影片
更多
2024-06-04
38 瀏覽
去到尖東附近，唔知食乜好，見到一個光亮嘅招牌有烤肉食，內在環境裝修唔錯，非常新淨，所以入去試一試。呢度有多款唔同嘅烤肉選擇，牛類嘅部位同埋種類相當之多，另外唔食牛嘅亦都有豬同埋雞可以選擇。十分欣賞服務員非常細心講解餐牌，亦都會幫手準備唔同嘅醬汁調料盤，仲有介紹埋唔同醬汁嘅使用方法。比較特別嘅係佢哋自家芝麻醬，係一球芝麻醬配上醬油同埋醋，撈勻之後非常特別同埋啱口味。呢度嘅烤肉都有附上免費嘅前菜，有需要仲可以不停加都係免費。個人就非常推薦一啲生菜同埋沙律，配上烤肉可以減少油膩。當日點咗唔同嘅肉類試一試，包豬頸肉非常新鮮，店員都好細心會詢問需唔需要幫手烤肉。當日有請店員幫手燒烤，第一就可以唔怕烤焦肉類，品嚐肉類最好嘅狀態。另外亦都可以同朋友專心傾偈，唔使一心二用。烤到啲肉熟嘅時候店員都會放喺側邊嘅小碟，亦都有耐心講解推介點上邊一種嘅醬汁比較搭配。牛肉方面就點咗比較高質素嘅雪花牛同埋牛肋肉，肉類嘅質素非常之高，烤到微蕉嘅狀態口感十分之好。配上唔同嘅醬汁又有唔同嘅風味。食到有少少膩嘅時候配上生菜，又可以繼續食多幾塊。令人欲罷不能。另外，如果唔食牛嘅朋友，除咗豬之外，亦都可以試吓點雞肉。雞肉10分
呢度有多款唔同嘅烤肉選擇，牛類嘅部位同埋種類相當之多，另外唔食牛嘅亦都有豬同埋雞可以選擇。
十分欣賞服務員非常細心講解餐牌，亦都會幫手準備唔同嘅醬汁調料盤，仲有介紹埋唔同醬汁嘅使用方法。比較特別嘅係佢哋自家芝麻醬，係一球芝麻醬配上醬油同埋醋，撈勻之後非常特別同埋啱口味。
呢度嘅烤肉都有附上免費嘅前菜，有需要仲可以不停加都係免費。個人就非常推薦一啲生菜同埋沙律，配上烤肉可以減少油膩。
當日點咗唔同嘅肉類試一試，包豬頸肉非常新鮮，店員都好細心會詢問需唔需要幫手烤肉。當日有請店員幫手燒烤，第一就可以唔怕烤焦肉類，品嚐肉類最好嘅狀態。另外亦都可以同朋友專心傾偈，唔使一心二用。
烤到啲肉熟嘅時候店員都會放喺側邊嘅小碟，亦都有耐心講解推介點上邊一種嘅醬汁比較搭配。
牛肉方面就點咗比較高質素嘅雪花牛同埋牛肋肉，肉類嘅質素非常之高，烤到微蕉嘅狀態口感十分之好。配上唔同嘅醬汁又有唔同嘅風味。食到有少少膩嘅時候配上生菜，又可以繼續食多幾塊。令人欲罷不能。
另外，如果唔食牛嘅朋友，除咗豬之外，亦都可以試吓點雞肉。雞肉10分嫩滑，而且雞件十分大件，非常抵食。烤完之後雞嘅肉汁仲會保留左喺裏面。
最後，仲點多咗個烤金菇，平衡一下肉類帶嚟嘅口感，金菇包裝已經有一定嘅調味料，配合埋切碎咗嘅辣椒，食落去味道非常足夠。比較欣賞嘅係金菇嘅質地非常軟熟，而且唔會太硬黐埋一舊，食落去，好容易咀嚼。
雖然係烤肉店，但係呢度嘅抽風系統相當好，入到店內以至食完之後都唔會有一浸燒肉嘅味道。
而且服務員嘅態度每一位都十分之好，主動幫忙上菜，加水，燒烤等等，所以嚟到尖東嘅朋友記得嚟試一試囉。
張貼
