譚仔三哥米線 (幸福中心)

營業中

休息中

間不中也會想食譚仔 譚仔三哥卻是第一次好像比譚仔更加多湯類的選擇還是麻辣湯底最好吃小食比米線更好吃 蒜泥白肉super yummy 土匪雞翼也很正 皮蛋 豬耳fair I think I would eat more often. But to be honest can’t really define the difference between these two 譚仔三哥及譚仔I think I like both and it’s always a good pick for spicy craving

我唔係一個好食得辣既人，所以譚仔三哥既麻辣我真係食唔到，以往一向都只會食清湯既我之從一個朋友推薦我試酸辣湯底之後，酸辣從此變成我既最愛！雖然叫酸辣，但係其實只有少少既辣味，我覺得係一種酸中帶辣，辣中帶酸既味道，就算係怕辣/怕酸既人都絕對接受到～配料點左冬菇同魚腐，當呢兩樣餸完全吸收左個湯底既精華之後，真係好正好入味！朋友另外點左個麻辣豬耳小食，雖然佢食得好滋味，試左一舊真係辣到我噴火🌶，搞到係咁飲水～哈哈

突然想吃譚仔三哥，就來到尖沙咀三哥譚仔吃。而剛好遇到點2個餸加飲品會送多一個餸，然後每次來三哥必點的三哥酸辣湯底，今次配雞肉、魚片、肉醬，配檸檬茶，再加了一份大的土匪雞翼。首先配料雞肉、魚片、肉醬都可以，但這間的三哥酸辣湯底，不夠濃，不夠辣不夠酸，只有顏色，好像在吃清湯，覺得有點神奇!但土匪雞翼是好吃，依舊在水準內。另外，店內枱與枱空間頗大，要提一提店內我看到沒有很多人，但客人吃完的地方有未清，覺得有點不整潔。

譚仔向來都係快靚正之選，當然有好多米線都係比佢好，但係考慮埋品質管理既穩定性同埋食物質素，其實可以做到呢個規模係幾勁。今日又係尖東做完野，一條友唔想花太多錢又想坐得安樂同食得ok，結果黎左幸福中心既譚仔三哥，叫左兩個小食同米線。小食揀左兩款，通常都係揀土匪雞翼，不過今次見佢做promotion，就試下新野。都係麻辣為主，黑木衣、豬耳，幾好味，唔食得辣可以揀無咁辣。呢個米線就揀左三哥酸辣。餸都係個啲，每個人都有自己心目中既配撘。

前幾天去尖沙咀幫朋友忙；聊著聊著也就餓了！所以就在附近的幸福商場找了譚仔三哥雲南米線就坐了！平常我都選清湯湯底最多也就是煳辣湯底！服務員就推薦我們可以試一下換換新口味-砂砂湯底（其實一開始我一直以為是叻沙湯底）上下是兩碗同樣都是砂砂湯底！但不知道為何來的時候顏色不一樣，一碗偏辣，一碗味道偏淡😢蒜泥白肉超好吃，肉很薄裹著蒜泥和辣油醬油！完美結合在口腔內！重口味的涼拌黑木耳，味道一般！還是麻辣口味比較爽口！尖椒皮蛋每次老公在就一定必點！不過皮蛋這種具爭議性的食物，真的見仁見智！我每次都只會點炸醬！👍🏻👍🏻👍🏻👍🏻👍🏻超級推薦！新疆土匪雞翼！新鮮考完灑上孜然粉👍🏻👍🏻👍🏻每位十足！以上是3個人的份量喔！而且飽到不行！

其實大家都知道譚仔d服務一向麻麻地但因為好好味 價錢又平 所以都無所謂 都會照去食我幫襯尖東呢間分店已經有5年 我明白食一碗$40左右既粉 系唔會有乜服務可言而今日我收工後想去食d野 於是就黎到附近呢間譚仔 我入座時間係22:10分左右 我入左門口然後往右邊角落方向一張台坐下 當時門口站著兩個職員睇住我行入去坐 距地無出聲 我自己睇完餐牌然後叫野食 我叫既係豬潤牛丸三哥酸辣加一個豬俐職員幫我落完單後無覆單 對我講左句「小姐我地收11點 你有無問題？」我就望一望表 當時係22:15分 我話無問題 然後再問我係唔係一個人 我話係 個職員就話「小姐你一位可唔可以坐去另一邊 因為呢邊要清潔」 其實我想講 點解d職員當時見到我入去坐既時候唔叫我坐另一邊？要我坐左落去 然後落曬單先叫我坐去另一邊？好 我最後坐去另一邊 個職員放張單係台面 我拎起睇 發現距落少左一樣送 個職員仲大大聲話唔係豬潤米線咩？事後總結 我明白打工仔趕收工 但我就算只係比幾十蚊食個粉都唔應該咁樣既態度 真係好失望

初次到訪，嫌麻煩就直接嗌咗過橋米線套餐番茄湯十小辣、山賊手羽黎食。估唔到好大一份，足夠兩個人食啦～真系食到爆肚～凍檸茶少冰都OK～山賊手羽烤得焦香都唔錯～下次黎食要嗌單點同埋揚聲少米俾阿姨知啦～

同男朋友經常食譚仔三哥，因為好多地方都有，好似飯堂咁幸福中心分店我地收工方便去，而且我地都覺得係我地去開既分店中最好味既一間。最中意食既係墨丸腩肉酸辣米線，土匪雞翼係必食，我食極唔厭會繼續幫襯既

下午茶，同朋友來到尖沙咀位於幸福中心的譚仔三哥分店吃它獨特味道的米線，叫了魚腐朱潤米線及冬姑付足及墨丸米線…………第一印象是大碗抵食，味道也可以，魚腐豬潤米線，魚付處理合格，湯底又白又濃，豬潤不鞋，冬姑厚身但味不重，墨魚自家製有特色，吃出墨魚丸粒！付足夠薄，也融入湯中，軟化了及有杯飲品，性價比而言，我會選它為下午茶list 中！

一向都係三哥忠粉雖然都係同一品牌但唔同分別都會有啲出入黎到呢間嘅今日我揀左食素腐皮生生菜素酸辣湯底明明想食清啲忍得住唔叫三哥酸辣又敵唔過普通酸辣分量黎講腐皮真係好多軟硬適中味度方面可能係素湯關係會比較清但同時係我想要嘅味度小量嘅酸辣亦令素食一啲都唔素三哥其實都幾好人呀又支持食素買$2紙巾又捐俾AnimalsAsia提提大家叫少米記得落單時要叫一出左單就無得改今次叫遲左黎到又食唔曬真係覺得好浪費呀！

這個砂砂湯米線僅限幾家分店提供，為了品嚐它特地乘車來這家分店，不過先不說這個湯底，其實這家分店環境也有其優勝之處。這裡的人流相對其他分店少，不用跟其他食客肩貼肩坐着，來過幾次都是兩人佔上四人桌，這次則是一人獨佔二人桌。位置在二樓，有一整排靠窗座位，景觀舒服多了。砂砂湯加$1，辣度以五小辣起跳，我選了三小辣。 餐廳將它跟喇沙比較，說它比喇沙好，個人覺得它的味道跟沙茶醬更像，因為沒有喇沙中的椰奶香，說不來哪一種更好，各有各風味。喇沙因為椰奶的存在，湯底比較稠，味道多了一份香甜，比砂砂湯更濃郁。然而喇沙不辣，砂砂湯則可自選辣度，能滿足愛辣之人，它有辣的惹味。我這次選了三小辣，單喝湯喉嚨上來一股辣勁，但是味道上的辣度依然溫和，而且多吃幾口慣了辣味下降，看來下次要選小辣。不知道是不是採用的米線變換了，看起來比以前幼，口感更爽硬，有更好嚼頭，喜歡。長期愛好蒜泥白肉，不用多說。蒜泥白肉小常識之一，蒜泥白肉能通便秘，油太多自帶滑腸效果，有拉肚子跡象的人千萬別吃，後果自負，哈哈哈哈。蒜泥白肉小常識之二，配蒜泥白肉的最佳飲料是檸茶，吃蒜泥白肉口裡難免殘留一口重蒜味，我會在最後吃幾片檸檬，幫助去除蒜味。

只有三哥先有呢款蕃茄湯底揀，蕃茄味濃郁，仲有蕃茄蓉，無加辣，唔想破壞左個蕃茄味呢間分店既啊姐都好好人，好nice，野食上得又快，米線唔會太過淋，墨丸依舊係必叫既!

講起食米線好多米線鋪都整得好好味，但好多同學都係譚仔迷，老實說我唔覺得特別好味。前排出尖東食lunch，見好耐無食過就陪同學食吓譚仔，結果異常失望。午餐時間太多人，雖然即時騰到兩個位，但同其他四個陌生人搭張細圓枱，逼得黎傾計又尷尬。可惜今次嘅湯底一啲都唔辣，而且麻香隱隱約約。見係午餐繁忙時間，個湯底應該就溝左唔少水，成大碗水湯得個少少麵，偷工減料。食完之後個胃特別多氣，果然譚仔非我所好，都係不了。

今日又跟啲同學出去搵野食，見到譚仔三哥米線，好耐無食過，就走左入去食。好彩岩岩七點，仲搵到位坐，之後坐坐下已經見到其他客人要等位。我地三個人分別叫左自己想食既米線，我就叫左個三哥米線，配金菇同埋蕃茄湯底，大家仲夾份叫左小份土匪雞翼，因為每次行過，都聞到好香既「土匪雞翼」味，今次終於有機會試到。等左5分鐘左右，我碗米線終於黎啦，一望覺得勁大碗！先試左啖湯底，好濃烈，好有蕃茄味，不過對我黎講酸左少少，我個朋友提我要撈一撈佢喺面嗰啲茄膏先。撈完之後的確啲味道平衡返好多，連埋金菇米線一齊食好正。米線食落好滑，容易入口，金菇都好甜。等多左一陣，萬眾期待既土匪雞翼都黎啦!即刻夾左舊黎食，勁香口，佢喺雞皮上面既香料食落好開胃同舒服，個面又唔會煎得太焦，入面既雞肉亦都好滑，煮得岩岩好。土匪雞翼係必試推介！到最後埋單，人均４０蚊，食到勁勁飽，超抵食！

一直都知有砂砂湯底，但係呢個係分店限定，所以都未遇到一間有砂砂湯底既三哥今日係尖東同砂砂湯底黎個巧遇！既然咁有緣梗係叫黎trytry 啦！因為湯底本身已有辣，係五小辣，辣度可以揀再辣d，但係就唔可以揀更少辣。叫左個套餐！其實係應該大碗d架，但係友人一黎就食夾左一碗走，所以份量先少左呢個湯底同譚仔既往既湯底都唔同，唔係酸酸辣辣既味，而係沙嗲溝魚湯既味道。唔係喇沙既味道因為完全無椰奶係入面。花生味幾重。味道係幾好味，感覺新鮮。呢個湯底幾好，值得一試