譚仔雲南米線 (觀塘廣場)

營業中

休息中

平時真係好少會去譚仔食野，咁岩係附近買野又肚餓就試下，發現原來譚仔嘅服務都唔錯架喎😆牛丸,魚腐泡椒酸菜魚湯,3小辣 $41湯底普普通通，冇乜酸菜魚味，不過清清地，少少酸都唔錯嘅！土匪雞翼（5隻）$33絕對係好多人嘅至愛，不過我未有上癮😆蒜泥白肉 $27呢個小食最好味！蒜味好香濃，豬肉唔會過鞋！不過食完帶番口罩回程果下真係會口臭😂墨魚春卷,魚片頭香茜皮蛋魚湯，3小辣 $43芫荽真係鋪滿成個碗，不過湯底真係一般,純粹普通清湯冇乜香茜味… 絕對得個樣…配料當中墨魚春卷係我嘅favorite 😬米線加$9有飲品

買左碗麻辣米線番去食，食到一半先發現入面有隻曱甴，仲要唔太細隻，好嘔心......打電話落去叫佢退錢比我，佢叫我換過一碗，但咁污糟嘅環境，我唔想再食嗰度啲嘢......睇圖啦....

夜晚9點幾係觀塘肚餓會揀啲咩？通常會諗起有得堂食嘅譚仔🤪！9點半先last order 如果9點半前入座都仲有得落單，快快手手食嘢添！一入座諗好食咩就叫個姐姐幫手落單，個姐姐態度又幾好，因為我地仲想叫個外賣拎走，佢就建議我地啲餸齊哂再幫我地落單！咁我地落齊單之後，嘢飲到先，落單個姐姐幫我地上嘢飲，佢仲記得我地每人叫咩嘢飲，分埋比我地，唔會好似平時咁放係張枱就算！當D麵到齊哂之後，個姐姐走嚟幫我地落埋外賣嘅單，超細心！值得讚！去到譚仔點少得叫蒜泥白肉🤪🤪！呢間D蒜泥白肉幾好味! 好嘢味!另外，叫咗碗酸辣雞肉＋凍嘅青檸綠豆薏米水兩碗過橋米線 （1碗蕃茄湯，1碗清湯)Ｄ麵同餸嘅份量都好夠！正常發揮！但今次個姐姐Ｄ服務態度又真係估唔到！讚！

今日夜晚去咗食譚仔 叫左個酸辣 酸菜雞肉加可樂 同埋一碟皮蛋同蒜泥白肉 上菜速度算幾快 亦都唔使排隊個湯底味道就ok嘅 少少酸 可以接受 但係個酸菜就成一大塊未切咁掉入去 咬落味道有啲奇怪 😓雞肉就同三哥質素一樣 不過不失 林林地咁個皮蛋就正常 不過蒜泥白肉麻麻地 唔太好食 整體來講 我覺得以呢個分店以呢個價錢黎講算可以接受嘅 但唔係好味道😂

譚仔最近新出左芫茜口味嘅米線，可惜只有部分分店係有早餐先可以嘗試到芫茜煎蛋🥺🥺但由於我係觀塘返工，所以聽到一出呢個新米線就決定lunch係觀塘去試下！🍡香茜皮蛋魚湯米線配脆肉鯇湯底好清甜好有魚味，皮蛋口感好似啫喱咁！脆肉鯇就唔使講啦，無骨加埋本身脆脆嘅口感簡直一流！芫茜我都係第一次食咁多😂😂加咗$3要個芫茜山後，真係一路食就一路feel到好強勁嘅芫茜味，充斥着我嘅口腔同鼻😂😂真係好鬼正😌

睇廣告不斷宣傳勁重口味的芫茜山米線....專登走去試下，叫左個乜都有的麵再加錢轉左芫茜皮蛋湯底，但原來咁樣叫只係得好少芫茜起面，所以加左３蚊額外加多Ｄ芫茜。另外再叫個芫茜青檸特飲。睇實物以為湯底係煲到入晒味的芫茜湯，可惜只係飲到似魚湯味的湯，一點芫茜味都沒有。平時阿媽煲的芫茜魚片湯更加有芫茜味。芫茜麵原來只係放一堆芫茜在麵面上，有些失望。芫茜特飲佢有打碎少少芫茜混入特飲，可惜又係完全冇茜味，成杯特飲變成青檸七喜，又係失望。整體說，對於呢個茜遊記原本寄語希望，可惜完全失望而回。

Hungry time🍴重口味之選: 芫荽皮蛋魚湯米線配脆肉鯇🤟🏻講真食米線啤子偏向食小店米線但譚仔呢排出嘅新菜式真係幾吸引😻以前去譚仔一定要食辣 但今次出左魚湯米線 鍾意食魚湯同魚既啤子第一時間去試下芫荽控必食☘️☘️😋香：隔住口罩都聞到芫荽香☘️芫荽:冇浸真係湯太耐，食落香脆，索索聲，正常分量既芫荽已經好夠味😋湯底: 比起芫荽味更食到魚湯既清甜 ，少少少少咸(純粹個人喜好，啤子對咸好敏感😹) 鍾意食魚湯嘅我覺得魚味可以再濃郁啲但魚湯同腐皮好夾！😋皮蛋：同芫荽湯簡直絕配‼️有入口即溶的感覺，感覺再煮耐少少再淋身d會再好食啲😋米線：米線當然係譚仔嘅正常發揮，但魚湯浸入米線，有濃郁嘅魚湯味，不錯🤪 食到尾有少少芫荽味😋脆鯇魚：最驚喜‼️‼️真係食到鮮魚味，唔腥！好有口感，好似食龍躉咁啖啖肉既感覺大推😻😻‼️😽配料份量：皮蛋同魚份量唔太多，剛剛好，魚湯魚米線實屬健康之選🤣💕建議食法：一啖湯加少少米線加芫荽加魚，一整匙羹擺入口食.整體來講都幾有驚喜，本身對佢冇乜期望(應該話只期望佢係普通譚仔嘅正常發揮😹)不過好鍾意食芫荽濃味嘅朋友可能小失望，因為湯底係冇乜芫荽味，只有濃濃的魚味，而芫荽係當topping咁

又到食米線時間，真係超級鐘意食米線，今次叫外賣返屋企慢慢睇住電視食，叫咗雞肉番茄湯底，雞肉好淋有雞味，譚仔個番茄湯底真係好好味好香番茄，好食得黎又唔會酸，又另人有胃口，真係岩岩好，下次試下辣既番茄湯底先

今日同朋友去咗譚仔食佢嘅最新推介^_^就係蕃茄豬肚米線啦！^_^環境尚算衛生乾淨！都幾有風格！同埋都好闊落～^_^等咗10 分鐘終於上枱啦！！非常好食！蕃茄湯底同紫菜配搭得非常之香！豬肚係滷水唔錯水準爽口彈牙！最後係西洋菜蜜唔錯！成餐都好好食！

週末同阿女上完畫畫班，通常都係觀塘廣場食埋嘢先返屋企。今次就一拖二嚟左譚仔食米線，呢度嘅份量都多，兩個女可以share一個清湯米線，大女叫左3餸: 冬菇、鮮牛肉、魚蛋。而我就一定食十少辣，揀左兩餸: 魚片頭、豬膶👍🏻佢哋碗餸都多，連芽菜、腐皮都唔少😋😋😋👌🏻😱小朋友梗係唔太like配菜，所以媽咪包辦埋😅冬菇入味，鮮牛肉好淋👍🏻媽咪碗十少辣真係好微好微嘅辣，我自己覺得好似比兩年前再少左辣，下次可以試吓叫7,8少辣👍🏻🤪埋單時，侍應仲俾左啲單人小食卷，可以响下一次用👍🏻👍🏻👍🏻

好耐冇食過譚仔，今次一食有少少失望觀塘繁忙時間真係好多人，一位都要等五分鐘左右，要同人搭枱嗌咗個墨丸清湯米線小米走韮菜，等咗差唔多十五分鐘先嚟一食，嘩啲米線咁硬嘅！？好似啱啱擺落去咁，未煮熟嘅感覺，但心諗都等咗咁耐，再換返工就遲到就算啦唉，墨丸好正常，但個清湯真係好咸，原本今日想食清淡啲先啱清湯，但咸到咁真係唔知佢清得去邊，食完我返去飲咗成樽水先頂得順雖然繁忙時間真係好忙，但都希望譚仔可以保持返水準啦！

見到社交平台譚仔米線有優惠，好抵啊！一共有3個優惠，最正係3個優惠可以同時使用，好似出奇蛋咁，一次過滿足你3個願望~~!!　優惠1: 2蚊有野飲，凍野都係$2咋優惠2：3蚊有一人分量小食 (皮蛋/豬耳/木耳/青瓜)優惠3：4蚊有1件黃金蟹蓋只要叫一餸米線已經可以加配哂3個優惠，係咪抵到爛先？！ 因為唔食辣嘅關係，無叫到小食，淨係加配蟹蓋，蟹蓋都幾大舊，不過味道就好一般，仲有啲殼碎添，我就覺得麻麻地喇！不過$4就一試無妨嘅!

唔會再比機會黑柏葉，今晚叫番正常小食，之前除咗魚片頭係必叫外，宜家一定會叫豬潤補補佢，屋企唔會煲豬潤水，唯有有時間就去深水埗食豬潤麵。坐後面個女仔叫特辣加雞翼，重點係佢無叫嘢飲，堅呀！ @ 譚仔雲南米線 觀塘廣場分店

聖誕節🎄假期後，由於食得太多，是日午餐想輕食，所以選擇譚仔，呢間開左一段時間，地方夠大，唔係太噪，坐也好舒服😌見到個餐牌雖然細了，但見到個湯底有鮮蕃茄選擇，平時通常選擇清湯，但今次有新鮮蕃茄，即轉，一來個色澤都好天然，不是用茄膏，這已可加分，喜歡食蕃茄的人又多一選擇👍🏻

對我而言本人是覺得譚仔雲南米線比譚仔三哥米線更好吃的，最喜歡是他的重慶酸辣湯，配上竹笙能夠吸入他的湯汁， 10分好吃呢！土匪雞翼、皮蛋和蒜泥白肉也是一定要吃呢！差不多每個星期也要吃一次譚仔米線。