豚王 (PopCorn 1)

營業中

休息中

豚王 (PopCorn) (將軍澳)（評分7.5/10）將軍澳唐賢街9號PopCorn商場地下G25號舖環境🪑（評分7.5/10 ）乾淨豚肉🐖（評分7.5/10 ）色👀油光香👃🏻肉香、油香味👅油香、有肉汁拉麵🍜（評分8/10 ）色👀幼身香👃🏻正常味👅有咬口、掛湯湯底🍲 （評分8/10 ）色👀白色、濃厚香👃🏻豬骨香味👅豬骨味濃鍾意我推介美食就追蹤、分享、讚好🙏🏻#豚王 #PopCorn#將軍澳#拉麵

一個人走去popcorn 豚王買左個拉麵做宵夜，今次試下新口味，買咗一個翠玉拉麵豚骨湯底配上芝士粉竟然超級好味湯底非常濃，啱晒鍾意重口味嘅我另外唔要蔥，可以揀椰菜，非常健康唔錯外賣同堂食都一樣咁好味

中學時期食過一次豚王覺得幾好食，但以中學生來講佢實在係太貴，所以之後都冇食過，前牌同朋友經過決定食，個味道依然係咁好，好快就食晒😋😋最鍾意就係佢嘅黑蒜湯底同埋赤玉湯底，先講黑蒜，拉麵上面有一團黑色嘅嘢（唔識形容😂），嗰個係黑蒜，我諗佢可能係有炸過嘅黑蒜粒？特別好食！撈埋面一齊食，感覺有少少似食擔擔面嘅時候連住入面嘅花生一齊食。赤玉嘅湯底都幾辣，上面有一團紅色嘅嘢，其實唔係好食得出係咩，但係個湯底好食。個人鍾意食比較硬身嘅面，同埋唔好咁鹹嘅湯，係佢呢度只要揀淡味同硬面嘅話就完全係我最鍾意食嘅拉麵款🥰唯一嘅缺點就係佢嘅拉麵竟然冇溏心蛋，要額外加💔

星期日晚到了將軍澳店團和吃拉麵，我點了原味，朋友點了赤王。原來原味也可以加辣，於是我便點了二辛辣。現在過$200會送甜品水玄信餅一件，於是我們另外加了一隻溏心蛋，湊夠二百元。拉麵來了，初初看來湯的份量很少，本身我很喜愛喝湯，但是喝了一口就發現其實給我太多湯也沒有用，因為湯底的味道太鹹了。說真的有點像沾麵，我吃拉麵很喜愛把湯完全喝掉，但這碗湯我實在沒法喝下去。其實味道尚可，只是如果師傅輕手一點不用那麼鹹會比較好。至於辣方面，原來只是加了辣粉而已，而赤王方面就是加了辣油，別有一番濃郁的辛辣味。反而赤王的湯底沒有那麼鹹，但整體來說是重口味的。至於水玄信餅，實在沒有太大期望，普普通通沒有什麼特別。整體來說如果要求不太高的話拉麵是可以的。

𝙏𝙨𝙚𝙪𝙣𝙜 𝙆𝙬𝙖𝙣 𝙊 / 𝘽𝙪𝙩𝙖𝙤 𝙍𝙖𝙢𝙚𝙣.今次去咗食客製化拉麵🍜 由湯底濃度到麵嘅軟硬程度都可以自由配搭😆 而因為 #豚王 湯底偏濃稠嘅關係(#好啱重口味人士) 小編揀咗淡味啲嘅湯底同超硬嘅幼麵(小編係煮1分鐘公仔麵就食得果種😂) .$89 豚王(原味)日日新鮮熬煮十幾個鐘嘅豚骨湯底好香好鮮味 .$96 翠王原味豚骨湯底配芝士 橄欖油同新鮮羅勒葉 出奇地夾😋 #但食落都幾有罪惡感👀.+$38 餃子王餃子煎得幾脆幾好食🤩小編同友人都好鍾意.+10% 服務費整體拉麵又香又濃郁 而豚腩肉叉燒肥膩得嚟又好食 肩肉叉燒就瘦啲肉味多啲 鍾意食拉麵嘅朋友要去試吓啦😏.

我食拉麵特別中意食啲好濃郁既湯底，豚王就一定唔會失望，佢算係連鎖拉麵店之中好食既拉麵店。同埋我中意拉麵店有得自己揀濃度同拉麵硬度，呢到會有張紙仔俾你圈翻自己個人既口味，咁就可以揀個最岩自己既拉麵。黑王 ($96) 溏心蛋另加$17黑王係用咗日本秘製黑醬，所以湯底都係黑色。我自己就揀咗濃湯底，多蒜蓉，濃香味油，拉麵我就揀咗超級硬。果然拉麵一上枱，我再試一啖湯，果種濃稠度好正。上面係有一球肉碎撈咗黑醬，我撈埋落湯，成個拉麵好有層次感。不過拉麵雖然我揀咗超級硬，但係都唔係話好硬。赤王 ($96) 溏心蛋另加$17赤王呢一碗拉麵應該係我食過辣既拉麵之中最好食，湯底辣得黎唔會死辣，加上由於湯底濃，拉麵好掛湯，真係食得好過癮。溏心蛋都唔錯，生熟度岩岩好。唯一就係略嫌個價格偏進取，一粒蛋既價錢要成$17，連拉麵就要成$113，偏貴。不過因為好食，就算喇，間唔中食下都可以。

午餐篇 【豚王 】天氣勁凍， 心思思想食拉麵 咁就去左將軍澳 pop corn 下午去到估唔到都多人， 不過等左10分鐘左右就到左我地 咁服務員即介紹左咩拉麵覺得幾好， 全部都可以按自己喜好而製楝左要粗身啲麵 ， 辣就唔洗好勁 同埋一定要滾湯湯底當然濃啲， 本身都鐘意重 口味 ， 哈 我哥就楝番原味 ， 都係粗身既麵 再加埋餃子 個拉麵一到， 即係飲啖湯 ， 個辣球正係豬末黎再加埋辣粉， 個樣好似好辣但其實無想像中咁辣， 係濃郁， 好岩我胃口， 加埋配料 ＆ 餃子 正

而家無得去日本。想食日本野唯有係香港搵今日發牙痕想食拉麵。自從去過日本。香港既拉麵其實唔係好睇得上眼咁岩行過豚王見到限定王係海老。心動想試下同老公入左去坐底。老公唔食辣。所以叫左翠玉翠玉係有芝士係入面😋而我叫左海老王🤣豚王最好就係可以揀超多蒜。超愛食蒜呀🥰🥰而家帶住口罩都唔怕有口氣🤣🤣🤣5分鐘唔洗已經有得食海老王好正呀。幾特別。個湯夠哂濃仲要好勁蝦味。果然落足料煲😌 老公個翠玉都好濃芝士味。鐘意食芝士既一定會覺得好味🤩食密好滿足。推介👍🏻👍🏻

拉麵的確唔錯，湯頭濃厚，今次配置係基本配置，軟麵，食野食好快既朋友可以參考，然後每次去食都會想食吓芽菜，但係店員話冇咗芽菜，冇咗芽菜少咗樂趣，好食係好食，但總感覺少咗啲嘢。

有次喺附近食完飯經過，見到門口人山人海，諗住應該唔錯，就話下次要嚟試吓。早少少去避過高峰時間，連屋台目測大概可容納 30 位食客。枱唔多而且大部分拍埋一齊，所以要同人搭枱。麵款唔多，主要係揀湯底，同某數字頭拉麵店一樣有張紙俾你自選個人口味同加配菜。今次食咗同餐廳同名嘅「豚王」，友人試咗腩肉，肥美啲但份量少，我就食咗肩肉，兩大塊蓋住成碗麵感覺抵啲。溏心蛋盛惠 17 蚊，好貴所以叫咗一隻，用碗原隻上唯有自行切開（好彩切得幾靚）。不過可能期望太大，所以真係講唔出有咩特色，湯底唔算太濃郁，主要靠嗰羹秘製醬油，基本上就係一碗普通拉麵，近 100 蚊一個人食一次就夠了。

最近愛上自己一人去食拉麵，基本上所有王食過，個人口味喜歡黑王的湯底，比較鮮甜，不會太油膩或過辣。之後可按自己喜歡的去選擇配料和配料的份量。通常小編會選擇肩肉，肉身較薄，只有少少肥肉；菜就喜歡選擇椰菜，一來有些菜食較健康，另外椰菜都新鮮鮮甜。通常其他配料都會選擇適中，除了蒜！蒜會選多一點，比較香。個人秘密食法：會加蘋果醋，比較開胃，而且食落又有另一個層次。另外，枱旁邊通常放了一盒醃好了的芽菜，把芽菜放進湯底裡，吸收了湯底的鮮甜，更好味！但呢個食法只限黑王，試過放入其他湯底，沒有黑王那麼出色～証明好食到清哂🤤👍🏻

要講香港的日本拉麵，「麵屋一平安」及「橫綱」這兩間元組級正宗日本拉麵店，當然不能不提，但當年的日本拉麵在香港只是小眾市場。一直到了 1996年，一名香港商人睇準市場商機，快人一步以專營權模式，從日本九州熊本引入「味千拉麵」，並憑藉出色的廣告宣傳及極速礦張，很快就形成一股日本拉麵潮流，當年可以說是壟斷了香港的日本拉麵市場。但隨着分店越開越多，接着就被報章踢爆標榜的新鮮豬骨熬煮湯底原來只是中央廠房生產的濃縮精華再開水翻煮；加上陸陸續續有其他用心經營的個體小店加入市場，「味千」逐漸降格為一間非常本地化的連鎖集團日式拉麵店，人氣不再。要講到真正有能力在香港揭起日本拉麵的戰幔、甚至間接吸引了日本各大城市的人氣拉麵店進軍香港市場，就一定要數到「豚王」。還記得在 2010年，「豚王」在中環蘭桂坊和安里開店，迅即引起全城熱話，並將日式拉麵在香港的發展帶入了新的里程碑。雖然位置吊腳，而且只是一間有幾個吧枱座位、有點似日本屋台的小地舖；但當年竟然吸引了各路人馬在中午開始營業之前的一個小時就排隊等食麵，後期甚至要在行人路擺兩三張小木枱以疏導人流。開業初期又高姿態地宣佈每日限賣300碗拉麵，並保證濃厚豚骨湯底

這天和媽媽來吃新開的豚王，由於我們早來，所以不用等位。我們叫了一個豚王，一個赤王和一客餃子豚王，味道不錯，湯底濃，麵質是我喜愛的赤王，媽媽愛吃辣，所以叫了赤王，看上去真的很辣，媽媽説幾好吃餃子，我們原意無打算叫，但一坐下睇餐牌，侍應便拿到我們面前，説做多了一份，要不要？其實當下覺得有些唐突，但媽媽説不要浪費食物，所以便要了。埋單兩個人要230元，價錢偏貴，好的就是沒有加一，但性價比不高，下次未必會再食。

近來天氣轉涼，中午食晏想食啲熱騰騰既野，去左將軍澳站附近搵食，決定就去試下豚王既拉麵。入到去Menu選擇唔多，有豚王、翠王、黑王同另外兩個，共5種選擇，但選擇左湯底之後就好多選擇，包括麵既粗幼、軟硬、配菜、叉燒、有沒有蔥等等。我叫左黑王，同事要翠王，聽個伙記講黑王有墨魚汁，翠王有芝士，另外我叫左半熟玉子、餃子，同事就叫左替玉（即係加麵）。湯底好濃，好好味，食既時候仲可以加即磨芝麻。我們的叉燒點了肩肉，唔肥、好淋。餃子皮好脆，點餃子汁，酸酸地好醒胃。半熟玉子非常好吃，有蛋香，而且中間流心。總結，麵、湯、餸都好食，但午餐來說比較貴。

最近天氣開始轉涼，晚上想吃點熱辣辣的晚餐。剛好路過popcorn這家拉麵店，又不用排隊，於是就決定吃這家。看到menu上有幾種不同的湯底，於是打算叫一個沒試過的Pesto and Cheese湯底。 這裡的拉麵也是可以根據自己的口味自定義濃淡，麵的寬細和硬度，叉燒的肥瘦程度，辣度，和想要的蔬菜。個人感覺pesto and cheese湯底跟拉麵不是很搭，本來拉麵湯底已經很濃郁，再加上羅勒葉和芝士的味道，吃起來有點膩。還是配義大利麵比較合適。朋友叫了普通湯底，我試了一下，比pesto的好吃。看見隔壁桌的墨魚汁湯底感覺也不錯。下次再試試其他口味。