譚仔三哥米線

營業中

休息中

以前係讀書時 時不時都會黎呢到食碗米線.其實我一直好奇譚仔既米線係咪有上癮劑 因為真係食極唔厭. 哈哈平日最後叫牛丸三小辣, 湯底夠麻夠辣夠濃, 牛丸夠彈, 米線有口感.

今日下午四點幾去左尖東唔幸福中心間三哥叫左三哥酸辣，十小辣。結果一D都唔酸又勁辣!睇相點都唔似十小辣。真係激死。 想話加返D醋但又唔提供，好無奈不過d姐姐態度係幾好ge

煳辣米線三十九元仲可以有一餸選擇，都幾抵食，又見新餸就叫了一個來食晚餐，再配了杯新 飲品西柚味醋，等了一陣就有得取，都幾香，第一次食煳辣，味道都幾特別，有點似香料再加 濃湯味，而且仲有辣度選擇幾特別，米線份量好多但比較淋身，食了大半都十分夠飽。餸有豬 肚，好厚身又不硬有驚喜，而且份量仲要不少，味道都不錯。豬潤薄片但有點硬身，入面仲有 不少配菜，都十分足料。飲品隻杯都幾靚，飲落去都有西柚味，又不甜，不過醋味比較少，但 都幾清甜帶點微酸，食完辣再飲的確不錯選擇，會下次來再試另一個味道的醋飲品

今日收工唸極唔知食咩，譚仔依家真係開到成行成市，佢做得咁成功因爲好吃大碗抵食。而且餐廳環境好好光猛乾淨加上食物水平控制得好好，今日叫咗碗麻辣中辣，豬潤腩肉雞肉，凍奶茶超級大杯。食晒成碗米線再飲埋杯嘢飲其實唔係好飽。

譚仔就成日都食，不過叫黎叫去都係個款，今次終於試下新野，就係墨魚春卷，再加個麻辣豬耳 ! 個春卷就唔係炸個種，都幾抵，有4條，想試下唔同既野可以試呢個。麻辣豬耳真係ALL TIME FAVAROUTIE，好爽口 !

今日提早收工就在附近找餐廳，最後周邊的餐廳都比較多人，最後就去了三哥米線，這裡坐得都都舒服又乾淨，價錢都是差不多，最後叫了二個餸再小米線，雞肉木耳2小辣米線加了杯凍飲。等了一陣就到，幸好叫了小米線都夠食，但辣度叫了二小辣就比較不夠辣，但幾香，米線口感都保持到幾滑身，少米線以一個女仔來講剛剛好，入面芽菜和其他配菜都夠食，雞肉反而有點少而肉有一點鞋身，木耳份量夠又爽口，飲品就要凍檸檬茶，都夠凍但檸檬好似不夠酸，反而令到整杯太甜，好彩都夠大杯，食完整個都夠飽。

譚仔三哥係我老公最愛，因為我老公好鐘意食麻辣惹味的食物，咁三哥係佢不二之選 ，佢喜歡的程度可以一個星期日日食都可以，我就好鐘意佢的香草雞翼同口水麻辣雞翼，真係好惹味同皮燒到脆脆的，好鐘意食佢的麻辣的味道，叫套餐有埋野飲最抵

我明白尖沙咀或者尖東有好多餐廳，亦都有好多菜式可以選擇，但譚仔三哥都總會係我身上佔據有一席。Lunch Time唔知食咩好，行下行下就會黎到。當然，土匪雞翼係必點，今次叫細土匪，因為我地要食蒜泥白肉，所以兩份都係細嘅就夠。然後點咗一個包羅萬有過橋米線😂每個餸都有幾片，岩曬我呢啲貪心嘅人最後試左佢最新出既特飲西柚醋，唔算好酸，起碼飲完唔會蒙起隻眼，幾fresh幾開胃！是日午餐合共$114，三哥陪伴我哋讀書時間，而我哋亦都見證佢加價

譚仔應該都算係香港人食堂，大家都可能會食清湯或者麻辣多，但我覺得其實蕃茄湯底都係一個好好既選擇蕃茄湯底完全唔係茄膏味，而且有蕃茄既清甜，如果想轉下口味可以試下蕃茄～墨魚丸都要大推，因為佢係超級彈牙，食得出唔係淨係用粉整粒丸出黎，仲好香口，所以咁多款配菜入面我覺得墨魚丸都算係最高質既一種同埋唔知大家知唔知道，叫少米既話譚仔係可以減一蚊架，所以如果細食既朋友又唔想嘥野食，下次可以叫少米，咁又可以慳返一蚊啦

早排見到朋友食蕃茄湯底，紅噹噹好吸引，的起心肝叫番茄湯啦～🍅基本上瞇埋眼都叫得出最佳嘅配搭：魚腐米線小米蕃茄湯底+尖椒皮蛋+凍檸茶少甜少冰，餐牌都唔使睇🍜🤣蕃茄湯底比我想像中濃郁，帶點清甜，飲完亦都唔係好頸渴，甚至比我最愛嘅胡辣更勝一籌，好飲（我飲到差唔多見底🤣🤣）同譚仔相比，佢地比較甜，濃dd🥳💥💥尖椒皮蛋幾欣賞個皮蛋係有雪花嘅狀，食落冇咩腥味😋❄️🥚-一餸番茄湯米線 （少米） | $35尖椒皮蛋 | $21凍檸茶 | $9-

食物 : 雞肉腩肉米線(十小辣)，大土匪雞翼，皮蛋賣相 : 7/10，相對於其他餐廳來講不過不失味道 :8.5/10，無論係邊一間譚仔食個味道都好吸引，可能係對佢情有獨鍾環境 :8/10，夜晚8點半食，比較少人價錢: hkd 63/1人性價比 : 7.5/10

放咗工一個人攰攰哋，又唔想坐低食，想快啲返屋企，就買咗譚仔外賣！返屋企叫咗最鍾意食嘅墨丸糊辣米線，辣度啱啱好，墨丸有六粒，一向都幾鍾意食佢啲墨丸，最緊要嗌一餸就會抵的d另外當然唔少得要嗌個土匪雞翼呀!一客五隻，非常之滿足，土匪雞翼面相煎得香脆脆，有少少芝麻，個味道真係好獨特，第二度食唔到呢隻咁好味嘅譚仔土匪雞翼。另外再加咗個食完個口超級臭但係超香超好食嘅蒜泥白肉，蒜泥超級多白肉，份量都唔少加埋少少辣又食好正

譚仔有分三哥同唔三哥識食嘅一定要食譚仔三哥米線啦例牌叫腩肉麻辣少辣 米線夠份量，腩肉好多片，湯底夠辣30幾蚊埋單 窮人恩物糧尾一定會黎食不過譚仔啲姐姐啲服務真係有待改善如果可以落左單之後唔駛等咁耐會更加好

前牌見譚仔三哥出咗兩款創新小食，冇惗過三哥都會有糖心蛋同素食卷😂😂感覺都幾新鮮。😋於是今日終於去試下。食落覺得糖心蛋好惹味，小小似日式糖心蛋但加咗辣醬。素菜卷可以自己揀汁，今次我哋就揀咗口水汁，同素菜卷出奇地夾，推薦🤣🤣另外我哋仲叫咗一個過橋米線share,兩款小食加埋過橋米線已經好夠飽。大家都係大概每人$50，性價比高.🏠譚仔三哥米線 (尖沙咀)尖沙咀加連威老道92號幸福中心UG/F6-8號

今日嚟到譚仔想挑戰下辣辣未所以就叫咗個中立因為我平時都係食開小蘭嘅估唔到佢個中立都幾辣下然之後我叫咗豬膶同埋肥腩肉呢度都keep得到個水準豬潤煮得夠熟同埋都幾好食