豪牛

營業中

休息中

收工去咗附近一間新開嘅火鍋店打邊爐 豪牛一聽個名就知有靚牛食啱曬牛魔王嘅我地花膠濃雞湯個湯底有好多材料係入面 有花膠、半隻雞、猴頭菇、杞子、瑤柱等好豐盛 雞件好滑 襯未開始打邊爐前要飲多幾啖湯養顏豪牛拼盤 牛係呢間店嘅主角 一碟有4款牛肉 分別係封門柳、牛頸脊、牛匙柄、牛小排 擺盤油花重嘅會係最頂部 我鍾情牛小排 肉質軟嫩重油花 好滿足五花趾五花趾即係牛嘅後大腿內側的牛腿肌腱 最有彈性 口感爽脆炸魚皮空口食好香脆 放落湯到食感覺上無咁熱氣蔬菜拼盤呢個拼盤份量啱啱好 有幾款菜係入面 每樣少少 打邊爐蔬菜都係必備菊花蜜有清熱解毒的功效 唔驚熱氣

呢度最多人知就一定係老闆們都係珍姐舊班底，質素有保證🤣先講成個氣氛都好正，播廣東話為主，成個vibe都好有氣氛好有feel！湯底既花膠雞湯真係滋陰養顏既首選🩷一上枱就會飲佐一碗湯先，飲得出係真材實料煲出黎既雞湯，滿滿一隻雞加上花膠瑤柱等材料，味道好清甜！跟住呢度食物方面最出名道少當然係佢地既牛啦，牛肉既質素真係好高，又有唔同特別既部位。佢地既豪牛拼盤有齊牛小排，牛匙柄，封門柳同牛頸脊，牛肉好有質感，有嚼勁亦有牛味，真係手切牛肉既質感🥩佢地既其他配料都好值得去食呀，最深刻係佢地既炸魚皮，真係新鮮即炸，上枱果陣仲熱辣辣！呢度仲有酒飲添，貫徹傳統呀！

「如果我啲牛唔好食，不如執咗佢啦！」邊個咁大口氣？就喺灣仔新開火鍋店「豪牛」嘅職員哥哥😏見到啲牛完全明白點解哥哥可以咁招積！灣仔「豪牛」由中環出晒名嘅「珍姐」班底主理，叫得「豪牛」明副其實佢地對自己嘅牛肉信心滿滿❣️2個人叫個M size嘅豪牛拼盤，內有封門柳、牛頸脊、匙柄同牛小排～我發現呢度嘅封門柳同我平時買嘅完全唔一樣，牛味極濃郁、入口軟腍即溶化！我地今次叫花膠濃雞湯底，啱晒用嚟烚咁高質嘅牛肉唔會掩蓋肉味👍🏻我試埋牛胸爽同五花趾，牛胸爽即叫即切，質地爽脆烚幾秒已經食得🤭除咗主角牛肉，即炸魚皮、花腫雞翼、巨大蟹柳都一定要叫，尤其花雕醉雞勁入味，絕對唔可以錯過！值得一提係，呢度服務好好呀，侍應哥哥好風趣，隔離枱生日仲會播生日歌勁好氣氛！今晚打邊爐真係勁滿足，下次再搵朋友食過❣️

食物質素同服務態度都係一流，珍姐舊班底！係今年最滿足既一餐打邊爐！😍佢哋嘅牛肉拼盤超大，仲有唔同部位，真係食肉者的天堂！特別係封門柳，肉味濃郁，仲帶有一股鮮甜味，食落去真係好過癮。而牛頸脊同匙柄都好香甜，肉質鮮嫩。牛小排就更加唔使講，油脂適中，咬下去滑滑淋淋，每一啖都有驚喜。至於白肉部分，五花趾（後腿肉）口感爽口，帶有一啲筋，非常好味。佢哋仲提我地D肉只要淥6-8秒，令到牛肉保持最佳鮮嫩度，真係細心考慮到每一個細節。而且，佢哋嘅雞湯底都係一絕，使用原隻雞煲，先湯後食，雞肉好嫩，湯頭又香濃，真係令人回味無窮。牛丸、門鱔丸同鮮蝦韮菜餃都好新鮮，又彈牙又有鮮味。原來新開咗兩個月！🔥如果仲未試過，絕對值得一試‼️

朋友之前一直好想試中環嗰間珍姐，可惜book唔到位，所以知道佢哋舊班底喺灣仔開咗新舖之後，即刻約我嚟試！❤️花膠濃雞湯我哋最喜歡滋補嘅湯底，材料有半隻三黃雞、花膠、猴頭菇、瑤柱等等，職員會幫我哋將雞斬件，雞肉好嫩滑！❤️豪牛拼盤牛肉拼盤係每一枱都必點！有封門柳，牛頸脊、牛匙柄和牛小排四款牛肉。顏色從深到浅，肉質從瘦到肥。當中我最鐘意封門柳，係牛膈膜的肌肉，肉質鬆軟，不易變韌，而且牛肉味極為濃郁！❤️牛胸爽為牛胸腔肋骨中間的軟骨部位，食落十分爽口，而且膠質豐富！❤️五花趾為牛腿肌腱，富有彈性，口感爽脆，筋肉感十足。❤️蝦滑墨魚丸粒粒蝦肉爽口彈牙，鮮味滿滿，加上粒粒墨魚肉，口感超特別！另外仲叫咗炸魚皮，蟹棒，烏冬，刀削麵等等。檸檬薏米水係店家自己煲的，清新酸甜嘅味道好解膩！

餐廳是開放式水吧可以看到職員調製飲品，裝潢新淨企理，設有卡位，座位舒適。背景音樂都是曾經很流行的粵語廣東歌，感覺氣氛很好，和朋友一邊打着邊爐，一邊聽音樂聊聊天。服務方面，職員服務都很殷勤，會主動幫我們火鍋加湯，倒飲料等，上菜時都會介紹一下食物。.入座後，職員先送上醬料盤，有豉油、芫荽、蔥、辣椒、炸蒜、蒜蓉醬、沙嗲醬、麻油和辣油。♡即炸魚皮$78剛下班肚子有點餓，火鍋之前我們就先吃過炸魚皮，先填一下肚子，炸魚皮是即炸的，所以上枱時還帶有溫度，香脆可口。♡花膠濃雞湯$298除了花膠和雞之外，湯裏還有瑤柱、猴頭菇、杞子、粟米，感覺十分滋補養顏。火鍋之前，職員就先叫我們喝一碗湯，果然花膠濃雞湯味道濃郁。大家如果過來火鍋的話，記得要先喝湯品嚐一下湯的味道。♡豪牛拼盤(中)$348我們二人所以點了一個中size份，如果人多的話可以點個大size的。這個拼盤一次過可以吃到四種牛肉，是四種不同口感不同味道的牛肉呢～.職員說涮6至8秒就可以吃了，首先外面的是封門柳，是牛的橫膈膜那塊肉，是牛肉味最濃郁的。第二層是牛頸脊，軟腍得來有肉味。第三層是牛匙柄，脂肪少，口感嫩。最後最入面的是牛小排，脂肪最豐富。喜歡

呢間火鍋店絕對係牛魔王嘅勝地，供應10幾款不同嘅部位，而且都非常新鮮，餐廳仲播放住經典金曲，邊食邊聽歌，好有氣氛。🫕花膠濃雞湯先飲碗花膠雞湯，湯頭非常足料，有花膠、猴頭菇、杞子及大量瑤柱等材料，真材實料，所以湯底非常鮮甜，之後店會幫忙將雞件放在湯鍋內，滾幾分鐘就食得，雞肉都幾嫩滑。🥢豪牛拼盤(M)頂層牛小排：肉質軟嫩味甜香。第二層牛匙柄：嫩滑中帶嚼勁。第三層牛頸脊：鮮嫩有彈性，牛味濃郁。底層封門柳：柔軟中略帶嚼勁，牛味極濃郁。四款牛肉各有特色，但係同樣都好新鮮，一個拼盤有四種風味，牛魔王必然之選。🥢五花趾：豐富口感層次，爽脆、有彈性又有嚼勁。🥢牛胸爽：口感獨特，爽脆、帶牛油香而不膩。🥢烏冬及刀削麵火鍋澱粉質嘅好拍檔當然係烏冬，滑溜又Q彈，而刀削麵就帶有質感及嚼勁。🥢陳皮魚蛋：陳皮味都幾濃，好好咬口。🥢潮州牛肉丸：結實有口感。🥢門鱔魚蛋：爽彈有魚味。🥢鮮蝦韭菜餃、鮮蝦雲吞及魚皮餃，都唔錯，個人比較喜歡魚皮餃，餃皮帶魚味又Q彈。🥢即炸魚皮新鮮即炸，熱辣辣，脆卜卜。🥢珍寶蟹柳及魷魚串：魷魚鬚口感QQ，幾得意。🥢雜菜拼盤🧋檸檬薏米水啖啖檸檬清香，微甜，啱哂火鍋時飲用，清熱解毒無哂熱氣。

聽聞係中環人氣火鍋店珍姐舊班底新開，趁未成為下一間預約困難店之前梗係要快快手試咗先！晚市6點開始，訂座可以選擇6點或8點半，店內環境舒適寬敞，裝修上花左唔少心思，牆上的霓虹燈牌增添不少打卡感。🥘花膠濃雞湯湯底首選個人最愛嘅花膠雞，除咗花膠同雞仲有粟米、杞子、瑤柱、猴頭菇非常足料，花膠厚實得嚟已經炆到冧晒膠質滿滿，打邊爐前飲番碗靚湯大滿足。🐮豪牛拼盤（M）一碟有齊封門柳、牛頸脊、牛匙柄、牛小排四款，依次序由外到內排列，想食肥啲瘦啲嘅牛肉都可以一次過滿足曬。個人最愛封門柳牛味最濃，有咬口但唔會韌，牛匙柄同樣少脂肪但相對封門柳肉質更軟嫩。喜歡油脂感重啲嘅話就推介牛頸脊及牛小排，脂肪比例高啲牛油香亦較重。🐮牛胸爽、五花趾兩款都係比較爽口嘅部位，平時比較少機會食到幾特別。🦐潮州牛肉丸、門鱔魚蛋、鮮蝦雲吞、鮮蝦韭菜餃🦑魷魚串、珍寶蟹柳、魚皮餃、白鱔片🐔花雕雞翼、滑雞片打邊爐除咗靚牛火鍋配料都好重要，試咗幾款都唔錯而且選擇都幾多，可按個人喜好選擇。🐟即炸魚皮大大碟，好脆口又不油膩。

big jj seafood hotpot was dubbed the hardest hotpot restaurant to book in hk????? so ive nvr been able to try it hahahahha. their original team opened another hotpot resto in wc recently offering high-quality food, featuring a variety of unique cuts & old cantopop music. HIGHLY REC their chicken fishmaw pot, assorted beef & the crispiest FISH SKINNNNN!!!! wld love to try their lunch menu 碟頭飯sss tooo !!𖦹 chicken, fish maw pot 花膠濃雞湯 $268𖦹 signature beef assortment (m) 豪牛拼盤 $338𖦹 beef aorta 牛心頂 $88

午餐決定試試新開張的豪牛，因為是「珍姐」班底，所以午市菜式也大致相同，唯一不同是老蘭嫩牛是配飯而不是配撈麵。午後的豪牛，人不多而且安靜，和晚上的氣氛截然不同。來到已經差不多2:30 ，始終未能試到拔道腩雞飯，唯有轉戰咖喱羊架。令人驚喜是餐牌上有加兩隻煎荷包蛋的選擇，上桌還附有豉油，實在太令蛋痴心花怒放。起初有點擔心這道椰香羊架太重椰汁味，幸好飯來了，椰汁味不至於很重。羊架的份量多的誇張，兩個女孩子也吃得飽。咖喱汁也給得慷慨，味道偏香甜，配飯不錯。熱死人的香港夏天，聽著廣東歌，吃碟頭飯，喝凍檸茶，也是一大快事。//如果可重遇，你最快樂時⋯⋯還恃時間多幸運未留意，微細事總有動人事宜，流逝了之後至不停去追//

喺火鍋推介見到灣仔有間新開嘅火鍋店🍲「豪牛」大受好評🌟等我去會一會去先😆鄰近灣仔地鐵站，交通方便🚇港式工業風的簡約設計，環境舒適，位置闊落餐廳採用高品質的食材🐮食材如其名，各種牛牛的部位都食得到連刁鑽部位都有得到，e.g. 封門柳、牛胸爽、五花趾和牛小排等……🥩🍲 花膠濃雞湯打邊爐最重要的是湯底小編揀左這個花膠濃雞湯，滋補有養顏🥰侍應把火鍋放上枱時，已經忍唔住：😍嘩～～～～材料十分豐富，而且聞到濃濃的雞湯香味原來是店主前一天熬製清雞湯🥣🐓 再加入花膠、牛猴菇、雞肉、杞子和大大大量瑤柱等多種材料，以慢火熬煮，真材實料打邊爐前來一碗原汁原味的花膠濃雞湯鮮甜嫩滑，淡淡濃郁，盡在不言中🤤🤤🐮 豪牛拼盤打邊爐配牛牛，簡直是錦上添花😍頂層是牛小排、第2層是牛匙柄、第3層是牛頸脊、低層是封門柳一次過品嚐唔同部位的牛味、油花和肉質， 爽喲😙😙輕灼幾秒便可入口，肉質彈牙而不韌，肉味香濃有嚼勁不用沾醬料都非常好味😋😋🐮 五花趾這是十分稀有的肉肉一頭牛牛後腿上的兩條肉筋包裹在一起的腱肉是五花趾，可見其稀有道筋肉感十足，但不會難咀嚼和韌，相反口感彈牙，肉味濃郁🐮牛胸爽很少火鍋店有牛胸爽，見到心心眼😍是小編由小

聽朋友講依間火鍋店5月先新開張但已經好難book，我地好好彩星期五晚食到早一輪。試左蕃茄薯仔湯底，有驚喜！係連薯仔我都覺得好食呀，而且係真材實料冇味精嘅湯底，飲左兩碗都冇口渴👍🏻試左炸魚皮，好脆好正；陳皮魚蛋、牛舌、菜新鮮，但最正係墨魚蝦滑，非常爽口彈牙，必食！飲品方面，有檸檬薏米水又有羅漢果水，香港人打邊爐真係要飲依d先啱feel。環境方面，地方唔算好大有十幾張檯，我地坐卡位都好舒服，keep住播廣東歌，確實係同朋友傾偈食好嘢嘅好地方。

位於灣仔新開嘅《豪牛》係由中環「珍姐」火鍋店舊班底開設，主打高質牛肉和多款刁鑽部位，仲有花膠濃湯底、時令海鮮拼盤、潮州牛肉丸、鮮蝦韭菜餃等經典火鍋配料店內裝修走簡約工業風，環境闊落，無論家庭抑或大班朋友聚會都適合不過🍲花膠濃雞湯湯底有半隻三黃雞、花膠、猴頭菇、瑤柱和杞子，湯頭非常濃郁、膠質滿滿，喝一口就能感受到雞肉嘅鮮甜和花膠嘅嫩滑，而猴頭菇和杞子增添了健康感😎建議火鍋前先飲一兩碗，滋補養顏一下🥩豪牛拼盤這個牛肉拼盤超吸引！包含了封門柳、牛頸脊、牛匙柄和牛小排等四款牛肉，每款都有唔同嘅油花分布和口感，從嫩滑到彈牙，層次感十足，我自己就最喜歡牛小排，油花最豐富，入口即溶，肉汁四溢🥩牛胸爽入口爽脆彈牙，油香四溢，膠質豐富🥩牛心頂稀有部位，入口嫩滑彈牙，牛味濃郁，口感獨特🥩五花趾筋肉分明，入口爽脆彈牙，牛味香濃🥢花雕雞翼｜滑雞片｜脆鯇片花雕雞翼：雞肉嫩滑，入口帶微微花雕酒香滑雞片：肉質細嫩，吸湯入味，口感滑溜脆鯇片：魚肉鮮甜，片薄爽脆，清新解膩🥢門鱔魚蛋｜鮮蝦韭菜餃｜潮州牛肉丸門鱔魚蛋：用門鱔魚肉手打製成，口感超彈牙鮮蝦韭菜餃：餃皮包住鮮蝦同韭菜，爽脆多汁潮州牛肉丸：手打牛肉丸，入口彈牙，牛

牛魔皇認證勁好味🥰中環人冇理由唔識珍姐 雖然冇咗但就發現珍姐嘅舊班底喺銅鑼灣開咗呢間邊爐 即刻衝～餐廳環境重工業風 打卡一流另外一路播住80後熟悉嘅廣東歌 好好氣氛同埋要讚吓呢度嘅店員 個個感覺好chill 服務好細心❣️花膠濃雞湯店員會先裝一碗湯比我哋飲第一輪嘅精華打個靚卡 再起咗隻雞拎去剪開 再落返煲打邊爐好有儀式感 同埋顧及大家而家興相機食先個湯頭睇到個色水都知正 飲落真係起晒膠有瑤柱嘅香味 花膠大大隻又厚身仲有啲杞子、粟米、猴頭菇 濃郁得來又帶點甜味❣️牛肉拼盤🐮一份有齊封門柳、牛頸脊、牛匙柄、牛小排一次過食到唔同嘅部位 睇個顏色就知係靚嘅食材份量十足之餘 擺盤亦都唔馬虎各種部位嘅濃淡、脂肪比例都唔同 食到唔同嘅口感😍❣️ 牛心頂、五花趾、牛胸爽、潮州牛肉丸呢啲比較刁鑽嘅部位真係唔係度度有得食五花趾即係牛嘅後腿部位 口感彈牙牛胸爽爽脆得來滲出少少油脂香牛心頂都係第一次食 口感原來幾煙靭 ❣️花雕雞翼花雕雞翼勁重酒香 煮完一樣咁滑溜❣️檸檬薏米水鍾意呢度個薏米水飲落零甜 真正解渴得來又冇罪疚感幫襯當日仲有兩位客人生日 餐廳真係會熄燈播生日歌 超好氣氛

豪牛 has recently opened up in Wan Chai and they’re taking HK by storm! This spot is opened up by the original team behind the infamous Big JJ Seafood Hotpot so you’re guaranteed the best vibes and high quality food! 🥩🍲 Keep reading to find out more: ⬇️✨ Here’s what we tried out:🍲 𝐂𝐡𝐢𝐜𝐤𝐞𝐧, 𝐅𝐢𝐬𝐡 𝐌𝐚𝐰 𝐏𝐨𝐭 / 花膠濃雞湯 - $268 hkd🥩 𝐒𝐢𝐠𝐧𝐚𝐭𝐮𝐫𝐞 𝐁𝐞𝐞𝐟 𝐀𝐬𝐬𝐨𝐫𝐭𝐦𝐞𝐧𝐭 (M) / 豪牛拼盤- $338 hkd🐄 𝐁𝐞𝐞𝐟 𝐀𝐨𝐫𝐭𝐚 / 牛心頂🐮 𝐁𝐞𝐞𝐟 𝐁𝐫𝐢𝐬𝐤𝐞𝐭 𝐃𝐞𝐜𝐤𝐥𝐞 / 牛胸爽🐓 𝐂𝐡𝐢𝐜𝐤𝐞𝐧 𝐖𝐢𝐧𝐠 𝐌𝐚𝐫𝐢𝐧𝐚𝐭𝐞𝐝 𝐢𝐧 𝐂𝐡𝐢𝐧𝐞𝐬𝐞 𝐘𝐞𝐥𝐥𝐨𝐰 𝐖𝐢𝐧𝐞 / 花雕雞翼🐔 𝐌𝐚𝐫𝐢𝐧𝐚𝐭𝐞𝐝 𝐂𝐡𝐢𝐜𝐤𝐞𝐧 𝐒𝐥𝐢𝐜𝐞𝐬 / 滑雞片🐟