譚仔雲南米線 (偉華中心)

營業中

休息中

在沙田市中心，如果一個人真係快餐外別無他選，但去到快餐店又要排隊買食物，又未必有位坐，所以我很怕去沙田，但原來有這些店在外圍，其實我一直沒留意到，今日一定要試一試。今日點了這個雞肉酸辣米線，為什麼要點這個？其實我一直只愛炸醬，但有一次突然想吃點肉，所以改選這個，發覺超抵，滿滿的雞肉，感覺成碗都係雞肉，再加上佢的雞肉都滿酸辣味，我就知道佢地應該放在一起弄的，有誠意。

果日我們兩個女仔，行街行到甘上下，就去附近e下肚。見有間譚仔米線，甘就入去食下。基本上米線我不太食，不過我見有很多唔同種類小食吸引左我入去食。依餐以小食為主，叫左皮蛋，麻辣豬耳。麻辣我唔太食到果口味，不過我都食到，唔太麻。雞翼必食，仲叫左個全餸米線。

一向都鍾意食米線， 今日難得屋企無煮飯， 就打算買米線食。之前一向都係食開麻辣， 但自從試過一次酸辣後就愛上了。今日叫左豆卜冬菇酸辣少米線， 外賣既話佢地個碗會有2隔， 分開d湯同米線， 等你d米線唔會浸咁耐， 少米既話更加可以平一蚊。

土匪雞翼Ok既，感覺味道好過口水。口感唔錯，外酥，不過撒太多胡椒粉系出面，有粉味。食唔出芝麻味，選用既芝麻質素麻麻地。不過雞翼本身烤得唔錯。口水雞翼唔夠鹹味同辣味。口水雞翼，個名其實系講緊你食完之後個口會自己出好多口水。不過呢間譚仔廚房真係麻麻地，因為個醬料系唔夠鹹同辣，得個油字，無意思。其他幾間都唔系咁樣。所以食完個口都唔會自己出太多口水，少少咁樣lo。清湯炸醬米線今次個米線都煮得好hea。明顯過冷河果關做得好差。唔彈牙，偏硬，好韌。炸醬呢，又好鹹，得個鹹味，唔似其他鋪頭果d咁香口，扣分。

普通米線配炸醬。真心，炸醬系一個好正既發明，去到必定要叫！朋友分享，叫炸醬要單叫，因為每次叫炸醬之餘再叫其他，炸醬分量會少好多，作為炸醬忠實fans，只會堅守炸醬，唔會受其他配菜引誘放棄炸醬。潭仔米線好味又平系出名既，d米線幾彈牙，由於唔識食辣，我系唔會挑戰d大中小辣，清湯已經好好味。無咁多味道好似可以專心d品味米線。同埋清湯食少d辣對個胃都好d啦~ 清湯唔知係咪魚湯煲既，d湯系白色，濃郁，好match米線。因為清淡既關係，配合炸醬，有味至於，都有翻d油水，會更加香。

本人經常外出吃飯，但每次都去吾到譚仔，因為每次都很多人排隊，但今次我選擇在晚上九時後來，真的不用排隊o分就入座，今次初次來，就点了豬潤、雞肉，等等，還有雞'翼，湯底選了麻辣五小辣，豬潤ok好，沒有怪味，雞肉很嫩，湯底最令我有好感，令人一試難忘，因為我本人不太好辣，所以五小辣剛剛好，還有這店的凍o茶，令我有驚喜，我order了少甜少冰，令我非常滿意，不會失望，真係剛剛好，下次一定再來。

譚仔近年真係係香港有好高人氣，基本上可以成為香港人既集體回憶，譚仔既高人係來自口音姐姐？定係吃得出的寂寞呢？「炸醬腩肉酸辣，凍華田！」我完全不假思索就落得單，因為多人一齊食所以叫多左兩道小菜，一道係皮蛋，另一道係麻辣豬耳。先講下我既炸醬腩肉酸辣，譚仔既炸醬有別於其他餐廳既炸醬，味道係甜甜地，配上腩肉真係一流，而湯底酸辣都唔睇得少，辣既程度同三小辣好似無咩分別，可能果日廚房重手左，加埋湯既熱其實都真係幾辣下，所以都比較建議加凍飲。而小食方面皮蛋開胃也不在話下，麻辣豬耳口感彈牙，值得一試。但要留意食辣野容易出汗，一唔小心又容易整到辣汁係身，而係譚仔要紙巾係要比錢的，所以記得帶定啦！

今日同fd去食譚仔米線啦 咁就叫左碗竹笙炸醬清湯米線 湯底味道都幾特別 有少少鮮甜既感覺 令人想飲多兩啖 啲米線都幾有口感 軟綿綿得黎又幾有咬口 但係價錢就越黎越貴 一碗米線加埋杯凍檸茶就要成三十蚊 同以前差廿幾蚊一碗真係覺得好貴

晚餐同一大班朋友行緊傾食咩好 咁岩行到譚仔 就話不如食譚仔喇😜因為我唔係好食得辣 咁入到去就簡左清湯~之後就要左 牛肉魚蛋米線相比其他同類型既鋪頭 其實價錢都係差唔多 但我覺得譚仔比佢地好既地方就係湯既味道！呢個簡直係佢地既selling point😌 以清湯為例 其他鋪頭既清湯既味冇咁重 引唔起食欲 但譚仔既 即使係清湯 佢既味都唔會因而少左 相反 冇左辣味既清湯 反而更有更多味😍因為唔會被辣所覆蓋但可能我大食啦！ 譚仔一碗既份量都係有啲唔夠喉 不過啲料都幾好似食 牛肉既肉質同味道都唔錯 魚蛋都幾彈牙👍👍

係附近讀書 所以有時就會去沙田食下野 首選就係譚仔 平令正嘛😂我好中意食辣 呢個重慶酸辣好正！不過今次食就唔算好辣 但係呢個湯真係好惹味！除左麻辣湯 我強烈推薦呢個湯 又酸又辣 簡直係味覺刺激！諗起真係湧哂口水！餸就揀左腩肉 我覺得啲肉都可以接受嘅 唔算好un! 仲叫左個皮蛋 話你聽我真係從來唔食皮蛋 因為我覺得真係口感好怪 仲好似有陣腥味錦😰😰但係譚仔嘅皮蛋令我對皮蛋改觀 竟然會食！因為佢個陣辣真係好惹味 夾賣冇哂啲怪味 仲好好食😜我建議大家可以撈賣啲汁同米線食 好正架！

譚仔米線開到成行成市，比人一種感覺:只係單一款式又唔好食既快餐店，好似m 記咁。但其實譚仔間間啲味道都有啲分別，而呢間位處於沙田新城市中心既譚仔，就係我覺得最好食既一間。我覺得牛肉往往係飲食連鎖點既敗點，都有啲分店做得唔夠好，比如啲牛肉唔多熟之類。但沙田呢間譚仔，就將牛肉煮得恰到好處，唔係太生，亦都唔係太熟，有口感之餘都唔會太難咬開，牛肉味都尚足。而墨丸都夠大粒夠分量，可稱得上抵食。至於辣方面，梗係譚仔既專長黎，就唔多講啦

今日同FD去食譚仔，雖然好多人，但等咗幾分鐘就已經有位，我哋每人叫咗碗米線，另加土匪雞翼，我自己就叫咗個清湯米線，個湯底真係唔差，但啲米線就有啲淋，其實黎親譚仔食啲米線都時好時壞，不時啲米線都會太淋，其實幾一般，只係價錢算係幾平，都叫抵食。不過土匪雞翼真係香得黎又脆脆地，係我覺得譚仔裡面好食嘅嘢。

平日係大學canteen食到悶悶地想出去食,沙田譚仔必定係首選。係沙田站一出行落地面去譚仔5分鐘都唔洗,不過長期都好多人,非繁忙時段都滿座,午餐晚飯都要排長龍。入面全部都係細枱,唔太適合太多人一齊去食。土匪雞翼有少少貴,不過又香又有口感,食幾多都唔厭。

平日係大學canteen食到悶悶地想出去食，沙田譚仔必定係首選。係沙田站一出行落地面去譚仔5分鐘都唔洗，不過長期都好多人，非繁忙時段都滿座，午餐晚飯都要排長龍。入面全部都係細枱，唔太適合太多人一齊去食。土匪雞翼有少少貴，不過又香又有口感，食幾多都唔厭。

日上三竿乃治肚之野 旁無食店之際 尋得譚仔 管他的就踱進店內嘗嘗這久仰大名的一碗米線。吾是愛菇與素食之人 点了冬菇腐皮 加了一塊錢要個小辣 本以為小辣是辣中最微 豈到入口之際 驚然發覺辣度驚人 難以嚥下 口腔猶如地獄之火燃燒著.頃之,嘗了一口菇 入味非常 盡得上湯之甘味 實屬上品也.完事後 口渴非常 不用猜想亦知是味精作祟飲了幾口甘露 捧著腹離去。絕對可以一嘗。