西貢松記車仔麵

營業中

休息中

這天來到西貢，想快快地解決午餐，經過松記時朋友說這車仔麵很出名，見排隊的人不多，就來試下。招牌粉麵的名字很有趣，看上去很足料，我決定要個年年好運麵，朋友就要珠光寶氣麵。在門口排隊，告訴廚房姐姐麵底及要什麼餸後，以為要自己取回座位，原來不用，是有另一傳菜姐姐幫忙的，所以order完可以輕輕鬆鬆回座位等食。車仔麵來說這個價位算是貴，不過真的好大一碗！車仔餸也有誠意，幾好味！😋 作為車仔麵愛好者，今餐非常滿足！

行山前諗住醫醫個肚同埋聽住西貢哦朋友力推依間車仔麵咁就試下喇落單要係出面排隊叫完個餸再有職員幫我地拎入去個座位到叫嘅過程啲員工都黑黑地面見住佢整好碗麵放落盤到仲要倒哂啲湯唔係比我同朋友見到佢地啲員工好似當你透明咁唔會幫你整返乾淨嗌哂餸咁就入去坐喇啲位置都算係唔錯喇河粉 雞翼 魷魚 煎釀三寶雞翼煮到好老 啲肉嘅質感好鞋 煮得老 但唔入味😕煎釀三寶雖然係煎得香口但應該放左好耐 舊青椒正常新鮮啲係青色啲但佢變左深青色🤦🏻‍♀️都應該放左一段時間魷魚普普通通因為我朋唔食辣野嘅本身都擔心個湯會有辣嘅點知飲完啖湯個湯係完全冇乜味淡到呢個湯雖則係好深色但竟然可以煮到帶咩味依下真心高招我食個碗麵係米線 太陽蛋 蘿蔔 炸黃金墨魚卷個湯同我朋友個碗麵一樣麵係冇乜味我咁鐘意食辣嘅辣都唔辣都有啲失望好彩佢枱面有啲醬汁可以加咋個罐辣醬都算係ok喇一食落去 係辣辣地但個辣到都keep 唔耐只係辣頭頭個下好喇講返個米線同啲餸喇個米線仲衰過連鎖公司煮出黎個啲都唔知佢係點煮嘅一夾就斷啲米線勁林身到底佢煮左勁耐呀？太陽蛋都算正常嘅但整到好似煎蛋咁樣都唔係太陽蛋黎嘅蘿蔔都算係入味清清甜甜咁樣但佢切到好細粒囉正常車仔都都唔會好

昨天原本入去西貢行山， 但天氣不似預期， 雨越落越大， 逼住留喺西貢食完午餐就走人， 因為要快食，所以簡簡單單食車仔麵。 我哋 第一次麗松記食車仔麵， 要先自己排隊點嘢食， 跟住有侍應送去你的座位， 我仔點咗個 雞翼、魷魚、魚蛋烏冬， 佢話烏冬略嫌有點硬， 但雞翼就大大隻好好食。 老公就點咗豬手麵， 他說豬手炆得好入味，好好食， 但略嫌每碗得兩嚿，份量太少。 我就點咗餐牌上 4號餐年年好運米粉， 包括牛肚、牛腩、牛筋、牛丸、牛柏葉， 餸的份量好滿足！另外我哋 點咗 韭菜豬紅作為小食及 熱豆漿， 豬紅有小小嚡， 但整體都好食。下次入嚟行山，會再試食其他車仔餸。

無河粉，轉食幼面，以為係雲吞面爽身的那種，原來係全蛋面，但無蛋香，仲好鬼淋身。豬腸 係好厚肉但炆得唔夠時間，色水唔靚之餘仲un 到不得之了，食剩了很多蘿蔔係甜嘅 亦炆得唔錯九菜 一般凍奶茶 少甜少冰 但佢無幫我少冰，半杯都係冰好在用冠益辣油 勉強食曬碗面，但個肚好唔開心埋單 $64 好唔值 早知食前大馬路間牛什河

入到西貢有啲肚餓，行行下就去左松記車仔麵，貪佢可以係門口食煙，又話老字号咪試下囉，叫左个腩肉雞羽大腸油麵，點知一放係我面前見到都唔想食，腩肉肥到無法放入口，大腸唔夠焾，雞羽就太老了个辣汁，一直頭係生粉水一啲香味都無，點會有人讚，不過伙記个個都幾有禮貌，呢个要讚！可惜唔會再見到你地，因為唔會再嚟食

每次到西貢都見到的松記車仔麵，總有滿滿的人龍人流，今次難得在星期六夜晚七時，見到店內尚有空位，即想一試。我們先在外面排隊揀麵揀餸，再進內選位置，店員會把做好的車仔麵端進來。餸的選擇很多，我點了豬手、墨魚卷、蘿蔔加了辣汁。豬手入味，很稔，吃得很輕鬆，墨魚卷有油香有墨魚的鮮味，彈牙，蘿蔔清甜無渣，唯湯頭確實無甚特別，不過癮，辣汁亦不見香辣惹味，在這一點實在令吃車仔麵的樂趣稍失。同伴吃了紅腸雞翼生菜伊麵，感覺滷水雞翼很入味，嚐了一下湯，亦真的只見淡淡的滷水味。點了飲料阿華田雪山$25，較推薦，滿滿的阿華田粉在上面，厚厚濃郁的巧克力和小麥香。只是吃因食材關係價格稍高，整體價錢在接受的範圍以內。

特登黎到西貢一試車仔面叫左三碗招牌味道又咸又難食啲配料又不新鮮服務呀姐態度奇差 心諗食個面點解要咁悔氣店舖環境衛生情況一般！我覺得呢間舖只係借住自己名氣總体完全唔值得一試西貢大把好野食 洗咩受氣食佢

備註：出示長者卡有九折優惠 香港被譽為美食天堂，不少地道美食都深受本地人及遊客喜愛，而其中以車仔麵和港式茶餐廳最能代表香港的特色美食。由於六十年代國內難民湧來香港，為了謀生，香港街頭開始湧現了流動小販車，而最多便是車仔檔擺賣咖喱魚蛋和車仔麵一類的熟食，時至今日港九新界十八區街頭巷尾都總有一兩間車仔麵食肆，足見其受歡迎的程度。我今天光顧這家「松記車仔麵」在西貢經營已有40多年歷史，由郭氏夫婦從街頭走鬼檔做到上鋪，夫妻倆靠這檔車仔麵養大幾個兒女。由於夫婦年事漸高，本擬結束松記，結果大女兒郭小惠Joy寧放棄工程師的工作回來接管松記并銳意改革，除了將鋪面重新裝修外，菜單更加上英文及在昔日熱門的配料加入很多新菜色，現在的松記已經成為本地人及遊客來訪西貢必到景點之一 坊間車仔麵檔一般都是客人在柯打紙上選擇麵底及配料後落單，而松記的食客們要先在門口的半開放式廚房排隊，直接挑選車仔麵檔內一格格的餸菜配料落單，然後由服務員送上桌和放下收費單，待吃完後憑收費單到收銀櫃檯付款離開。特別一提店家雖然是巷仔食肆，但衛生清潔做到足，所以連續十年都獲頒香港食環署的「衛生清潔食肆冠軍獎」，大家可以更加安心啦！

每次黎西貢都係食金雞嘅海南雞飯，今次嚟到見唔算太肚餓，就食咗同一條街嘅松記車仔麵。以前經過嘅時候都見到門口有長長嘅人龍，心諗應該都唔錯掛，不過就超級失望。首先最低消費係＄25 ,但係啲阿姐係唔會同你講嘅。一坐低，你就要去返門口揀麵揀餸，揀好咗店員會幫你拎入枱，最後食完先俾錢。整體上勝在夠平，但係質素的確麻麻。蘿蔔夠甜無渣，不過黃金墨魚卷以為係炸得香脆嗰隻，點知又淋又濕，完全冇口感可言。我最唔鍾意嘅地方就係，成碗湯都好杰，完全唔係食緊車仔麵嘅感覺，湯頭完全無味， 食完都完全理解唔到點解不到，點會有咁多人嚟食。

去完camping後，早上八點半就出返嚟西貢，原本想睇下係走廊位好出名嗰間海南雞飯有冇開架，雖然知咁早都應該無開，不過搏一搏喔嘛，點知真係冇開喎，然後行多幾步就見到松記車仔麵，見到都幾多人喎一於就食呢間🤩🤩🤩一早食車仔麵會唔會over左少少先？原來呢度除咗食車仔麵，早餐時段都有早餐食架，即係嗰啲通粉，雪菜米粉，沙嗲牛麵😝😝😝不過我覺得嚟到呢度一定要食車仔麵先對得着自己架嘛🤫🤫🤫二話不說行左去嗌野食，點左油麵，魯肉，冬菇，蘿蔔配腩汁，朋友就嗌咗玩清清地，油菜，牛丸，米粉😍😍😍我碗油麵有驚喜喎，魯肉好多，入味到不得了，半肥瘦肉岩岩好，仲要入口即溶係咩玩法？塊冬茹大塊到呢，睇住佢由一塊手掌咁大塊不段剪細舊，一睇就知好入味，果然勁重蠔油味，好食！至於啲蘿蔔甜到呢，總結我碗麵真係好食，成為$40🤟🏻至於朋友嗰牛肉大粒到呢，一粒等於兩粒喎🤩🤩🤩

今天來了西貢，雖然食過午餐，但行了一陣海旁市集，又餓起上來，於是又去了醫肚揀了這間車仔麵幫親，我叫了一個剩餸，炸黃金墨魚卷超正，冬菇及魷魚就一般般；另一碗就叫了三餸，雞翼尖、豬皮及豬紅油麵，都很入味。另外，每碗價錢夠$30或以上，可以優惠價買飲品架

好多時游完船河都好想試，無奈次次都成班朋友有飯局今日終於有幸嘗試可惜豬大腸好硬雖然豆卜本身係乾，但係佢實在太乾魚皮餃，尤魚不過不失最嚴重一食啖油麵。。。餿了天氣熱，都不是食餿的麵吧給餸的姐姐亦是一味口黑面黑好似我得罪左佢咁仲要不是便宜的失望😞

今天專程去西貢的松記車仔麵食午餐，和老公一人叫了一碗車仔麵，我叫了蘿白雞翼米粉，老公叫了豬皮豬紅及翼尖生粗麵，大家互換了餸來吃，好like 雞翼及翼尖，鹵水汁很入味，蘿白都好焾。還有，如車仔麵的價錢過$30，便可特價order 特飲啊

今日約左成班朋友去西貢釣墨魚，又未夠鐘，又有D肚餓，就行去揾野食，路過呢間車仔麵，就試下呢間啦，服務態度同衛生環境都好好，但食物質素就一般般啦，無乜特別，價錢比較偏貴！

難得一次入西貢，所以打算食下松記車仔面。但竟然無曬兒時的味道，雖然已成過去，味道變到非常一般。澄子小姐叫咗雞翼尖，魚皮餃，蘿蔔，豬皮，生菜。味道除咗無味之外，真系無味。連面底同個湯都無味。但個魚餃本身幾好食。fd子個碗牛腩，豬大腸，豬手叫做好少少。但湯底仍出奇地淡而無味。松記真系一年不如一年，服務態度下降，野食質素變差，真心希望改善下。已成為40年歷史老字號的松記竟然變成咁真系有d失望。實在令人嘆息…