豪隍點心工房 (已搬遷) 新店位置

聽屋企人講閣樓間分店裝修完，好喇是日中午突然心血來潮，一人前到豪隍填肚。裝修前後分別唔大。估計最少要等10幾分鐘，唔知真係好運，定係咪真係好多人去咗旅行，剛好有一張二人枱，免等位（平時一般午市要喺樓梯等餐懵）。坐低開咗茶，發覺有午市套餐，$49一主食、一點心，可以加錢轉西式飲品。而我只點咗一個燒排骨湯米線、高湯鮮竹卷，加埋茶錢盛惠$55，以觀塘商貿區嚟講相當抵食。燒排骨湯米線先上，但發覺排骨俾我想像有些少出入，本以為係燒臘舖嗰啲長條型燒骨，實物現形似紅燒排骨。雖然多半係急凍排骨，但食落啲肉質彈牙，感覺唔到有雪味；湯是清湯加了腐皮，提升咗湯汁層次，值得推薦。至於高湯鮮竹卷，味道較清淡，餡料裡面啲蔬菜佔大比數，如喜歡清淡何妨一試，感覺唔到有味精，食完唔會狂灌茶灌水。