譽居

營業中

休息中

一直都認為這餐廳是宵夜好去處，慣常叫同一樣餐，誰知經過今晚，決定必不會再到。明明點了半肥瘦叉燒，來了全瘦，發現單落錯，請來侍應來，她還堅持單無寫，但自己親自入了去同師傅講，我要求換，有另一位貌似高級職員來說晚上無半肥瘦，我話無就應同客人講就唔叫啦！跟住又話師傅認為這些叫肥啦！最終我堅持要換，打算轉雞，就送了牒雞胸來。這樣分明趕客！這麼多選擇，以後也不會來了，連一句不好意思說話都無的服務，仲收人五十幾一碗，真的太過份。咁多年來都係第一次寫食評

一家人嚟食飯 想食中菜又唔想食茶樓呢度質素都幾高先叫咗個涼拌雞絲平時拌雞絲嘅都係青瓜絲，但係呢度幾特別地用咗芹菜外貌睇落幾可亂真不過味道都幾夾，而且唔太辣蟹粥冇咩味，蟹同粥好「分明」不過粥底煲得好綿，所以淨係食蟹都OK咕嚕骨份量唔多，配菜洋蔥同三色椒較多不過係外脆內軟嘅，整得好入味臘味炒芥蘭都好好食，正值芥蘭幾當造，爽脆唔苦澀，好好食唔太油燒味拼盤，有燒肉燒鵝蝦籽麵份量較小，幾啖食哂，蝦籽都唔多蒜蓉炒菜心都啱火候，但係同芥蘭相比芥蘭好食啲

樓上是豪宅天晉的Popcorn, 想必餐廳價錢一定不相宜，但始終家住附近，好歹也試一試，想不到有驚喜。和家人三人行晚膳，點了叉燒炒飯、柱侯牛筋腩、咕嚕肉、西蘭花帶子和一客蛋白杏仁茶，都只是$4xx埋單。餸菜份量都算夠大，味道亦不錯。美中不足的是叉燒炒飯賣相跟餐牌有出入欠吸引，以及牛腩比較韌。服務方面員工有點急和亂，會送錯餸及把餸汁倒瀉在枱面上，但態度是友善的。值得再幫襯，好過去連鎖式茶記。第一次寫食評，未習慣影相，下次影多D!

九點後開始宵夜時段，價錢平左，有粥粉麵飯，都幾多選擇！今晚點了好耐冇食嘅艇仔粥，一碗份量都幾大碗，粥底夠綿，材料包括魷魚、魚片（量多），食落鮮甜少骨、瘦肉絲、花生及生菜絲，粥味道偏淡，更可以食到配料的原味！另外點了一碗薑葱牛肉湯麵，叫了多蔥，可惜無多到，麵條幾爽口，牛肉份量對眼,味道啖湯相當夠味！

今晚太夜收工已經好肚餓，唔想行太遠，一於和同事在將軍澳尋食見到呢間環境唔錯，就入去坐低睇吓有乜食，有粥、粉、麵、飯和小菜，兩個人就叫幾個小菜一齊食係未有得食既時候，就一路嘆住茶吹住水等，呢道d茶都幾靚，傾左陣小菜陸續送上。南乳豬手，幾大碟，幾多豬手，豬手幾有肉，食落唔硬幾淋，而且味道幾好，d菜索左汁好正，好味到我地直情用汁來撈飯奇味醬雞煲，雞好嫩，個奇味醬幾野味，熱辣辣香噴噴郊外時菜:有（牛腩汁和南乳豬手汁）(生菜、菜心、通菜、白菜仔、韮菜花和芥蘭)選擇，我地選左牛腩汁和生菜，菜加左個汁更正最後食完飯再叫左個甜品食生磨蛋白杏仁茶,好香杏仁味,好滑

成日行Popcorn都覺得得好多連鎖店但要揾好食既野或者想食既就難啲譽居都算係好常去既餐廳之一平時晚市都唔算太平架但坐得幾舒服所以今晚睇完戲又黎食佢 佢有個晚餐set係食小菜但無固定既小菜, 係睇佢果日定左咩 食過幾次都有咕嚕肉呢到D咕嚕肉都好大碟, 岩我地2個人分咕嚕肉炸得幾香口主要係個炸皮夠厚身, 沾完咗甜酸醬肉粒好大粒, 每粒都有咬口即使炸皮偏厚 但都無話食唔到啲肉配料有菠蘿洋蔥常見既都有齊不過炒得較淋囉 唔夠爽 係到食飯雖然要收茶芥不過添茶都添得幾密, 所以都接受到 

住了將軍澳六年 將軍澳中心大裝修後 更加少了食飯的地方 所以家店經常性多人不講食物普普通通 但經常口黑面黑 態度差劣 這家家店無問題 最好就是叫外賣 不要堂坐 叫親啲服務員一定係好像很忙那樣 態度勁串

最感恩係8號風球都有開，之前聽人講話唔錯的，所以睇完戲就去食左個早餐。佢早餐時段係有套餐的，感覺係幾抵食既，有粥麵配菜、炸両或者炒面之類。我哋叫左個牛肉蠔鼓粥，真心估唔到佢係生滾粥，口感好棉棉的👍🏼牛肉口感一流😍最愛炸両仲係脆卜卜，唔係淋晒左既😌不過我反而覺得個麻醬唔夠香😛不過我對隻糉有啲失望，因為個名寫到好掂，我先心郁郁叫，點知入面得一件仔肉咁大把。牛筋腩面冇牛腩🤣🤣百幾蚊埋單，感覺一般。

今晚收工係附近將軍澳食個便飯，呢個商場嘅食肆大部份都係連鎖店。7點令8點差唔多間間餐廳都要排隊等位。呢度唔算太多人，等左7，8分鐘左右就有位啦。蜆蚧鯪魚球呢個菜睇落普通，但係好巧功夫。要做都好食唔係咁簡單。呢度就做得普普通通啦，啲肉比較實唔彈牙。 譽居叉燒炒飯 $68呢個炒飯佢一上到黎我都愕左然，呢個叉燒炒飯不如叫譽居炒飯就算啦。我有嘗試用匙羹翻下啲飯，睇下會唔會其實有好多叉燒係底。結果都係得幾粒。點叉燒飯都多過佢。炒飯整體係炒得唔差，粒粒分明，味道偏淡口，雖然都有一，兩舊未飯團未散呢個羅漢上素就失色左啲。$58定$68。份量唔多，主要都係切片既菇。佢做左一個比較厚既蠔油茨汁，個人不太欣賞。呢個菜材料簡單唔知點解係最後等左20分鐘先黎，我地都差唔多食晒鯪魚球同個飯，同待應講如果未煮就取消佢啦，佢去完廚房話兩分鐘就煮好出黎。好彩佢都算係一個蔬菜。

未試過食野，食到忍唔住奉獻第一次寫食評，因為實在太嬲啦，我地叫個福建炒飯同鯇魚片粥，等左成30分鐘，個飯黎到食第一啖就知中左伏竟然個炒飯底係凍架，啲飯凍到起「降」。個鯇魚片粥，味精重到口都乾埋，直情我放棄埋碗粥. 真係太失望，都唔會再幫襯下次。

爸爸是很傳統的男人，喜歡吃中餐，喜歡喝茶，所以晚餐其實沒有太多選擇。這是爸爸喜歡的餐廳，因為有茶，還有燒味和小炒。今晚兩個人撐枱腳，叫左一個燒餓飯+雜菌炒牛柳粒+菜心+蝦子麵。我都幾欣賞間餐館可以有咁多選擇。好似高級既大排檔咁！好多餸一睇個名就覺得有鑊氣！佢個菜$30，可以加牛腩汁或豬手汁菜芯都好新鮮。因為佢比平時餐廳淥既時間應該長d，所以菜芯出黎既感覺係好多水好吸味。其實我自己鍾意食林d既菜芯，所以覺得好好味！燒鵝飯有少少齋，如果可以俾多兩條菜應該會好睇d。味道方面，個人覺得調味算唔錯，唔會太咸或太淡。不過個皮香就幾香，但就真係唔係幾夠脆。呢個真係扣唔少分呢碟食完先記得影既係炒牛柳粒，見我地食清左個碟就知咩事啦！好夠鑊氣既味道！d牛柳粒好林，唔係咬唔開個d，加埋吸晒味既雜菌，林加爽既口感就出左黎啦！唯一有不足既係真係咸左d, 不過用黎配飯就真係正！

去夜街有時返到屋企會肚餓, 唔想去便利店食叮叮食物，發現呢間開到十一點幾，店內提供粥粉麵之類，岩晒做宵夜！是晚睇完戲就在此醫肚！艇仔粥材料都幾多, 包括魷魚絲、肉碎、豬皮同魚片等，粥底好綿又唔重味，食見唔覺太口喝！另外點左隻鹹肉糭，份量唔太大隻，內有豬肉以咸旦黃，另有豉油及砂糖伴食！呢碗薑䓤牛肉麵，牛肉頗多，比較腍滑，牛肉及薑䓤伴麵一齊食，口感有咬口，湯底幾鮮味！需收每位茶錢及加一！食飽d好瞓d：）

popcorn無乜茶餐廳，想飲杯港式奶茶就只有來呢度。一直我們都只食燒味、因為好鐘意呢度d燒肉，肥瘦肉分配剛好，咬下一d唔鞋口，外皮超脆。但今次試試豬手麵，估唔到都係非常出色，湯底好濃郁，豬手入曬味，外皮充滿膠質，口感非常好，麵質亦好彈牙，lunch食同其他雲吞或魚蛋麵竟然係同價，感覺抵左呢！😁

去夜街返到屋企附近有d肚餓，其他食店都收晒檔，唔想又食碗仔翅、魚旦，見呢間開到12:00，就入去醫肚！快黎一碗薑蔥牛肉麵 （$32），份量唔算多，麵幾彈牙，牛肉細塊左d，連薑蔥份量都少，總括黎講係好味嘅！加多個艇仔粥，味道唔咸，唔會覺一口味精，一般材料都有，魷魚，豬皮另有少許魚片，份量幾大碗，二人分享都得！另收茶錢每位$3

我本身住附近，所以時常有去食。最喜歡她們的义燒，雖然不及外區名店，但比起很多酒樓，已經很好。可是這快成為過去，义燒已經由香軟轉變成咸硬。這個已經反映在人客越來越少的現像上。職員欠決訓練，好C9 feel，可能今年沒有加人工吧，待客態度非常一般... 到差，個個黑口黑面，不論點菜或其他，也是同一面孔的 ~ COOL ~大家千萬要注意，在這家店堂食外賣，他會先收你每個盒一元.. (算，很多店也收):不過到你到櫃台結賬時會再收你 5毫膠袋錢；估佢唔到；最好自備膠袋或者不帶走。感覺是貴，座位迫，卡位好少少(有豬攬肉另計)，最慘食物質素下降，服務態度唔ok。再不改善，人客買少見少，好快要講拜拜。