見見面 (打鼓嶺道)

營業中

休息中

平時都好中意食辣嘢嘅我哋今日去咗九龍城食川菜！餐廳位置有啲隔涉不過唔難搵。餐廳設計有啲似小茶樓，入面有十人左右嘅大枱，都幾闊落。🍽️四川薑爆鴨 $168見呢個小菜喺招牌菜入面，叫咗一份試吓。薑爆鴨色澤幾靚，薑嘅味道濃郁，帶少少酸味幾開胃。配菜筍絲幾吸味，份量都幾多。🍽️辣子雞 $143一講到辣嘢就會諗起辣子雞先，叫咗一份好彩冇令我失望！中辣辣度啱啱好，出到嚟唔會好多油而且好夠火候夠唒乾身！花生夠脆口，雞件份量多，粒粒都好入味味道均勻惹味。🍽️牛油黃金蝦 $168黃金蝦幾有驚喜，蝦好大隻，口感結實彈牙。蝦殼外層包覆住滿滿嘅金黃色醬汁，第一啖食落帶濃郁牛油香氣，之後鹹蛋黃味喺口腔慢慢爆發出嚟，味道啱啱好唔會過鹹同時一啲都唔油膩，好啱餸飯！🍽️四川擔擔麵 $40擔擔麵湯底濃厚，除咗蒜香仲有啲奶油香氣，花生同芝麻香配上花椒辣味飄香會忍唔住一啖接一啖咁食。麵嘅質地亦相對有咬口，唔會過淋。$40呢個價錢真係非常抵食！整體唔錯，下次試埋佢哋嘅烤魚！

今日同老公去左九龍城探親戚，之後就去左食晚飯。天氣凍凍地，不如食吓川菜暖暖身。餐廳充滿中國色彩，以木系雕刻作屏風，橫樑掛上紅色燈籠。空間幾大，好寬闊，環境舒服乾淨。呢度用QR code點餐，電子餐牌已分晒類，種類都幾多，除左一般嘅雞煲同烤魚外，仲有小炒同乾鍋等。我哋就點左小炒、乾鍋同招牌菜各一，另外兩款川渝粉麵。值得一提，每款份量都好多，足料。而唔食辣嘅人，都可以揀辣度，甚至唔辣都可以。前菜：有鹹花生同雲耳，鹹鹹地，微辣，幾好。糖醋里脊：里脊薄薄粉漿炸得脆口，食落唔覺得話好油膩，腍得黎偏瘦、軟熟。味道酸酸甜甜，甜酸度中和得剛剛好，開胃菜之選。乾鍋田雞：原鍋仔上，下面有火keep住熱。田雞鍋較乾身，唔會話好多油。配料有洋蔥、蒜頭、豆豉、青椒同翠肉瓜等同炒，田雞肉嫩，越食越惹味，有水準。酸湯肥牛：招牌菜之一，肥牛唔算肥偏瘦，湯底清澈無油，味道唔覺得太酸，泡椒味較濃但唔會太辣，底部原來仲有萵筍同紅薯粉，紅薯粉連湯食好入味，整體豐富。四川擔擔麵：麵條滑口、彈牙，湯底有花生碎加埋麻醬，味道香濃，足料。肉末酸辣粉：配料有肉碎、花生碎同雪菜等，辣度揀左極少辣同少麻，湯底偏酸少麻，唔太辣，紅薯粉口感煙

今日行經九龍城找飯食，見到間叫見見面，以為是車仔麵之類，原來是中式川菜館，叫幾款小菜加飯就啱胃口。店內每張枱都是很闊落，枱與枱都格很遠，十分舒適用膳。今晚點了👉宮保蝦球，鮮蝦爽口彈牙，份量十足，麻辣味很出。👉糖醋脊裏，即係豬肉，有啲似咕嚕肉，但外皮炸過，脆蔔蔔，又冇骨，很正。👉乾扁四季豆，正常發揮。👉瑤柱蛋白炒飯，唔太油，粒粒分明。唔夠飽可以加多個👉炸饅頭做甜品，點煉奶食，剛好一啖一口，很滿足。

九龍城有很多食肆 ，今日揀了川菜， 餐廳的名字好親切 ，叫做見見面， 大家坐低見見面聚下舊， 真是好名字 。在打鼓嶺道80號地下鋪， 餐廳裝點得古色古香，很有中國風情 ，樓底很高 ，座位安排有致，私隱度高 ，好像每台都有自己一個包廂 ，坐得非常舒服的一個餐廳。在這裏點餐非常友善， 知道香港人 接受辣的程度不同， 所以很多菜式都可以揀大辣中辣小辣微辣不辣， 也可以揀少油少鹽， 好健康 。👍我們首先點了一個香辣雞煲小辣， 用火爐煲住 ，陣陣香味撲面而來， 雞煲裏配料非常豐富，花椒八角少不了， 洋蔥青椒芹菜芫茜， 整個雞煲香味四溢，惹味吸引，還專門點了炸饅頭送辣雞 ，真是絕配。 四川菜的糖醋李脊也是經典菜， 上湯娃娃菜 是honey的選擇， 主食又點了四川擔擔麵 ，面質衣銀韌香滑， 是擔擔麵中的翹楚。 食完仲有冰粉送，只要在社交平台打卡 就可以送一個甜品 ，冰涼香甜 ，完滿了這一餐。😋

約左朋友去九龍城食飯，成日都係食泰菜，今次就搵到間值得推介嘅四川菜一睇餐牌有齊雞煲、酸菜魚、各式小炒及湯品，好多選擇炸饅頭炸饅頭外酥內軟，金黃色的外皮散發著誘人的香氣水煮花螺水煮花螺鮮嫩多汁，配以香辣的調料。色澤鮮豔的湯底中，花螺的鮮味與麻辣的口感交織，花螺好新鮮，配埋辣味好過癮香辣雞煲香辣雞煲色香味俱佳，雞肉鮮嫩，搭配各式蔬菜與香料，湯汁濃郁。辣味適中，帶有微微的麻感，揀左細份，份量兩個人岩岩好魚骨腩豆腐湯魚骨腩豆腐湯湯底清澈，魚骨的鮮香與腩肉的濃郁完美融合，豆腐滑嫩，吸收了湯汁的精華。用料足，娃娃菜吸收左湯嘅鮮料，可作解辣之用叫左咁多野，賣單都係$400左右，好抵食

這次的用餐體驗讓我感到非常滿意。首先，豉椒炒蜆配青椒的組合令人驚喜，最喜歡他們可以選擇小鹹少油，海鮮的鮮美與青椒的脆口相得益彰，調味恰到好處，令人食指大動。而且家人不愛吃辣，也可以選不辣。主菜方面，招牌小炒王炒得很香口，而且亦可以選擇少油少鹽。香煎魷魚與腰果的搭配非常獨特，魷魚的鮮嫩與腰果的香脆相互交融，口感層次豐富。而甜酸雞肉則是經典的受歡迎選擇，外酥內嫩，酸甜的味道讓人心情愉悅，必定要試。最後，炸饅頭的外脆內軟，搭配煉奶，更是完美，帶來了美好的結尾。整體而言，這家餐廳的菜品不僅味道佳，且呈現精緻，值得再次光臨！

今日和布布來到九龍城「見見面」，這個名字就像是朋友久別重逢時的暖心問候，讓人心情瞬間放鬆。接著，來了三支花臉啤酒，這啤酒色澤金黃，泡沫細膩，一口喝下去，帶著淡淡的麥香和微微的苦澀，真是解渴又提神。然後是芥末秋葵，這道菜更像是調皮的小精靈。秋葵外層微微黏滑，內裡卻鮮嫩多汁，搭配微辣的芥末醬，讓人忍不住一口接一口，辣味與清新交織，令人回味無窮。清炒萵筍絲則是另一種清新之選，翠綠的萵筍絲炒得剛剛好，保留了脆爽的口感，淡淡的鹹香令人心曠神怡。炸饅頭六件，金黃酥脆，咬一口就像在品嚐外酥內軟的幸福滋味，簡單卻令人難以抗拒。四川擔擔面則是辣味的高潮，麻醬的濃郁搭配彈牙的麵條，辣得讓人微微流汗，但那份香濃卻讓人欲罷不能。最後是今晚主角烤海鱸魚，魚肉鮮嫩多汁，外皮略帶焦香，配上特製醬汁，一口下去滿是海的鮮味。整體來說，這次的用餐經驗花費612元，物超所值。每一道菜都各有特色，讓人感受到廚師的用心與創意。這家餐廳不僅滿足了我的味蕾，更讓我期待下一次的美食之旅！

九龍城除左泰菜，仲有唔小價錢相宜既小店，哩間川菜主打地道風味，適合三五知己聚餐。環境古色古香，有空間感。推薦試試花臉啤，做緊優惠$50三支，清爽解辣，性價比高!!前菜芥末秋葵爽脆開胃，芥末嗆勁十足。清炒萵筍炒到爽爽脆脆，清淡中帶鮮甜。炸饅頭外脆內軟，點煉奶一流！主菜四川擔擔麵麻香濃郁，麵條彈牙烤海鱸魚份量足，魚肉嫩滑，辣度適中，非常惹味。 整體菜式十分滋味，人均$300左右，抵食之選，愛辣之人不妨一試!

🌶️九龍城既四川菜舖頭，舖頭好闊落坐得幾舒服初初以為🎈四川舖頭只係得啲辣嘅嘢其實都有好多唔同種類 而且可以揀返自己鍾意嘅麻辣程度 或者唔辣都得🌶️🍜魚骨腩豆腐湯好大盤，足足夠四人份量🐠奶白色嘅魚湯 飲落口好鮮甜順滑 暖笠笠有好多豆腐同埋大白菜🥦魚有骨 要小心食用 但都好滋味🤪🤪🐑孜然羊排烤焗得好香🥩份量好足一支支既羊肉配上四色胡椒、義式綜合香料、孜然子，幾惹味🫜而且羊肩排既熟度恰好，保留其中既肉汁，唔會過熟🧅😎😎😎🌶️水煮花螺特價，但份量都依然幾足花螺鮮甜爽嫩，一陣麻辣香，用竹簽挑出來一啖一粒🐚仲有寬粉芽菜 好多配料🥦🐷糖醋里脊就可以一解頭先嘅辣，酸甜可口、色澤金黃，酸酸甜甜，越食越開胃 🤗🤗

今天下午，我們去到九龍城打鼓嶺道80-82號地舖見見面午餐。先上枱是 手拍青瓜，清新爽口，帶著微微的鹽味，讓人食指大動。酸菜桂花魚套餐，更是讓人垂涎欲滴。魚肉鮮嫩，酸菜的酸味與桂花的香氣交織在一起，讓味蕾感受到層次的變化。搭配的紅薯粉，口感滑順，彷彿在舌尖上舞動，萵筍的脆嫩更是提升了整體的口感。餐後來一份甜品桂花冰粉，清涼解膩，桂花的香氣彌漫，讓人心情愉悅。最後，再來一杯大樽獅威啤酒，冰涼的口感與餐點相得益彰，讓整個用餐體驗圓滿結束。這樣的搭配，無疑是一次美好的味覺之旅。

🌸烤海鱸魚熱辣辣上枱，好鍾意海鱸魚骨少而肉嫩滑，味道香香麻麻，又帶有少少辣，幾開胃！紅薯粉好彈牙爽口，蓮藕片都幾入味，好飽肚山🌸糖醋里脊口感層次好豐富，外面酥脆，肉質鮮嫩多汁！味道酸酸甜甜，啱啱好，惹味可口，送飯就啱哂🌸四川擔擔麵微辣香口，味道鹹鹹香香又帶有啲香辣 ，好惹味！麵條份量都幾多，細滑軟硬適中，每條麵條都吸滿醬汁，好味餐廳舒適寬敞，食物種類都幾多！餐廳店員服務態度都好友善

去九龍城通常都係食泰菜，但今次試咗呢間川菜館，平日夜晚唔使等位😬酸菜桂花魚（例牌） $288呢度嘅酸菜魚可以揀生魚或者桂花魚，份量都可以選擇，我哋試嘅桂花魚非常滑，魚味濃郁得來唔會腥😊個湯呈現黃色,酸味同辣味融合得好好，酸菜亦都唔錯，唔會太重口味。另外可以加錢去加各種配料，我哋加咗寬粉，口感煙靭，好有咬口乾鍋土豆 $88上菜嘅時候會俾個爐加熱住，睇賣相都覺得好有鑊氣，土豆厚薄適中，好入味，鍾意食薯仔嘅人一定會鍾意😋炸饅頭 $38有六件炸饅頭，賣相非常吸引，質素亦都好高，饅頭炸得金黃酥脆，外脆內軟，識落仲有麵粉嘅香味，點煉奶食一流

一聽店舖名字，以為是食麵，原來是川菜美食，店內裝修也很中國風，是川菜的氛圍。QR code 手機看餐牌，大部分的菜式都可以自選辣度、麻度， 甚至蔥和芫茜都可以選擇，彈性極高。《烤海鱸魚》$288一整條鱸魚上枱，氣勢非凡，鱸魚表面已烤熟，滾起後立即可以食，鱸魚勝在骨少多肉，煱內還有很多海帶、芽菜、酸菜、蒟蒻、木耳、豆皮，非常豐富。《清炒蘆筍絲》$78蘆筍絲清甜爽口，營養價值豐富，好吃。《糖醋里脊》$98豬肉里脊外皮鬆脆，裏面軟淋多汁，糖醋醬比例恰到好處，酸甜適中。

入九龍城食飯又唔一定要食泰國菜嘅，川菜亦都可以其中一個選擇黎～酸菜桂花魚桂花魚肉質嫩滑，魚肉新鮮，食魚最怕會食到魚骨刺，但呢到就無呢個問題酸菜味濃郁，亦都好開胃！而且仲可以加配配菜～而我就加左紅薯粉、萵筍！紅薯粉 口感煙韌彈牙，每條薯粉都掛上酸菜湯汁嘅精華，味道尤其突出！萵筍翠綠爽脆！前面食得重口味，可以食返啲蔬菜🥬中和一下口腔嘅肥膩感～奇味雞煲新鮮雞煲，雞肉肉質鮮嫩，味道👅更加十分惹味！仲可以自己用鑊剷炒蔬菜🥬炒出鮮味炸饅頭迷你炸饅頭，蘸上煉奶一起吃，既邪惡😈又好食！必點主食之一！

天氣潮濕，最啱食四川嘢，幫幫手排吓毒又出吓汗！酸菜魚（生魚）千祈唔好睇小佢個例牌，絕對超過兩個人嘅份量！酸菜好爽口，魚肉滑捋捋份量超多，啖啖肉完全冇乜骨，特別鍾意佢哋芝麻香氣～另外餐廳更用咗檸檬去調製佢個酸度。炸饅頭金黃色嘅饅頭炸得外脆內軟，點上煉奶非常滋味。孜然羊排鍾意食羊嘅朋友我就非常推介，份量多不在話下，羊臊味唔會太重同時又帶點脂肪香！比起平時食嘅羊肉嚟講羊扒就真係更滋香麻辣青瓜拌海蜇叫咗開胃前菜，都同樣大大碟，青瓜好爽海蜇相對幼餐廳仲有一個推廣計劃，只要你follow Facebook或者IG讚好就送一碗冰粉添