影片
更多
2007-12-24
17 瀏覽
尋晚唔知食咩好, 行黎行去, 最後師傅突然間好想食米線, 於是乎想起呢間食店, 心諗都好耐冇食過喇, 所以決定黎呢度食番餐!入到去人唔算多可能比較夜關係啦, 坐底睇左一陣, 最後師傅決定要炸醬, 龍蝦丸同鮮蝦雲吞配中辣, 而友人就要午餐肉, 紅腸同豬扒再加一碟蟹子芝士丸, 一杯凍檸茶同一杯凍檸七!等左一陣兩碗米線分別奉上, 先講下師傅碗, 炸醬賣相一d都唔吸引, 係一d肉碎咁, 就咁食就唔好味, 又咸又乾, 但係連埋個湯同d米線一齊食又出奇地好味喎, 咁食就一d都唔咸, 可以啦; 龍蝦丸得兩粒, 可能係龍蝦比較貴關係所以少d啦, 不過龍蝦丸就幾爽口同幾香, 幾好味; 鮮蝦雲吞就有三粒, 皮薄個餡都可以, 隻蝦都幾爽, 不過豬肉就多左d同埋乾身左少少, 如果以米線食店黎講師傅都收貨喇; 午餐肉就冇咩特別; 而紅腸就煎得好香, 都幾好; 豬扒就一塊連骨, 幾入味同幾鬆, 可以喎; 而芽菜就好爽口, 米線就煮得好, 唔會太腍又唔會太硬, 連埋一齊食都幾惹味; 而湯底就酸酸辣辣咁, 都幾好味, 不過就幾重味精, 食完後真係不停咁飲水! 至於個蟹子芝士丸就一碟有六粒, 蟹子芝士丸炸得好香, 咬開
入到去人唔算多可能比較夜關係啦, 坐底睇左一陣, 最後師傅決定要炸醬, 龍蝦丸同鮮蝦雲吞配中辣, 而友人就要午餐肉, 紅腸同豬扒再加一碟蟹子芝士丸, 一杯凍檸茶同一杯凍檸七!
等左一陣兩碗米線分別奉上, 先講下師傅碗, 炸醬賣相一d都唔吸引, 係一d肉碎咁, 就咁食就唔好味, 又咸又乾, 但係連埋個湯同d米線一齊食又出奇地好味喎, 咁食就一d都唔咸, 可以啦; 龍蝦丸得兩粒, 可能係龍蝦比較貴關係所以少d啦, 不過龍蝦丸就幾爽口同幾香, 幾好味; 鮮蝦雲吞就有三粒, 皮薄個餡都可以, 隻蝦都幾爽, 不過豬肉就多左d同埋乾身左少少, 如果以米線食店黎講師傅都收貨喇; 午餐肉就冇咩特別; 而紅腸就煎得好香, 都幾好; 豬扒就一塊連骨, 幾入味同幾鬆, 可以喎; 而芽菜就好爽口, 米線就煮得好, 唔會太腍又唔會太硬, 連埋一齊食都幾惹味; 而湯底就酸酸辣辣咁, 都幾好味, 不過就幾重味精, 食完後真係不停咁飲水! 至於個蟹子芝士丸就一碟有六粒, 蟹子芝士丸炸得好香, 咬開一半就見到好多芝士裡面, 而d芝士就好香但一d都唔漏, 得喎; 至於杯凍檸茶就好甜同冇茶味, 幾差下!
總括黎講食物質素一般, 環境一般, 服務又係一般, 不過價錢就偏貴, 十八蚊一碗米線仲要係冇, 要一個加四蚊, 要左三個就要加十二蚊, 即係一碗米線要成三十蚊, 都咪話唔貴, 要杯飲品加三蚊, 特飲就六蚊, 再加埋個小食就廿蚊, 埋單八十九蚊都幾貴! 師傅發覺佢地真係冇改錯名架, 咁貴價米線, 下次就真係未必會黎喇!
張貼