西貢松記車仔麵

營業中

休息中

難得來到西貢區，小妹係絕對唔會錯過任何覓食機會，當然緊係要周圍掃街食埋宵夜啦🤣。尋尋覓覓，發現了間人氣車仔麵店，於是來個3餸車仔麵，咖哩魚蛋、豬紅、墨魚條配油麵，湯底選擇了腩汁，濃郁嘅湯底，魚蛋彈牙，豬紅滑，黑魚條有黑魚粒，有口感，美味😋。

西貢食野多選擇，但唔想下午茶下下食海鮮，茶記，西餐或泰菜，可以選擇近小巴站既車仔麵，既方面又唔洗排隊，坐低落單，味道中規中矩，但算偏咸，濃味，食後頗口喝，從其他食客中聽聞依間車仔麵以前係門口排哂隊落單，再坐入去食，現在係先坐低再有姐姐落單，出名好似豬手，但我少食，主要怕𦧲骨，所以食得簡單，最基本既豬紅豬皮蘿蔔油麵，味道之前都講了，都冇贊冇彈，41蚊3餸加油麵同市區差唔多，跟飲品加10蚊。我諗佢同其他車仔麵舖最大分別佢比較乾淨同埋整齊，食物就冇乜特別。

幾年前食過呢間車仔麵，明明好出色，估唔到而家已經變到咁唔好食豬紅牛柏葉河粉 湯底顏色明明好深色，但唔知點解勁淡味牛柏葉爽口，但完全吸唔到任何湯底嘅味道，有點失望。同埋想叫個侍應拎辣椒油，叫咗幾次都冇人理我😢最後都係自己去拎

早餐試吓車仔麵，其實幾年前已經食過🤓睇返食評先知咁多個伏，試一試個八寶麵講真以呢個價錢呢個質素真係值得去試，首先水魷白烚，已經冇誠意，有豬皮、蘿蔔、魚蛋、雞翼、水魷魚、菜，只係基本餸，都可以做得咁差，諗唔到有咩值得稱讚既地方，魚蛋好腍除咗豬皮係有可取之處，早上食返個頹早餐可能冇咁期待😅😅😅去到最後純粹講阿姐嘅態度，明白咁忙亦唔需要招呼，但係問非所答實令人厭惡。真係正式宣佈呢一間車仔麵，唔好浪費個肚去試

The waitress wearing a black mask put down the bowl with a big bang on the table and the sauce spilled all over my dad’s white shirt. She quickly wiped the table without saying sorry and walked away. When we complained to the boss, he looked at the floor and said that my dad spilled the bubble tea by himself. He did not even see the whole incident and insisted it was bubble tea spilled and we were responsible. Outrageous! The waitress has bad service. That’s for sure. But the boss/owner’s atti

這是一家久仰大名的地道車仔麵餐廳。假期經過的時候已經排起長長的隊伍，客人都是一家大小。一行四人叫了三個餐，還有一杯凍奶茶，珍珠凍奶茶，喜歡喝甜的沒話可說，牛腩麵他家的招牌，牛腩軟硬適中，也都還可以吧，中規中鉅。另外一個三菜的米粉，配搭香港特色三寶，泰式煎魚餅，煎蛋。還有一個出前一丁麵底，灑上玉米，配上墨魚丸還有超大的雞中翼，這個應該不是火雞翼吧？所有的食物和飲料都是OK，不過服務停好對著遊客也是很有耐心的講解，所以現場有那麼多人是有原因吧。

冇嚟松記食車仔麵冇八年都有七年，咁啱入嚟西貢心郁郁就走去食！叫咗個盛惠$75嘅百寶車仔麵，再加咗個$38嘅咖喱魷魚，以為執到寶！點知咖喱同魷魚之間好陌生，佢哋溝通唔到，咖喱黐唔到上魷魚，食落咖喱醬還咖喱醬，魷魚掛唔到汁，完全冇味！唔緊要，我仲有碗八寶車仔麵頂住，成碗嘢顏色豐富，滷水湯充滿八角嘅味道，甚至乎有個阿叔行過都聞到，仲話呢檔嘢啲牛腩好香好好味！等我仲鬼死咁開心，滿懷歡喜食落去，點知啲食物淨係有顏色，冇味道！咖喱魚蛋除咗顏色之外，冇咖喱味冇魚味，滷水雞翼滷得好靚，但係食落去淡如水！紅腸豬皮，正常交易未能扭轉劣勢…我以前真係好鍾意食呢間嘢，打死都冇諗過會落到今日咁嘅田地，比貴啲錢食一碗車仔麵，只要好食係唔會有問題，但係今日喺松記食嘅呢碗完全令我覺得成名係會令到質素降低，好希望下次我再入西貢，見返松記你，你會俾到我以前同你邂逅嘅感覺！加油！

西貢美食街其中一間餐廳西貢松記車仔麵～～～～～～～～～～～～～～～～～～～～呢間餐廳次次經過都見有人食。喺西貢都算出名嘅有一日同家人入呢條街就入去試下味道👅餐廳裝修同出茶餐廳差唔多坐落去都算舒服～～～～～～～～～～～～～～～～～～～～車仔麵口感算ok 啖湯顏色深但飲落口冇乜味道都比較淡豬腸咬落有少少韌，但係處理手法都算妥妥當當同埋都好夠味豬手軟硬剛剛好但係味道都係偏淡dd 如果調味再多少少，會惹味好多

一轉角，發現松記門外熙熙攘攘，我就知道我選對了！店內空間比我想像中大，好有港式小食店嘅feel😌。餐牌上嘅選擇多到令人眼花撩亂，猶豫再三，我揀了牛筋腩麵加金錢肚，輕輕撥開湯面，啲牛筋腩富有彈性又唔會太硬，每一啖都滿是滋味😋。至於金錢肚，就算擺喺湯底下咁耐，都仲保持住佢嗰份鬆化嘅彈牙感覺，真係一流👍。蘿蔔煮得啱啱好，吸滿咗湯汁之精華，軟綿又不失蘿蔔嗰種自然甘甜；而啲車仔麵，小小嘅煙靭，係口感上實在太贏晒！😍 湯底醇厚得黎又唔會過於油膩，湯飲落去就熱辣辣，好暖笠笠嘅心窩。然後呢，當然少不了下午茶嘅傳統拍檔—奶茶🥤。啱啱好甜度，不過有少少太多冰塊，不過係大熱天飲，都算爽口。行過西貢，唔試下松記車仔麵真係會後悔㗎！就係咁準備好比松記浸一浸味蕾嘅hideaway之旅啦！🎉

今天與男朋友去西貢，打算揾好野食，我們去了這間被人稱西貢必食的車仔麵檔，剛巧有電視節目主持人來拍攝，也介紹這間是西貢出名。我們各自叫了三餸（最少三餸）。我叫了米缐，男友要粗麵。麵的份量很少，湯不熱，顏色深但味道淡，好似咖喱溝水。魷魚完全無味，豬皮也淡，但價錢貴，完全不值這個價錢。其他餸的份量也很小。比起其他車仔麵檔，這間被人稱西貢最出名的車仔麵檔，簡直令人失望，不知道為何可以出名，不會再去第二次。

Passing by seeing this noodle place in a pretty big shop location, my family once saw their menu served beef entrails already decided to enter. Restaurant was pretty bright and spacious. Staff allowed us to seat freely but once we sat, she asked us to move to the center part of the restaurant instead of corner seats. Menu was already placed on the table, serving variety toppings for noodle.We ordered three bowls of noodle and two drinks. I will only talk about my food which we didn't shared. Min

今日黎到西貢hea 下，下晝唔知食乜好，就黎到松記試下車仔麵🍜見到車仔麵價錢比較進取，於是叫左個八寶車仔麵試下。1️⃣盤滿缽滿八寶麵🍜💰72裡面有雞中翼、魚蛋、紅腸、豬皮、豬紅、魷魚、蘿蔔、生菜。老實講，成碗麵睇落好深色，但係飲落係好淡味，餸除左雞翼我覺得OK之外，其他都好普通🥲🥲🥲價格偏貴消費價錢：一人💰72結論：（10分為滿分）味道：4/10性價比：4/10回頭指數：4/10餐廳名稱：西貢松記車仔麵餐廳地址：西貢福民路高勝樓19-21號地下

小編又走左入黎西貢搵食啦！幾個友人都話由細細個開始食呢間西貢松記車仔麵，但小編卻竟然從未試過？！搞到心思思要試下點解可以人人食過咁濟！【 滷水豬大腸牛筋腩米線】$48說實話，餐牌既圖睇落去並不吸引，掛湯顏色有點過淺，但上菜見到既色水又其實唔錯，仲幾吸引架原來，估佢唔到。豬大睇食落口勁乾淨無一pat pat肥膏喺入面，一早處理得妥妥當當！牛筋鬆軟，2道餸都相當唔錯👍🏻【芒果QQ】$12 單價$24，跟麵食點可享半價。 味道都唔錯。分數：（10分滿分💛）味道：7.5價錢：7.5環境：7.5服務：7.5（以上評分只是小編個人口味而已）💥 西貢松記車仔麵 📍西貢福民路高勝樓19-21號地下#美食 #香港美食 #吃貨 #相機食先 #tagforfood #foodie #foodlover #hkrestaurant #gastronomy#hkigfood #hkfood #hkfoodpic #hkfoodstagram #hkfoodshare #hkfoodlover #hkfoodie #hongkong #hongkongfood #hkig#hkgirl #hongkongfood

今日入西貢行下， 享受左柔和嘅春風， 美麗嘅大自然景色， 同狗狗玩咗一大輪之後， 有啲肚餓， 但又唔想食太豐富， 於是走去食車仔面，見到呢度人都幾多， 以為應該唔會差得去邊， 兩個人都叫咗牛筋腩 ，我要河粉， honey要幼麵， 又加咗蘿蔔 。因為人多嘅關係， 粉麵都要等幾耐先至送到， 店員都好好禮貌 ，話畀我哋聽啲麵要煮耐啲㗎 。等耐啲冇所謂，最緊要有得食。 兩碗筋腩 河面先後送到 ，一食落去 ，啲牛腩好柴， 咬唔開。 牛筋就ok 。河粉味道正常， 幼麵就唔好食， 碗湯味道偏甜好奇怪， 呢一餐最好食就係嗰幾嚿蘿蔔， 清香爽甜 ，但係主要嘅食物就強差人意， 所以呢一餐係唔合格。

今日仔仔話要食車仔麵，於是走咗入西貢食松記車仔麵，小朋友第一眼見到車仔送就話咗聲，於是揀咗幾個餸，職員亦都好細心咁介紹小朋友食啲咩係最好，同埋介紹小朋友飲咩飲品係最好，整體上服務態度係非常之好，你食物就……普普通通咁啦，