豚王 (PopCorn 1)

營業中

休息中

有次喺附近食完飯經過，見到門口人山人海，諗住應該唔錯，就話下次要嚟試吓。早少少去避過高峰時間，連屋台目測大概可容納 30 位食客。枱唔多而且大部分拍埋一齊，所以要同人搭枱。麵款唔多，主要係揀湯底，同某數字頭拉麵店一樣有張紙俾你自選個人口味同加配菜。今次食咗同餐廳同名嘅「豚王」，友人試咗腩肉，肥美啲但份量少，我就食咗肩肉，兩大塊蓋住成碗麵感覺抵啲。溏心蛋盛惠 17 蚊，好貴所以叫咗一隻，用碗原隻上唯有自行切開（好彩切得幾靚）。不過可能期望太大，所以真係講唔出有咩特色，湯底唔算太濃郁，主要靠嗰羹秘製醬油，基本上就係一碗普通拉麵，近 100 蚊一個人食一次就夠了。