽到鋪頭ｄ人講轉左湯底，唔知係唔係為左遷就港人口味，所以變得淡戊戊，還是因為開了分店，所以質素下降。前晚食完，我地已經同店員反映了，希望佢\地會保留番之前ｄ口味啦。如果係以前，我一定會比笑面的，而家就ｏｋ啦

在旺角同個fd搵野食晚上見到個餐都係$28買咁平於是入去叫了一個葡汁焗雞肉飯加凍飲(+2蚊)5-6分鐘之後上桌幾快bor~嘩,好大份呀個圓兜足有10吋面層焦焦黃黃賣相都唔錯~食焗飯都係為食呢個啦,係咪?味道比較淡而用料好足都可以接受的我都會再去但係我個fd份瑞士汁雞翼飯件雞翼係炸過..而不是油好怪.......但味道ok不過我覺得個環境真係比較普通未去過d人可以想想的鋪頸個鋪面就差不多喇如果再比改善就好d

貴川真的不錯！它的焗飯味濃料足雖然不是最好，但它的算素比牛牛的要好。而奶茶也比牛牛好但仍不及大X樂的好。而食物種類也得豐富，上至煲仔飯下至小飯都有

唉, 好後悔囉! 我好中意食米線, 所以成日都會周圍試新野, 見呢間既食評唔係太差咪去囉。去到門口其實已經想唔入去, 因為比我感覺好似好污糟咁, 果然我朋友坐個位上面天花係滴水囉! 坐低諗多陣食乜, 個女待應係咁吹你……最唔like。味道又唔及雲南過橋米線好, 個湯d味好怪, d (chair同table) 好“淋痴痴”比我感覺真係唔係咁舒適, 一食完就即刻比壓力你要你走...............其實我想話d咁污糟既地方我留多陣都唔想呀!!! >_<

女人街新店, 有煲仔飯食, 白鱔飯幾正的, 入味得黎又有飯焦又夠乾身.樓上地方寬敞, 坐得舒服.

d野食幾好食都無用,佢地用漂白水洗d餐具同膠碗,d筷子漂到異常白,d膠碗既表面又拿到"鞋"晒, 食果間都可以聞都陣漂水味, 好恐怖....希望佢地快d轉用瓷碗同木筷

我叫左腩肉腐竹炸醬米線飲左杯豆漿呢間舖酸辣唔洗額外當一樣"送"不過唔多酸......亦唔太辣，不過我只係叫小辣加左三匙既辣油味道都OK...我本身食過荃灣雲貴川當然係雲貴川好D~~不過呢間唔差~~可以再吃價錢都合理

超級勁唔掂，仲要食到一肚氣～叫咗個鮮蝦雲吞雞絲米線，＄２３食物一到只見幾條雞絲，真係數得出得五六條仲要係細細條果隻，問佢係咪攪錯咗佢竟然夠膽死答我，因為佢哋用果Ｄ係新鮮雞仲要講到口窒窒．．．一食入口一Ｄ辣味都冇（我叫小辣），之後Ｄ雞絲係鞋口，一Ｄ都食唔出係新鮮囉連Ｄ鮮蝦雲吞嘅蝦同肉都係好似唔知整咗幾耐嘅咁一定冇下次．前兩年都冇咁差．．．都唔知攪乜食碗十元麵都冇咁激氣

0係旺角區少有咁底食的店舖，可能係我自己要求唔高，所以我覺得佢又好味，又大碗。三個的米線加一個凍飲都只係$29，要飲特飲都只係加多二蚊。我自己本身只接受到少少辣，所以我只可以食到小辣。佢D腩肉同豬扒好夠辣同好入味，D魚片感覺好新鮮!!!佢要改善的地方就係要有非吸煙區，有時搭台既係食煙既就要趕住走

其實數個月前已經食過一次，本身喜歡食米線，黎到一試，點知食落好差。一行三人，入到去，位好迫，食得辛苦，而且仲不斷加位，令食客更唔舒服。做得意係緊要，但都要顧下已經坐底左食緊野的客。不過算數，因為我一向都唔係十分話食環境的，只係同行兩位友人已經不滿。叫左碗四餸米線，份量一般，湯底唔似荃灣深水埗長沙灣那幾間好，辣唔夠，亦當然少不了味精。印象中料亦一般，無特別，可能係被那些出色的米線店寵壞了。每人一碗，食左三個都唔夠飽。價錢當然比一般貴，但因為地租貴，可以接受。但最大問題係我地食完都肚痛，我要去洗手間，而另兩位友人亦經常隱隱作痛，唔係巧合。希望只係那一次我們倒楣吧，其他日子希望會乾淨吧。

順路經過而且又有d 餓，於是便入去食碗米線。叫左腩肉貢丸米線要少辣。米線冇咩特別好講，腩肉夠味但鞋左d，貢丸麻麻，入面唔知加左d咩，有d怪味，個人黎講唔鍾意。個湯都幾好味，夠濃，不過相信有唔少味精。少辣黎講已算幾辣，初初食試少辣先會較為穩陣，但我下次會食中辣，因為我鍾意食辣。o係旺角唔知食乜好既時候，不防去試下。