豚豚食堂

營業中

休息中

我常常在Mikiki覓食，好幾次經過豚豚食堂，都想來光顧，但每次都坐滿人。今天來吃下午茶，太好了，不用等位。地方好潔淨，可能是新店吧，員工服務也不錯。下午茶餐相當相宜。Honey點他喜歡的拉麵招牌牛油拉麵 $40配熱飲的話 +$3雖然是下午茶餐，但是份量不少。叉燒有兩塊，又有芽菜、海帶、粟米……真是童叟無欺！湯夠滾熱，湯頭濃郁，不錯不錯！Honey 又喜歡吃日式咖哩所以我就點了日式咖哩吉列豬扒飯 $39這個可以跟熱飲，不加錢。嘩！有冇搞錯！如此便宜了，竟然還可以跟飲品！豬扒應該是剛炸起，熱哄哄的，非常脆，但不油膩。飯量，以下午茶餐而言，剛剛好。日式咖哩甜甜的，很有水果的甜香。實在超值！最令我喜出望外的是，沒想到一間日式食肆，竟然提供茶餐廳式奶茶。當我一除口罩，便聞到非常香的紅茶香。一飲，茶香但不苦澀，是紅茶的甘香。最重要的是，奶並不太厚，我最怕花奶太濃厚，搶過紅茶的香味。這杯奶茶，簡直令我喜出望外！如此舒適又好味的一餐，很相宜。I love豚豚食堂！

今日係新蒲崗放工，因為太熱就入左Mikiki呢個商場，順便睇吓有咩好食。經過見到呢間「豚豚食堂」，又咁啱好耐無食拉麵，所以就同個friend入咗去食。Menu入面有好多唔同嘅選擇，而且佢有個二人套餐，仲包三款小食，都幾抵，於是就同frd入左去試。第一個小食我地叫咗明太子雞翼🤪 咬開之後可以見到入面係好足料，但有少少辣。第二個小食就係芝士年糕🤩 啲芝士勁多，一嚟到熱辣辣咁食真係好正❣️最後一個小食我地叫左炸吉列蝦🤤 脆卜卜都唔錯～到主食方面，我叫咗一碗豚軟骨拉麵，我朋友就叫咗碗雜錦拉麵～🤤豚軟骨嘅份量好足夠，但湯底同平時出去食開嘅拉麵相比之下比較淡～同埋如果隻蛋係流心蛋應該會更加好味～而朋友個碗雜錦拉麵都係有好多餸，咁嘅價錢有咁大碗麵真係都幾抵！😆👍🏻地址：新蒲崗太子道東638號Mikiki地下G23號舖

🇯🇵 今日lunch同同試去咗mikiki食嘢，經過豚豚食堂聞到好大陣香味就入咗去😋 餐牌好多選擇，拉麵、飯、餐、小食等等應有盡有。我揀咗個奄列咖哩飯，加杯熱柚子蜜😽🍛 漢堡奄列咖哩飯 （$75）🍯 熱柚子蜜 （跟餐$10）奄列飯同蛋包飯有啲類似，都係用大大塊嘅滑蛋蓋住飯，我個人超鍾意食😍😍 仲加埋咖哩汁，令原本都好有𡁻口嘅珍珠飯更豐富😽 而且咖哩飯份量超級大，男仔都一定夠飽～ 大塊漢堡扒好厚好juicy🤤🤤 推薦呀!!!

去咗同朋友行mikiki，見到依間幾抵嘅日本拉麵店就入咗去食，叫咗個二人餐，點咗雜錦拉麵同豚軟骨拉麵，仲有炒魷魚鬚、明太子雞翼同埋燒雞翼&燒雞軟骨。晚市$271，講真都幾平。不過味道就唔算好好味，麵條不過不失，湯底亦都一般唔算濃郁，餸嘅份量都比較少，麻麻地呢

作為街坊，mikiki餐廳唔算多，但勝在人少少容易搵位。豚豚食堂係一間日式餐廳，有飯有拉麵有小食等等，最重要有個好抵食嘅二人餐。二人餐menu（$228）難得兩個都想食咖喱，就叫左2個日式咖喱飯，一個係吉列豬扒奄列咖喱飯，另一個係炸雞塊奄列咖喱飯，咖喱汁好香又唔辣（日式咖喱特色），好撈飯！炸雞好大件，非常飽肚。豬扒被薄薄炸衣包住，都算入味。小食有炒魷魚鬚、自家餃子及明太子雞翼。餃子個餡料非常多，魷魚鬚個汁幾好味。總括來說，呢個二人餐好飽肚抵食。

屯馬開通唔知大家又興唔興奮呢？🤪襯住呢個機會我都唔執輸，決定探索一吓平時比較少去嘅地區，發掘吓有咩美食😝今次就去咗新蒲崗Mikiki入面嘅豚豚食堂度食晚飯😚Menu入面有好多唔同嘅選擇，我地揀咗佢地嘅自選二人套餐😉可以揀兩個拉麵或者飯然後配三款小食，一次過滿足曬我地兩個唔同嘅口味🤗我叫咗豬軟骨拉麵而同行朋友就叫咗雜錦拉麵😗豬軟骨份量都好足夠，湯底同平時出去食開嘅拉麵相比比較淡同健康🤔同埋如果隻蛋係流心蛋會更好味更吸睛🥺第一個小食我地叫咗明太子雞翼🤤咬開之後可以見到入面都好足料🥳第二個小食就叫咗我嘅童年回憶：炒魷魚鬚🦑以前細個去親海洋公園都一定會買嚟食，可惜依家已經冇咗啦☹️依家食返簡直可以話係重拾返當年嘅味道🤩最後一個小食仲叫埋我最愛嘅雞軟骨，佢係連同燒雞翼各2串嘅🤤同平時出面嘅雞軟骨一樣，都係脆卜卜嘅😳地址：新蒲崗太子道東638號Mikiki地下G23號舖

另一半的親友在這區生活，早前已路過這日式食店多次，今晚終有機會試試了。室內光線充足，裝修簡約，侍應們的禮貌服務，未食已感覺安心。選擇困難，有挺多菜式，選來選去，算來算去，還是二人餐最抵吃。散點兩個主吃+兩款小吃便相等如二人餐的價錢，套餐現有三款小吃，賺了。我兩不約而同點了豬扒，因中午吃過牛，晚上又不想吃雞。雖同樣是豬，但各有特色。（吉列豬扒奄列咖喱飯）+$5豬扒腍軟，雞蛋奄列濕潤嫩滑，白飯撈些咖哩汁和雞蛋，口感豐富滋味，而且咖哩汁內還有蔬菜粒與牛肉粒，帶出更香濃的味道，美味。（滑蛋豬扒丼）八成熟的嫩蛋加上洋蔥伴飯吃，查實很快可以吃完，但現在不是吃午飯需趕上班，當然要慢慢品嚐！這件豬扒有兩個口感，一邊腍軟，另一邊煙韌，有趣！配上三款自選小食，（燒雞翼燒雞軟骨）燒得乾身，雞軟骨香脆中有饞勁，雞翼又開雙飛，正。（炒魷魚鬚）正常的魷魚鬚，連洋蔥絲一起吃，味道ok。（北海道南瓜炸薯餅）南瓜餅軟綿香甜，面炸得夠趣，暖時吃仍有脆口感。好味 。補充：沙律醬問侍應取，本身沒跟的。後話：套餐雖然沒飲品，但免費的熱茶也相當好茶味。

Lunch時間，見唔多人排隊，就叫左個二人餐，有6個選擇，人均印象中係$60左右，等等下發現都有幾隊人係用App外賣自取，所以要先耐啲等左20分鐘左右，職員話炸雞未得，但到手果時炸雞都唔係熱既，就有少少失望，不過食左之後味道幾好咖哩幾香，牛肉又幾好味喎炸雞係估唔到份量咁多，雖然唔熱但都仲好香口好脆，味道有少少偏咸，另外加左錢有碗湯同沙律，沙律就一個有隻蛋，一個無，成餐都幾飽肚，整體黎講，都會有下次

有日要去新蒲崗做啲嘢 急急腳想係附近搵嘢醫肚😲就揀中咗Mikiki商場裡面嘅呢間豚豚食堂(個名有疊字係幾kawaii嘅😗)。見個餐廳環境都闊落光猛 有啲人流，就諗都唔諗走入去啦🤪自選二人套餐$228 (2款拉麵或飯+3款小食)🌟 親子丼味道正常唔伏 滑蛋係滑嘅(講緊廢話😂)，可惜係碗嘢望落好足料 但其實食落蛋同雞肉嘅比例唔算多，不過不失啦。🌟 白豚拉麵 拉麵唔錯嘅🍜但個湯底同平時食嘅白豚拉麵唔太一樣，豚骨味道無咩存在感，味精頗重🤔叉燒偏瘦 如果多番啲油脂會更好。🌟 自家製餃子餃子普普通通🥟上枱果陣都夠熱♨️唔伏但係無話好特別，如果再脆啲會更理想。🌟 炸雞肉原本諗住會係南蠻炸雞或者唐揚炸雞果類🍗點知知一上枱個樣勁似KFC個香辣脆雞🤣而且份量比想像中多，個人覺得係最抵食嘅小食。裡面肉質係ok嘅 嫩得黎仲鎖到汁，但係外層炸皮略嫌過硬會界口。🌟 吉列流心蛋豬肉餅一個幾特別嘅炸物 食落幾香口👍🏻裡面係漢堡扒同流心蛋。雖然裡面嘅餡炸得有少少乾 但有半熟蛋嘅搭救🍳算係成餐嘅驚喜之作。🌟 吉列蝦炸粉唔算厚🍤但都有同炸雞同一個問題就係炸得比較硬。比較之下，個人覺得炸雞性價比高啲。整體質素可以接受 但可以更

今日係 Mikiki 搵食🤤，見到呢間開咗幾個月嘅日本餐廳就入去😋試吓。我揀咗呢個親子丼，🐓雞肉蛋飯🍚，份量都幾大，有埋麵豉湯🥣，質素就一般般，冇乜特別驚喜，係經濟實惠嘅一餐。

外賣自取 咖喱炸雞蛋包飯 下午茶:炸雞超咸得陣蒜頭味，一啲日式炸雞嘅味道感覺都無，好難食 🤢沒有最差只有更差，個飯超硬好似放咗三日嘅隔夜飯，仲難食 🤮片蛋皮正常但超薄 😵跟餐話送沙律，原來係幾粒粟米同一粒車厘茄....餐牌寫可揀湯或熱飲，我問店員有咩熱飲，店員話無熱飲得汽水，咁我就揀汽水啦，到收錢我見貴咗，佢就回覆我話 “汽水加5蚊外賣加3蚊呀嘛”但佢從來無提過汽水要加錢 🤷🏻‍♀️ 原來係無得揀因為佢哋無外賣杯喎！所以外賣只能迫住揀個麵豉湯或者加$5要汽水 😳 我話咁你哋起碼通知聲先吖，佢就一句話 “咁你可以唔要的唔洗幫襯”。成件事講到係我錯咁，間餐廳無餐具提供仲怪個客，真係好特別！成盒嘢我食咗一啖飯一啖雞同個蛋皮就掉咗，真係好浪費但真係太太太太難食了 💩唔好幫襯！真係勁不知所謂 ☠️完全唔係 ”日式”餐廳！🤢

呢個場凈食過定食8，一泊好車一上嚟就見到佢地。見到有拉麵小朋友既至愛，點知邊個職員仲好好話有下午茶添（假期至4:30pm）,剛剛好4:15pm, 真係好平，四十蚊一碗麵。多春魚同雞軟骨都係脆卜卜，嘢飲兩款都唔合格。拉麵叫完先知有兩款麵底。店內有櫻花裝飾，好靚。

呢間開業己有幾個月，第一次食呢間，入到去人流稀少，已有中伏感覺!！所以決定食佢的招牌推介，希望減少中伏指數，所以先了豬軟骨拉麵，拉麵來到賣相一般，湯唔夠熱，味有點怪怪，唔係平時食開豚骨拉麵，湯入口味道非常淡而無味，感覺溝到好多水，超稀，蛋無味，豬軟骨煮過火，粟米返而正常，實在是一碗港式拉麵，但日式拉麵收費，自己覺得可一不可再，無下次’但見到又好多好評，真係晤明白

新蒲崗MiKiki真係多咗好多嘢食，而呢一間豚豚食堂係平日嘅夜晚都好多人幫襯，咁應該都有返咁上下水準呀，所以我哋一家人就入咗去食啦叫咗佢個自選二人套餐，首先揀咗個豚軟骨拉麵，湯底味道非常濃郁，煮到變咗做白色，食完唔會覺得太鹹太頸渴，而拉麵嘅口感亦都非常彈牙，最後豚軟骨煮到非常林，非常容易入口。第二個主食揀咗滑蛋豬扒丼，一打開個蓋嘅時候啲熱氣冒出嚟，真係熱辣辣啱啱炸起塊豬扒就放上去再搬出嚟俾我哋，豬扒非常香脆，香味誘人，非常大塊，食完成碗飯都仲有淨，而個滑蛋令到入口個感覺冇咁乾。小食嗰度揀咗燒雞翼同燒雞軟骨，兩樣都係燒到個外邊好香，燒雞皮有少少脆口，加少少鹽帶出個味道，簡單嘅調味已經非常好食另外仲有自家製餃子，餃子皮又係煎到有少少香脆嘅口感，入面嘅餡料足夠，而且仲有六隻咁多完全冇諗過作為小食嘅炸雞份量竟然係有咁多㗎，真係超級抵食，最優秀嘅係佢外面揸到卜卜脆，但入面嘅雞肉仲係保持到肉質嫩滑有肉汁，而且食完仲一啲都唔覺得油膩，加少少檸檬汁仲更加好味壽喜燒牛肉鍋睇住佢送上嚟嘅時候個煲剩係得啲材料，然後睇住佢慢慢滾到個湯出咗嚟，個湯完全吸收晒牛肉嘅味道，特別鮮甜，而且裏面又有蔬菜、菇、豆腐同肥牛

是日上午出job，差不多3點才返到公司，餓到暈暈地，途經豚豚食堂，於是打算快快手 買個外賣返上公司食，再處理埋d手尾；落單本身打算食個豬肉丼，貪佢夠簡單、應該可以好快手，點知都差不多要等15分鐘；返到公司打開飯盒的一刻，真的有點意外洋蔥是粗條，還要是未煮熟，入口辛辣味太重，沒有一絲熟洋葱的清甜豬肉入口太靭，整體 只可說係分別 食緊兩樣食物，豬肉還豬肉，洋葱還洋葱唸住豚豚食堂食豬應該穩陣d，點知.....沒有期望沒有失望