譚仔雲南米線 (觀塘廣場)

營業中

休息中

譚仔簡直係我嘅飯堂🤤最近推出期間限定「港式咖喱湯米線」，咖喱湯底🥘以港式咖喱汁加入譚仔✨獨創配方炮製以成，真係盡顯港式地道風味！值得一試❗️港式咖喱湯米線 有三款食材：咖喱牛腩、咖喱雞件、釀紅腸、可以三選二，咖喱湯底預設辣度為10小辣。我就揀左咖喱牛腩+釀紅腸。咖喱湯底香甜微辣，完全突顯出港式風味。牛腩肉炆得軟腍，配埋釀左魚肉嘅紅腸，索晒咖喱湯汁，好惹味。鹽香嫩鴨胸鴨胸肉質鮮嫩，鹽香味恰到好處，唔會過鹹，反而襯托出鴨肉嘅鮮味。搭配芫茜及海帶，口感更加豐富。

因為出咗一兩日，所以渴望牛腩會腍，同新鮮。牛腩：含有八角味，帶肥腩，瘦肉部位，各一半。韌度剛好。雞肉：靚新鮮斬雞，無骨，連皮。咖喱湯：可見碎塊辣椒皮。食落都幾鹹。有味精味。油膩。唔係嘅話點選得上係港式。因為係堂食，冇咗手機落單杯免費嘢飲。

［期間限定］雲吞·雞卷雲腿湯米線🍜雲吞入面嘅蝦肉大大嚿，如果食厭咗普通嗰啲餸，可以試吓呢個新品都OK，係鹹咗少少，啲料好好食，雞卷都幾嫩滑，私心鍾意蟲草花同埋芽菜推薦分（4/5分）

譚仔雲腿湯米線食評今日去譚仔試咗佢哋新推出嘅雲腿湯米線，整體嚟講幾有驚喜。首先講吓個湯底，佢嘅雲腿湯底帶有淡淡嘅風乾火腿😋香味，唔會太濃烈，啱晒鍾意清淡口味嘅朋友。飲落順喉舒服，感覺唔會太油膩。米線方面，保持到譚仔一貫嘅水準，軟滑彈牙，容易掛湯。配料方面，我揀咗雞卷同風乾火腿。雞卷真係啖啖肉🍗，口感紮實，而且唔會太乾。至於風乾火腿，雖然香味唔算突出，但勝在鹹香惹味，同個湯底都幾夾。如果你係鍾意啖啖肉嘅話，咁你應該會鍾意呢個雞卷🍖。 風乾火腿嘅味道比較淡，但都為呢個湯底增添咗鹹香味。總括而言，今次譚仔嘅新品雲腿湯米線都算有誠意，湯底清甜帶有火腿香，米線同配料嘅質素都唔錯。如果你都想試吓啲新口味，不妨去譚仔試吓呢個新產品啦！🍲

我認為呢譚仔呢冇蒜泥白肉呢不如就唔好開啦仲有幾日都冇每次食譚仔呢個係必不可少嘅單，唯獨呢間搞特殊，而且佢哋嘅檸檬茶呢好難飲啦，一啲甜味都冇。譚仔冇蒜泥白肉真係好笑早啲收工算啦。

今日lunch去左譚仔食米線，譚仔一向都多人，都等左10幾分鐘先有得入坐，好快點左墨魚春卷米線10小辣同小食生腸，墨魚春卷得三條，好似少咗啲啲，但生腸好入味同爽口非常美味，Lunch唔想食太貴又好好味嘅嘢，呢間簡直係首選。

有種味道耐無食係會心絲絲掛念同想食，講嘅就是譚仔味道👅。是日平日經過觀塘廣場，午餐時間於是去醫醫肚，食我鍾意食嘅米線🍜。🌶️魚腐米線+重慶酸辣湯底（3小辣）重慶酸辣湯底看似非常辣嘅賣相即時令味蕾躍動起來，辣度係有但酸味被蓋過，整體湯底酸辣唔夠均勻。配料如芽菜同腐皮就好好味。米線偏硬。🌶️凍檸茶少甜少冰有一定辣度嘅湯底配返杯凍飲，實在好過癮同爽！本身鍾意食辣，但食辣程度唔算勁，不過係可以訓練出嚟。

譚仔新出火鍋米線一定要試下，佢哋嘅火鍋底料真係唔差，有好多款選擇，啲湯底又鮮又香。你可以揀辣底、麻辣底，甚至清湯底，啲口味應有盡有。米線方面，佢哋嘅米線幾彈牙，有咬口，細細嘅米線吸收咗啲湯底嘅味道，帶出嚟嘅味道濃郁。叫咗雞件，有意外驚喜，好食！重點係每人$5X嘅價錢，有小食有嘢飲仲打埋邊奴，真係超值，想過下口癮又唔可太貴可以試吓，食完好飽。總括嚟講，呢度嘅火鍋米線真係唔錯，湯底濃、米線彈牙、配料多樣化，重點係好平。

咁多間米線舖，最好食都係譚仔👍譚仔米線比較幼身，口感爽滑，湯底清甜😋我初初食就試咗10小辣，不過差啲，下次可以試下食5小辣🫢一碗米線搭配凍飲，再配一個小食，大滿足😋

大約十一點半入嚟餐廳，唔係好多人，可能未到其他人嘅放飯時間。裝修設計幾特別，有啲六角形點綴。餐廳周圍環境幾好，乾淨企理幾舒服。餐枱座位唔迫，幾闊落。午餐叫咗雞肉腩肉麻辣5小，湯夠熱，味道不過不失，冷檸茶用左紙吸管，唔記得叫小冰，飲幾啖就冇咗。11:40落單，大概11:55上餐，對香港大部份打工仔嘅一個鐘午餐時間嚟講，唔計等位時間，時間啱啱好。十分鐘行過嚟，點完餐等十五分鐘，食二十分鐘，再十分鐘行返去，仲有五分鐘可以走馬看花。

同事話lunch想食米線，見譚仔近期出左好多新款式就去左呢度食（冇三哥兩個字果間🙈）如果兩個人叫兩碗單餸米線都要over$30, 咁我地就選擇左過橋米線$57，貪佢夠大碗配料又多，想食咩配料都有齊晒，兩個人share都唔洗$30🤣不過叫左款小食-四川青椒皮蛋咁就over左米線湯底揀左泡椒酸菜魚湯大辣🌶️🌶️🌶️，飲落酸味好重，酸味蓋過辣味，食落完全唔辣，下次都係唔試新湯底🤣叫返麻辣算。總括：唔知係咪通漲關係，米線份量少左😅皮蛋嘅辣味仲勁過碗米線🤭

忙著工作難得抽空可以一起吃個飯當然要好好珍惜呀但想不到退步了🫠🫠🫠1️⃣過小橋米線(重慶酸辣)價格與份量不成對比建議還是加多五六塊吃個正常版吧2️⃣玉桂焦糖多士麵包烘脆可惜味道依舊是我不愛的3️⃣白灼生菜救星的存在點蠔油重手的時候也覺得伏了🤣4️⃣麻辣豬耳本餐最佳紅油滿滿裹著豬耳朵愛了5️⃣蒜椒雞腳筋很有咬口裏面還有木耳陪襯可惜味道有點蒜重缺辣

返工嘅時候放lunch一定要打電話落去叫定譚仔嘅腩肉麻辣米線🥰🥰🥰佢嘅湯底超級濃郁，有好香嘅奶味💜💜💜一個星期可以食三餐譚仔，不停encore再encore👍🏻👍🏻👍🏻

起痰聽得多🤭，咁起“譚”呢？就是因為美味素食而想“起”“譚”仔咁解囉🤣平日夜都要返半天，近3點先走，當然要對自己好些😎，一於來個豐盛午餐。之前甚少光顧譚仔，但它們最近推出了“So Green 素Tasty”餐單，令到我這星期內已光顧2次了。今次品嚐了植物豬肉炸醬米線和紅油新豬肉芹菜餃子。餃子先到，看着那4件浸在紅油中的餃子，已在吞着口水🤤，為了等待米線到來一起合照，只好先忍一下🙊。紅油餃子的新豬肉餡料充足，紅油亦很足夠，足以把每粒餃子在碟中“反轉再反轉”，讓餃子沾滿紅油，微微的辣🌶，十分不錯。我們常說“圖片和實物不符”，是指圖片很吸引，但實物就.......😕。今次的炸醬也是“圖片和實物不符”，但意思卻是炸醬比相片中的份量為多😆。炸醬不太鹹，即使有部分炸醬沒有倒進米線內，淨吃炸醬，粒粒口感，吃完又不會口乾，也值得試試。

譚仔雲南米線好多食物質素嘅水平其實一路都保持好平均，最鍾意食佢嘅生腸，不過唔係成日都有，因為鍾意食啲爽口嘅嘢，所以呢就試吓：川辣木耳黑柏葉麻辣得來非常之爽口。蒜泥白肉麻麻辣辣十分滋味。跟住再嗌一個重慶酸辣湯底三小辣加豆卜同埋鮮冬菇因為三小辣啱啱好，少少辣辣地開胃米線🍜米線都好軟林林新出嘅飲品草莓梳打都唔會太甜值得一試👍🏻