西塔老太太烤肉

營業中

休息中

喺openrice搵咗吓燒肉,發現咗呢間過江龍燒肉店,於是趁臨入黑未需要排隊就入咗去~好彩我哋六點前已經入座,到夜晚六點零幾乎已經滿座🤭本身都諗住睇吓有冇套餐叫,先知原來咁啱有半價優惠😱極上牛肉二人餐五點至七點前離座都係$298仲要免加一😨所以我哋諗都冇諗直接叫咗,啱唒我哋牛魔王食😋等嘢食嘅時候可以食住啲前菜先😋沙律菜幾新鮮,薯蓉甜甜地好好食👍🏻唔夠亦都可以再加套餐首先嚟咗個牛肉海帶湯,海帶超級無敵多😂飲咗兩大碗仲有淨👍幾暖胃又開胃然後我啲牛牛好快都到左😍肥牛嘅油脂分布得幾好,本身仲擔心會好肥,點知食落半肥瘦啱啱好!唔會韌亦都唔會好油膩👍瘦牛雖然脂肪唔多,但係食落都好軟腍,經醃製過唔使點其他醬汁都好夠味,同時亦都食得出牛嘅香味😋雪花肋條牛味好濃,口感唔錯,而且嫩滑多汁😋汁燒橫膈膜比較厚身,食落有啲咬口更加好食,非常適合包菜食👍🏻就算包咗菜,加咗蒜片同辣醬都唔會掩蓋咗牛本身嘅香味呢個真係打卡一流🤣賣相已經好吸引,加上本身都鍾意食燒菠蘿!原來呢個配搭係有根據嘅~菠蘿同牛一齊食除咗可以解膩,亦都可以喺燒肉嘅時候令牛變得更加嫩!雖然牛扒睇落好瘦,但我哋將菠蘿放喺牛上面燒,食落牛扒除咗有鳳梨嘅甜

之前上openrice搵尖東餐廳，見到呢件啲肉望落幾吸引，於是就嚟試下！座位都好闊落，坐得好舒服聽店員講宜家做緊promotion, 有得揀套餐，可以咩都試下！7點前離座仲可以半價，都幾抵🤔我地今日就試左3-4人嘅套餐！餐廳係行韓燒style, 所以都有啲泡菜etc做前菜店員幫我地調左呢個醬，有好香濃嘅胡麻醬味，但因為落左醋所以令成個醬冇咁膩！牛肉方面有肥牛、瘦牛、雪花肋條、橫隔膜。個人覺得肥牛同瘦牛比較適合就咁點醬食橫隔膜同雪花肋條呢啲比較厚肉嘅部位就好適合用生菜包住食‼️推薦大家燒下啲蒜再包住食，會冇咁辣同埋香口啲～豬五花非常厚身！都好啱用生菜包嚟食！不過我會點多少少鹽，因為呢個五花肉就本身冇乜調味嘅，食佢嘅原汁原味！海鮮方面有扇貝、魷魚、鰻魚。扇貝預先已經切好一片片，方便燒同埋分嚟食店員全程都好貼心，好多時見我地唔識燒會主動嚟幫手燒👍🏻是日mvp係鰻魚😋新鮮燒起嘅鰻魚外脆內裏好彈牙，點啲鰻魚汁再用紫蘇葉同紫菜包起，減少左魚油個份膩，即刻可以食多幾舊🤭-總結：食物既新鮮又高質，個人最surprised係鰻魚，好少喺香港見燒肉有得燒鰻魚，仲要係好食嘅！推薦大家嚟試下！

終於唔使返大陸，都可以食到炭爐燒肉啦，重有值得一讚嘅係呢度抽風系統唔錯，食完唔會成身油煙味，而且仲有專人幫你燒埋，今次就叫咗個四人餐🥳除咗牛仲有我鍾意既海鮮食🤤海鮮有原隻魷魚、鰻魚同帶子第一次食原條炭爐燒魷魚，超級香呀，魷魚烤完重係好柔軟Juicy烤新鮮鰻魚原來好彈牙，食一啖已經魚油爆發，比起醬汁燒鰻魚係另一種風味帶子切咗片撈咗少少辣椒用錫紙兜嚟烤好惹味牛就有分肥牛同瘦牛烤雪花牛肋條、燒汁橫隔膜、厚切豬五花，要睇調料搭配秘籍，分別有芝麻醬、烤肉汁、辣汁、乾料，店員會細心介紹配搭咩醬料最好食😋食烤肉配搭醬料再用生菜包住嚟食最正，烤鰻魚就用紫菜包住嚟食，幾特別，食太多牛覺得肥膩亦可以食番啲牛油白蘑菇冇咁肥膩

17:00-19:00 前離座有半價優惠,仲有免加一除開兩個人, 人頭唔洗150就食到咁多部位又高質既肉肉上菜前店員會係面前調配西塔老太太既特式麻醬套餐已經包左多款肉同主食前菜既沙律、醃菜、配料仲可以無限refill薯仔沙律甜甜地好好食水冷麵係香港食水冷麵真係唔係到到都咁夠冰凍食落口係透心涼醋同泡菜味道又唔會太搶海帶湯好足料! 每啖都有海帶同肉絲蘑菇拼盤蘑菇燒完店員會建議飲左一口蘑菇汁再沾辣汁食燒汁橫隔膜呢個部位其實係牛胃既一部分口感有彈性容易嚼碎,味道濃郁鳳梨牛排擺盤超靚.燒既時候鳳梨放肉上面除左令肉吸收到鳳梨味, 其實當中既酵素都會令肉質軟嫩D雪花勒條勒條帶有濃濃既牛味油花多肉質嫩滑, 多多都唔夠食呀呢款!老太太特色瘦牛聽到瘦肉無咩好感,點知一D都唔柴連瘦肉都做到咁好食!老太太特色肥牛入口即爆發牛香, 油脂感重DD沾埋麻醬一口接一口咁食!麻醬用左白醋同豉油稀釋, 略帶酸味剛好解膩!除左食物, 呢到既店員服務真係做到以家香港成日講既禮貌之都代表店員會幫手燒同埋分菜, 細心剪去焦邊循循善誘咁介紹肉可以配咩醬最好

內地網紅推介烤肉店，在尖沙咀開左新店，我哋點既極上牛肉二人份，17:00-19:00前離座，可享半價優惠和免加一，非常抵食。餐廳提供既秘製芝麻醬，令烤肉既味道更有層次，另外仲有烤肉汁、辣汁、干料，款款都滋味無窮。前菜共有六款，全部都可以無限添加。老太太特色肥牛：油脂含量飽滿，肉質肥美。老太太特色瘦牛：瘦牛好明顯無咁多脂肪，肉質有嚼勁。雪花肋條：油脂分佈平均，肉質較厚實。鳳梨牛排：牛排油香四溢，配上酸酸甜甜既鳳梨，味道好夾。燒汁橫隔膜：最有牛肉味既部位，肉質軟嫩多汁。蘑菇拼盤：有幾款唔同既菇，平衡番個味覺。海帶湯：食烤肉後，喝碗熱辣辣既湯，正好減低油膩感。冷麵：麵質爽口，加左牛展、雞蛋、青瓜絲、蘿蔔絲、配以韓式酸甜湯底，倍添惹味。總結，地點便利，食物水準高，份量十足，店員服務好，烤肉迷絕對不能錯過。

位於尖沙咀嘅西塔老太太，係一間相當出名嘅連鎖韓式燒烤店，佢地提供極高質素嘅燒烤套餐。今次我選擇咗佢哋嘅極上牛肉二人份套餐，而且好彩趕得切5點至7點嘅半價優惠，只係需要$298，仲要免加一！食到咁多高級肉類，實在係太抵食！首先，講吓套餐入面嘅老太太特色肥牛同老太太特色瘦牛，呢兩款肉質都非常優質，肥牛嘅脂肪分佈均勻。瘦牛肉質緊實但非常嫩滑，香氣滿溢。由店員隻手燒出嚟，每塊肉都燒得恰到好處，保持咗肉嘅鮮味同彈性。講到雪花肋條，呢款我特別推介。肋條嘅肉質軟嫩，有足夠嘅脂肪層，燒烤後外層微焦香脆，內裡則保持肉汁，每一啖都係肉香四溢嘅享受。而香翁鳳梨牛排亦非常特別，鳳梨嘅天然酸甜能夠中和牛排嘅油脂，帶嚟清新嘅口感。燒汁橫隔膜同蘑菇拼盤都表現出色。橫隔膜部分薄且有嚼勁，配上特製燒汁之後更顯美味；而蘑菇拼盤則包括咗幾種唔同嘅蘑菇，每種都保持咗菇嘅原始味道同口感，非常適合配合肉類一齊食。套餐中嘅牛肉海帶湯同韓式冷面都非常適合作為收尾。海帶湯清新解膩，而韓式冷面則滑嫩爽口，麵條彈牙，湯底酸甜適中，特別適合夏天食用。西塔老太太嘅極上牛肉套餐唔單止份量足，每款食材嘅質素都非常高，加上合理嘅價格同舒適嘅環境，店

今晚去左尖沙咀內地過江龍「西塔老太太」食東北烤肉🍖首間香港分店源用返朝鮮族傳統老式泥爐烤及菊花炭作爐底🙌烤起來肉完全保留原汁原味😬今晚我哋5點入座點咗個三至四人餐🤗依家係7點前離座只係$498蚊仲免加一😎套餐包咗前菜任食、另外豬牛同埋海鮮🤩真心好抵食👍牛肉有老太太特色肥牛及特色瘦牛🐮師傅用左手秘製香料醃製🤩肥牛油脂豐富燒起來火氣十足😬特色瘦牛肉質鮮美🤗點埋麻醬、醋 及豉油一齊食肉香撲鼻🤤雪花肋條及澆汁橫隔膜牛味濃郁😋啱哂一眾牛魔王🙌🐷厚切豬五花燒至兩邊表面金黃再剪開一小件帶焦香😬肥瘦比例恰到好處👍入口有嚼勁肉汁豐富🤩點埋烤肉汁放係生菜🥬一齊食中和哂豬肉油膩感😋西塔特色鮮烤鰻魚先沾滿鰻魚醬後放上鐵網燒至魚皮帶焦脆😬肉質肥厚彈牙🤩香濃鰻魚醬汁完全慘到魚肉中😬用紫蘇葉及紫菜包住食好正😊特色鮮活烤帶子浸係蒜粒辣椒醬油中😊醬汁滾起帶子變白就食得😊剛剛熟好滑身😍鮮烤原條魷魚🦑粗大飽滿☺️ 魷魚肉質帶彈牙口感😊點埋辣乾料一齊食好香口感層次豐富😊最後食埋牛油白蘑菇🍄‍🟫蘑菇肥厚飽滿🤩打開錫紙會聞到陣陣嘅酸洋蔥味☺️ 白蘑菇帶奶香細膩😋

今日同屋企人去咗西塔老太太嗰度慶祝生日。我哋叫咗個四人嘅套餐，因為有鰻魚，所以都幾期待。鰻魚嘅肉非常之厚實，我哋每人都食到兩件，佢本身配咗紫蘇葉同埋紫菜。我哋發覺有紫蘇葉同無紫蘇葉食係好似食緊兩個唔同風味嘅鰻魚，強烈建議大家都試吓有同無嘅版本。我覺得依一隻紫蘇葉同日本餐廳嗰啲紫蘇葉唔係好同，佢嘅味道冇咁強烈，但紫蘇淡淡嘅香氣配埋鰻魚一齊食嘅時候會減輕咗燒烤嘅嗰種油膩，我個人好鐘意另外佢仲有成條魷魚放上去燒，幫我哋剪埋，新鮮嘅魷魚果然係好食，但那不只仲有少少焦香嘅口感同埋氣味，超正🤭豬肉燒起嚟香而不So，而且肉質鮮嫩，我本身都好驚佢會燒到好乾或者肉質好柴，但完全冇。係比較驚喜。另外我哋仲叫咗個菠蘿牛肉，非常之打卡嘅一個菜式，牛肉肉質雖然唔算得上係上乘，但係都好有牛味。而且菠蘿係新鮮菠蘿整出嚟嘅，燒起嚟零舍好食。

其實平時好鍾意食燒肉，但係份人好懶覺得自己親手慢慢燒好攰😂😂😂而且都成日掌握唔好火候。依間燒肉舖可以滿足咗我享受燒肉，又可以唔使自己郁手嘅願望🤣🤣去到嘅時候其實舖頭有好多客，但店員都會盡量幫手燒肉，而且手勢都唔錯！食物方面我哋試咗兩人餐，唔使$300而且仲要唔使加一，兩個人都食到好飽幾抵食！只係用餐時間要喺夜晚7點之前落單，對於打工仔嚟講時間就唔係太方便，但勝在夠抵食。有兩款餐可以揀。食物質素方面都唔錯㗎，令我印象最深刻嘅係鳳梨牛排，鳳梨食落好Juicy好鮮甜，牛排質素都好好，肥瘦均勻得來又唔缺油香！其他配菜方面我都幾滿意，尤其係冷麵，係食完油膩嘅肉類之後食碗清爽嘅冷麵有好好嘅解膩效果！總體而言，作為內地過江龍燒肉牌子嚟講味道同普通嘅韓國燒肉係有少少唔同嘅，幾欣賞佢哋嘅特色醬汁鍾意食芝麻醬嘅人應該會好鍾意！

西塔老太太烤肉的內部環境光猛，燒烤爐的抽油煙能力高，用餐後不會渾身是油煙味。今晚與朋友點了一個三至四人餐，食物質素很好，很滿足！全程都有店員主理燒烤，服務非常周到！😋肥牛、瘦牛:這些肉品切得薄而均勻，烤至完美的嫩度。肥牛散發出誘人的香氣，入口即化。而瘦牛則展現出細緻的口感和豐富的牛肉風味。😚雪花肋條、燒汁橫隔膜:肉質鮮嫩多汁😙厚切豬五花：豬肉切得厚實，烤後表皮酥脆，內部卻保持了豐富的肉汁😗鰻魚、帶子：鰻魚烤得剛剛好，魚肉鮮嫩帶子鮮美😗原條魷魚、牛油白蘑菇魷魚烤至柔軟牛油白蘑菇口感豐潤

之前已經聽過深圳呢間燒肉，原來香港都有，咁方便就試吓餐廳感覺很開陽，坐得好舒服，一入到去餐廳的職員已經好有禮貌，主動送上前菜，仲話可以免費添加前菜有沙律、醃蘿蔔、薯蓉，青瓜等等，全部都好開胃，配上烤肉食可以解油膩烤肉我主要揀咗牛肉，係極尚羽下肉及極上雪花肉，兩款都係上等肉雪花肉的油脂分布很平均，肉質很軟熟，充滿牛香味，配上簡單的烤肉汁已經足夠羽下肉係本身調咗甜甜的醬汁，油脂更為豐富，可以夾生菜一起食，店員更加會主動幫忙燒肉，很貼心墨魚腸係好特別，全條黑色，燒完脆卜卜，食落甜甜地仲叫咗個老式拌飯，主要材料有煎蛋，紫菜，店員會幫忙拌飯，感覺好似韓式拌飯辣白菜似韓式泡菜，食落唔會太辣，鹹度剛剛好，配上烤肉食很開胃餐廳的服務質素比香港一般餐廳好得多，店員主動又有禮貌，係一個難忘的烤肉體驗

去到尖東附近，唔知食乜好，見到一個光亮嘅招牌有烤肉食，內在環境裝修唔錯，非常新淨，所以入去試一試。呢度有多款唔同嘅烤肉選擇，牛類嘅部位同埋種類相當之多，另外唔食牛嘅亦都有豬同埋雞可以選擇。十分欣賞服務員非常細心講解餐牌，亦都會幫手準備唔同嘅醬汁調料盤，仲有介紹埋唔同醬汁嘅使用方法。比較特別嘅係佢哋自家芝麻醬，係一球芝麻醬配上醬油同埋醋，撈勻之後非常特別同埋啱口味。呢度嘅烤肉都有附上免費嘅前菜，有需要仲可以不停加都係免費。個人就非常推薦一啲生菜同埋沙律，配上烤肉可以減少油膩。當日點咗唔同嘅肉類試一試，包豬頸肉非常新鮮，店員都好細心會詢問需唔需要幫手烤肉。當日有請店員幫手燒烤，第一就可以唔怕烤焦肉類，品嚐肉類最好嘅狀態。另外亦都可以同朋友專心傾偈，唔使一心二用。烤到啲肉熟嘅時候店員都會放喺側邊嘅小碟，亦都有耐心講解推介點上邊一種嘅醬汁比較搭配。牛肉方面就點咗比較高質素嘅雪花牛同埋牛肋肉，肉類嘅質素非常之高，烤到微蕉嘅狀態口感十分之好。配上唔同嘅醬汁又有唔同嘅風味。食到有少少膩嘅時候配上生菜，又可以繼續食多幾塊。令人欲罷不能。另外，如果唔食牛嘅朋友，除咗豬之外，亦都可以試吓點雞肉。雞肉10分

唔知點解，朋友3號風球竟然都拉我出去食嘢，我哋去咗尖沙咀噴水池隔離的西塔老太太食烤肉。估唔到依家烤肉店員會幫我哋燒埋，我覺得服務真係好好。不過店員都有解釋如果客人太多嘅時候可能就未必可以全程有時間幫我哋燒，我哋都理解嘅，不過今餐有人serve埋真係爽歪歪😜如果係自己燒嘅話，我應該再靚嘅肉都會燒到老晒🥲我哋一坐低，佢就上咗啲醬料同埋前菜先。前菜有四款，我覺得四款都好好食，我哋encore咗幾次。薯蓉本身以為會好飽，但係佢可以做到好清爽，食極都唔膩。至於蔬菜沙律同埋一啲蘿蔔絲就更加係開胃，大家嚟到一定要試呀醬料個方面，店員話呢個係芝麻花生醬，隔離嘅係京蔥同埋芫荽，佢哋建議落一圈豉油，再落三圈嘅醋。Mix埋一齊之後個花生醬真係好香。嘢食方面我哋叫咗一碟肥牛，肥牛店員燒得啱啱好，包埋啲前菜食真係一流。見到張相又想再食另外我哋仲叫咗塊靚嘅牛， size都幾大份，店員幫我哋燒完之後剪開咗，另外仲好貼心咁問我哋想唔想試吓啲熟啲嘅口味，於是就幫我哋燒咗幾條相對熟少少嘅。隔籬嗰個口磨好正，口磨烤嘅時候佢中間會出水。店員佢叫我哋先飲咗裏面嘅水跟住先至再食個蘑菇。真係好鮮味。另外我哋仲叫咗一個炒年糕。呢個炒

聽聞呢間系超人氣內地燒肉店，開到香港，位於尖東📍5點左右到，冇預約唔洗排隊都入到！今次叫左2-3人餐💰698，食物都好豐富🤤套餐有唔同部位嘅牛肉、豬肉同埋前菜，仲有沙律菜、泡菜、薯蓉、辣蘿蔔絲可以無限任添！餐廳提供嘅醬料都好多選擇，🌶️辣椒醬，辣椒面，青椒，仲有秘制特色麻醬！將芝麻醬球、香菜、蔥、醬油、醋攪拌而成嘅醬料真系好好味，好解膩！餐牌亦有推薦各種肉類可以點嘅醬汁，非常貼心。餐廳嘅服務都值得一贊，店員會主動幫我們烤肉，添加茶水，烤盤也換得好密👍🏻🔸芝士焗粟米前菜嘅焗粟米都好出色，鐵板熱辣辣上，🧀芝士可以拉絲到勁長，🌽粟米粒香甜的，加上芝士咸咸甜甜好好吃🔸老太太特色肥牛🥩肥牛肥瘦相間，肥而唔膩，肉質鮮美多汁，烤出黎非常香！🔸老太太特色瘦牛🥩瘦牛比肥牛大片，同樣散發微甜，肉味比較重一d🔸 澆汁橫膈膜🥩橫膈膜十分厚身，超級有分量，烤完非常juicy，咬落有彈性，醃汁有甜甜的味道🔸雪花肋條非常漂亮嘅雪花紋理，肉質嫩滑，烤完外焦內嫩，配埋生菜食更美味清新🔸厚切豬五花🐷大大條厚切豬五花，肥瘦相間，燒到金黃色焦香，迫曬d油出黎，香口惹味唔會油膩🔸錫紙金針菇連汁料整包放系爐上烤，超入味，重蒜香味，

今日聽朋友介紹去咗尖沙咀西塔老太太食烤肉，餐廳里邊好干淨，服務員態度非常好，我叫咗烤豬肉、雞肉和牛肉肉質好新鮮，同埋最特別嘅韓國黑色香腸超好味好香，個香腸好特別，我都系第一次試，大家可以去試下，真系好好味