豪隍點心工房 (已搬遷) 新店位置

第一次嚟呢度，真係搵唔到入口今次第二次嚟終於識得路上次唔記得咗影相，今次終於記得啦過嚟食呢日，其實係年初二特登陪阿媽過嚟飲茶但觀塘apm 附近嘅酒樓都爆晒棚等位都要等成幾個鐘但係好彩行到過嚟呢間酒樓唔使等位可能真係冇乜人知道呢個位置對我嚟講係一件好事🤣因為呢間嘅嘢食真係好足料，而且好好食我哋叫咗燒賣，蝦餃，牛肉腸，煎釀三寶，鳳爪同埋叉燒包。全部都好足料。蝦餃未試過可以饀多過兩隻蝦，呢度係應有幾隻蝦塞咗入去🤣🤣煎釀三寶嘅醬汁好濃味，所以我哋都二刷咗🤣媽咪好滿意♥️開心

我們一行4人，因為有同事極力推介豪隍點心- 蝦餃皇同燒賣皇，雖然觀塘有啲遠，但因為新年未開工，所以就一齊去試。我哋分別叫咗11款點心 ： 蝦餃皇 同 燒賣皇 - 真係勁多蝦 ，鍾意食蝦嘅朋友不妨一試； 豉汁蒸排骨 - 本人就覺得一般，因為我覺得有啲排骨好多肥膏；豉汁蒸鳳爪- 都ok入味；五香金錢肚 - 賣相同份量都ok,都夠入味同埋唔算好韌；鳳爪排骨飯- 雖然睇落份量唔係好多，但勝在啲飯夠乾身粒粒分明，好味；墨西哥叉燒包- 感覺上比出邊酒樓好似細少少（嗰包）但勝在入邊啲叉燒冇乜肥膏所以都好味😋；蓮藕煎鯪魚餅 - 煎得都OK，太會太燶同太油；香茜牛肉腸-一般，因腸粉唔算太滑；沙律什果鮮蝦雲吞-本人無食，所以唔知好唔好味；龍仔馬拉糕- 賣想都唔錯，但因為太飽無食，同事食完講好味。整體食物質素都ok,值得一試👍🏻😊。但如果大家想試記住要book位，如果唔係就要係樓梯位排隊。服務一般，因為職員好忙，但都快手快腳，不會只顧傾計唔做嘢。價錢方面不算特別平，跟一般酒樓價錢相若，但質素比一般酒樓好。改善方面：如果用膳時間長少少會較好，因為得70分鐘比較趕，如果想傾計就唔係好夠。

呢間邊個時間段去 都好多人 原本上個星期6 晏就諗住3點去食 以為過左午市會少人d 點知一望到門口樓梯仲有人排緊隊 拎緊飛 於是果斷放棄 唯有擇日再黎結果搵左日平日夜晚放工得閒 於是又再過黎食啦😋呢間位於工廈一樓 入口樓梯並唔起眼 初初只係區內街坊認識 但慢慢開始多人推介 就變左愈黎愈多人識 依家係咪唔可以再叫隱世小店啦🤣我地兩個人嗌左🥢蝦仁燒賣皇 有得揀兩粒／四粒 大大粒 足料又好味 個人推介！🥢豪隍蝦餃皇 都係有得揀兩粒／四粒 大大粒 皮薄兼入面大大舊蝦肉🥢流沙奶皇包 有小小流心 味道不過不失🥢蜜汁叉燒腸 味道正正常常 叉燒都算足料 入面有少少芫茜 唔鍾意嘅可以skip或者挑走佢🥢蒜蓉芝士長春卷 長條形一桶上 有3條配兩條長青瓜 對於唔係太識揸筷子嘅我鍾意拎上手 點芝麻醬食 食落脆口同唔算太濃蒜蓉味或者芝士味 我覺得唔錯 🥢甜奶炸饅頭 皮脆 唔會話好似有d酒樓因為擺得耐而淋左🥢五香金錢肚 重好味推介 下面啲芋頭夠哂淋 索哂啲汁好好食工廈位置黎講 呢間真係算多人 衛生同服務態度都冇咩好講 正正常常一間茶樓咁 冇話特別差或者特別好 但食物素唔錯 呢間係觀塘其中一間食完會再想去食嘅餐廳之

這間位於觀塘工廈附近，超級人氣高的點心工房，長期旺場，想食點心真的可以來試一試，不枉此行！趕的切截單前進場，兼唔係排隊🤭✨豪隍蝦餃皇✨個人推介～必食之一，大大粒兼啖啖蝦肉✨桂花杞子糕✨桂花香味好出，食落清甜（朋友係咁覺得可以，但本人覺得略為甜咗少少）✨四寶雞扎✨傳統口味～熱辣辣～大大件～材料厚切✨五香金錢肚✨味道濃，口感剛剛好，唔會黐牙✨鮑魚雞絲腸✨略為普通一點，味道淡一點好開光✨鵝肝醬鹹水角✨雖然識唔到有鵝肝醬嘅味道啊，但整體上比一般鹹水角較好，外皮鬆脆，煙靭✨藥膳雞腳✨雞腳夠淋，藥膳味重，若溫度軟為熱一點更佳✨蒜蓉芝士長春卷✨外皮香脆，餡肉配合爽口蝦肉，食前配合芝麻醬有另一番風味。❇️總結❇️👍點心質素幾好💰價錢大眾化兼大大件⏰營業時間去到晚上9:00（8:30pm截單

難得同老人家飲茶，今次竟然係老人家帶返我哋嚟呢間隱世點心工房！位於工廠區，門口一啲都唔起眼，仲要行樓梯上嚟，每個上到去嘅老人家都係龍精虎猛🤣掛住食都冇影相，不過我想講佢啲點心真係比好多酒樓高質，平日11點前啲點心仲好抵。初頭覺得10幾蚊兩粒燒賣或者蝦餃唔算特別平，上到枱俾佢嘅size嚇親，啲燒賣同蝦餃係平時嘅2倍size🤣🤣好巨型，每樣一粒都已經好飽！佢啲珍珠雞一啲都唔珍珠，係糯米雞咁嘅份量，裏面嘅餡亦都好豐富，唔會得糯米，除咗好多肉碎冬菇粒仲有少少咸蛋黃，好鬼正！金錢肚好爽口彈牙，唔會太老，仲有啲芋頭係底，冇咁膩😛另外仲食咗：鹹水角：皮好煙韌，但有啲厚，會痴牙馬拉糕：嫌唔夠鬆軟同有啲太甜，不過都有以前嘅味道腸粉：嫌腸粉皮有啲太厚，但好足料豆苗蝦餃：大粒就唔使講，豆苗好嫩唔會老鹹魚肉餅飯：份量有啲多，建議2-3個人share，先試到多啲點心，鹹魚好香，連肉餅都有鹹魚味，正！下次要再嚟飲茶，性價比非常高，推介！😝😝

諗住去mega box睇梵高上網搵觀塘有咩好食🤤最後去左工廈食點心有驚喜💛💕點心拼盤 ♥包括2蝦餃➕2粉果➕1奶黃流沙包➕1叉燒包啱晒好似我甘樣樣都想試嘅人蝦餃好大粒好足料粒粒蝦肉好彈牙👍🏻粉果略嫌皮厚但個餡係好味嘅🤤奶黃流沙包同叉燒包都正常水準💕蝦仁燒賣皇 ♥👍🏻必食推介同蝦餃一樣好大大過乒兵波😆粒粒手切豬肉又有蝦仁🍤好有口感💕四寶雞扎 ♥有口感彈彈膠原感嘅魚肚勁大嚿雞肉火腿芋頭好粉吸埋湯汁滋味昇華餐廳人氣好高四人以上等位可能會耐亦設有限時勝在點心即叫即蒸好味又足料🤤我最後忍唔到連生點心都入手左75折呀😍返屋企可以再食過只要按佢指示蒸喺屋企都同樣好味

今日11點05分下單，等左約23分鐘，拎左食物。我無打針，所以去左附近公園食， 食食下才發現俾小左芒果布甸我。又要再行去餐廳，去到有個員工英姐死口不認有漏布甸，我都一肚氣，又再解釋，她都係不認自己比小左件食物客人，真係怒火中燒，後來有位哥哥立即叫她比番我。正常人齊單，都不會再浪費時間行過去拎啦，錯左又不認自己錯，真係嬲嬲地😡餐廳應教導員工遇到呢d事點樣處理吧。

豪隍點心工房地址: 觀塘敬業街65-67號敬運工業大廈1樓A室#yauyau_觀塘呢間餐廳終於開咗gulu大家以後可以唔使嚟到門口先攞飛，喺電話撳個掣就可以遙距攞飛，唔使再留喺樓梯度等啦。🫑🍆尖椒讓茄子 $32佢嘅魚肉肉質彈牙，裏面仲有啲蔥花陳皮令到煎完之後唔會太油膩，仲有陣陣陳皮香，佢上面嘅辣油用咗啲辣椒碎嚟整，有浸天然辣椒香氣，佢嘅青椒同茄子唔會過熟，食落去青椒依然脆卜卜裏面嘅辣椒籽唔會刮走晒，夠哂辣呀。茄子皮唔會太硬，裏面嘅茄子肉好啱點埋剩低醬汁，一嚟就食呢個非常開胃。🫔🫔上湯鮮竹卷 $24鮮竹卷嘅腐皮份量都幾多，腐皮食落去可以食埋佢上湯嘅滋味，而且佢嘅餡料唔會擺太多菜喺裏面，會有啲肉同啲蔬菜食落去唔會好散又沙，食落可以好彈牙，油香十足。🍰🍰薑汁千層糕 $24薑汁味好濃，食落有啲痴牙，非常有咬口而且薑汁同埋佢嘅甜度比例好好，唔會死甜蓋過薑汁味。🍱🍱點心拼盤 $50佢有蝦餃粉果叉燒包奶黃包。呢度點心可能冇咁精緻，但係佢嘅餡料非常多，啲蝦係可以塞爆成粒蝦餃。粉果我最鍾意佢多花生，好爽口。叉燒包同奶皇包就普普通通啦。叉燒包佢嘅餡係用瘦嘅叉燒唔會用肥豬肉充數。🍤🍤鮮蝦菜苗餃 $26可能佢

好多朋友都話呢間嘢正呀，終於有機會試吓。一點鬆啲到，諗住星期日，應該接到食完 brunch 嗰班人啲枱⋯ 結果都係樓梯仍企滿晒人，等咗大半個鐘頭，近兩點先有得入座，下次用手機攞咗飛先會好啲。啲蝦餃真係幾大隻，不過啲皮又厚番啲啫。蝦有鮮味，好過好多街坊酒樓，同酒店就仲爭啲。雞扎亦都大件，足味。其他嘢就一般啦，冇傳說中咁犀利。可能期望越大，落差越大。食到兩點幾走，仍然全院滿座，犀利 💪🏼提醒返，佢門口寫咗話，每枱用膳時間限時70分鐘。我哋兩個人去食就夠啦，但係一大班人如果諗住去吹水，點夠時間。

講到食點心 就離唔開👑 𝐌𝐲 𝐓𝐨𝐩 𝟏之選- 豪隍ෆ  ̫ ෆ‪ 👑已經食過好多次 但每次都掛住食上次就的起心肝 影靚啲相先( ˶¯ ꒳¯˵)呢到嘅點心係真 • 大件夾抵食₍₍ ᕕ(´ ω` )ᕗ⁾⁾價錢平 大大件 仲要好好食！燒賣同蝦餃有得叫2粒/4粒 如果想試多啲款點心 叫2粒就夠 因為佢係king size 要分幾啖先食得曬🤣個人推介 蝦餃是必吃之一(*ฅ́˘ฅ̀*)♡超多足料超多蝦 而且好爽口彈牙 蝦餃皮唔會話太厚 每次去都一定會點的！脆皮銀蘿腸同蜂蜜黑糖糕都比較特別 出面會少見～前者係用腸粉包住蘿蔔酥 食落驚艷到呢！個人嚟講幾鍾意呢個配搭(♡˙³˙)而後者友人比喻為「中式可麗露」🤣食落後感煙煙韌韌 又甜甜地 同可麗露又真係有幾分相似～❇️ 豪隍蝦餃皇(2粒) $26❇️ 蝦仁燒賣皇(2粒) $26❇️ 流沙奶黃包 $26❇️ 脆皮銀蘿腸 $26❇️ 蜂蜜黑糖糕 $24❇️ 高湯鮮竹卷 $24❇️ 豉汁蒸鳳爪 $26🫖 茶芥 $6/人總結！點心大大件好抵食 環境坐得舒服暫時仲未搵到間可以取代到佢🤣呢間絕對係去到觀塘必食之一‼️🌟另有觀塘-東瀛遊廣場新分店🌟👅味道：5/5💰性價比：4.5/5👀回頭

每次黎親觀塘飲茶都一定會揀呢間茶樓❤️‍🔥貼地價錢同高超質素真係會覺得就算距離地鐵站遠少少都唔緊要！位置都算幾隱蔽，但每次上去都會見到排曬長龍！好貼心嘅係門口有座位同吹風機比等候緊嘅客人🥰特別有人情味✨杞子桂花糕係門口等得耐都有啲焗所以第一樣就叫左黎開開胃桂花味好出，味道好清甜不過媽媽就覺得稍甜左啲😂（我覺得啱啱好！✨墨西哥叉燒包有食緊菠蘿包嘅感覺內餡fill滿曬，所以第一啖咬落都已經食到叉燒整體有少少過甜，不過都好食嘅✨鳳爪排骨飯好少可會聽到媽媽讚出面嘅飯好味呢個飯嘅飯粒好香，而且濕度啱啱好排骨都好易甩骨！調味好好味✨蝦仁燒賣皇成個包咁大嘅燒賣！！而且唔淨只係面頭有隻咁大嘅蝦仁咬開裡面都有隻大大隻嘅蝦超滿足🤣不過食完飽到上心口✨蝦餃拼粉粿各兩粒嘅設計好正❤️好適合兩個人去食唔會突左一粒無人食得落兩款餃都超飽滿啲餡真係一咬就爆曬出黎而且味道係完全唔需要加額外醬汁去提味嘅lv！！✨蒜蓉芝士長春卷春卷非常香脆齋食可以食到餡料嘅香氣點芝麻醬食係另一種風味❤️‍🔥

聽屋企人講閣樓間分店裝修完，好喇是日中午突然心血來潮，一人前到豪隍填肚。裝修前後分別唔大。估計最少要等10幾分鐘，唔知真係好運，定係咪真係好多人去咗旅行，剛好有一張二人枱，免等位（平時一般午市要喺樓梯等餐懵）。坐低開咗茶，發覺有午市套餐，$49一主食、一點心，可以加錢轉西式飲品。而我只點咗一個燒排骨湯米線、高湯鮮竹卷，加埋茶錢盛惠$55，以觀塘商貿區嚟講相當抵食。燒排骨湯米線先上，但發覺排骨俾我想像有些少出入，本以為係燒臘舖嗰啲長條型燒骨，實物現形似紅燒排骨。雖然多半係急凍排骨，但食落啲肉質彈牙，感覺唔到有雪味；湯是清湯加了腐皮，提升咗湯汁層次，值得推薦。至於高湯鮮竹卷，味道較清淡，餡料裡面啲蔬菜佔大比數，如喜歡清淡何妨一試，感覺唔到有味精，食完唔會狂灌茶灌水。

平時去飲茶都要去傳統屋邨酒樓，難得觀塘有一間點心專門店，而且又企企理理，我哋呢啲後生仔女梗係無任歡迎啦！佢地呢間店都好厲害，因為佢哋喺觀塘仲開附咗一間新店啊，不過我就鍾情舊店啦，食開有感情呀嘛！佢哋嘅餐牌有好多款唔同嘅點心，而且仲要係新鮮整嘅，佢哋嘅工場就係隔離㗎咋！次次都係見到大家會介紹佢哋嘅蝦餃皇、燒賣皇，冇錯的確係好好食好足料 ！但係你哋睇吓佢哋其他點心，其實款款都咁大份，大份到連個碟都裝唔落甘；你睇吓嗰碟雞扎，好似好逼甘啊，包住幾甘多材料！🤭🤭我哋今次兩個人嚟叫咗幾款已經好夠食！最後要提一提大家：記得記得要早啲嚟啊，如果唔係就要喺出面排隊等㗎啦！

去開觀塘點少得飲茶名店款就不多燒賣好巨型🤨上面一隻中size既蝦中間就係彈牙豬肉皮都軟身醬汁茄子拼尖椒魚肉有煎香過😉脆口茄子就滑身蝦餃又係巨型size😲入面至少4-5隻蝦🤩皮又吳易爆鳯爪正常發揮墨西哥叉燒包煎過 係香口左😉感覺 係港式墨西哥包咁上面係 沙粒既波蘿包面甜甜地叉燒醬就咬一口就流出黎🤩點心拼盤有D已經講過就不評京式叉燒包: 都反多汁🤨粉果 : 相對普通好多#燒賣#醬汁茄子拼尖椒#蝦餃#墨西哥叉燒包#點心拼盤#豪隍

假期來觀塘搵野睇揾野食，一於來食朋友勁推的點心。籠仔馬拉糕勁鬆軟又香甜，完全唔係果d死實質感。香港人成日食點心飲茶，第一籠點心已經有驚喜，好期待接下來的其他點心。鮮蝦腐皮卷熱辣辣，外脆又香，入面蝦好爽，加少少喼汁真係襯到絶。山竹牛肉球又係至愛，大大粒，足料得來又唔會死實實，彈彈地好過癮。大大粒燒賣，雖然一籠得2粒，但一粒要咬幾口先食完，鮮蝦又係爽身。大大粒蝦餃，皮薄，入面蝦好足料，又係唔可以一口就食完果隻。脆皮銀蘿腸，腸粉皮唔厚粉，入面應該係煎蘿蔔絲餅，勁正，配少少鼓油同花生甜醬幾夾。咸水角又係不得了，外脆内軟，整好就立即上枱，唔係炸完放左一段時間果隻，入面的咸粉就正常發揮。最尾的五香金錢肚又係幾多料，但底係吸晒味的芋頭，但無出面茶樓果d水汪汪的醬汁但金錢肚係無咩味。相反，呢度係又林又香，勁入味。雖然地方唔大，但即叫即整，上枱又快，下次一定要再來。