蠔站 (荃新天地)

營業中

休息中

Set lunch選擇多，今次試左好耐冇食既stone grill.. $98份有沙律，湯，餐包，牛扒，飲品真係算抵食, lunch time亦有供應$10隻特價生蠔，最大方係冇限量供應...其他刺身75折，推介海膽，夠新鮮

公司位於荃新天地附近，又幾鐘意食蠔。所以呢間分店都去過好幾次。前2次食都覺得啲蠔又正又抵食但係上次同今次就覺得質素下降左，變得好細隻同薄身咗好多！當然$10隻就唔可以要求咁高啦！只不過係有d失望 試過好野就覺得返唔到轉頭，所以都係忍唔住叫咗幾隻正價蠔過口癮！其他食物都保持一貫水準，唔錯尤其是好鍾意佢個黑松露意大利飯，好香好好吃！總括嚟講餐廳食物同環境係唔錯嘅！但係如果你一心預計去食promote蠔，咁你可能會有啲失望。

專程去吃生蠔，剛好做緊午市優惠價$128/6隻(有3個出產地)，大大個好飽滿，好新鮮，~抵吃，一些酒店自助餐都無甘既質素。餐廳環境裝修靚靚整潔，服務好，坐得舒適。意大利飯徧咸，清淡一啲，更好。

悉逢週未都要四出覓食，蠍站一定係我最佳選擇之一。價錢親民，食蠔有平有貴岩哂鐘野食蠔既朋友。每次來到店員都好好服務態度，由是疫情既關係，基本上一來到就可以入座。咁來到一定要叫返個好耐無食既豬手先，外脆內軟，每次來親都要食，份量大可以3~4人食用，兩個人就比較劑一啲，不過對大胃王來講就根係無問題啦。 都無令我失望，依然都係咁有水準。

等咗今晚好耐好想食生蠔用OpenRice book位 20:45 正價餐牌8折主角係生蠔 我哋兩個人一嚟就叫咗一人一打$10/隻 真係好抵食，size 唔算大隻肥美 但海水味好豐富同鮮甜 雖然唔係好creamy食完頭盤就叫番啲熱食 叫咗個黑松露野菌意大利飯 好香仲係好熱 而且好多雜菌 好快就清左碟 叫左2杯生啤 正價餐牌8折諗諗下覺得未夠飽 都係嗌多左個set dinner 因為唔係主餐牌所以冇優惠12oz 肉眼扒 先上餐湯同沙律 沙律正正常常 不過個麻醬鹹咗少少 嗰餐湯問佢有咩揀 佢淨係話得一款湯 所以都係冇答我其實嗰款係咩湯個碟就幾靚但個湯一上到黎個樣係好稠身 試左一啖好難飲麵粉糊咁...塊扒個樣幾靚好似幾得咁 而且都算係厚切但味道一般 雖然唔韌同唔乾 但肉味欠奉寧願食個薯蓉都唔係好想再食塊扒食到好飽 埋單差唔多$800 值唔值見仁見智

經過荃灣見到有10蚊隻生蠔，父親節個日同爸爸等一行4人去蠔站食，本身諗住生蠔10蚊隻唔知咩質素，少少地第一輪叫左1打先，雖然d蠔細細隻又唔肥美，但好新鮮好甜，10蚊隻超值，由於爸爸好鐘意食蠔，第二輪再叫2打，第三輪再叫3打，最後4個人total食左6打。淨係食蠔當然唔夠飽，另外仲叫左豬手同豬斧頭，除左10蚊隻生蠔之外，其他食物都幾貴，不過味道都好好。豬斧頭個味好好，但爸爸就厭佢d肉「鞋」，豬手好正 ，原本爸爸唔想食豬手，試左一舊之後佢都讚不絕口，d皮夠哂脆！仲叫左其他魚生，不過就唔係幾好食。上菜速度都好慢，人手又少，我地食完第一盤生蠔，要再等多30分鐘，先上第二碟菜。

亞妹巧鐘意食生蠔，近近地就去荃新天地食，貪佢平平地$10一隻生蠔，一人飲返杯吹下水🍺今日d蠔唔錯，細隻得黎都厚肉，味道都鮮甜，另外加左$28（20gram）既三文魚子，我個人覺得同生蠔好鬼夾，可能我本身又巧鐘意食三文魚子啦🤣最後每人食左1打，因為平時出去蠔吧食都會揀大隻既，好少食噤細隻，所以第一次對噤多隻😝另外再叫d輕食✨炸雞翼✨蒜蓉多士✨白酒青口個青口汁用黎沾個包岩哂，可能我重口味，係濃味左d,不過好好食👍🏻

因為個女好肚餓關係，一入去坐低就話要食包包，奈何得一款蒜蓉包揀，等咗大概10分鐘，㸃知上枱凍嘅。想揀個意粉或飯俾個女食，但種類好少，見食評話卡邦尼好差攪到都唔敢叫。男友話好餓要食飯，叫咗個石燒牛，牛肉又un又乾。軟殼蟹意粉又係乾爭爭。得啲特價蠔叫做正常。唔好食食唔飽，5百幾蚊埋單，總括嚟講應該9成唔會有下次。呀！仲有，啲水杯勁污穢，而家咁嘅環境仲一早放定哂啲水杯喺枱面度冇遮冇掩，又油又有積，真係好難接受囉。

食肆於12:30 凖時開門做生意午餐時段居然還可以叫生蠔（半打$120）可以選擇三款蠔我們選擇了愛爾蘭、韓國及加拿大每款兩隻。生蠔還算新鮮，本身對生蠔比較敏感，最多只能吃三至四隻，吃多了便肚痾，但今次我每款食咗一隻都冇事。所以生蠔還算是新鮮的。另外我們叫咗餐牌上邊啲套餐。一個係石燒黑毛豬定食，一個係石燒牛柳定食，但肉質比較鞋，而不知道是否剛剛開門關係，定食入邊嗰啲飯係半生熟的😵。叫餐廳侍應再換過啲飯，都係半生熟😵算吧！選擇放棄碗飯了。臨走嗰陣時候比一啲feed back侍應，點知佢聽完冇反應🙄

好耐冇食蠔了，聽講話男仔食生蠔可以壯陽，甘女仔食左會點？！我專登問左“Google大人”，原來女仔食生蠔可以補血和豐胸，源因生蠔有豐富的鐵質和鋅… … 漲知識了荃灣站呢閒蠔站分店最近有25% off優惠，今晚就去到嘆下美味的生蠔啦~荃灣分店我係第一次來，相比大角咀分店僻靜幽暗和浪漫，荃灣分店店面更大而且更光猛和熱鬧一些。特價生蠔$10/隻來到呢到一定會order例牌一打$10隻生蠔今次的生蠔來自Carlingford, Ireland，個頭算偏小巧，口感鮮美有些許海水鹹味，加上少少檸檬汁去腥味，一口一個，冰爽可口。黑松露炒野菌$88食唔到黑松露味，俾洋葱吊起整碟餸的味道，感覺非常普通冬陰功海鮮扁意粉$128見唔到辣椒的蹤影，但食到辣味，個辣度係可接受的範圍，幾特別，海鮮兩三隻，加彩椒絲作伴，整體來講，味道還是不錯的餐前湯包$38南瓜湯太稀，好似溝水太多但個餐包幾好味，香草味濃郁，又有少少脆口Sweet memory$68Somersby既sparkling rose, 飲唔出sweet既感覺個人都係鍾意pineapple隻味多些。最喜歡呢到大大熒幕放住歌仔，D歌又好岩聼，令人好rela

與友人為了食$10 生蠔，一早在open rice 預訂有8折😋好期待，由於訂咗6:30pm 所以只有三分之一滿！我哋叫咗一打生蠔，脆皮咸豬手加野菌意大利飯！見到D生蠔，我倆已急不及待開動，D生蠔十分新鮮，有濃香的海水味，十分creamy ，尺寸剛好！好正！性價比高意大利飯好好味，芝士濃香，配切成長條型磨菇很夾，不過飯煮得較硬，唔夠濕潤。等了約20分鐘，終於上豬手！一見到個皮就知正，塊皮好香好脆，由於我哋冇飲啤酒，所以覺得較咸，本人很喜歡個蜜糖芥末汁，與沙律同豬手好夾！

食完曬主菜甜品，頭盤沙律都未到黑口黑面當你沒到，沒下次。d生蠔瘦到鬼感，出曬水，有沙就算俾你38元杯酒都沒用勁難飲。仲要這係試過覺得好飲先賣，其實有就有感便拿感便貨。

每週年慶祝晚餐都會都蠔吧食，今年都唔例外！不過今年因為撞正新春假期，去開既大角咀分店原來已經收左爐，打去樂富又full booking ,好彩上OP 訂到枱，第一次係荃灣分店食。嚟個冷盤先：魚生如果叫雙拼嘅就會平啲，我就揀咗一板海膽同埋三文魚刺身。海膽上枱附送紫菜，口感細滑，甘甜而濃郁海水味而又鮮味，配搭有鹽鹹香紫菜，口感複雜！齒頰留香但美中不足有一件海膽已壞，臭左三文魚刺身勁肥美，脂肪分布平均，魚油甘香濃郁，鮮甜而且滑溜，入口即溶，直頭咬咬下會sir落喉嚨咁滑，絕無誇張。全因為你，每年都會選擇過嚟蠔吧，10蚊時令生蠔我同男友最愛！不過今次啲生蠔細隻啲，唔夠creamy ，甘甜度都差少少，海水味依然豐富，不過稍略有少少蠔殼碎。餐牌上面寫住叫啤酒味薯條，不過店員話呢個只係得個名，無啤酒味嘅，其實只係普通炸薯條，油份比較多，應該無返炸逼返d油份岀嚟。我記得大角咀係有黑松露炸薯條㗎，都係果邊好食d!都係我至愛，卡邦尼意粉，不過問咗原來呢間分店係冇spaghettis只得扁意粉，因為我認為carbonara最夾始終係幼身意粉🍝味道唔錯嘅，個汁好出色夠結身，即係夠足芝士同cream !的而且確係

今日年初三，這個集團試過好多不同分店，今日來荃灣試吓。職員服務態度一般，可能大部分比較年輕。生蠔叫咗6隻比較貴的由$56蚊一隻的法國G蠔至$36蚊非常新鮮+一打$10蚊蠔，當然不能比較。其他食物都唔錯。只係環境實在太過嘈，嘈到2個人食飯但都聽唔到大家講野！叫左個豬，非常之厚。啤酒薯條繼續係最好食的，凱撤沙律比較細碟。值得一讚係甜品，因為可以要求碟上寫Happy Birthday字，但味道一般及偏貴。

我同個朋友兩日前嚟呢度食午餐， 見到唔係好多人環境清幽， 叫咗兩個lunch set同埋半打蠔。 重點係食完之後我哋兩個都不斷肚痾同埋嘔🤦🏼‍♀️🤦🏼‍♀️ 食嘅時候已經覺得韓國蠔好腥， 但唔會諗到咁大間餐廳竟然啲食物禁dirty... 自問我同我朋友平時真係幾好都中招🤦🏼‍♀️🤦🏼‍♀️ 亦令我對食蠔產生陰影，短期內都絕對唔會再食。新年流流先嚟腸胃炎，真係多謝曬今次係我第一次寫食評， 你煮得差我都當一餐半餐由佢， 但食到人病呢個真係 🤦🏼‍♀️以後唔會再幫襯。