譚仔三哥米線 (荃新天地2)

營業中

休息中

譚仔三哥近來都幾多新品推出，見到小新個廣告個樣食得好滋味咁，俾小新吸咗入嚟啦，可惜小新禮品已經換完!! 🔘香辣回鍋肉蝦仁炆米線平時食湯米缐食得多，炆米線幾特別，食落唔油膩，米線唔會煮到過腍，10小辣對於我來講啱啱好，有香濃嘅辣味，回鍋肉即腩肉薄切而且肥瘦適中，蝦仁爽口彈牙，另外仲有紹菜同香蔥做配菜，如果覺得唔夠仲可以加錢加配料，女仔來講已經好夠食!! 🔘麻辣醬銀耳鹿茸菇鹿茸菇平時比較少食到，非常爽口，配搭三哥秘製嘅炸醬好惹味，份量都幾多，加埋落去個炆米到一齊食都好夾!! 🔘露絲瑪莉蘋果梳打酸甜冰凍嘅蘋果梳打啱晒用嚟解辣，仲有淡淡薄荷香草味作點綴!!

本身就好鍾意食螺螄粉，但係廢事淘寶，諗住如果譚仔有得食都幾好，就懷著期待黎試下，但係大伏啊！完全冇螺螄粉個種味道，只係剩翻螺螄粉嘅臭味，唔建議試(╯‵□′)╯︵┻━┻

好耐冇食三哥啦, 咁岩經過荃新天地二期喎, 見到唔算多人等位, 老公就決定食三哥啦!見到MENU 有出新嘢, 係我鍾意食嘅螺酸湯, 即叫啦!我哋仲叫咗5 隻土匪雞翼, 老公竟然話佢未食過喎! SURPRISED! 土匪雞翼一如以往咁好食, 熱焫焫超正! 又唔會太濃味! 我同老公都不約而同咁叫咗螺酸湯米線, 我果碗就要求咗走青。但係嚟到都係有蒽, 送餐店員好好咁問我要唔要碗夾開佢。螺酸湯米線本身有2 個餸 - 麻辣豬皮同螺片, 麻辣豬皮個質感好厚實, 唔會煮到勁淋冇晒口感。而且個麻辣味超好食, 都幾多塊。螺片就正正常常, 冇乜特別。講返個米線, 湯底酸酸辣辣, 好惹味! 而且有陣筍味, 好香! (可能有人會覺得臭) 米線超多, 但係米線係咬唔爛嘅, 怕難消化都唔敢食太多! 整體嚟講, 我鍾意呢個新款米線! 

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃今次特黎試三哥個新野，一入舖頭都未坐低已經聞到果陣味，係一陣好強烈既酸臭荀味。🌊螺酸湯米線碗米線可以揀辣度，我見入面本身有麻辣豬皮所以揀10小辣算。黎到見到碗湯好紅，好多酸菜、炸菜同豬皮係面，原來螺片沈左係底。米線本身唔難食，但個湯底好酸同有果陣荀味我真係搞不懂。麻辣豬皮既麻辣可能已經落晒湯道所以豬皮反而冇咩味。成碗面最正常既係個螺片，幾鮮甜。再黎試佢既小食🌊椒麻涼拌魚爽肚，食落幾滑同爽口，但由於唔知係咩部位所以食得有D 驚。個椒麻汁係好食既。最後叫左個蒜白肉，一如既往既好味，腩肉夠薄又有好多蒜，沾埋辣汁好味。最後想講我黎之前特登打去開下係咪有齊螺酸湯米線、麻涼拌魚爽肚同碟豆花特飲，想一次過試晒新野。佢話有我先黎，點知黎到佢突然又話冇晒特飲，話賣晒，前後唔夠半個鐘，但我其實睇晒全場都冇人飲緊囉，果下好激氣同燥。到左第二日果陣荀味仲係腦中縈繞😕📍譚仔三哥米線荃灣楊屋道18號荃新天地2期地下61號舖

呢間啲阿啫唔憂做，我未試過等枱係叫返之前過咗啲號碼起碼5次，過咗又再叫，過咗又再叫⋯⋯ 無限輪迴咁⋯⋯⋯⋯⋯⋯，總之就點等都係叫緊無人應既枱，有枱又唔入人，明明執好枱可入人坐，又話未得⋯ 只係做外賣，好似要搞到好多人等位咁問店理點解咁既安排，店理仲話可以投訴佢全間店，咁既然呢位話店理咁既要求，就滿下佢既要求⋯⋯

平時都一個禮拜會食一次今次食有驚喜不過係有驚無喜同大家介紹登登登……櫈三哥新菜百潔布米線等得耐已不在話下成個場望極得2個姐姐係度做野耐心耐心請問有冇人解釋下點解會有百潔布想米線乾淨啲？

有時去到一啲地區諗唔到食咩時都會食譚仔三哥，譚仔三哥勝在分店多，價錢平，味道又唔差今日放假係屋企附近行下，行行下都夜啦廢事再返屋企煮野食，所以又黎左食譚仔三哥依家譚仔三哥又有素食湯底食，可以比我得閒食下素今日揀左素蕃茄湯底腐竹芽菜同埋豆卜仲嗌多左個小食，口水三素係我嘅最愛口水三素有冬菇豆卜同雲耳，配埋口水辣汁好惹味，上面仲有少少芝麻同花生，看似微不足道，但就令成個口水三素錦上添花只係略嫌個汁濃味左少少，食豆卜時因為佢已經索曬啲汁，所以會有少少過咸

🍜煳麻湯魚爽肚米線+墨丸🍜三哥又有新品🤩小編今次叫左煳麻湯，如果唔食煳麻湯，可以轉湯底架🤪一碗好食嘅米線又點少得個湯底呢？😋全新三哥獨創嘅「煳麻湯」湯底以「煳辣湯」和「麻辣湯」兩款特色湯底調配而成，提升到多重辛香而辣麻嘅味覺享受🥴🐟魚爽肚魚爽肚薄薄地身好爽口😍🐡芥末魚籽鱈魚滑豆卜小編一睇覺等好似細個媽媽嘅魚肉釀豆腐卜咁 將鱈魚滑釀入豆卜鱈魚滑加入左以山葵提煉的芥辣油唔怪得有陣攻鼻啦🤣🤣加埋「煳辣湯底」另一種辛辣認真雙辣交襲，全辛震撼呀😍包你一試上癮愛辣嘅你又點可以錯過丫🤪🅞🅥🅔🅡🅐🅛🅛🅣🅐🅢🅣🅔: 🌕🌕🌕🌕🌖🅒🅟 🅥🅐🅛🅤🅔:🌕🌕🌕🌕🌖🅐🅣🅜🅞🅢🅟🅗🅔🅡🅔:🌕🌕🌕🌕🌖🅢🅔🅡🅥🅘🅒🅔🅢: 🌕🌕🌕🌕🌖🪧 全港譚仔三哥分店 #foodie #foodiehk #foodiegram #foodiesofinstagram #foodies #foodieblogger #foodielife #foodielover #foodiehkig #相機食先 #吃貨 #吃貨人生 #譚仔三哥 #煳麻湯魚爽肚米線 #煳麻 #魚爽肚 #芥末魚籽鱈魚滑豆卜 #hkfoodie #foodiehk

三哥獨創既煳麻湯係以「煳辣湯」及「麻辣湯」湯底秘製而成，仲加入左花椒既香麻特色係湯入面，令到湯底既味道大大提升，更加享受到三哥香麻辛辣既「辛」體驗！🌶煳麻湯魚爽肚米線+腩肉 🍜今次嘅新款米線除咗味道香濃有層次既湯頭之外，魚爽肚和芥末魚籽鱈魚滑豆卜也相當有驚喜！魚爽肚口感非常爽滑細嫩，很喜歡！芥末魚籽鱈魚滑豆卜也很特別，鱈魚滑加入了芥末油釀係豆卜上，食落芥末味都幾出又幾有創意呀😁而且豆卜非常吸湯汁，好惹味🤤鍾意食辣嘅朋友仔可以去試吓呀😁如果唔食得辣🌶仲可以轉其他湯底架！

今日同朋友嚟咗食三哥，8:30就等位，等咗三個字就入得啦。我哋即刻叫嘢食，嘢食就大概等咗四個字先有得食，差唔多9:10先開始食嘢，我覺得以我平時食三哥來講，等嘢食方面就好似有啲耐。叫咗一個過橋薯粉，蕃茄湯唔辣。嘢食一嚟到就見到成Pat蕃茄係上面，賣相好正，覺得會有好香濃嘅蕃茄味，食慾都大增啊！味道方面就同平時差唔多，但好多雞肉，夾極都仲有咁。不過另外嗌左杯凍檸茶，杯凍檸茶就好似未滿咁，同平時比嘅份量少咗啲啲。不過overall來講，都好好除咗等得耐左少少之外！

水煮鴨血的相好吸引，而且價錢便宜，見人未算多，決定入去試下。水煮湯鴨血米線 (4小辣，麻辣湯) $39 ⭐️⭐️⭐️💫(3.5分).我選了麻辣湯，其他選擇有蕃茄湯、清湯等。有10種辣度選擇，數字是反過來，10是不辣，我要的是4度小辣。湯味道可以; 如果以麻辣湯來說，則覺得麻辣味不夠香麻，沒有了麻辣本身的特色。.碗米線本身有芽菜、豆腐皮，餸方面有5件鴨血，3件大豆卜。個碗好大，米線份量也多，$39有這個質素和份量算是可以了。

譚仔三哥又玩嘢，母親節推出新米線🍜，仲要只限兩星期，快啲去試咗先😙😙～～～姫松茸螺片雞米線🍜～～～不得不讚譚仔三哥近排出嘅米線都幾高質😊😊，明顯見有花過心思👍🏻👍🏻佢用嘅湯底係菇菌雞湯，係新嘅湯底！姬松茸幾大粒，同湯頭好夾，入口好香菇菌味， 真係真材實料！😚😚螺片就有兩塊大小適中，夠彈性😋😋雞件就係類似‘北菇蒸雞’嘅雞件，大約有3-4件，正常質素！😀😀食完個米線🍜感覺成個人都健康啲🥳🥳

今日收早，由於太忙嘅關係午餐都無食到。當然要食返啲嘢醫下肚。最緊三哥推出水煮鴨血。作為三哥同鴨血嘅愛好煮。當然要試吓啦。見到個餐牌都覺得好吸引。叫咗個水煮湯鴨血米線加雞肉中辣。本來係叫麻辣湯底。姐姐極力推薦水煮湯底。碗米線一上枱我都嚇親，平時我食開既中辣好似無咁紅架喎😂首先講個湯底，我自己就鍾意麻辣湯底多啲，水煮湯底味道偏咸。至於鴨血份量只有四舊，好似有少少到喉唔到肺嘅感覺。最後飲埋杯凍奶茶就滿足咗成晚。只能夠講，試過就算。都係麻辣湯底啱我多啲。

今日一個人去食下午茶見到佢個新餐牌有個新菜式然後叫咗個腩肉魚片米線三哥酸辣湯底小辣 喜出望外好好食。魚片新鮮冇腥味仲有少少彈牙?有啲似出邊食水煮魚嘅感覺三哥酸辣湯底第一次食。幾好食夠酸夠辣最重要係新鮮滾熱辣。個湯要夠熱值得推介

個新米線 切到又一忽忽 又腥 又多骨 希望三哥可以重視下本來我滿懷期待嘗試過魚片米線，結果令人大失所望啊。湯底死酸死辣，魚片又切到好核突令人十分失望食左兩啖 越諗越嬲 同友人米線都唔食拍枱賣單離去唔會再有下次希望大家千奇唔好中伏！