豚豚食堂

營業中

休息中

好似好多人手，但唔好有期望😩明明落了單，白白等大半個鐘！肚餓冷氣又凍。。真係服務好差。當然唔關事嘅同事態度都好嘅。。不過唔幫個客落單呢啲基本工係唔應該出錯。失望失望。。

去開呢頭行左一趟mikiki 發現有太多選擇 然後點都選唔落邊間 想食又排長龍 餓到肚仔都扁曬啦 見個門面幾好幾日式又有d想起飄出黎就選擇佢啦 叫做一個一人自選套餐其中包括一個飯同一個小食 飯個方面我選擇咗滑蛋豬扒井飯 和炸雞肉 另外叫咗一個火鍋牛肉然後跟烏冬感覺滑蛋有啲過老 入邊啲飯有啲水 只係因為原本加水多得滯定係洋蔥有水份導致啲飯好水估唔到最正常嘅炸雞肉我會想食第二次 加埋沙律醬唔會太膩 裏面嘅雞肉有d滑 算OK持續性咁飽會另d🐔蛋太老 另外我地怕牛肉不熟煮耐了開始hai口 另外d碗筷衛生差dd 好似洗不大乾淨咁我需要用紙巾抹過燙過先安心

今日中午過嚟mikiki呢邊食飯, 見到呢間一係裝潢嘅餐廳，門口掛住幾個日式燈籠。點咗個牛油拉麵配咖喱飯。佢個拉麵係走札幌風，香濃嘅豬骨湯底配上牛油，配菜以簡單為主，叉燒昆布粟米同筍。簡單嘅配搭已經非常好味咖喱飯甜甜地好正宗，分量充足，食完碗麵再加埋呢個飯十分飽肚

覺得張相奇怪嗎？問職員有冇隻短啲匙羹？就話小朋友都係咁飲😳小朋友，其他人點飲我唔需要知！我想要着短啲匙羹啫！問佢即是無？佢話冇，咁你同我講：冇短嘅匙！就得啦！真係唔知啲服務好喺邊度

位於新蒲崗商場入面的日式食堂，裡裡外外都是走日系風格，懸掛著日式的燈籠。供應的食物款式多，拉麵、丼飯定食、日式咖喱、便當、燒物、沙律、日式洋食均有。拉麵：黑豚拉麵拉麵配料簡單，兩片叉燒肉、木耳絲、筍片及蔥花。湯底是豬骨濃湯，拉麵湯底加入了黑蒜油，更添香口。拉麵口感彈牙。叉燒肥肉不多。咖喱飯：燒雞扒奄列咖喱飯套餐 咖喱飯定食套餐，有麵豉湯、半隻蛋及粟米沙律。主菜方面，典型日式咖喱，甜味超於辣味，蛋嫩滑富蛋香，覆蓋著整個白飯。雞肉帶點燒焦香味，肉質較乾。鍋物：嫩雞壽喜燒壽喜燒乃是日本之家常料理，材料有大蔥、豆腐、大白菜、菇菌、肉類等，以慢火煮熟。這小鍋的材料差不多，本身配一碗白飯，可加錢轉成讚岐烏冬，烏冬麵條彈牙。壽喜燒的湯汁主要是甜醬油，所以都是蠻清甜，每份雞件大塊，厚度均一。另外，日本人的習慣是把熟透了的食物夾起來，浸進生雞蛋汁中再吃。

經濟好食日本菜@新蒲崗二人餐有兩個主食同三個小食，超過廿個選擇先至 $228，日本菜都可以經濟實惠㗎！天氣凍咗好啱食牛油拉麵，牛油香滑，溶入湯底，唔會有肥膩感。拉麵有嚼勁，配料例如粟米、昆布等等相當豐富。第二個主食就加 $5 揀咗吉列豬扒奄列咖哩飯，吉列豬扒都幾大塊，炸得脆卜卜，加上咖哩撈飯好惹味好食。串燒兩款每樣兩串，真係兩人份量㗎。串燒嘅賣相吸引，雞翼更加係燒到脆皮，調味又適中唔過濃。魷魚鬚好彈牙，我自己都比較鍾意食觸鬚，覺得口感有咬口啲～每款小食份量都係咁足料，餃子都有半打，哈哈。餃子個餡都幾多，煎得不錯。

早前工作後，順便係附近食埋野先走，自己鍾意食日本野，去了豚豚食堂食野。這裡有單點或套餐選擇，我揀了一人套餐，可以自選一款飯或拉麵，小食和飲品，款式選擇也不少。最後我揀了海老拉麵，吉列流心蛋豬肉餅和熱柚子蜜。吉列流心蛋豬肉餅賣相吸引，流心蛋黄和豬肉幾夾，外脆內熱，雙重口感。海老拉麵，份量也不少，麵質軟硬適中，材料有蝦，叉燒和櫻花蝦，湯底尚算鮮味。一次過食了兩款濃味菜式，飲番杯熱柚子蜜中和一下，價錢相宜，味道也不俗。

今日去新蒲崗mikiki食午餐，見到豚豚食堂好似有好多選擇，入嚟試吓先。12點度唔算好滿座，店舖入面嘅座位算係坐得幾舒服。平日有午市套餐，亦都有散叫menu，我哋一共三人都揀午市套餐食。同行友人叫咗兩個拉麵套餐，拉麵套餐再會有一個小食，或者細碗嘅飯，份量充足，男士都會食得好飽，女士就要注意。拉麵嘅評語就係港式拉麵咁囉。我叫咗一個咖喱吉列豬扒滑蛋飯，豬扒唔會話炸到乾爭爭，咖喱就係典型日式咖喱，有甜味，今次套餐仲會有半隻蛋，粟米配胡麻醬，仲有個麵豉湯。咖喱飯我自己覺得唔錯，係麵豉湯過鹹，飲咗兩啖都冇飲落去。呢間就係普遍港式日本餐廳咁樣，正正常常，大路野唔會話好伏。****************評分 : 5.5/10簡評 : 穩穩陣陣香港日本餐廳

今日去完新蒲崗Mikiki商場一田日掃完貨就上一層搵野食，經過一間「豚豚食堂」門外的餐牌價錢吸引，主要食拉麵和日式定食。入到店舖裝修簡約天花板掛滿紅白燈籠🏮好有日式居酒屋的感覺！拉麵套餐有黑豚拉麵和炸薯餅，拉麵湯底以大量豬骨，桶骨和豬手熬製，骨膠原豐富，再加入黑麻油味道更加香濃，拉麵比較幼細，煙煙韌韌口感不錯👍北海道南瓜炸薯餅薯餅外皮炸到金黃色，香脆可口，南瓜甜甜地又滑又好食😋燒雞扒咖喱奄列滑蛋嫩滑生熟到適中，雞扒外皮微焦，肉質不會燒得好乾身，咬落多汁美味，再加入日式咖喱一齊食配白飯一流😋

餐廳尚算清潔、光猛、座位不算擠擁，坐得舒適，店員服務滿意，只是多操不順正廣東話，有點譚仔feel😅。食物方面，點了兩個餐，分別係燒鯖魚+燒肉(豬肉)弁丼及滑蛋豬扒丼。最可取的是燒鯖魚，魚身夠滑，外皮夠亁身，帶點脆。👍其他食物只可說不難食。先說飯，有可能不是順日本米，米粒除珍珠圓潤形，亦見到有些是長而尖身的；燒肉則味道尚可，但可能煮得過熟，豬肉有點靱及鞋。至於滑蛋豬扒丼，滑蛋如果加點奶會更滑身；豬扒則中規中矩，ok。最失敗是配菜的“糖心蛋”，滑蛋豬扒丼以蛋做配菜，已見其配搭不用心；更失敗係其賣相，一看之下，還以為係滷水蛋，咬了一口，已經完全唔想再食。

新蒲崗最大的商場，一定是Mikiki，這裏有很多不同的食肆，今晚便挑選了一間日式的豚豚食堂。牛肉丼套餐$68，有味噌湯、胡麻粟米粒、滷水蛋，牛肉鮮嫩可口，醬汁惹味，整體評分中上。豚肉壽喜燒鍋定食$73，讚岐烏冬加$5，追加豚肉片$18，雞肉$15，金菇$8。壽喜燒醬汁微甜，鍋內有豆腐、金菇和生菜。豚肉口感紥實，只需放在鍋內用慢火浸熟，便可以保持肉汁鮮嫩可口。雞肉爽口鮮嫩，肉汁豐富。讚岐烏冬爽口彈牙，值得用這個價錢追加。

🎈食物快評1. 午市自選拉麵套餐蟹肉棒拉麵加自家製餃子三隻$74⭐️⭐️⭐️⭐️2. 咖喱午市套餐炸雞塊奄列咖喱飯 $62⭐️⭐️⭐️⭐️⭐️.🎈環境Mikiki 商場內及商場附近都有很多不同餐廳，，要搵食也很易，餐廳競爭大。我和朋友原本想去的是另一間餐廳，經過豚豚，看到餐牌不錯，臨時轉軚，即刻㩒飛等位，我們好運，等了5分鐘便有位。.店內光猛，可能暑假的週末，很多親子家庭，有老有嫩的食客。.🎈餐牌.🎈食物詳評.1. 午市自選拉麵套餐蟹肉棒拉麵包自家製餃子3隻 $74⭐️⭐️⭐️⭐️多料，湯濃而不鹹，蛋則是熟了少少的流心蛋。.👇煎餃子⭐️⭐️⭐️💫午餐包一項小吃，其中一個選擇是3隻煎餃子，味道可以，如果能煎得更香脆的話我會給更多⭐️。.咖喱午市套餐炸雞塊奄列咖喱飯 $62⭐️⭐️⭐️⭐️⭐️個餐包麵豉湯、沙律和半隻熟蛋。.👇炸雞新鮮炸，熱辣辣，好香脆，蛋夠滑，雞份量足，好多件，件件大啖肉，整個餐好夠份量，食完好飽。😋.🎈總結✅十分有禮貌的服務✅食物選擇多✅味道好✅價錢合理✅快✅適合一家大小會再去，推介👍

搵媽媽食LUNCH佢話呢間佢成日都想去ＭＩＫＩＫＩ食。咁我就乖乖地趁佢就黎LUNCH的時候去拎定位叫定野食等佢，佢就食左個便當，我就食拉麵。講下野食先媽媽食左個弁當牛餐D（吉列豬扒+燒鰻魚弁當）佢話好開心因為黎到冇諗過咁豐富，呢個價錢可以有呢個份量，講左個豬扒先佢話係爽口的，有外皮脆肉又嫩的感覺，飯就軟熟一粒粒我就食左個海老拉麵，個湯好濃好正呀～仲有d櫻花蝦好香呀！我覺得好值得試下，佢d set都幾抵因為都可以跟小食＝〉去開mikiki行街or我覺得放lunch同朋友食個飯都係好好的選擇～

今次到豚豚食堂吃晚飯🍽️， 位於新蒲崗太子道Mikiki， 星期日晚飯時間都唔算好多人， 店內環境光猛， 整齊衛生。 開頭想散叫，後來見到套餐好抵食就一於試下，二人套餐👫🏻$228 (牛肉咖哩飯、 白豚拉麵、 燒雞翼和燒雞軟骨各兩串、 炒魷魚鬚、 自家製餃子) ，可樂$10。🔸牛肉咖哩飯🍛～ 日式咖哩甜甜地，幾好味。 🔸白豚拉麵🍜～ 拉麵口感彈牙， 白豚味道普通， 湯底亦不錯，熱辣辣又濃郁。🔸燒雞翼🍖和燒雞軟骨各兩串🍡～ 燒雞翼好香口，雞軟骨香脆又有嚼勁。🔸炒魷魚鬚🦑～ 口感脆嫩，好味。🔸自家製餃子🥟～ 煎得好香， 有六隻份量都算多。整體而言港幣二百幾的二人餐👫🏻， 有兩個主菜和三個小食確是很抵吃， 性價比高👍🏻。

早排食完北角個間分店 念念不忘，於是今個星期又走去專登食呢間嘢，講真啦，我真係幾欣賞佢個套餐，一碗拉麵送個迷你飯，呢個完全滿足到我又想食拉麵又想食日式飯嘅人，兩間分店嘅質素都差唔多水準後一至