豚豚食堂

營業中

休息中

今日懶懶地唔想煮飯去咗屋企附近呢間豚豚食堂食叫左一個牛肉壽喜燒鍋定食 （$82）加左$5 轉烏冬 個壽喜燒鍋好似一人火鍋咁，嚟到先會幫你開火煮，保證熱辣辣，而且又可以加餸，啱晒一個人打邊爐 而個烏冬好彈牙，驚喜左一下吉列豬扒奄列咖喱飯套餐（$73）個餐配埋麵豉湯，粟米沙律，同半隻蛋，都好豐富咖喱喺我鍾意食嘅日式甜咖喱，吉列豬扒好脆！燒魷魚筒（$78）燒魷魚筒，唔會燒到話太乾 ，仲保持有咬口得黎，又唔會話太靭 而呢度服務都幾好，會幫你加吓湯，又會加水，唔洗叫！欣賞呢點

收工搵食系列：新蒲崗都算系多野食，而在mikiki就有一間無論午餐定晚餐都唔錯嘅選擇，好岩唔想食太貴又想食好d嘅朋友~豚豚食堂 Menu選擇多元，想食日式定食嘅你就一定唔好錯過~除咗招牌丼飯，還有便當、咖喱、麵食、串燒小食等，選擇困難症嘅我都睇咗好耐先決定到😂。✨自選一人定食($92)✨吉列炸蠔(散點$30/跟餐免費)✨串燒雞翼($35)一人定食包括味噌湯、開胃沙律(半隻滷蛋同粟米粒)、主食同自選小食一份。主食當然要食我最中意嘅牛丼，雖然同吉X家好相似，但系肉更多份量更足，滿足~吉列炸蠔大大粒，不過炸粉略嫌太厚，但勝在蠔肉大粒。另外雞翼怪表示唔可以唔食雞翼，擠上檸檬汁清新解膩。

📍 豚豚食堂 Tonton Shokudo🌍新蒲崗太子道東638號Mikiki地下G23號舖Shop G23, G/F, Mikiki, 638 Prince Edward Road East, San Po Kong📝整體評分：7／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⤫ 自選二人套餐⤫ ＄２３５ ２款飯／麵＋３款小食，非常之抵食！❅吉列豬扒奄列咖哩飯❅ ＋＄５薯仔溶入左咖哩汁中，日式咖哩帶甜味，加七味粉小小迎會更合我胃口炸豬扒乾爽酥脆！❅白豚拉麵❅幼滑唔油膩，飲落好順，唔會太澎湃嘅豬骨味，卻會愈飲愈香濃。好鍾意搭配大量木耳絲，好爽脆~❅自家製餃子❅ ６隻餃子餡多飽滿，清甜多汁，絕對唔係超市嘅貨色！❅炸雞肉❅4大件雞肉都好嫩滑多汁！❅燒牛舌❅薄切牛舌，攤凍左有少少韌。

今晚無煮飯，去附近mikiki食☺️有自選二人套餐 $235每人一碗拉麵/飯，再配3款小食，性價比都幾高☺️我地揀左牛肉丼、燒雞扒咖喱飯🍛、小食揀左自家製餃子🥟、炸雞肉、炒魷魚鬚。牛肉丼份量都幾多，牛肉鋪滿成碗飯，洋蔥煮到好淋好入味，牛肉唔會韌，整體黎講味道唔錯☺️燒雞扒咖喱飯有驚喜🤩雞扒燒到雞皮好香脆，脆到好似居酒屋嘅燒雞皮咁😍雞肉部份就夠軟腍，咖喱汁係日式咖喱，有紅蘿蔔、薯仔，撈飯食一流🤤小食方面，炸雞肉好抵食，大大件，點埋蛋黃醬食更惹味😋旁邊仲有椰菜絲，配搭炸雞食可以減低油膩感😗餃子一共有6隻，件件都脹卜卜，餡料十足🤩炒魷魚鬚就爽口彈牙，雖然份量唔多，但過下口痕都幾唔錯🤪

(丼午市套餐) 滑蛋豬扒丼 🐽🍛$60豬扒肉質柔軟鬆脆，吃下去酥脆香口，唔會又乾又柴滑蛋份量多又鬆軟可口送飯食一流👍🏻餸菜OK，但敗在白飯🍚…飯有啲偏軟軟腍，比較太濕…😥配菜有昆布湯、半隻蛋🥚、沙律🥗昆布湯 就只得咸味🫠 我揀的丼飯本身都有蛋，配菜又有半隻蛋，略為有點兒多🫣沙律有粟米，半粒蕃茄仔 正常味道🫢另外，通常午市套餐包飲品，但依一間就不包飲品，需要自己加錢😥 (熱飲+$5，凍飲+$8)

下午茶時段真係好抵，4-50蚊就食到咖喱豬扒飯定食，而且味道都唔錯喎，炸蠔定食仲要分開上幾細心，環境都幾乾淨，會再去幫襯👍🏻👍🏻👍🏻👍🏻👍🏻👍🏻

餐牌選擇都算幾多下，有don飯，又有便當，仲有壽喜燒邊爐。見佢受起燒都係70幾蚊，有雞肉或者豬肉或者牛肉，咁就嗌咗雞肉同豬肉嚟試吓。食物個鍋唔算係好大，豬肉的話有四至五片，雞肉就係雞俾肉三大嚿。然之後有豆腐同埋菜，加埋一碗珍珠米嘅白飯。比起其他餐廳嘅壽喜燒，個份量就真係略嫌有啲不足啦，如果男仔食的話我諗最多只係可以七成飽。環境個環境坐落都係幾舒服，啲位都幾闊落，同埋有一啲日本嘅裝飾，加上侍應態度都唔錯。夜晚六點幾七點去食，都唔算係好多人。佢算係Mikiki商場一間平又抵食嘅餐廳。

之前去Mikiki行街，行到夠鐘食飯見到有間日式料理店，除咗丼飯仲有咖喱飯拉麵……日式小食都唔少，品種好多我哋叫佐個2人套餐$235加－主食叫佐－個親子丼，一個滑蛋豬扒飯小食有三款，炒魷魚鬚，芝士雞翼，南瓜炸薯餅，兩個主餐都一般般，係個滑蛋豬扒d豬扒相對好食d幾香脆，肉質都算嫩，個親子丼真係超一般😂三款小食都好食，特別呢個南瓜炸薯餅，真係必叫，食落脆卜卜，入面d南瓜蓉超香甜又夠粉，超鐘意，炒魷魚鬚同埋芝士雞翼都唔錯，呢個餐食得過，小食相對比較優秀，值得一試🥰

星期五晚在北角𣾀，本身想食燒肉點知太多人，唯有去第二度睇吓。點知我我老公亂咁攞飛！我打算食酸菜魚，對呢啲港式核突日式餐廳零興趣！我見到門口餐牌已經知道出事。但佢話入得搞到我迫於無奈入咗去!個二人餐二百幾蚊，我一百蚊比多佢！入面有飯有麵仲有幾個好核突嘅配菜！個拉麵好似即食麵,個湯又咸啲面又諗！個咖喱好似放咗唔知幾多日咁，餃子係衰過屋企自己煎！串燒乾到臘鴨級數！總之非常唔值嘅劣食！以後唔會比我老公揀食乜！

這間豚豚食堂，價錢及食物，走的是大眾化及較平民式的路線。黑豚拉麵味道還可以，但份量就相對較少，如果只吃這碗拉麵作晚飯，恐怕要吃兩三碗才吃得飽。點了的燒物：有燒多春魚、燒魚餅、及燒牛舌，每款都不過不失，不難吃，也不是很美味。其中燒魚餅較油膩，只是淺嚐了一塊。最後，再叫北海道南瓜炸薯餅，及自家製餃子嚐嚐。餃子實在吃不出是自家製，用作充饑還可。剛炸起薯餅，卻意外地很好吃，終於有一款食物，是下次可以再返叫的。總的來說，水準很一般，但還可以。

商場無乜特別好食，但由好肚餓，所以求其入左一間舖頭🙈1️⃣🍛吉列豬扒咖哩飯日式咖哩唔辣既但有驚喜，咖哩汁有少少薯仔粒同紅蘿蔔粒，豬扒都炸得好脆，但肉質有少少乾，飯係偏濕同腍2️⃣🐮牛肉丼套餐套餐配左沙律，麵豉湯同飲品，沙律同麵豉湯味道不過不失，牛肉飯賣相似吉X家，味道少少偏淡，汁唔算濃，牛肉份量都多，因為啲飯偏腍，所以食落好濕

反工最期待lunch，但就成日都諗唔到食咩今日同事話事，話食拉麵，於是我又跟佢去外賣自取我叫左白豚拉麵配煎餃子拉麵湯底較為淡味，面質較幼，而餃子最好食，但就凍左少少

網燒牛肉定食：牛肉10成熟，又un,又乾，又鞋口白豚拉麵：日式叉燒無豬味，鞋口，唔好食。湯底完全唔掂。麵是正常拉麵。係我個人食過最難食既拉麵尾二。（最難食果間係火炭某商場既一間日本餐廳）手工餃子：超市買包煎餃煎黎食仲好食過佢多多聲。究竟我食左d 麥？真係無下次，實在太差，要記錄低，唔好中伏。當晚見間餐廳未食過，又唔少人堂食，先諗住試下。2個人都食左接近三百蚊，完全唔值呢個價，只覺得佢係港式偽日本菜。

好似好多人手，但唔好有期望😩明明落了單，白白等大半個鐘！肚餓冷氣又凍。。真係服務好差。當然唔關事嘅同事態度都好嘅。。不過唔幫個客落單呢啲基本工係唔應該出錯。失望失望。。

去開呢頭行左一趟mikiki 發現有太多選擇 然後點都選唔落邊間 想食又排長龍 餓到肚仔都扁曬啦 見個門面幾好幾日式又有d想起飄出黎就選擇佢啦 叫做一個一人自選套餐其中包括一個飯同一個小食 飯個方面我選擇咗滑蛋豬扒井飯 和炸雞肉 另外叫咗一個火鍋牛肉然後跟烏冬感覺滑蛋有啲過老 入邊啲飯有啲水 只係因為原本加水多得滯定係洋蔥有水份導致啲飯好水估唔到最正常嘅炸雞肉我會想食第二次 加埋沙律醬唔會太膩 裏面嘅雞肉有d滑 算OK持續性咁飽會另d🐔蛋太老 另外我地怕牛肉不熟煮耐了開始hai口 另外d碗筷衛生差dd 好似洗不大乾淨咁我需要用紙巾抹過燙過先安心