豚王 (PopCorn 1)

營業中

休息中

最近愛上自己一人去食拉麵，基本上所有王食過，個人口味喜歡黑王的湯底，比較鮮甜，不會太油膩或過辣。之後可按自己喜歡的去選擇配料和配料的份量。通常小編會選擇肩肉，肉身較薄，只有少少肥肉；菜就喜歡選擇椰菜，一來有些菜食較健康，另外椰菜都新鮮鮮甜。通常其他配料都會選擇適中，除了蒜！蒜會選多一點，比較香。個人秘密食法：會加蘋果醋，比較開胃，而且食落又有另一個層次。另外，枱旁邊通常放了一盒醃好了的芽菜，把芽菜放進湯底裡，吸收了湯底的鮮甜，更好味！但呢個食法只限黑王，試過放入其他湯底，沒有黑王那麼出色～証明好食到清哂🤤👍🏻

要講香港的日本拉麵，「麵屋一平安」及「橫綱」這兩間元組級正宗日本拉麵店，當然不能不提，但當年的日本拉麵在香港只是小眾市場。一直到了 1996年，一名香港商人睇準市場商機，快人一步以專營權模式，從日本九州熊本引入「味千拉麵」，並憑藉出色的廣告宣傳及極速礦張，很快就形成一股日本拉麵潮流，當年可以說是壟斷了香港的日本拉麵市場。但隨着分店越開越多，接着就被報章踢爆標榜的新鮮豬骨熬煮湯底原來只是中央廠房生產的濃縮精華再開水翻煮；加上陸陸續續有其他用心經營的個體小店加入市場，「味千」逐漸降格為一間非常本地化的連鎖集團日式拉麵店，人氣不再。要講到真正有能力在香港揭起日本拉麵的戰幔、甚至間接吸引了日本各大城市的人氣拉麵店進軍香港市場，就一定要數到「豚王」。還記得在 2010年，「豚王」在中環蘭桂坊和安里開店，迅即引起全城熱話，並將日式拉麵在香港的發展帶入了新的里程碑。雖然位置吊腳，而且只是一間有幾個吧枱座位、有點似日本屋台的小地舖；但當年竟然吸引了各路人馬在中午開始營業之前的一個小時就排隊等食麵，後期甚至要在行人路擺兩三張小木枱以疏導人流。開業初期又高姿態地宣佈每日限賣300碗拉麵，並保證濃厚豚骨湯底

這天和媽媽來吃新開的豚王，由於我們早來，所以不用等位。我們叫了一個豚王，一個赤王和一客餃子豚王，味道不錯，湯底濃，麵質是我喜愛的赤王，媽媽愛吃辣，所以叫了赤王，看上去真的很辣，媽媽説幾好吃餃子，我們原意無打算叫，但一坐下睇餐牌，侍應便拿到我們面前，説做多了一份，要不要？其實當下覺得有些唐突，但媽媽説不要浪費食物，所以便要了。埋單兩個人要230元，價錢偏貴，好的就是沒有加一，但性價比不高，下次未必會再食。

近來天氣轉涼，中午食晏想食啲熱騰騰既野，去左將軍澳站附近搵食，決定就去試下豚王既拉麵。入到去Menu選擇唔多，有豚王、翠王、黑王同另外兩個，共5種選擇，但選擇左湯底之後就好多選擇，包括麵既粗幼、軟硬、配菜、叉燒、有沒有蔥等等。我叫左黑王，同事要翠王，聽個伙記講黑王有墨魚汁，翠王有芝士，另外我叫左半熟玉子、餃子，同事就叫左替玉（即係加麵）。湯底好濃，好好味，食既時候仲可以加即磨芝麻。我們的叉燒點了肩肉，唔肥、好淋。餃子皮好脆，點餃子汁，酸酸地好醒胃。半熟玉子非常好吃，有蛋香，而且中間流心。總結，麵、湯、餸都好食，但午餐來說比較貴。

最近天氣開始轉涼，晚上想吃點熱辣辣的晚餐。剛好路過popcorn這家拉麵店，又不用排隊，於是就決定吃這家。看到menu上有幾種不同的湯底，於是打算叫一個沒試過的Pesto and Cheese湯底。 這裡的拉麵也是可以根據自己的口味自定義濃淡，麵的寬細和硬度，叉燒的肥瘦程度，辣度，和想要的蔬菜。個人感覺pesto and cheese湯底跟拉麵不是很搭，本來拉麵湯底已經很濃郁，再加上羅勒葉和芝士的味道，吃起來有點膩。還是配義大利麵比較合適。朋友叫了普通湯底，我試了一下，比pesto的好吃。看見隔壁桌的墨魚汁湯底感覺也不錯。下次再試試其他口味。

好耐無食拉麵，呢間鋪開左段時間都冇試，所以我今次就決定來食啦，店舖並不是太大，但不會太擠塞。拉麵款式亦係常見豬骨，白雞湯，辣湯等。因為聽朋友講過話這間拉面湯實在太濃，好似食掛面咁，為免中伏，我就決定揀左略淡既豬骨湯底，等左十五分鐘左右啦，一碗熱辣辣奶白湯底配上不同配菜既拉麵就擺左係我眼前，我已經急不及待即刻開動了，先飲一啖湯，確實濃味但係好味同可接受，所以亦不建議大家再叫更濃味的湯底，會太重口味，總結就係一個好食既拉麵，係將軍澳來講算係推介架啦 ps餃子都好食🙊

🍜赤王 $96赤王都幾辣，食第一啖都無乜野，辣味係之後湧出黎辣味掩蓋左原本湯底的味道，缺少層次豚肉就選擇左肩肉，完整大塊有肉味🍜翠王 $96芝士粉配上原味豚骨湯底，味道出奇地夾，有啲似卡邦尼拉麵不過我就略嫌湯底太濃郁，飲多幾啖湯會覺得鹹值得欣賞嘅係有得揀蔥或者菜，比軟健康🥟豚王餃子王 $28餃子底煎得脆脆，皮薄餡靚店員預先問左會唔會落餃子，落單無耐就上餃子👍🏻🥤靜岡縣綠茶可樂 $22第一次見以為係新野，上網一查原來都出左幾年，價錢屬於中等聞落去係普通汽水味，要仔細品嘗先飲到綠茶味以哩個價錢買一枝可樂就唔太值

叫咗個辣嘅 好似叫赤王 我都忘記了豚王整體唔同分店嘅質素都keep得okay 食過幾間都係差不多 冇話邊間特別差將軍澳呢間可能都係新開 晚餐時段去都幾多人都等咗一陣先入到去上餐速度都算快 啲waiter態度都幾好食物就差不多今次揀呢個嘅辣度再加多咗少少 好似係3（？）但係略嫌啲辣味cover哂其他味 如果中意食辣嘅 可以嗌豚王加辣或者嗌1級辣 咁其他味唔會cover得太多 朋友食返普通豚王 嗰陣豬骨湯味會好食啲同埋佢有得揀麵嘅硬度又真係煮得okay 同朋友嗌嘅唔同都食得出硬度上係有分別

等到頸都長，豚王將軍澳店終於登場!!!除左辣味，係其他分店都試過其餘既味一次，最中意都係原味豬骨湯拉麵。豚王食拉麵可以話係幫你度身訂造你既口味，每人一張order form，可以自己選擇淡/普通/特濃湯底，其次選擇要叉燒/腩肉，再加葱/野菜，當然麵條亦有粗/幼，以及軟/普通/硬之分，總會迎合到你的喜好，服務十分周到。原味豬骨湯真係超級好味，豬骨味香而濃郁，湯身杰杰地，真材實料。今次揀左腩肉，肉質肥美軟淋淋好好味，分店質素相當不錯，一定會再光臨。

我叫了一份䐁王拉麵和餃子，拉麵好快到，餃子本菜單寫等15min-20min，我等了31min左右才到，重點係遲來個份餃子到左，我嗰份未到，讓我心情不愉快。服務員會問你要不要介紹菜單，佢會介紹有邊d，以及，今期限定係咩(今期龍蝦)。雖然拉麵價錢是貴，同其他拉麵店比較，但其他不算貴，例如替玉+10定11蚊，還有餃子28蚊5隻(可以不用叫，等太久，正常日式餃子)食物質素就正常，沒有怎麼特別店舖大小是適中