貴川風味館 (已搬遷) 新店位置

今日见到张外卖纸于是叫外卖拉，本身吾食辣，就叫左个清汤鸡翅 加 猪颈肉 消费25 蚊子外卖加一蚊，共26蚊等左好耐都未送黎好肚饿，于是行过去拿啦其实好近。。。。。去到先知我碗野摆左系度，惨，米线会软架嘛返到去，食落还可以，不过味精太多，食完狂饮水

一些如"車仔麵"的米線店舖在旺角多不勝數無他, 主要是旺角人流多, 年輕人又多在這區搵食這一晚並非專程來旺角食米線，原來是來看看附近的糖水店，而看到這間名為貴川的米線店，相信米線類不會很飽，然後就可以到同一條街的糖水店了隨便來一碗不會吃飽人的米線湯底有麻辣, 酸辣及清湯豬扒貢丸麻辣米線豬扒不知用了什麼醃製，說不好食又不至於但不是好味豬扒米線普通湯底差勁，像倒了一堆調味料作為湯底，貢丸不是好貨色雞翼米線 雞翼細件無肉食，炸得乾身無肉汁，而且太咸了腐皮角說是魚容，完全無魚容味或者豆腐味，只一啖啖咸味差勁之作，還想立即付錢即找第二間餐廳補剛才吃過的難食東西

題目要增肥的當然不是我(因為已經自動肥了)，要增肥的是今次米線的送菜，因為都是又瘦又細的。本來想了去太子吃飯，不過最後因為不想行，是但入了這一家未吃過的。店員有點性急，未想到吃什麼就走過來兩次，吃了一半就想收碗，其實也不是如此多人，讓我們吃得輕鬆點吧。又是雲南酸辣米線，米線是夠滑的。湯底方面，點了小辣，這兒的湯底辣度比酸度高一點，也是有腐皮、芽菜等等，不過腐皮不夠淋和滑，失去意義。點的四款送就一次過講。豬腩肉，平日一想起豬腩肉就會想起肥，但這兒的是一點肥也沒有，薄如紙的豬肉片有少少辣，幾香，如果你心中暗想這兒的豬也keep fit了，是會吃得開心。雞翼是入味，不過很細隻很瘦，肉很少，要增肥了。豬頸肉就正正常常地煙韌好吃的，而鮮蝦雲吞很mini 版，皮薄，蝦是爽的，肉真的乾了一點。加三元要了凍0蜜，來的是菜蜜加檸檬，過甜了。每樣也是mini 版，不過味道是可以的，所以也在笑和ok 中間。想不到吃什麼，又想平平的吃一餐，再來的機會是有的。

本身諗住食譚仔,但係由金聲一路行過去都唔見經過尼間,bf又趕時間,所以費事再搵(原來行多2個舖位就係,真失策)我:雞翼雲吞清湯米線$25個湯底好味精,食完返到屋企勁飲水都硬係好口渴,食左2啖,覺得好似有陣濃濃地既味,好似煲濃左咁,再望下隻雲吞,3隻都係爛+濃左少少,我諗應該係煮雲吞濃左所以成碗都好大陣濃味好難食,但耐何bf趕時間,費事叫佢換la,咪有排等雞翼炸定,炸得好乾,仲要瘦到無人有,雲吞唔使講,又濃又難食,都唔明雙雲吞穿哂都夠膽攞出尼比個客食,個廚師真係要檢討下米線煮得太淋,完全同彈牙係2回事,真係完全唔掂bf:豬腸墨丸麻辣米線$28佢話個湯都ok,其他配料不過不失la凍ot: 太甜,好似飲糖水咁由落單至上菜都要等成2個字,趕時間真係唔好去食總括來說,價錢+質素,出面大把米線店(e.g 譚仔)都好過呢度,真係一次就夠

今天第一次來,見到其他的食客都係麻辣, 所以我就叫了雞肉云吞麻酸辣粉, 粉勁Q, 雞肉及云吞都好好食, 跟平時食既傷心粉有所不同. 佢個甜甜既湯底, 小辣真係一D都唔辣 <- 合我黎D 好矛盾既人,想食勁辣又唔係好食得辣既人. 美中不足是沒有麻及食物一般都出得好慢, 等10分鐘先有得食. 凍O茶太甜了, 下次一定要走甜.

上次都有入過去依間野不過就只係陪朋友~個次都係叫左個麻醬小黃瓜~已經覺得味道幾好~可惜只係麻醬少左D今次入去就即刻叫左個雲南米線食啦~加左雞絲同鮮蝦雲吞~而我朋友就叫左豬潤同牛肉~我地兩個都係叫左少辣~佢D野好返就黎左~當佢一放係我地張臺上面~我地即刻起筷啦~第一啖我將米線放入口入面唔錯呀~之後飲多啖湯~不得了~佢真係做到個麻辣味岩岩好~不過個重點原來唔係依兩樣~而係我食完第一粒鮮蝦雲吞先知依間野最好食係D雲吞~真材實料呀~入面既肉味完全出到黎~我即時畀粒我個朋友仔試下啦~佢都話好好食~我都估唔到依間小小唔起眼既舖頭仔~竟然有咁好食既雲吞~真係好值得回味~下次再黎一定會再叫~

腩肉紅腸酸辣蕃薯粉 + 凍檸茶 $31份量都不少，價錢合理，但唯獨豬腩肉完全不像樣全廋、一點肥肉也欠奉，所以肉質非常 " 鞋 "，而且肉味極淡還好的是個湯底味道豐富，紅腸都ok，蕃薯粉粗幼適中，煙韌有口感。芽菜、韮菜、酸菜份量都不少，才令碗粉不至於太差。Summary : 其實這店子少少，裝修普通，但這處人流都不少，如果能注意一下食物質素，應該能夠有更好的生意。

呢間米線店我食過很多次, 本身係朋友介紹的, 我覺得個湯底好好味,又夠大碗, 材料就OK 啦, 不過不失,不過腩肉頗鞋,其他都不錯,價錢又平,今晚再同班朋友去.

米線底$20，每款送$4，我點了豬頸肉米線，豬頸內乾需硬，米線太腍，湯底比車仔麵還要差看到牆上大大個招牌，點米線可加$10有麻辣豬肚，豬肚腍到不得了，而且似乎忘了麻辣醬，只覺很咸結賬的時候才發現加$10只限 18:00 前，要付原價$25

昨日試了腩肉米線(小辣),佢個賣相已經唔係好吸引,唔緊要即管試試,首先飲啖湯先,d湯唔知點解會覺得佢甜甜地,唔知用咩煲??那種風味同我食開幾唔同,我個人比較喜歡酸辣,米線普普通通, d 腩肉就有d硬及味道一般.......下次未必會再去

今日出0左旺角陪祖安食0野, 本身想去<寶島>食手撕雞米線, 點知裝修緊, 所以祖安話想去食<貴川風味館>!!! 當米線0黎到0既時候, 祖安發現自己個碗有D不明物體, 等我再睇0既時候, 我就肯定係甲由腳, Crazy!!! 跟住我地即刻同職員講啦, 佢話可能係跌0左落d辣椒醬度, 祖安當然唔要, 而且唔想再食, 但係個職員再三話：「我換0個碗俾你喎」, 最後祖安當然唔接受啦, 因為已經嚇親了!!! 1. 雞翼同豬大腸配米線 + 凍奶茶 ($32) ~ 質素下降, 一沈不起!!! 豬大腸感覺好像放0左好耐咁, 唔新鮮. 雞翼就唔錯的. 不過湯底及米線都冇0左之前食0既時候咁滋味了. 凍奶茶味道不錯, 不過d冰多到震!!! 整體評價：永不錄用!!!

叫左個雲南小鍋米線, 加肥牛同埋午餐肉($29); 而友人就要雲南小鍋米線中辣, 要豬頸肉同埋牛丸($28)。便就真係好便。午餐肉黑+火農+油+油益味, 一睇就知擺左好耐; 可能無人叫, 所以積埋d貨嚮度啦@@'';肥牛: 加$5尚算合格, 份量唔會太少;中辣: "貢"鼻的辣, 就算中辣, 都唔太辣, 得個"貢"鼻;豬頸肉:無味;牛丸: 干爭爭;連咁普通o既送都搞成咁, 哎... ...呀... ...點解仲會生存到?而且聽講仲要生存左起碼五六年... ...d waiters/兩個真係好似form3畢業咁樣, 嚮度打打鬧鬧; 不過水吧個女仔都幾nice同埋靚女~去親食果d都係蒲友, 粗口爛舌~我食果時仲, 後尾張床仲似想打交咁樣@@''埋單果時見到i love u boyz 同埋朱薰張相~ 都唔明佢o地點解黎食, 頭先睇返食評, 原來呢間鋪都有風光o既時刻。

祖安突然話想食旺角<貴川風味館>0既雲南米線, 咁我地就出動啦. 其實我覺得以前好食d, 不過間中食一次都可以的!!! 1. 雲南米線 (腐皮角, 豬頸肉 $28) + 凍好立克(+$3) ~ 雲南米線0既湯底都唔錯, 米線質感0岩0岩好. 腐皮角冇腥味, 正. 豬頸肉0既口感都好好!!! 2. 雲南米線 (豬大腸, 豬扒 $28) + 凍奶茶(+$3) ~ 我個碗唔知點解影0左相, 但係冇0左喎, 呵呵!!! 我個碗係中小辣的, 所以特別惹味, 不過下次都係食小辣好d, 哈哈!!! 豬扒(碎上) 都ok, 豬大腸都好味, 而且夠乾淨!!! 至於飲品方面, 珍珠奶茶就唔會再試住, 因為曾經飲過d 珍珠係唔得0既, 今次就試奶茶, 不過就係偏奶呀, 攪到我下次唔知飲咩好!!! 整體評價：希望食品能再提升!!!

又係我餃子姑娘，之前07年12月已經寫過有關貴川的食評，話說上次去食已經覺得貴川ｄ湯底差左好多，無左以前好惹味的感覺，估唔到上次去食，真是非常失望，和以前簡直是兩回事，如果合埋眼食，真係食唔出係以前的貴川。我次次去到都叫腩肉，炸醬小辣米線，而金菇先生通常都食肥牛墨丸米線。金菇先生由最初勉為其難的陪我吃（他一向吃得較清淡）吃得汗水鼻水直流，到現在吃的時候已經神色自若，甚至還會帶朋友去吃。貴川其實真的帶給我們不少回憶，那時應該是03年的事，我和金菇先生還未開始，在戲開始之前，我就帶了他到貴川食米線，並介紹他吃小辣米線，他當時滿頭大汗的樣子，我到現在仍記憶猶新。之後不久，我們就走在一起，貴川也就成了我們的飯堂。到今天，我快要成為金菇太太了，想不到我們的變係轉變了，而貴川的味道亦變了。我知道世界上沒有不變的東西，或許貴川昔日那種味道就只可於我們的記憶中尋回。不懂得如何去評分，因為實在有太多感情因素於當中了。

自開竅之後,也吃得很多麻辣米線,說到涼伴麻辣米線,就未試過.誤打誤撞之下,來到豉油街的貴川,店子面積不大,座位得十多個.黃金時段,四人卡位兩戶人也是等閒事.見到有涼伴米線,就不要麻辣米線,配料要豬肚絲同炸醬.伴菜有莧茜,番茄,青瓜絲等等.賣相整齊,每樣配料楚河漢界,排得公整.將其撈勻後便吃,豬肚絲切得幼細,質感就有點硬,炸醬味道未夠刺激,起初吃到是麻醬味為主,也未覺得辣.吃到最後,才有點辣的感覺.只是香辣,一點麻辣感也沒有.可能前半段又番茄又青瓜,將早段的辣味中和.所以吃到尾段才來料.如果不是大辣輩,而又想略略感受一下刺激感,這個米線或能滿足一下.