譽居

營業中

休息中

我們一家好鍾意來這裏飲茶，因為這裏隨時隨地都可叫點心，點心都幾精緻，因為都是即制所以要等耐一點，不過飲得茶一般都唔趕時間，無所謂啦!!佢流心奶皇奶真係幾流心，小朋友好鐘意食，仲有叉燒包，叉燒香得來又唔多肥肉，炸兩雖然唔係即炸，但都仲脆，山竹牛肉球都幾大粒，有牛味，最欣賞佢的粥和炒飯，粥是生滾的，好鮮味，楊州炒飯炒得好乾身，附有菜和鮮蝦，呢兩樣真係介推大家試試，鋪面都幾乾淨企理，坐得幾舒服，正!!

門口和收銀姐姐語氣差。外賣話需時15-20分鐘。過了時間去問，只講在做。最後忍唔住再問，才入廚房睇，過了3分鐘就出嚟。前後40分鐘。趕時間千其唔好去。我喺講緊早上11時。

呢過譽居幾次，但都冇寫過食評。今次的起心肝寫返篇先。放工後同朋友嚟食個晚飯，由於唔係太肚餓，所以叫咗兩餸一飯。頭抽豉油雞飯油雞雞肉都算嫩滑，但可惜冇乜雞味，應該唔係用新鮮嘅三黃雞。豉油味味道普通，香味不足，落多啲紹興酒可能會好啲。白灼爽脆鮮腰肝朋友鍾意食豬腰豬肝，所以叫咗一碟白灼。豬肝幾滑嫩，豬腰則爽脆，味道唔錯。梅菜蒸魚腩我同朋友都鍾意食蒸魚，所以叫咗個梅菜蒸鯇魚。呢碟菜嘅神髓應該係梅菜，但呢度啲梅菜味道偏鹹，可能清洗浸得唔夠。食鯇魚要小心啲，因為多骨，我朋友就唔小心食咗一小條骨落肚😱，好彩冇乜事😅。

夜麻麻都可以飲茶平時真喺好鍾意飲茶，但疫情又怕人多，少飲咗好多，今日去開將軍澳，朋友建議飲茶，個陣都已經晚上七點幾，原來呢間「譽居」夜晚都有點心食，而且仲好大間，人唔多，都坐得舒服。我地點咗好多點心，最開心喺有雷沙湯丸食，唔喺間間都有得食。叉燒包好鬆軟，牛肉腸又香又滑。鮮蝦燒賣皇，大大隻蝦肉好彈牙。奶黃包小朋友至愛🥰叫咗勁多野食，埋單$450 四大一小，價錢相當合理抵食。譽居 (將軍澳)將軍澳唐賢街9號PopCorn商場地下G01號舖

平時同我爸爸媽媽都會去傳統酒樓飲茶，今次就試下茶居型式 酒樓飲茶。估唔到點心選擇都好多款。譽居蝦餃皇:皮晶瑩剔透，包住兩隻大蝦，蝦好新鮮;鮮菇魚肚蒸雞:魚肚吸咗雞汁味好香;日式鹹水角 :餡料唔肥膩，兩口可以食曬一隻;黃金小蜜蜂(炸)餡入面係鹹蛋黃，出面係蝦膠好彈牙;雪山叉燒餐包:焗得鬆脆，叉燒唔肥，薑蔥豬潤麵:豬潤有幾件，可惜冇咩味，麵彈牙足夠份量，撈起 韭黃湯配香蔥蠔油，好食。茶錢好平每位$5，光線充足，伙計好快手，加水和收拾碟，有禮貌有笑容。

早餐2人康城商場剛剛開幕 譽居是間點心餐廳，你可以一邊吃點心一邊飲凍奶茶，男女老少皆宜。皮蛋瘦肉粥：粥底綿綿，瘦肉略鹹，皮蛋蛋黃軟綿綿好吃炸兩：皮薄，油炸鬼香脆度70% ，應該是即叫即包鳳爪排骨飯 ：排骨新鮮好吃不會太鹹，白飯略少，但早餐來說剛剛好（推薦）潮式雙拼：糯米卷和蒸粉果 。此孖寶最為驚喜，糯米卷外皮甜甜的 糯米飯也不太油膩粉果內涵豐富 沙角香脆 配上辣椒油尤其好吃！總評：兩個早餐總共$90 十分抵食。做會員儲分更有現金折扣。Mcdull

原來這個商場都有不少食肆但都唔平見尼間價錢合理！咪試吓囉座位都闊落！坐得舒服不過就落錯單！兩個人點解會叫兩碟羅漢齊炒麵砂鍋羔蟹粥～蟹味唔算突出！羅漢齋炒麵～麵夠脆料少咗啲！小籠飽～皮太厚！好一般

I often find dim sum in Hong Kong to be good despite the price. But wow .. this place was something else. Boyfrie and I found this place to be very popular. It  must be either good or a really good deal. We decided to find out.The place was a lot larger than I expected. There was plenty of space and it didn't feel crowded at all even though the place was packed.As we arrived during afternoon tea session, they had an afternoon tea menu. Menu in English and Chinese. You order by checking off what

疫情下，我想搵間中式餐廳坐得闊落D 所以黎譽居。其實每次想食得無咁heavy 我都黎食粥或者粉麵。譽居星期六/日，lunch time 特別多人，記得上一次，二人枱等左成個鐘，主要因為將軍澳附近中式餐廳好少，而且譽居有好多不同點心選擇 好多居民假日都會黎飲茶family day! 因為今次肚餓 所以我地點了燒鴨飯和南乳豬手 燒鴨飯尚可 無咩特別 反而南乳豬手有驚喜 南乳汁頗濃 份量適中，豬手好入味！ 環境方面，餐廳地方好寛濶，而且很乾淨!

呢間譽居之前巳食過數次，不過成日唔記得寫食評，今次黎食影埋相，萬事俱備。之前黎親都係食點心同燒味飯為主，點心水準相當不俗，燒爉飯亦都保持住水準，今次既鮮蝦腸腸粉唔薄皮又夠滑，入面既鮮蝦又夠彈牙新鮮，配上甜豉油真係食唔停口，至於個叉鵝飯，雖然今次食既部位唔係靚位，但依然都係覺得好好食，叉燒易入口唔韌，燒鵝又夠香，$53個雙併飯好食又抵過大家樂啦！最後第一次喺度試小菜，就試試昨晚公益金籌款既菜色黃金蝦，即叫即炸，鹹蛋香包含晒成隻蝦，而且蝦亦都非常大隻，口感都新鮮彈牙，入口係先有鬆化表層再配以彈牙蝦肉內層，用黎送飯真心一流！呢間基本上食乜都冇咩話唔好食，所以翻食指數係極之非常咁高，而且價錢又大眾化，將軍澳我推介呢間！

限制🚫令下，如果想外出食早餐，真的不易搵位，所以改為試吓去飲早茶吃孖寶，去同公公婆婆搶位😂😂這裡的早晨孖寶，第一part 有六款粥 +四款飯+二款點心選擇！第二Part 有十款點心選擇！今次試吓艇仔粥配手拉腸粉，艇仔粥好足料👍，手拉腸粉好滑又熱騰騰😋😋放假飲下早茶，也不錯！

早餐今日想食粥品，附近有呢間新装修後重新開市，價錢當然係調高了！點了平常食慣嘅茘灣艇仔粥，材料相當豐富，有魷魚、肉絲、魚片、花生及蔥絲，粥底綿滑，味道唔會太濃，食完唔太口乾！就咁食粥好似單調左少許，加埋糭又點睇？！點砂糖食，糯米跟綠豆軟腍，五花肥肉不多，最驚喜有隻咸蛋黃係中間，係整隻，亮點呀，咸香中又有砂糖甜味，私人加十分！

經過幾次，門市人龍長，怕怕，今日放假，早上好似無乜人，👨🏻👩🏻👦🏻試吓先，五個點心，熱騰騰，义燒包，蛋撻，小朋友覺得好味😋！大人喜歡腸粉、牛栢葉，價錢絕對平民價，美中不足d茶具，只杯飲飲下裂，嚇親😒

同屋企人嚟食冬至飯，揀咗午市嚟，可以避開人潮店面擴建之後大咗成倍，而且有圓枱，好有一家人食團圓飯嘅感覺！叫咗半隻譽香雞，半隻燒鵝雞都夠哂白滑靚仔，肥美油香，可惜雞味唔濃，要點薑蔥幫忙相反半隻燒鵝就比較靚啲，皮脆肉厚，肥瘦均稱，燒鵝香氣四溢呢個牛肉同滑蛋嘅配搭都幾正，兩種食材各有其香味牛肉片結實得嚟唔韌，滑蛋加埋蔥花一齊炒，唔老，用嚟餸飯好啱涼拌嘅雞絲以為會係麻辣，但係發現都冇咩辣味，反而有麻油香芹菜絲同凍嘅麻油雞撈埋一齊，係幾開胃嘅伊麵一上碟熱辣辣，睇落份量唔多，但係食食吓又會發現有幾多伊麵蝦球都大大隻，彈牙，加上鋪面嘅芝士，成個焗伊麵燒味拼盤有薰蹄，燒腩，叉燒3樣，佢呢度嘅燒味都唔會差薰蹄唔會過肥，滷得入味燒腩仔皮脆，層層肉質分明，食出廣東燒味嘅層次叉燒半肥瘦，係燒到外表金黃甚至有啲焦香嘅四季豆幾出色，首先啲豆特別大條又粗，食落脆嫩冇渣，十分爽口，雖然啲肉碎加咗辣椒炒，但係唔會辣最後菜芯都好翠綠，今餐同屋企人食嘅中菜幾令人滿意(特別係長輩)(唔知係咪因為後生仔埋單，佢哋覺得我哋有表孝心呢？！)

N 年前想喺將軍澳「搵食」，友人就推介咗呢間小館。果然冇令人失望，質素拍得住酒樓，所以耐唔耐就去食。早排以為佢搬過隔離書局個位，原來係擴大舖面，不過擴張後冷氣位設計麻麻，吹得幾應。鹹蛋叉燒飯 —叉燒軟熟焦香（間唔中會比較乾，但大部分時間都保持到水準），鬆軟熱辣嘅白飯加埋鹹蛋同豉油，搞到平日只食半碗飯嘅我都可以食晒呢度近兩碗飯嘅份量。山楂骨 — 擴張後餐牌都改埋，唔見咗某啲平時食開嘅餸。結果試咗呢個山楂骨，其實味道唔錯，不過肉真係唔多，比較啱鍾意啜骨嘅朋友。下次再試第二啲餸