見見面 (打鼓嶺道)

營業中

休息中

🍽今次叫咗：🐯酸菜魚(生魚)(例牌) $188 加寬粉$30好大一盤魚呀！🐟魚肉幾大塊厚肉但亦都好嫩滑。酸酸辣辣好惹味！叫咗少油真係冇咁油膩。寬粉索湯而且煙煙韌韌，建議加配！香港越來越多好食嘅酸菜魚，但呢間湯底酸辣比例適中，而且唔會太油，推薦～🐯燒雞泡魚乾 $68正常貨色😂送酒一流！🐯燒豬頸肉 $68份量略嫌有啲少，價錢相對進取。味道OK的～今次好可惜因為得兩個人叫唔到好多菜式🙈但係呢個酸菜魚絕對值得encore～下次叫多啲朋友一齊食先得！想有下次指數(5粒⭐️為最高)：⭐️⭐️⭐️⭐️想睇更多分享歡迎follow我哋嘅IG🥰 @tigeatallday

成日係空調房吹到整個人涼涼地，就想食一些辣野，水煮魚麵絕對是暖胃之選，亦是我尼滴嚐辣愛好者的心頭好。湯面有點油，紅油都要撥幾下先見到下面較清的湯。魚片有成十塊，魚肉不厚不薄，嫩嫩滑滑，面有啲硬，都幾勁道。麻辣牛百葉好惹味，有啲辣但唔會過度，牛百葉爽脆。

呢間嘅酸菜魚係店裏面推介嘅菜式 酸菜魚相對非常少骨 湯底都非常鮮甜帶有酸辣味 裏面亦都有好多嘅花椒粒 所以食落去酸辣麻痹感非常之重 推介推介宮保雞丁就不過不失啦 平平無奇唔係覺得太特別 所以可以唔需要特別叫花菜炒腩肉鑊氣非常之足夠 花菜亦都炒得非常之入味蒜泥白肉佢用咗青瓜間住一片一片 所以食落去每一啖油膩感減低 再配埋一堆嘅濕蒜蓉同埋辣椒係非常之好味嘅涼菜去到我最愛嘅川北涼粉 依間係同我喺深圳食嘅相似度都有80%係我自己比較鍾意幼身嘅口感 個汁醬都調得非常之夠味嗌咗中辣值得一試農家小炒肉味道有少少似豉椒味 豬腩肉亦都有輕輕炸過所以配埋啲辣椒食係非常之正嘅 送飯一流

九龍城除咗泰國菜，近年仲開咗好多不同種類嘅餐廳，今次一於試吓食川菜🌶酸菜魚(生魚)-例牌$188可以揀辣度、麻度，啱曬我依啲食唔到太辣但又想挑戰吓嘅人🤣 食落酸酸辣辣好開胃，撈飯一流!! 另加咗寬粉，仲可以加蓮藕片、蘿蔔等配料，夠曬飽肚☺️ 魚肉既口感都好幼滑，入口即化，索曬啲汁好正，本身唔食魚既我都搶食左好多片🙊 值得一提除咗辣度、麻度，仲可以俾客人選擇少油少咸，十分貼心❤️四川擔擔麵 $40擔擔麵發源於四川小販挑擔沿街叫賣嘅麵食，其麵條細滑帶嚼勁感，主要佐料有紅辣椒油、芝麻醬、肉末、碎花生，十分惹味😋 魚骨腩豆腐湯 $88我好鐘意飲魚湯，但喺屋企煲魚湯實在太煩，又要劏魚又要煎香先可以煲🧐 所以見到依度有魚湯馬上心心眼😍 飲落胡椒味味好香濃，每啖都充滿魚嘅鮮甜味，一啲都唔腥，豆腐仲超級滑👍燒豬頸肉 $68豬頸肉唔會燒到乾爭爭，肉質保持到好juicy😍 獨家調製既燒汁真係好惹味，用嚟點豬頸肉十分夾!! 香辣秋葵 $48清炒萵筍絲 $74秋葵都有得揀辣度同少蒜少油少咸，食得健康啲幾好🤣 涼拌秋葵好爽口，送酒一流!! 仲試咗好少見嘅清炒萵筍絲，口感爽嫩，又具營養價值👍

是咁的，本人食完飯後，有啲想食甜品，望一望張餐牌，見到有紅糖糍粑，就諗住叫黎試吓啦，食完一半發現紅糖唔夠，諗住叫職員俾咗一疊俾我哋啦，個職員就話冇得加，咁請問我嗰半碟紅糖糍粑可以點食？咁大間野唔好咁孤寒啦………………………………………………………………………………🫠🫠😡😡😡🤨🤨🤨🤨🤨🤨🙂🙂🙂🙂🙂🙂🙂🙂🙂🙂☠️☠️💩

嗌了一碟紅糖糍粑。紅糖只有丁點，根本不夠點。問餐廳職員拿多一點點紅糖可以嗎，說不能。要嗌多一碟才可以有多份紅糖，根本不合理。紅糖又不是貴的東西，要這樣慳嗎？嗌了豉椒炒蜆，又給錯了麻辣大蜆，已經是自助電子落單，對過係嗌了豉椒炒蜆，不是很多客人，這樣都可以錯？

👍🏻招牌酸菜魚(小辣) $188/例牌 + 紅薯粉 $30可能係全港最好食嘅酸菜魚！果然真係招牌必食😛有兩款價位嘅魚片揀，貴啲嘅係桂花魚，我地就揀咗平啲嘅生魚估唔到平啲嘅生魚肉質都咁嫩滑，新鮮彈牙，大大塊好厚肉，而且份量好多🤪魚鮮味十足但完全唔腥，冇乜骨，只有幾片有比較大條嘅骨小辣大概譚仔五小至三小辣，怕太辣可以揀極少辣同走辣湯底好濃郁，酸辣平均，另外嗌咗多蒜多蔥，更重口味🤤酸菜唔算好酸，反而湯底加咗少量檸檬汁吊味本身配菜除咗大量酸菜外仲有白蘿蔔片同冬菇就咁飲湯會比較濃味，建議可以另加多啲配料索湯薯粉必食！煙煙韌韌，份量又多，好索湯好入味勁正😜！估唔到例牌份量都咁多，有2至3人份量，多人食嘅話可以嗌一條味道：9/10性價比：8/10-👍🏻水煮牛肉(大辣) $138 + 萵筍 $40牛肉肉嫩有彈性，唔會拿到腍晒，偏薄身但大塊而且份量好多，兩個人食極都有咁，好大兜好抵食🤪！配料有大量芽菜，另加咗萵筍，萵筍薄切爽口好入味整體充滿辣椒香味，唔算好麻，但間唔時咬到花椒就會一陣麻痹鍾意食麻嘅朋友可以嗌多麻😎面頭層油令水煮牛保持溫度，食極都咁熱，仲會越食越辣大辣大概譚仔大辣至特辣，好夠辣好刺激，好啱

今日兩個女人去試間九龍城嘅餐廳，朋友試過話烤魚好食，但今次試另一款，我同朋友都食得辣所以嗌左個青椒桂花魚中辣，味道幾特別，由其條魚比我想像中好食，肉質較滑，片片魚肉都大大片，無骨，湯底用黎撈飯幾開胃，我哋加咗寛粉，份量足夠，兩個人食，一邊吹水一邊慢食，無限時，超滿足。整體黎講：環境舒適度都唔錯，不會太嘈，可以慢慢食，會再幫襯九龍城交通方便，搭車或搭港鐵來也非常方便，附近沒有大型商場，揸車來就要揾錶位。

突然很想吃酸菜魚，在九龍城找到一間評價不錯的酸菜魚，便立即動身。假日的午市時間人流並不多，無需等待即可進內用餐。因為今次只有2人用餐，便點了一客例牌的酸菜桂花魚和蒜泥白肉。酸菜魚可選不同程度的辣度、麻度、蒜蓉多少、芫荽等等。我們點了極少辣和小麻，一盤巨型的酸菜魚在大約15-20分鐘便送上。桂花魚肉質嫩滑無骨，但稍稍有點腥味，酸菜的酸度也不太足夠，湯內也有冬菇和白蘿蔔，增加香氣。我們另外加了寬粉在內，寬粉煙靭有咬口，整體份量尚算可以。蒜泥白肉不會過咸，蒜香味濃而不會蓋過其他味道。

呢間四川野係朋友介紹嘅，佢話一定要試呢度嘅酸菜魚，叫咗個少辣，酸菜魚有兩種魚可以揀，生魚就二百幾，平d同多d骨，桂花魚就貴d，要四百幾，肉質就滑d，我哋揀咗桂花魚，都幾好食。另外仲加埋馬鈴薯寬粉落去煮，d寛粉吸晒d酸菜魚魚湯，特別惹味。佢嘅份量都幾足，兩個人食到捧住個肚。原本想叫桂花冰粉做甜品，因為聽講都係好好味，點知竟然賣晒，所以唯有改食紅糖糍粑，食落先知原來就係炸嘅脆皮糯米條，一定要點汁先至好食，如果唔點汁就無乜味道嘅。

今日男朋友約咗我去食飯，於是就去咗呢一間見見面餐廳食嘢！一去到嘅時候就已經比呢度嘅氣氛吸引住，我哋叫咗一個麻辣肥腸雞煲，呢一度嘅豬腸同埋雞肉真係好好食！豬腸已經清理乾淨，而且口感真係好爽！再加埋呢度嘅麻辣雞煲，麻辣醬汁啱啱好，味道層次好豐富！雞肉亦都係分量十足，而且雞肉好滑

悶悶地想食啲四川菜，呢間之前食過佢間主店，今日試吓佢個三點先😚店內傳菜時間ok!!!點餐大約十五分鐘，一盤滾燙的酸菜魚就可以上檯。酸菜魚用料考究，選用肉質細嫩的生魚作為主料，廚師手工切魚肉，從而確保魚片口感。而整盤酸菜魚內有好多材料，有層次地襯托出酸菜的酸爽、魚肉的鮮滑，整體不會太油膩，好食既😚😚蔥油雞可以跟據自己既喜好黎決定點整隻雞，包括辣度，油同咸度既多少等等。我自己就想食得健康啲所以嗌左唔辣，同少油咸。味道上一啲都唔輸蝕，我覺得岩岩好，唔會因為少左調味而變得淡茂茂，雞肉夠哂嫰滑，我都幾推薦呀😚😚😚香炸魚片頭夠哂香口，一上枱果陣香酥味已經係度吸引人去食佢😛炸到外脆內軟，魚肉既味道都幾出，食主菜之前呢個小菜真係好正呀👍🏼蕃茄蛋花湯，清清地，相當好飲😍😍

朋友介紹黎呢間呀佢話味道好不錯.....座位幾寛敝坐得比較舒服呀點左~酸菜桂花魚(加左寛粉同豆芽)魚肉好滑鍾意佢無細骨例牌份量都好大寛粉同豆芽都食極都有湯底好惹味呀直情想飲佢D湯~麻辣蜆(涼菜)好特別呀第一次食蜆係涼菜呀蜆已經開邊蜆肉脹卜卜比蔥同蒜辣椒舖住幾入味呀~大盤花菜呢個似係椰菜花咁炒得好香又炒得夠淋呀辣辣地幾惹味呀

今日去咗遊車河，遊到九龍城，繼續搵食，搵咗呢間《見見面》川菜餐館。餐館環境很好，乾淨衛生，坐枱闊落，坐位舒適。🦐椒鹽蝦$158廚師選用優質大蝦，再用大量的炸蒜、紅蔥、青蔥、加上椒鹽，將蝦炸炒到蝦殼鬆脆（可以食埋）入口香氣四溢，蝦肉鲜甜彈牙，微辣甘香，鹹度啱啱好。🐟酸菜魚$188（少油）酸菜魚好大盆，裏面加埋大量的酸菜，適量嘅蘿蔔、冬菇、檸檬。（因朋友唔食得辣，所以走辣）雖然走辣也不遜色，一樣好惹味，魚煮得火候啱啱好，不會過火，魚肉新鮮滑身，吸咗酸菜檸檬嘅酸甜味，朋友食到好滋味亦無停口，飲湯嗰陣就覺得鹹咗少少，可能酸菜太多，如果有碗飯配埋就啱啱好！🥦 時菜炒牛肉（芥菜頭）$88芥菜頭炒得好清脆爽口，牛肉軟嫩滑口，好好味。

我之前介紹咗朋友去北角一間食酸菜魚我自己覺得非常之好食，但朋友話佢覺得另外一間俾我介紹的更加好味，搞到我心思思，今日趁有時間即刻去食。去到見到門口有兩個大大燈籠掛住，好有中國氣息，入到天花同樣掛住一些燈籠，裝修都古香古色。一坐低台面擺了兩套食具，寫住家的味道，好溫暖。好期待食這間的酸菜魚，scan咗個QR code，即刻點大盤酸菜魚，魚我點了原條生魚，因這是大盤份量所以食完唔夠再點其他食物。期待已久，主角終於出場，我哋叫咗小辣，所以辣椒並不多，急不及待先飲一口湯，入口甜酸適中，香濃帶小辣，湯頭味道唔錯。魚肉也夠大片，但可能醃製得太耐食落沒有什麼魚味，用筷子夾起就碎，而且湯內沒什麼配料，只有一些酸菜幾片蘿蔔，仲有大量的姜，同我想像中好味道的酸菜魚，仲有一大段的距離，所以食完大盤酸菜魚後都冇心機再叫其他食物然後就埋單走人，另外值得一提的是飲完碗魚湯，一路都好口喝，應該也是加了不少味精吧。