豬屋日本料理

營業中

休息中

壽司飯望樣就覺得好靚，但一食落真係好失望，啲壽司飯一啲都唔夠醋味，可能係叫雜綿飯既關係，唔知係咪頭頭尾尾啲魚生唔係好新鮮，連三文魚都有筋，職員態度差！完全好似唔憂做咁，唔會再幫襯

秋田便當🍱便當好豐富有好多樣嘢食，有前菜，冷盤同主食。前菜方面係味付螺肉。微辣，好香口。 冷盤嘅三文魚刺身🍣切得比較厚身食落好有咬口。刺身蝦亦都好creamy。主菜方面，雞炸得好香脆🍗，黎到嘅時候熱辣辣，外脆内軟，好重胡椒味。亦都唔會炸到好乾好硬唔會刮口。和風醬油飯個汁甜甜地幾開胃，飯粒粒分明。豬軟骨就有咬口。日式蜜糖烤雞翼拉麵🍜雞翼外表係紅紅地色但係唔好以為佢係辣嘅，食落食到蜜糖味，甜甜地，可以同拉麵嘅咸中和下，轉下口味。清爽西柚梳打🥤有西柚果肉，加埋凍嘅梳打，喺呢個咁熱嘅天氣之下真係好爽，好解渴。好好飲！最咪嗌左個日本直送嘅蛋捲，而味道係隨機嘅。蛋捲係一口嘅size，食落有濃郁既香蕉精油味。

出開大圍附近做野，就係發掘下大圍美食嘅機會！搵到間算喺大圍港鐵站附近嘅日式餐廳。豬屋日本料理，田心村入口附近，都幾易搵，餐廳8點左右晚市都枱枱有客，感覺都幾有人氣。坐低店員就遞上一杯茶同一個QRcode用黎落單。鋪唔算大，但門口見到menu好多選擇，仲有好多唔同款式嘅便當，啱哂我呢d一支公搵食，用日本地方名命名，充滿日本味。因為好肚餓，今次就叫多d野食下！沖繩便當--吉列千層芝心豬扒；汁燒金菇牛肉卷；刺身，三文魚，帶子，甜蝦；味付螺肉配咖哩飯，咖哩汁可以揀另上真係不得不讚。芝心豬扒外脆之餘炸粉同豬扒係痴埋，唔會食落散開，芝心份量都啱啱好，唔會太膩。豬扒肉質軟嫰，食落juicy，口感豐富。汁燒金菇牛肉卷用料唔錯，牛肉唔韌之餘有牛肉香，食落冇羶味。金菇同牛肉熟度一致，紮實！有驚喜！三款刺身新鮮清甜。味付螺肉味道正常，咖哩汁完全係日式咖哩味，甜甜地帶微微辣，非常好送飯~另外叫左個三色花之戀，分別係海膽，蟹籽，三文魚籽。三文魚籽口感最特別，三文魚籽喺口腔爆出黎嘅甜鹹味同醬好夾，特別嘅組合。花之戀足料大件，十分推薦。加配飲品同甜品有優惠就叫左杯咸檸七同日本直送！！士多啤梨味千層蛋糕。千層蛋糕唔會

今次黎到大圍嘅豬屋🐷 其實餐廳嘅裝潢唔係特別亮麗甚至睇得出有啲歷史🫢 成個感覺只係一間普通嘅街坊餐廳 但係正正因為呢個特質 加上餐廳貼左好多日式海報 先造就到一種日式小店嘅感覺☺️ 野食方面都係偏向平民路線😜 以大件夾抵食為主👍🏻 再配上一份情懷☺️ 以街坊食店黎講都算唔錯😋👉🏻 佐賀便當🍱💰HKD8️⃣8️⃣餐廳提供唔同嘅便當😝 但係貪心嘅我緊係想一次食晒唔同餸菜😙 呢個便當有齊鯛魚腩🐟雞肉串🐤咖哩同三文魚壽司🍣 一次滿足晒幾個願望👉🏻 赤身三色丼🍣💰HKD1️⃣1️⃣8️⃣呢個丼有赤身 三文魚 同帶子 而且赤身仲係3️⃣大片厚切👍🏻 加一服務費❌

去完朋友屋企玩，有啲肚餓之下朋友就帶我黎咗呢間大圍既日式料理餐廳，本身以為淨係普通食一餐飯，點知食物質素好出色🤩，款式亦都十分多樣化，推薦俾大家！！😋 吉列豬扒丼（$58） 🐷豬扒丼仲會附送三文魚味噌湯及小食（味付螺肉），豬扒香脆可口，搭配埋微甜既和風燒汁，味道更加有層次！😚 ✨鹿兒島便當（$92）便當入面有汁煮豬軟骨5件、吉列大蝦🦐2件，味付螺肉、咖哩飯，刺身三種包括三文魚2件、帶子2件、有頭甜蝦1隻，配搭埋咖哩飯，可謂非常豐富。咖哩飯微甜亦充滿香味；豬軟骨煮得好冧好入味😍，一咬就碎；刺身厚切得黎好新鮮，一口食落去好滿足！！😆 🥤Drink荔枝椰果梳打（跟餐$16）、巨峰🍇梳打（$14）梳打味道略甜，不過喺咁既天氣飲杯凍嘢🧊，正！

喺大圍有咩平平哋嘅日本料理、刺身便當選擇？我推介豬屋料理俾大家～大圍地鐵站出嚟向田心村方向步行過去，就可以搵到呢間平靚正嘅小店！1️⃣秋田便當⭐️⭐️⭐️⭐️好耐未食過咁抵食嘅便當！大大份仲有三種刺身，分別係三文魚、阿根廷蝦同帶子。刺身好鮮甜，炸雞扒又脆口感又好，入面嘅肉汁有效鎖住，唔會好似一啲餐廳咁炸得太乾。又有豬軟骨又有飯仲可以用優惠價加飲品，成個餐都係90幾蚊仲要冇+1，抵食指數極高!!2️⃣叉燒拉麵⭐️⭐️⭐️性價比極高嘅拉麵，好耐已經冇見過一碗拉麵可以$60！個湯底都幾鮮甜，叉燒亦都好有咬口，好香叉燒味。最抵讚係啲拉麵，彈牙得嚟吸收左湯底嘅精華，食到停唔到口😋最後仲叫咗四片三文魚刺身，成餐飯加埋先$210，食日本嘢仲要大圍地段都可以咁平民價，質素仲要高，不得不試！

朋友介紹，豬屋日本料理抵食又好味，今日一嘗，的確唔錯！1.秋田便當 $89有燒汁飯:好惹味脆香吉列雞扒:皮脆肉嫩汁煮豬軟骨:夠冧，調味好味味付螺肉、刺身三種 (三文魚2件, 帶子2件, 有頭甜蝦1隻):新鮮、又厚切！☺️😋2.日式安格斯牛肩胛烏冬-鰹魚湯底 $59附送三文魚味噌湯及小食(味付螺肉)味噌湯:有三文魚肉幾舊，好有誠意！牛肩胛肉易咬有牛味烏冬幾彈滑！😋😋🫶🏻3.溏心蛋(1隻) +$12好味！😋😋😋加埋鰹魚湯底食，一流！😋😋4.蟹棒蟹籽沙律+$18味道正常。

平日大多數會在大圍轉車站，可是比較少會停留這個地方搵食。是日晚了下班而又心血來潮，友人建議在大圍搵食，其實我們先前都逛過幾次，大圍不乏美食而且挺方便的，這次我們找來一間在內街日式餐廳，感覺很像街坊店，餐廳人流不少，店內座位不算很多，裝潢很有日本風，配上日本音樂，偶爾冷氣機聲音較大。餐廳食物選擇很多，而且分量足夠，價錢相宜；我們用手機下單，簡單快捷省時。我們點了《秋田便當》，賣相吸引，份量很夠，豬軟骨很淋身，炸豬扒也炸得香脆可口，另有一碟魚生和飯，實在非常滿足。另外點了一個魚生飯和小食章魚小丸子，魚生種類也不少，分別有帶子、三文魚和北寄貝，賣相頗肥美的；章魚小丸子份量適中，入口吃到粒粒章魚但粉糊較淋身。整體食物種類多，份量足夠，價錢親民，是大圍一間性價比挺高的日式餐廳。

同朋友去開大圍，想食日本野，見到呢間小店，個名幾得意叫豬屋日本料理， 諗住支持下小店，呢間日式餐廳主打便當，壽司，刺身，小食套餐， 即刻買外賣試吓先！ 外賣包裝得超好,返到屋企都冇倒瀉嘢,外賣袋都好得意沖繩便當每個定食都以日本唔同地區名命名。我叫左一個沖繩便當（有吉列千層芝心豬扒、汁燒金菇牛肉卷、三文魚帶子甜蝦刺、咖喱飯同味付螺肉）。 最值得一讚係個吉列千層芝心豬扒，。主菜就係吉列千層芝心豬扒，豬扒唔會好厚粉，食落去好鬆脆，唔會話好乾，加埋裏面嘅芝士，好食有驚喜，非常推薦。配埋個日式風味既咖哩飯，咖喱入面仲有薯仔蘿蔔等嘅配料，我覺得偏甜唔辣，好日式 咖喱飯方面其實可以轉燒汁 不過我幾鍾意食呢款甜甜地唔辣嘅咖喱 前菜有螺仔冷盤，同出面食嘅差不多但分量都幾多 刺身就有2片三文魚、2片帶子同一隻甜蝦，三文魚都幾厚，刺身鮮甜，好抵食金菇牛肉卷都可以嘅，牛肉唔會煎得好乾，不過包得有d實。青森便當我朋友就選了青森便當，包括有七味燒豬頸肉， 汁煮豬軟骨，味付螺肉， 蟹籽加州卷最鍾意豬頸肉 ，豬頸肉爽彈帶口感，燒得啱啱好，肉邊有少少焦香味，好有口感豬軟骨好腍好入味 ，加上甜甜地嘅醬汁好滋味，唔錯ga!

朋友住大圍，帶咗我嚟呢間民居附近既小店，幾有特色！朝日便當和風燒汁飯+蒜香牛油燒三文魚扒+蒜香牛油北海道帆立貝2件+烤鮮菠蘿2件+味付螺肉呢個便當好豐富，款式多，想特別讚吓佢個燒菠蘿，好甜而且好暖～三文魚扒都好多肉新鮮～係一個好豐富嘅便當炙燒芝士大蝦飯卷（8件）賣相好靚，佢個吉列蝦皮脆肉厚，壽司飯都好味灸燒帶子壽司帶子鮮甜，我覺得佢燒得唔夠平均，應該可以再燒多少少三色花之戀花之戀喺香港嘅名物，緊係要叫下～佢個三文魚好鮮甜肥美，食落去有油脂味，好正！青柑桔柚子梳打、清爽西柚梳打柚子梳打因為有柚子皮同埋兩粒青檸，甜酸度適中好好飲！特選燒物盛有好多款式，例如鰻魚、牛舌、雞肉等等。我覺得佢都整體都OK嘅，最鍾意牛舌，因為佢本身都幾淋！鰻魚無骨而且肉幾淋～

之前就有留意呢間餐廳，見呢日收早就過黎買外賣返屋企慢慢食，街坊小店，呢日見到都唔少學生幫襯。舖頭細細，但食物選擇都幾多，有便堂，丼，拉麵，小食串燒等等最後叫左個和風便當，可揀燒汁/咖哩汁有三文魚扒，燒帆立貝，燒菠蘿，味付螺肉份量都幾多，三文魚煎得香口，配上惹味日式咖哩汁，真不錯另外叫左個築地海鮮丼外賣仲會一個小乾冰包埋，熱天都唔怕魚生厚切 肥美又鮮味，入口帶油脂，屋企人都好鐘意下次經開要再試下其他！

朋友住係周邊屋村朋友介紹呢間小店我又喜歡幫襯小店就去試試啦原來有便當，壽司，刺身，小食一人套餐，仲有多人套餐𠻹雖然細細間但係算多選擇打開門見到小店裝修都似日本小店沒有menu 睇因為用QR code 落單又可以睇吓自己d order除時改唔係怕麻煩人我地叫咗便當，壽司同埋卷物👉🏻名古屋便當和風燒汁飯(蒲燒饅魚+日式炸嫩雞+日式圓蔥魚餅+味付螺肉+咖哩飯)如果唔想要咖哩汁可以要燒汁👍🏻仲可以加錢轉其他麵食例如烏冬...等等👉🏻灸燒芝士軟殼蟹反卷將芝士放係飯團上面燒好香👉🏻限定壽司"吞拿魚腩蓉軍艦"😋吞拿魚蓉份量好足$26/2pcs 👍🏻👉🏻灸燒帶子壽司 $32小店沒有加一👍🏻

今次咁啱喺大圍附近所以回訪豬屋~🍜汁煮豬軟骨拉麵(豬骨湯) 💰65 豬軟骨頗大件&淋身，幾抵食👍🏼溏心蛋甜甜哋相信有調過味，湯底濃郁，拉麵都好多所以食哂真係好飽🫠🍱福岡便當 💰80 (吉列豬扒1件、汁煮豬軟骨2件、日式圓蔥魚餅1件、咖喱飯、味付螺肉)豬軟骨同樣淋身，雖然係外賣不過吉烈豬扒塊皮都唔會好淋/濕，只係有啲可惜佢有部分同啲肉分離咗😢但係份量一樣充足🫃🏻🍱朝日便當 💰97 (蒜香牛油燒三文魚扒1件、蒜香牛油北海道帆立貝2件、烤鮮菠蘿2件、燒汁飯、味付螺肉)呢款上次都食過：揀咗燒汁，但係比較似豉油所以應該咖喱好食啲🥲 帆立貝算大隻仲好乾淨，三文魚煎得香，菠蘿多汁🤩

三文魚扒睇落精神，表面有金黃色焦而且唔會太燶。聞到牛油香但係唔蒜香，香味唔濃。表面香脆但內裡少乾無咩汁，味道同聞到一樣 有牛油味無咩蒜味，味道唔會過鹹。總體黎講係好食ge！至於螺肉同麵豉湯就太普通了，記得以前飲個麵豉湯會有三文魚肉塊，非常有誠意，宜家就無了。服務方面，原本我地5個人，第五個未到就坐住4人枱先，等另一6人枱走我地就shift過去，但係d野食竟然快過人到，變左要自己搬d野食去另一張枱，都幾le hea🫣

收咗工唔知同朋友食咩好，咁啱我屋企附近有一間店面好靚嘅日本餐廳，於是我同朋友就入咗去試吓啦。餐廳入邊好多嘢食，包括便當套餐，拉麵套餐，仲有壽司、刺身、串燒小食添，真係好令人吸引呀，唔知揀咩好。炙燒帶子壽司（$32)帶子本身已經非常新鮮，加埋炙燒完帶子嘅香味完全散發出來。三色花之戀（$69)餐廳最大嘅特色就係所有嘅刺身例如三文魚、海膽都係非常之新鮮，完全冇一啲腥味，真係好值得大家去試清爽西柚梳打（$20右）青柑桔柚子梳打（$16左）夏天天氣咁熱呢就最啱飲番啲冰涼嘅梳打，呢兩款梳打都非常之解渴，西柚就係酸甜酸甜而青柑桔更加係非常之解渴啊，而且唔會太甜呀，飲完真係爽呀！和風燒汁便當（$95)呢個便當就非常之豐富，而且性價比非常高。一邊有三文魚扒、帆立貝、燒菠蘿、海螺。炙燒芝士大蝦反卷（$60)