西貢松記車仔麵

營業中

休息中

講到食車仔麵唔係要認叻，真係由細食到大，勝在多嘢揀。最近都食咗好幾間，Lee間就真係幾唔錯，每次同老婆食車仔麵都係3餸變6餸，今次都唔例外，真係可以試多D架，Lee間除咗湯底好味(有個特別嘅汁)，食物質素都掂喎；豬腸乾淨又無一陣味；牛肚又夠厚身有口感；加埋老婆加餸，招牌牛筋腩，忟得夠"淋"肉味香濃，真係好食；仲有豬紅，堅嘢好食唔會一夾就散嗰種，真係好味。只要大家唔介意係巷仔排一陣隊等叫餸，真係要試下。