豪隍點心工房

營業中

休息中

蝦餃皇同燒賣皇都係兩粒一籠大大粒，價錢一樣都係$27，兩樣都好足料，蝦餃勁多蝦，燒賣嘅蝦同埋舊肉都好鮮味。雖然唔係apple to apple不過我都係覺得蝦餃皇抵食啲。山竹牛肉用嘅牛肉質素唔錯，都算係幾新鮮，食落去覺得應該無用梳打粉醃過，落喼汁超正。鵝肝醬咸水角其實食唔出鵝肝醬嘅味，不過都好食，勝在熱辣辣而且又唔會油淋淋。叉燒腸都好好食，腸粉皮爽滑，入面係原粒叉燒而唔係叉燒醬加肉碎，材料選用算係講究。

唔知以為食客殺咗個收銀屋企人，前一個食客比錢時已經對佢呼呼喝喝。黑口黑面。跟住佢聽一個食客電話，應該係詢問訂位之類，又係會講到反晒眼咁同好無禮貌咁喝人地。我聽到都覺得個氣氛好尷尬。到排到我比錢都預咗唔會好受，給果當然無任何笑容講多謝，仲要好大力咁掟返啲找錢比我。成日覺得你可以唔做人生意，但態度係做人同品格嘅基本要求，點解返工可以返到放棄自己個品格咁大犧牲。無嘅，做人嘅野，你嘅態度如何，你嘅成就如何姐。

食物味道其實好一般。例如蝦餃皇其實同屋村茶樓味道差唔多，只不過係整到兩倍咁大，但係塊皮都會做返兩倍咁厚。視覺上大件係個噱頭，咁價錢都收返貴D嘅。流沙奶黃包一上台就已經唔流沙，味道可能只係好過唐X包點少少🤏既然性價比同屋村茶樓差唔多，如果咁啱經過可以食，但係就冇需要特登過黎啦。順帶一提，今日被安排坐角落位置，服務員有時睇唔到我地招手在所難免。咁冇人理咪自己出去攞醬料囉，但係就俾人話要坐係到唔好自己出黎🤷‍♂️

見open rice呢度有好多正評，點心大粒而好味， 所以上星期六慕名而嚟，預早訂定位，去到攞位就得，當時見到有唔少人喺度攞飛等位，好在醒目，一早訂咗位。被安排在喺較入嘅位置，而且我坐背住出面，所以唔係好睇到茶樓裝修、環境等。一坐低，睇吓餐牌，感覺熟悉，有米線，即時諗起幾年前喺尖沙咀食開晏嘅"豪隍點心"，雖然嗰間後面無"工坊"二字，我相信两間都係同一出品。可惜两三年前，厚福街間豪隍無做，我仲好記得當時lunch set揀一碗米線+一個點心+一個汽水/飲品，$5x，另加一，大概$62/餐，食物質素高、又豐富！好喇！ 講返呢間豪隍，事不宜遲，點咗十幾樣嘢，有：蝦餃x2 (2隻籠) 好大粒，啖啖蝦肉🉐燒賣x2 (2隻/籠) 好大粒，豬肉彈牙，有粒大蝦喺面👍🏻鮮蝦菜餃～好食，啖啖菜+蝦❤️高湯鮮竹卷～材料豐富，好味，但可能嚟咗，我唔係即刻食，啲腐皮吸曬啲湯汁，我食時覺得略嫌咸咗啲生煎蘿蔔糕～一貫味道，好食，但無特別鮮蝦腐皮卷～賣飛弗😋甜奶炸饅頭～有3個細饅頭，我無食，但睇嗰色水，炸得黃金，幾靚仔爽口滑蝦腸～皮滑、餡靚，蝦都係賣飛弗😋山竹牛肉球～大大粒，啖啖肉，唔錯！養顏紅棗糕～唔甜、有淡淡嘅紅棗

無論早午晚宵夜想食點心既我特別鍾意黎呢度食返幾籠價錢唔算特別平服務都只可以話正常但出品質素合理啦附近嘅朋友仔得閒都可以黎試下但放飯時間就要提前book枱或者搵人黎等位啦

話説小妹都好耐冇食過點心呢間豪隍點心出名大件夾抵食母親大大都話以前食過好食一於就去會一會佢啦😆-☹︎ 豪隍蝦餃皇(兩粒) $26見到佢個size就知點解蝦餃要成$13一粒佢真系蝦餃皇😳有成個拳頭咁大👊🏻可惜就真系得個大字餃皮又軟又厚🤥完全唔煙韌好食嘅蝦餃內餡應該有少少汁 蝦肉亦應該系爽滑彈牙呢件蝦餃蝦肉就飽滿嘅 尚算彈牙但唔鮮甜😞而且乾爭爭少少汁都冇😟再加上喺餃皮咁厚嘅情況底下 整體就非常差😓味道: 3/10性價比: 6/10-點心拼盤 $50有兩粒蝦餃 兩粒粉果 奶皇包同叉燒包各一個☹︎潮州粉果(單點$24)同蝦餃個問題一樣個皮又淋又厚不過呢個仲犀利因為佢難食過蝦餃🥹內餡淨系食到爛豬肉碎蝦米同韮菜冇沙葛 冇花生🤷🏿‍♀️成件粉果味道單一 仲要淋blabla 一pat嘢咁🫤味道: 1/10性價比: 3/10-☻︎ 流沙奶黃包 $26包都夠鬆軟搣開奶黃流晒出嚟😜甜甜地可惜冇鹹蛋黃嘅香味正常水準只不過唔系特別出色🙌🏿味道: 7/10性價比: 9/10-㋡ 墨西哥叉燒包 $26麵包鬆軟酥化😳系肥胖嘅味道😂幾appreciate佢用瘦嘅叉燒食落冇咁肥膩不過醬料落太多 甜度over咗食完覺得滯😗味道:

我地住觀塘，飲茶一定黎呢度等位，好記得第一次黎星期日6人晏就等左2個鐘終於食到！開埋分店繼續幫襯，等位快左，水準依舊超班好味道，老公獨愛煎釀三寶，囡就至愛流沙包，

好多人都介紹食李間飲茶，咁黎到就要叫啲例牌會叫嘅蝦餃，鳳爪，腸粉. 佢個蝦餃好出色，大大粒，皮又夠薄，蝦肉又彈牙又新鮮😋😋大粒過出面食嘅～其他個啲就普普通通，都好食嘅～係個價錢抵食👍🏻👍🏻去開個頭都會再食嘅～

食過好多次，每次想食點心嗰陣都必黎豪隍，水準一如以往嘅好豪隍蝦餃皇佢一籠雖然得兩粒，不過就大大粒裏面啲蝦又爽口彈口份量十足，皮薄餡多，一大啖咬落去好滿足！食過好多間點心店嘅蝦餃，覺得依間整得幾好食，唔錯！豉汁蒸排骨身為排骨愛好者，好驚食到啲咬唔爛又韌嘅排骨，但依個就唔會，豉汁味香濃，而且排骨口感好嫩一啲都唔會咬唔爛甜奶炸饅頭炸饅頭炸得夠透，裏面熱辣辣，點上煉奶真係非常好食😋脆皮雞翼物如其名，真係十分脆，新鮮炸起熱辣辣之餘每一啖咬落起都脆到卜卜聲，好驚艷，鍾意食炸野嘅人一定要試吓，值得一試混醬腸粉呢間嘅腸粉整得好爽口，唔會好似有啲舖頭咁蒸到一patpat 淋到一夾起就爛影響口感，佢係一條條都好分明完整，又爽口Q彈，點上甜醬好好味😋

位於觀塘的豪隍點心工房經常大排長龍，各款點心即叫即製，抵食又足料，性價比極高！假日下午不用排隊就可以入坐，必定要把握機會食啦～🦐蝦仁燒賣皇 ($26)蝦仁大粒，口感豐富，超滿足～🦐豪隍蝦餃皇 ($26)蝦餃皮柔韌，蝦仁大粒，餡料豐富！🍲高湯鮮竹卷 ($24)高湯鮮甜，鮮竹卷皮薄，餡料十足又入味！🥬香茜牛肉腸 ($26)腸份薄滑，茜味不會過濃，味道不錯～🥢生煎蘿蔔糕 ($24)口感結實而不粉，吃得出條條蘿蔔絲，相當足料！🥒手拍青瓜 ($24)最喜歡的涼拌小菜！青瓜清甜爽脆，加上酸辣醬汁特別開胃！🫖茶芥 ($6/位)

聽朋友話呢間抵食夾大件，於是抱着一試究竟嘅心態嚟試吓…果然，同傳說一樣，一切都巨大化…面對面前的蝦餃、燒賣、粉麵…我彷彿像小人國的國民進入了大人國，終於知咩叫大蛇屙尿…原來佢唔止抵食夾大件，仲超級超級超級好味，我以前一直都冇食過呢一間嘢，加上我自己本身唔鍾意飲茶，我真係超級開心呀！！！Why so amazing!!!我以後都會餐餐去呢度飲茶！自從嗰日之後我一試難忘，每一日都朝思暮想我親愛的燒賣，連發夢都夢見啲燒賣對住我笑，我真係忍唔住了！！！古語有云，英雄難過燒賣關，我諗我成為咗所謂嘅英雄。雖然個位置有少少尋寶嘅感覺，一切都值得！

呢間野冇特登search過都真係留意唔到佢5個人心思思想飲茶食點心咁岩又search 到呢間就去試5個人人均$160，叫得太興奮完全食唔晒點心個樣都好靚仔架4粒牛肉球都逼爆隻碟咁濟

第一次嚟呢度，真係搵唔到入口今次第二次嚟終於識得路上次唔記得咗影相，今次終於記得啦過嚟食呢日，其實係年初二特登陪阿媽過嚟飲茶但觀塘apm 附近嘅酒樓都爆晒棚等位都要等成幾個鐘但係好彩行到過嚟呢間酒樓唔使等位可能真係冇乜人知道呢個位置對我嚟講係一件好事🤣因為呢間嘅嘢食真係好足料，而且好好食我哋叫咗燒賣，蝦餃，牛肉腸，煎釀三寶，鳳爪同埋叉燒包。全部都好足料。蝦餃未試過可以饀多過兩隻蝦，呢度係應有幾隻蝦塞咗入去🤣🤣煎釀三寶嘅醬汁好濃味，所以我哋都二刷咗🤣媽咪好滿意♥️開心

我們一行4人，因為有同事極力推介豪隍點心- 蝦餃皇同燒賣皇，雖然觀塘有啲遠，但因為新年未開工，所以就一齊去試。我哋分別叫咗11款點心 ： 蝦餃皇 同 燒賣皇 - 真係勁多蝦 ，鍾意食蝦嘅朋友不妨一試； 豉汁蒸排骨 - 本人就覺得一般，因為我覺得有啲排骨好多肥膏；豉汁蒸鳳爪- 都ok入味；五香金錢肚 - 賣相同份量都ok,都夠入味同埋唔算好韌；鳳爪排骨飯- 雖然睇落份量唔係好多，但勝在啲飯夠乾身粒粒分明，好味；墨西哥叉燒包- 感覺上比出邊酒樓好似細少少（嗰包）但勝在入邊啲叉燒冇乜肥膏所以都好味😋；蓮藕煎鯪魚餅 - 煎得都OK，太會太燶同太油；香茜牛肉腸-一般，因腸粉唔算太滑；沙律什果鮮蝦雲吞-本人無食，所以唔知好唔好味；龍仔馬拉糕- 賣想都唔錯，但因為太飽無食，同事食完講好味。整體食物質素都ok,值得一試👍🏻😊。但如果大家想試記住要book位，如果唔係就要係樓梯位排隊。服務一般，因為職員好忙，但都快手快腳，不會只顧傾計唔做嘢。價錢方面不算特別平，跟一般酒樓價錢相若，但質素比一般酒樓好。改善方面：如果用膳時間長少少會較好，因為得70分鐘比較趕，如果想傾計就唔係好夠。

呢間邊個時間段去 都好多人 原本上個星期6 晏就諗住3點去食 以為過左午市會少人d 點知一望到門口樓梯仲有人排緊隊 拎緊飛 於是果斷放棄 唯有擇日再黎結果搵左日平日夜晚放工得閒 於是又再過黎食啦😋呢間位於工廈一樓 入口樓梯並唔起眼 初初只係區內街坊認識 但慢慢開始多人推介 就變左愈黎愈多人識 依家係咪唔可以再叫隱世小店啦🤣我地兩個人嗌左🥢蝦仁燒賣皇 有得揀兩粒／四粒 大大粒 足料又好味 個人推介！🥢豪隍蝦餃皇 都係有得揀兩粒／四粒 大大粒 皮薄兼入面大大舊蝦肉🥢流沙奶皇包 有小小流心 味道不過不失🥢蜜汁叉燒腸 味道正正常常 叉燒都算足料 入面有少少芫茜 唔鍾意嘅可以skip或者挑走佢🥢蒜蓉芝士長春卷 長條形一桶上 有3條配兩條長青瓜 對於唔係太識揸筷子嘅我鍾意拎上手 點芝麻醬食 食落脆口同唔算太濃蒜蓉味或者芝士味 我覺得唔錯 🥢甜奶炸饅頭 皮脆 唔會話好似有d酒樓因為擺得耐而淋左🥢五香金錢肚 重好味推介 下面啲芋頭夠哂淋 索哂啲汁好好食工廈位置黎講 呢間真係算多人 衛生同服務態度都冇咩好講 正正常常一間茶樓咁 冇話特別差或者特別好 但食物素唔錯 呢間係觀塘其中一間食完會再想去食嘅餐廳之