蠔站 (荃新天地)

營業中

休息中

每週年慶祝晚餐都會都蠔吧食，今年都唔例外！不過今年因為撞正新春假期，去開既大角咀分店原來已經收左爐，打去樂富又full booking ,好彩上OP 訂到枱，第一次係荃灣分店食。嚟個冷盤先：魚生如果叫雙拼嘅就會平啲，我就揀咗一板海膽同埋三文魚刺身。海膽上枱附送紫菜，口感細滑，甘甜而濃郁海水味而又鮮味，配搭有鹽鹹香紫菜，口感複雜！齒頰留香但美中不足有一件海膽已壞，臭左三文魚刺身勁肥美，脂肪分布平均，魚油甘香濃郁，鮮甜而且滑溜，入口即溶，直頭咬咬下會sir落喉嚨咁滑，絕無誇張。全因為你，每年都會選擇過嚟蠔吧，10蚊時令生蠔我同男友最愛！不過今次啲生蠔細隻啲，唔夠creamy ，甘甜度都差少少，海水味依然豐富，不過稍略有少少蠔殼碎。餐牌上面寫住叫啤酒味薯條，不過店員話呢個只係得個名，無啤酒味嘅，其實只係普通炸薯條，油份比較多，應該無返炸逼返d油份岀嚟。我記得大角咀係有黑松露炸薯條㗎，都係果邊好食d!都係我至愛，卡邦尼意粉，不過問咗原來呢間分店係冇spaghettis只得扁意粉，因為我認為carbonara最夾始終係幼身意粉🍝味道唔錯嘅，個汁好出色夠結身，即係夠足芝士同cream !的而且確係

今日年初三，這個集團試過好多不同分店，今日來荃灣試吓。職員服務態度一般，可能大部分比較年輕。生蠔叫咗6隻比較貴的由$56蚊一隻的法國G蠔至$36蚊非常新鮮+一打$10蚊蠔，當然不能比較。其他食物都唔錯。只係環境實在太過嘈，嘈到2個人食飯但都聽唔到大家講野！叫左個豬，非常之厚。啤酒薯條繼續係最好食的，凱撤沙律比較細碟。值得一讚係甜品，因為可以要求碟上寫Happy Birthday字，但味道一般及偏貴。

我同個朋友兩日前嚟呢度食午餐， 見到唔係好多人環境清幽， 叫咗兩個lunch set同埋半打蠔。 重點係食完之後我哋兩個都不斷肚痾同埋嘔🤦🏼‍♀️🤦🏼‍♀️ 食嘅時候已經覺得韓國蠔好腥， 但唔會諗到咁大間餐廳竟然啲食物禁dirty... 自問我同我朋友平時真係幾好都中招🤦🏼‍♀️🤦🏼‍♀️ 亦令我對食蠔產生陰影，短期內都絕對唔會再食。新年流流先嚟腸胃炎，真係多謝曬今次係我第一次寫食評， 你煮得差我都當一餐半餐由佢， 但食到人病呢個真係 🤦🏼‍♀️以後唔會再幫襯。

岩岩食完lunch，但應該不會再泥但完全不知道自己食d咩1.湯——完全不知道什麼湯 淡而無味，只知道是橙色2.生蠔——正常size 但隻隻都有殻碎 食到噎牙，10隻有8隻都係死 我淨係食左5隻其他都冇食 系食吾到3.pizza 和雞飯——只能說正常野 4.沙律bar—-我在10分鐘出出入入已經兩三次去. 沙律Bar，幾次都空手而回，他們咁都吾去fill 下d野.....果兩位樓面只係企喺度吹水連沙律bar 也不留意愈泥愈差！

見到有生蠔做緊優惠 $10/一隻幾抵，細細隻但味道好重 好好味！比想像中好吃，前後嗌左兩轉12隻👍 另外嗌左個黑松露野菌意大利飯，味道一流，但個飯太濕。啤酒味薯條炸得好香口，啤酒味較淡。最後仲嗌左個pizza，薄餅底好特別好似食緊餅乾咁，唔同一般pizza軟身，但個人比較鍾意軟身厚底pizza食物整體上都唔錯，服務態度好，坐得舒服

無論叫咩扒，都會問你要幾成熟，有趣的是來到的全部都係十成熟。唔記得呢個叫做乜嘢意粉，類似係普通嘅大蝦意粉，諗住簡簡單單正正常常，點知辣到呢，一個正常食得辣嘅，都覺得佢辣到頭痛，嘴又痛，應該用咗半支辣椒仔，未食過西餐意粉勁過四川酸辣粉⋯午餐包一個沙律吧，選擇少，沙律菜全部好似未洗過咁，唔敢食，甜品就好似當年卡拉OK自助餐攞嗰啲，又係唔敢食，泡芙淋pat pat，只係生果哈蜜瓜菠蘿片最正常。咖啡唔香冇味道，朋友們都研究是否即沖咖啡還是係咖啡機出品，好難估。

寫在前面，生蠔不新鮮，導致腹瀉，牛扒很差，不推薦吃。生日那天打算吃生蠔，叫了韓國的，西班牙的和法國的三種生蠔，個兩隻湊齊半打。韓國的吃起來很腥，另外兩個還不錯。生蠔總體比較小，小就算了，問題是不新鮮。吃完晚上回家腹瀉到凌晨四點，吃止瀉藥才勉強能繼續睡，第二天看醫生又花了400同行的叫了肉眼牛扒鵝肝餐，牛扒很乾，很薄，比大家樂的還差，還貴服務也一般般，漏單讓我們等了很久開了這麼多年第一次去幫襯，總之是不會再去受罪

試過好幾間，這間算是不錯，環境都幾闊落職員態度都幾好點左套餐三個，加左白杯再食左近60隻蠔牛扒加鵝肝最正！其他都冇咩特別而平價生蠔$10/隻有些苦之後轉食其他！好味勁多！在OpenRice 訂位仲有折扣！唔錯

食肆轉手後第一次來。西冷牛，很美味，肉味濃，10安士。點了七成熟，但只有5成。豚肉薄餅中上，薄薄脆脆，加上肉鬆沙律醬，很難不好吃。特價蠔10元一隻，不限數量。先點半打，男友說很美味，不膩，有海水味，故再加半打。缺點是出菜慢，及侍應不足。

邊度有平靚正生蠔？呢間算係食過唔差，一試再試嘅餐廳。平日晚上基本上唔需要等位，餐廳位置闊落，坐得幾舒服。主角$10/隻生蠔，滿足曬最基本食生蠔嘅要求，新鮮，無蠔殼碎，有蠔嘅礦物味，唔細隻，有口感本身叫咗一打試下先，之後一打接住一打其他海鮮都唔算貴，亦都鮮甜熱食方面，點咗豬手及羊架豬手表皮脆，而入面肉質唔會太老，都算幾滑切開咗一嚿嚿，方便同朋友share一齊食羊架方面，唔會有羊臊味，由於我地點唔係全熟，所以唔會太韌

話說又想食蠔～平平地去食十蚊蠔啦～$120一打真心抵～叫外賣仲要自己開都唔止呢個價啦～慢慢坐，飲杯野，叫啲小食，傾下計，抖一抖，叉足電，唔駛執野唔駛洗野～又夠鐘返去開工～🥳

本身唔係蠔痴，但間唔中就會忽然好想食生蠔，所以呢間用嚟止癮就一流。蠔本身細細隻，唔肥，但係抵食，叫一打仲平過一碟意粉，先掃一打再諗主菜。口味偏鹹，不過啱我，因為自己唔會落醬，所以鹹少少都冇所謂。黑松露飯好好食，唔知係咪撞彩，因為第一次喺呢間叫，全家都讚佢係全晚最好食。另外叫咗柏士圖大蝦飯同冬蔭功意粉，都好食但冇黑松露咁令人驚喜。反骨雞翼都一樣，炸得夠脆，乎合預期，但未至於驚喜。牛扒都食得過，只係出得較慢，所有嘢熱食同一時間叫，但佢最後先到。我本身對扒冇咩研究，只要厚身唔嚡同有 grill 嘅香就得，所以我覺得都好食。

見到十蚊一隻生蠔幾抵，直接入左去試試佢。今晚係南非蠔，每粒都好大隻！！！大粒既creamy，唔算非常鮮甜但新鮮就真既👅👏🏻見十蚊隻你想豪d chill下食一打都唔過份丫👻🤩🤩🤩🤩少一點蠔殼碎就好了連茄汁都有d碎係到😂優惠無話一定要食主食先可叫點，都無限你叫幾多，所以叫杯白酒送蠔真係一流👍🏼我地叫左個new Zealand 既白酒，偏酸但都容易入口既。之後就叫左個密瓜ham👻正路野但非常抵食158就有一份👍🏼

點咗燒美國西冷扒 同燒黑毛豬扒， 兩件肉都好好食， 表面燒得有啲燶， 好香口， 但裏面仲有肉汁 同埋軟熟， 兩件肉品質係有水準嘅， 食條西冷筋 同啲肥脂肪就知，而且 廚師係識得製作扒類的， 不過配菜就比較普通， 只係普通薯蓉， 如果用新薯就好啲， 番茄同秋葵都係普通貨色。 餐廳標榜 優惠嘅十蚊蠔， 勝在夠平， 但細隻及蠔味淡， 如果係生蠔熱愛者， 建議淺嚐， 佢哋其他比較貴嘅蠔， 才能滿足到你， 訂座用咗折扣優惠， 都算食得過， 如果按正價， 呢個價錢有啲啲貴

我同朋友本身食左下午茶，所以晚餐費時食咁飽就揀左呢間。淨係叫左海鮮刺身嗰啲。～～～～～～～～～～～～～～～～～～呢間主打應該係$10一隻生蠔，我同朋友叫左一打12隻～食完無肚痾🤣幾好食，食落係有新鮮嘅味道。～～～～～～～～～～～～～～～～～～之後口痕，再叫左一板日本海膽同赤貝，都好新鮮。海膽係好鮮甜，仲配埋青瓜片同埋紫菜，可以一齊食。～～～～～～～～～～～～～～～～～～另外仲叫左啲draught beer。總括嚟講，啲海鮮都幾新鮮，價錢算合理。