西貢松記車仔麵

營業中

休息中

車仔麵最重要的係餸菜種類，小時候總是要和朋友果碗比較誰叫的餸較多...哈哈呢日入到西貢，見到平時大排長龍的車仔麵檔居然有位，就決定一試!對於一些不想揀食咩餸的人，呢間車仔麵有些套餐任君選擇，但係我覺得有得揀你先至係老闆，呵呵。今次叫嗰啲都係我的最愛豬皮、牛肚、魷魚，最後叫左五個餸，加埋就要53蚊，雖然個價錢比起出邊其他車仔麵檔貴小小，但係佢啲餸比起其他車仔麵檔多，個味道我都覺得OK嘅。本身想要多杯珍珠奶茶，但係個價錢都係唔抵，最後放棄左

今日(25/1)去這間所謂得過獎既車仔麵試下，全部野都煮得淋到冇牙都食到，又完全唔夠味，難食得黎態度差到爆，你食就食唔食就唔好食咁，不可一世，從來都未食過一間咁垃圾不知所謂既車仔麵，唔會再幫襯。😠😠😠

12月26號 去完呢間舖頭 想講番啲感受 排隊攞餸食麵阿姐服務差到極 仲會鬧人 叫佢唔好嘈 仲話把口喺我度 我鍾意點講就點講 今時今日咁嘅態度 點會再幫襯佢 我而家喺度呼籲大家唔好再幫襯呢間鋪頭 一定要杯葛佢！

西貢松記最岀名的就是車仔麵，很多人也為了吃一碗車仔麵而慕名而來。當天約了寶寶在西貢練山，就當然要吃個豐富早餐才有精力吧！雖然松記在早餐時段也有車仔麵提供，但我倆也覺得早餐 menu 較吸引。我的 B 餐：腸仔煎蛋 + 雪菜肉絲米 + 牛油多士 ($36)腸仔煎得有點乾，雪菜肉絲米粉反而很好吃，因湯底較香濃。牛油多士也烘得鬆脆，但不算很熱。寶寶的 D 餐：西煎雙蛋 + 叉燒意粉 + 牛油多士 ($36)雙蛋煎得很美噢，其他也是不過不失。

西貢呢條行，越來越多嘢食。呢間車仔麵個裝修好靚，座位闊落，室內同室外都有開放。就咁睇餐牌已經有好多選擇，好彩佢有好多set好晒嘅套餐俾你揀，啱晒轉摘困難症嘅我。不過如果你想食牛腩就只可以選擇套餐，因為散叫係冇牛腩嘅。碗麵兩個餸，大概＄50，啲餸嘅份量超級多，食極都有。個味道就淡左啲啲，同傳統一般好味嘅車仔麵仲有啲距離啊。喺西貢$50食碗面其實已經好抵，食麵可以用優惠價加特飲$15至＄20不等。喺呢個地段，呢個價錢，系會再返嚟嘅。

「當愛已成為習慣」用來形容筆者對西貢松記車仔麵的感覺最貼切不過。筆者爸爸的祖母是水上人，所以爸爸自小便很愛海鮮，不只是口，也喜歡「看海鮮」。筆者小時候，其中一個家庭日的活動，是全家來到西貢碼頭逛逛，欣賞漁民把生猛的海鮮在船上叫囂擺賣，熱鬧得很。接著，一家人便到《西貢松記車仔麵》吃午餐或下午茶，情意結就從此繫上了。《西貢松記車仔麵》開業於1978年，經歷著香港的近四十年的經濟起飛，也從大排擋變成現在港式茶餐廳的模樣。從海傍道轉入福民路的小巷，看到長長人龍，店外又放置了一些座位，就是《西貢松記車仔麵》。有位男店員每次看到筆者帶著兩頭小狗，都會主動走來，儘量找一個合適的座位安置，這就是小店難能可貴的人情味！自選麵底$11起，車仔餸每款$6-$10。寶貝排了約十五分鐘左右，店員協助把兩碗麵送來。珍珠奶茶這並非一般的台式珍珠奶茶，而是港式和台式的結晶品。台式奶茶一般採用的是「奶精」，成分包括糖、飽和脂肪和反式脂肪，還有化學物質，喝多不太健康。以港式絲䌩奶茶來取代台式奶精奶茶不但更健康，口感絲滑，而且更香醇濃厚。筆者點了四餸麵，油麵、魚蛋、紫菜、秘製豬手和秘製牛筋腩。湯底香濃帶甜，加上紫菜更鮮美。

星期日車爸爸到西貢行下其實我真的很喜歡西貢但更喜歡平日的西貢因為人少很多爸爸說想吃松記車仔麵我心想到底要不要排隊幸好，我們很有運不用排隊以前的松記經常要排隊現在就看看運氣吧或許是我們吃的時候已經是2點所以過了繁忙時間先到麵檔選好麵底再揀餸有大概20多款餸可以選擇今天我點了烏冬蘿蔔，牛肚，豬皮車仔麵必吃🤣蘿蔔有點不合時節牛肚和豬皮都很入味不錯不錯松記是不提供食水供應的爸爸想喝水也沒有不夠貼心😩其實松記一直也不便宜也沒有餐配飲品不過味道ok還可以吧

幾個朋友話好好食，又有幾個朋友話普通車仔麵！今日試完覺得屬中上既！全因為個湯底清清地得黎，又不失車仔麵湯底既味道，佢係個面架左啲類似沙嗲既秘制醬汁上去，另到成碗麵好食左！餸要左豬大腸+蘿蔔蘿蔔夠透，不過食唔到香甜豬大腸有3-4舊好肥美既，其他都薄ea ea!麵底要河粉似係麵唔靚，爛爛地又碎碎地不過真係麵多餸多，係屬少數可以食完覺得飽……唔係！係好飽既車仔麵小食要左雞翼同煎釀三寶老公話雞翼好夠味，我就無食啦！三寶係ok既，魚肉足料，不過除左豆腐之外，青椒同茄子都係凍既！野飲另叫，唔要小食既話都$50左右一個人落樓架不過禁大碗又食得飽，ok啦！有帶狗，要坐外面，小巷環境都ok啦，算乾淨既！叫完有人送上黎，仲就返邊碗係你既黎放，算係禁啦

每個餸有自己獨特嘅味道 鮮味新鮮， 而且地點易搵 ，舖頭內部都係好乾淨好裝修企理 ，唔似一般車仔麵店嘅唔乾淨，有洗手間方便， 餸菜多選擇款 最好要快啲諗左食咩，因為人比較多，令你揀都揀唔切

天氣很好，到西貢一遊！除左同陽光玩遊戲之外，都要祭下五臟廟！行下行下到後巷，好多野食，見到呢間車仔面大排長龍，而且門面幾光鮮，就入左去。呢度要先買野食，後入座，最後食完埋單！我叫左魚蛋蘿蔔芝士腸米線，個湯幾惹味，好少好少嘅辣！蘿蔔我覺得有少少硬，唔夠淋，淋啲會好啲！芝士腸正常味道！至於魚蛋反而幾好食，幾夠味！三送31蚊！總括而言，正常味道，唔係特別好味，唔知食咩好可以試下！

車仔麵成日都食，又多選擇任你配搭，而近年嘅車仔麵質數每況愈下，麵質，餸嘅味道，品質及價錢都唔能夠取得平衡，今時今日食個淨麵都20蚊，再唔係小時候嘅平價之選。呢間喺西貢市中心巴士站附近後巷嘅車仔麵舖係朋友之前介紹嘅，話每次經過都有人排緊隊，好似幾掂咁喎去到後巷入少少就會見到人龍，有十零人左右，排咗一陣就見到易拉架排咗10分鐘左右已到揀食區，已貼好晒餐牌，有晒唔同配搭，俾我呢種選擇困難症患者啱晒，唔怕排到去都未揀定麵檔外有一排坐位外，舖內都有好多位，舖內嘅坐位都乾淨企理最後我揀咗佢地嘅招牌“豬手牛筋腩”加咗木耳，米綫底（$43）腩汁湯好香好味，忍唔住飲咗2啖，牛筋腩佔嘅比例較豬手多，牛筋好鬼冧，牛腩唔韌又唔黐牙，超，豬手都好冧，味道就無牛筋腩咁出喇，木耳亦好爽。同行嘅朋友仲“醒”咗舊豬紅我食，又幾好食喎，唔會過火又有味

講到食車仔麵唔係要認叻，真係由細食到大，勝在多嘢揀。最近都食咗好幾間，Lee間就真係幾唔錯，每次同老婆食車仔麵都係3餸變6餸，今次都唔例外，真係可以試多D架，Lee間除咗湯底好味(有個特別嘅汁)，食物質素都掂喎；豬腸乾淨又無一陣味；牛肚又夠厚身有口感；加埋老婆加餸，招牌牛筋腩，忟得夠"淋"肉味香濃，真係好食；仲有豬紅，堅嘢好食唔會一夾就散嗰種，真係好味。只要大家唔介意係巷仔排一陣隊等叫餸，真係要試下。

上次去西貢已經見到Lee間舖頭超多人排隊，今次專登嚟試下，食車仔麵最開心就係快靚正，雖然Lee間比平時的車仔麵店相比，確係排隊條龍長好多，不過依然好快，買完麵不僅幫我搵埋位送埋麵，嘻...我試咗個招牌餸"秘製牛筋腩"，好味到不得了，牛筋又大條，牛腩蚊得"淋"，肉味濃，正！仲有，豬紅係堅嘢嚟架，煙靱唔會散開，依家少咗地方有真嘅豬紅食架啦！湯底都OK，如果加埋腩汁一定更好味，因為我比較鐘意濃味D，下次吧，因為我想試埋另一個招牌餸"馳名靚豬手"。

同朋友一齊去西貢遠足，行完山朋友介紹我食呢間車仔麵，星期日3點幾去到，都仲係好多人排隊，排咗15-20分鐘先到我地叫餸。首先要喺門口揀餸，都幾多款色揀。3個人一人一碗，朋友果兩碗啲餸都好吸引，我就食咗豬手雞翼伊麵底，豬手夠林，雞翼大大隻夠入味，都算幾好食，不過車仔麵嚟講都幾貴，呢個鐘數兩個餸40幾蚊唔包野飲，其實真係要有番正常嘅質數！

行完山友人介紹話呢間出名但略貴，貴其實唔係問題，如果貴得嚟好食可惜雖然車仔麵餸種類夠多，之但係味道真係平凡到不平凡，首先個靈魂湯底真係冇乜驚喜，略為清淡，墨魚丸只有2粒但不見得好食，另外個魯肉係大伏，本身以為好似五花腩肉就肥肉瘦肉一層層，但我呢舊直情70%肥，皮上面仲有毛，會唔會係咁呀，講真真係食唔落。牛柏葉不錯嘅，爽口唔un。但咁樣3餸都接近40蚊，我覺得唔值囉。仲要咁多人排隊。btw 員工幾好相與。