譚仔雲南米線 (觀塘廣場)

營業中

休息中

今日去觀塘廣場睇下食譚仔定大快活，難得譚仔今日唔使等位，好，就食譚仔啦。入到去坐底，唔知點解我哋張枱係無左個餐牌嘅...，不過算啦，食左n 次，來來去都係嗰d野食，唔睇都識叫，個職員黎到，無神無氣，我唔知佢疲定唔想招呼我哋，我岩岩叫完想加句小米, 佢黑曬面話落咗單喇喎ok...由佢之後我碗麵黎左，酸辣味道一向唔錯，今日仲比左好多竹笙然後食咗好一陣子，我朋友講咗句"我碗麵去左邊...."，的確等咗好耐，前後應該20分鐘有多終於嚟左咗，譚仔係唔係知我朋友食得快我好多諗住幫下我今日d麵d料都幾足，good

返平時返工諗唔到食乜就會過黎食譚仔米線，貪佢夠平同有得即刻入座。譚仔米線推介食重慶酸辣湯底，成碗野個湯底紅卜卜，但有得自己選辣度，所以都唔會話太辣而食唔到，辣得黎又帶點酸味，1鍾意食辣既人就一定要試呢個重慶酸辣湯底喇。另外，小食方面，我慣常必會點既係口水汁青瓜同蒜泥白肉。青瓜好爽取，連埋花生芫茜同埋個汁一齊食就好惹味。蒜泥白肉就唔洗多講，好多人都好鍾意食，蒜泥落得好重手，個辣汁都好濃味。總結黎講，每間譚仔其實都食得出d味唔太一樣，而呢個可以話係我覺得最濃味既一間!

係觀塘收工晏，想快d 食完番屋企抖，譚仔係不二之選依度係兩個人既野食share油菜白烚，無味，菜質素一般，點左豆腐個汁辣辣地會好食dd豆腐明顯唔係百福山水個d,因為完全無豆味。。。。但個汁辣辣地夠開胃份量中等，某d 分店份量特別細架水準正常，湯底好似略淡左d

相信大家都有吃譚仔的經驗，我也不例外。作為譚仔的忠實粉絲，吃過很多間的分店。觀塘廣場這一間的分店環境很大，算是我曾到訪中最大空間的一間。食物質素上卻沒有什麼特別。食物與環境的衛生不錯。米線質地不會過硬或過軟。不過湯底卻不夠味，我吃的是五小辣，但只有「死辣」的味道。小食方面，我吃了麻辣豬耳。醬汁仍舊惹味，豬耳爽口。飲品方面，我叫了新推出的特飲。味道很像藥水，還是老老實實喝一杯咸檸七罷了。譚仔愈做愈有名氣，有更多的分店出現。希望服務態度、衛生、食物質素上有同樣的進步。

原來呢間譚仔係好夜先閂門，去到夜晚10點幾，啱晒我呢啲夜貓去食。其實都係想食啲辣嘅嘢，又平平地先會去食。最吸引既都係麻辣豬耳同埋蒜泥白肉，可以食好多蒜好開心。蒜泥白肉嘅豬腩肉比米線既豬腩肉更好食。之後我叫碗淨米，食個油生菜🥬就好滿足啦~

今日終於試到—— 譚仔「特辣」⋯⋯🌶️🔥今次叫咗「腩肉+酸菜」個酸菜okay wor ,不過個腩肉唔夠肥，係咪咁架？第1次食，如果薄薄地來講都可以，但厚d就正😝因為叫咗幾樣餸，所以米線冇叫咁多野😆 個麻做得幾好，辣又唔算好辣，同內地食到既麻辣有唔同，應該係迎合咗香港人口味❤️😍土匪雞翼— 都幾得意，浸咗係麻辣汁仲正🤣🤣皮蛋— 夠哂份量，都好「糊」口❤️‼️青瓜— 正常野，normal ‼️Overall來講特辣真係幾過癮，大家提供多d食辣好西等我地挑機✌🏽✌🏽譚仔雲南米線 (觀塘)地址：觀塘開源道68號觀塘廣場2樓213號舖

每個月係都要食兩次譚仔，今次係第二次啦，每次食譚仔都覺得好滿足。但今次有d失望，我叫咗竹笙米線加炸醬，D米線勁少，食兩啖就無，之後又好似無煮熟咁，好硬。朋友話佢有時食都會發現同樣嘅情況。我可能會因為今次嘅體驗變為一個月食一次啦，希望食物質素可以穩定d，唔好令一眾嘅譚仔迷失去信心。

去觀塘揾朋友食lunch, 兩個都係譚仔迷，當然去食譚仔order 套餐過橋(麻辣10少) + 凍檸茶：可能係中午繁忙時間， 出餐比較慢，凍飲送到時冰都融咗一半(目測), 仲要好似俾人偷飲兩啖(唔滿) 講返碗米線，各種配料尚算ok, 值得一讚係貢丸，墨丸，魚蛋 好好味(其他分店都未食過咁好味)

別人都說三哥比較好食，之前只有兩款湯底，我還未懂分哪家好食，但食過今次就真的懂了。因為貪方便就走來觀塘廣場分店，店舖的確很大，不難找位。問題來了，有這麼大的場，人手應要充足吧！上次經驗已經知道出餐比較慢，今次還是一樣，足足等了18分鐘，米線還是硬身，怎可能再有下次？我點了麻辣雞肉，朋友是湖酸酸菜。聚所周知，譚仔公式是一個餸的份量會比較多，隨後是遞減。早前食三哥的一份酸菜，也是滿滿的，這家的都是碎濕濕，我的雞肉也是比較少。而湖酸跟三哥湖辣完全不一樣，超酸沒辣味！不能跟三哥一樣就不要用這個名吧。還有還有是餐牌，之前是墨丸、竹笙比其他餸貴一蚊，現在連牛肉牛丸等都升價到$32，而墨丸及竹笙就更貴。靜悄悄逐少逐少的加價，份量少了，等待時間極耐，沒再光顧的理由，遠一點我也走去三哥，要不就不食也罷。

嗌了片頭竹笙湖南酸辣米線片頭個心係雪黎! 咁樣比客食?食食下有條唔知乜野係度!!?杯凍檸茶第一啖就甜,之後成杯野都酸?雖然依家係下午3點幾叫做下午茶時間,收正常價錢比碗咁既野?仲有啲腐皮係乾既硬既點樣食?

7點幾黎食，枱枱都有人，但唔係爆場，亦都唔多新客入，入到黎d人當你透明，係個侍應隔離叫佢，當聽唔到，再大聲叫多次(但唔係惡)，加上已經有眼神接觸，都係繼續當你冇度，上菜速度又慢，係我食過咁多間最慢，d人都唔係做野。。。冇咩都唔想再幫襯依間

這個譚仔，間中也有經過，位處於觀塘廣場扶手電梯旁，想不到，這兒竟然發現有不少做完運動的男女，可能是由於附近的工廠區有不少身形健身中心，而人們又以為做完運動吃米線比較健美？青瓜的味道反而比起其他更加濃，可能因為青瓜一直浸著醋汁😅；豬耳的擺設，這間的豬耳擺到好像圓形狀一樣；蒜泥白肉也一向出色，下面放有薄薄的白肉，但是這間的白肉都痴刀😒，因此可以見到有幾塊都會黏着一起。反而，皮蛋是幾款小食耳中，辣味最濃的，可能因為始終用來做皮蛋的調味料是尖椒🤔不過譚仔當然是間間更不同，因為有些店舖才會提供煳辣或是莎莎湯底，有些就沒有，東涌的譚仔，更加提供了小卡可以儲引，儲夠10個引就會送一碟細的蒜泥白肉。土匪雞翼果然處處不同，因為在東涌，感覺那兒的雞翼燒得比較脆皮，但是這間燒完之後，都偏向軟林，🤔而且味道不算太濃。腩肉墨丸米線，感覺上這一間譚仔嘅米線份量都不太多，是名副其實的僅夠糊口，因為沒有感覺網網千斤，好像吃了不久便吃完。腩肉不算太肥美，質素普通，墨丸還尚算彈牙。開頭吃的米線，彈力不錯，但是份量挺少。凍檸茶味道清新，即使沒有叫少甜，其實味道也不太甜。但就環境來說，我們坐在側邊大大張的卡位，也尚算寬闊，亦

來到坐低個場唔係滿，樓面都好多人。偏偏上菜速度慢到不得了，等到天昏地暗都未來。叫左兩碗粉，等左25分鐘。好啦，等到碗粉來啦。回個啲粉碌到梅晒，個湯仲可以無咩味。成碗野根本係是低溝淡d湯倒梅菜粉加埋餸就上比你，簡直不知所謂。下次行遠小小食三哥都無咁嬲

觀廣既呢譚仔如果係平日D晏就時間去係好多人食要等好多張飛但今次我地係差唔多TEA TIME既時候去食就唔洗等位觀廣分店係會有卡位坐都係四方既枱比較多咁就會比平時圓枱好坐同朋友一齊食呢個重慶湯底既過橋米線套餐譚仔既重慶湯底係偏酸辣油比較多食落係非常之重口味米線索晒湯汁而且過橋米線套餐有好多配料都係索汁能力高既配料都夠晒重口味

好耐無黎食譚仔，觀塘廣場依間要上2樓，但勝在坐位夠哂多，地方大坐得舒服，侍應都算多，服務都不錯。搵左個卡位於就坐底2個人黎食多數叫過橋米線套餐$55（酸辣湯底），2個人食岩岩好唔會太飽又可以食到好多款餸魚蛋，牛丸，墨丸，豬膶，牛肉，雞肉，豬肉，腩肉，火腿，炸醬酸菜，竹笙，芽菜，韮菜，腐皮，生菜，豆卜。。。數數下都有十幾款，加多杯凍檸茶滿足仲有好多小食可以叫，依到雞翼，皮蛋，蒜泥白肉都出名，可以試下