蠔站 (荃新天地)

近排成日都嚟荃灣，咁啱就係想試食西餐，一間餐廳設計融合咗木椅做主題環境幾舒適，咁啱見到佢嘅每日精選生蠔🦪做特價$10一隻，真係好吸引🤩下午唔算太多人就想入嚟試吓精選生蠔❤️✨香草檸檬烤春雞 /半隻午市來講都有午餐供應，Order左半隻烤雞，套餐仲有包餐湯同飲品，等咗20分鐘到即叫即做烤雞送到枱面上，熱辣辣香噴噴，聞到一浸香草嘅味道size 比較大隻，一人份量好夠食，外邊香脆肉質滑溜，點埋燒汁突出雞肉香味...更香濃✨炭燒紐西蘭肉眼10oz配薯菜燒汁另外朋友帶咗個牛扒，什麼事size份量好足夠燒至五成熟肉眼味道好濃牛肉嘅羶味，中間仲係粉紅嫩嫩，咬落去嗰種感覺仲係好腍外層用炭火燒到一陣炭燒味道，更惹味可以配合燒汁一齊食👍🏻👍🏻👍🏻✨香辣炸雞翼再嚟order一份小食雞翼，我就比較喜歡食細隻嘅雞翼，細細隻容易入口😬，呢度真係焗緊雞翼每一隻都比較細啲，外邊炸過香脆內裏雞肉嫩滑✨精選生蠔🦪$10/隻每日精選$10食生蠔，之前我去過三就係精選左泰國生蠔🦪 Size比較細隻但係肉質軟滑，海水味比較淡，未容易入口

好想食生蠔，見到$10一隻，真係可以好好咁係咁食生蠔。所以二話不說就入咗去啦，一坐低第一件事就係諗叫幾多隻生蠔，最後決定叫一打。諗住食咁多蠔 就唔食咁多其他嘢，所以只係叫咗個豬手，以後等我介紹一下。一打10蚊生蠔有人開埋俾你，仲要$10一隻，真係唔知邊度搵好。食落口同出邊30、40一隻嘅生蠔冇乜大分別，同埋佢有買檸檬同埋茄汁，其實整體來講已經算好好，坦白講，有啲人話佢嘅質素唔係好高，但係我就會話， $10一隻仲想點呀，唔通真係要酒店級但係平民價錢咩？所以大家嚟到真係可以放心咁叫，至少佢係好新鮮，食落口好好味。滿足到鍾意食生蠔嘅你。脆炸德國咸豬手配蜜糖芥末籽醬 田人大家望張相都知道佢太大隻，好好食。表皮好趣，肉質都幾新鮮亂畫。配合埋佢兩款醬汁，我覺得同生蠔配合一齊食，一個好新鮮一個係滿足食肉嘅滿足感，直頭係絕配。如果大家都係唔係特別肚餓，你都想享受唔同風味，建議大家好似我咁樣叫兩款截然不同嘅食物，配合埋有一番新嘅口味。

本人就一向都好中意食蠔，所以朋友仔見到特別餐廳都會告訴我。今次黎到呢度就系因爲朋友帶黎~~~估5到性價比甘有驚喜呀^^位置都算幾方便，就系荃新天地一期~~一去近門口就穩到la入面環境都算大，座位分得幾開，夠曬寬落黎到重點當然係食蠔la^^$10蚊一隻蠔！！！真心抵食ar！食落夠新鮮，order多D都5驚貴，可以滿足曬食蠔的欲望呀而且有個好驚喜之處：提供另類食蠔方法就是可以外加魚子醬同三文魚子$14就有10 gram，價錢非常平民~~望落漲卜卜，鮮甜可口卡邦尼扁意粉濃郁的醬汁有稠稠的質感~~每一口都沾滿卡邦尼，味道十足睇圖都見到肉片和配菜材料都不少炸啤酒味薯條薯條真的值得一試呀！每一條都炸得非常香脆啤酒味的有特別的口感同味道，令人食不停口我地因爲想食香脆蒜蓉包就直接單點+是日餐湯:儸宋湯估5到 $38蚊有成6件手掌大小，即叫即整，蒜的香味滲透曬入包入面^^

荃灣近來開左唔少新商場，行到攰攰地黎到Oyster Station 蠔站！食個午餐/下午茶🤣。加勒比海風既裝修幾Chill!~ 餐廳闊落坐得舒服，係咁多人又大既荃灣，搵個位坐下真係幾重要。但就係呢個牌吸引左我入黎坐 兼食!因為下午茶時間關係又想chill，我唔想食太飽，就叫左以下野食嘆下抖下~伊利比亞風乾火腿伴哈蜜瓜~＄158呢個頭盤可以話係經典~風乾火腿伴哈蜜瓜永遠都係咁夾，juicy又甜既瓜配起鹹鹹火腿十分吊胃口。生蠔~＄120超抵食一打生蠔，＄10一隻size不算小，而最緊要新鮮!而且餐廳洗得幾乾淨~香芒牛油果大蝦沙律~＄108而呢碟咁搶眼既係沙律!用料份量十分足夠，時令芒果甜度超高，配熟透香滑牛油果肉，醒一醒神，好fresh!赤貝刺身～可能係食過其中一次最厚肉而新鮮既赤貝刺身新鮮既味道刺身最珍貴之處，加上刺身本來厚肉肥美，成就食客既滿足感!坐低見到不少食客叫石燒牛，好似好正，不過真係食飽飽!下次黎我就會叫石燒啦～

去年，外父外母周年紀念，去左Forkers慶祝，食得好高興，今年，本來想再下一乘，搵左間好野試下。 點知，佢地話簡單食下就可以，個日喺荃灣有嘢做，於是求其喺荃灣揀間餐廳。 荃灣要食高檔餐廳講真就唔多，於是選了平民化少少的oyster Station，為的就是佢唔錯嘅意粉同埋蠔promotion。 要講食蠔嘅promotion 中環西環好多餐廳其實已經幾年前玩緊，特別係歡樂時光$10隻蠔，可以話係成日有，當然品質就一半一半好。 oyster station 出名多分店，而且呢個食蠔嘅優惠都好多分店都有。 慢慢優惠唔同，今晚係法國嘅gillardeau。基本上叫一打係最好不過嘅常識，來自法國嘅蠔非常新鮮清甜，海水味重，講真，$10一隻，又唔使自己開，如果我後生啲 ，啪三打都可以㗎。 四個人當然要叫啲重量級嘅食物，呢度嘅炸豬手做得非常唔錯，外父讚不絕口，豬皮脆得索索聲，大大隻的豬手，吃得好開心。 主食當然要叫啲意粉，簡單嘅辣椒炒意粉，已經係最好嘅美味，$100嘅價錢你唔好同involtini做比較。 另外叫的黑松露意大利飯，係外母嘅最愛，一浸黑

想食生蠔只林到去酒店食自助餐，次次都食勁多（翻本）真係20隻起步😂不過通常第二日都肚瀉 可能食太多所以都怕怕地😂今次朋友介紹呢間食愛爾蘭生蠔$10隻我第一下都林，我食好多wo,米唔平，但朋友話試下啦 可以食其他野...去到，餐廳都好大，有d情調我地叫左一個意大利飯，西冷牛扒同10隻生蠔餐廳上菜好快，牛扒同飯都同時上，意大利飯唔錯 軟硬適中配少少黑松露香味分量唔多，兩個人食 fit西令牛扒快扒肉質ok 所以用基本炭香海鹽5成熟都已經夠，我無點汁我地食哂兩味菜，生蠔先到（枱枱都叫好多隻）所以即時開，等候比較耐我地食第一隻，第一下都望住對方講（唔錯），唔大隻不過夠鮮香海水味，無，沙石，滑dodo ,之後我哋立即order第二round 😙我地total食20隻，都夠😍😌食蠔要貴精不貴多☺️呢間可介紹比大家

之前行過餐廳門口，見到有$10生蠔優惠，心郁郁想試吓，星期六就特登過去食Lunch原來每日供應嘅生蠔都唔同，是日推介係法國生蠔，於是就同朋友叫咗一打12隻。另外再叫2個lunch set，我叫美國豬肉眼配薯菜，朋友就叫石燒蒜片牛柳粒。估唔到特價生蠔都幾大隻，蠔肉鮮甜，口感細滑爽脆，食幾隻當前菜剛好開了胃口。豬肉眼配薯菜有餐湯羅宋湯同麵包跟埋。豬肉眼唔會有雪藏味或者好重既豬臊味，配薯蓉一齊食唔會好膩。朋友嘅石燒牛柳賣相超好，配麵豉湯、沙律菜同白飯，充滿日式定食感覺。牛柳肉燒落唔會好韌，口感鮮嫩酥軟，肉質細嫩多汁，$118非常抵食。埋單每人都只係$200，性價比超高！趁生蠔優惠未完，要再嚟多幾次！

今日喺荃灣行街，行咗成日，打開社交平台見到成個社交平台都講緊生蠔，跟住問吓男朋友想唔想食，佢話好喎健康得來又好食，咁跟住就打開OpenRice做research啦，發現到呢間成日見到嘅蠔吧，二話不說就直接打去book位，好彩提早去Book位咋，七點左右去到門口已經人山人海，嗰刻我就知道應該冇揀錯，入到去侍應招呼都好好坐低睇咗一陣餐牌之後就決定叫咗兩杯啤酒同埋一打生蠔，生蠔都只係$10隻，又肥又大，食落口仲勁新，真係好後悔淨係叫咗一打生蠔，男朋友，唔使5分鐘已經極速食晒！好彩我早有準備叫多咗個沙律！呢個沙律真係要讚下！我紫菜好新鮮而且啲醬都撈得好均勻！我之後再叫咗個最穩陣嘅卡邦尼意粉同埋肉眼扒果然非常之好味仲好友蒜香味添，肉眼扒肉質鮮甜，超級厚，最後仲叫多咗半打生蠔。

抵食生蠔之選路過荃灣突然被大型廣告牌中的生蠔吸引由適逢放工攰攰地決定食好d，慰勞下自己即開生蠔可以話好抵食，10蚊一隻吃好吃滿可以話唔洗錫住銀包瘋狂食生蠔生蠔雖然唔算太大隻不過勝在鮮味十足，肉質彈滑，十分之creamy配上杯白酒，好啱同fd 邊飲邊食邊吹水主食方面今日食咗軟腳蟹意粉整隻軟腳蟹原隻上份量十足而且炸得酥脆又不太油膩但又保留了蟹原本的鮮甜與肉汁與伴有十足芝士味的意粉搭配的很好同時還點了黑松露燉飯黑松露味十足飯做得很好，不會燉得太熟保留了這種料理特有的口感總體黎講，好愉快嘅用餐體驗，可以係放工後，盡情食生蠔放鬆下，必定會定期光顧。

呢度出名生蠔🦪抵食！精選生蠔$10/隻，過下生蠔癮到好！我哋叫咗一打生蠔，生蠔唔算大隻，但算幾甜，有海水味，呢個價錢真係算唔錯。天氣熱，即到最好即食，生蠔先夠凍。除咗生蠔，呢度仲有午餐，估唔到星期日嚟食都有～ 午餐有意粉、飯、小食、鐵板牛等等。我哋另外叫咗兩個午餐揀咗鐵板牛，午餐跟麵豉湯、沙律、飯及飲品。麵豉湯味道有啲鹹，沙律都算新鮮。澳洲M6和牛腹$118 ，我覺得呢個肉質夠林，有三件份量都幾多。喺個鐵板自己燒，想幾成熟就幾成熟。另外點醬汁及加鹽就OK。蒜片牛柳粒$118，呢個份量真係好多。好多牛柳粒，牛柳粒冇調味，所以自己加鹽及醬汁。

黎到依到點可能唔食10蚊勁抵蠔，贏在性價比高！叫左一打生蠔以下比分比大家參考(5星為滿分):海水味***肥美程度***新鮮程度****價錢*****$132脆皮豬手，每次黎都必叫，唔係到到西餐都有豬手食，自己屋企又整唔到，依到豬手有專人預先切開，唔洗自己落手岩哂我依啲懶人，直接食大啖肉，ps 真係好脆！味道****肉汁程度***份量*****價錢****$278兩個人食豬手真係有啲濟，所以可以先食個沙拉，再叫pasta/pizza真係會食唔落凱薩沙拉新鮮程度*****味道***(少咸)份量****價錢***$78

見佢$10一隻蠔咁抵食就同朋友仔嚟食雖然佢啲牛扒望落都好似好吸引但今日係嚟食蠔 所以今次就無嗌住蠔 $10@咁平 食嘅唔係味道係爽啪蠔 又唔肉痛嘅感覺😂唔腥唔臭唔苦 有幾隻仲係幾甜絕對得住價錢啦魷魚圈 $88正炸得夠香脆 魷魚又夠彈牙 再加埋沙律醬手撕豬肉薄餅 $158唔似普通pizza 依個脆到好似餅乾咁面頭係芝士+沙律醬+咁多配料 真係好難輸卡邦尼扁意粉 $108望落去好吸引嘅 隻蛋黃long下long下咁食落未算話好濃郁 但好足料 都唔錯

兩公婆放工晏了點，去到荃灣區嘅 Citywalk揾下野食，可能太累又唔算肚餓，竟然發現呢間餐廳被這Menu吸引住，$10 隻生蠔喎，最近唔知點解愛上了，計上次冰廳食完後，念念不忘，今次仲要咁平就去試試吧。有晒蠔 Bar架 即叫即開 新鮮來自南非生蠔 細細隻 但超濃蠔帶鮮無腥味Saldanha Bay 淡淡柔和海水味 鮮甜味美不過有點蠔殼碎 食時要小心$10 + 10% 叫一打都只需$120 超經濟抵食 生蠔控不能錯過，仲要性價比高食得過，當然有要求者就可另作它選。多點了小食同 Pizza, 香炸尤魚$88同四色芝士薄餅$168香炸尤魚有驚喜，炸得金黃香脆但一點也不乾，薄薄脆漿外脆同juicy, 調味好正，惹味非常。Pizza我就覺得唔太正宗，整個Pizza都較硬身，似餅乾底，味道可以不過唔係我喜歡嘅質地。

近期都常常在荃灣出沒，發現了在荃新天地的 Oyster Station 很不錯，尤其生蠔，更是超值。餐廳環境企理，座位舒適，蠔吧放滿不同地區的生蠔，方便客人參觀選購。蟹肉牛油果沙律 $108，賣相精美。有蕃茄粒、牛油果、蟹肉、三文魚籽、沙律菜，配上帶甜味的陳醋，完全蓋過蔬菜的青澀，味道清新。蠔站至尊薄餅 $168，方型賣相，有點新意。饀料有幾款不同的肉腸，以辣肉腸最為突出。喜歡它薄底，而且饀料豐富，上枱時熱哄哄的，半溶的芝士更是大愛。卡邦尼扁意粉 $108，平實而美味，意粉軟硬適中，煙肉咸香跟菇菌很配，加上半熟的溫泉蛋及忌廉汁，百食不厭。特價生蠔半打$60，價格極具吸引力，生蠔夠新鮮，即叫即開，入口帶有海水的鹹味，完全不用加茄汁或檸檬，瞬間可清掉一碟 😋😋😋😋 很滿意的晚餐，值得推介。 

佢哋將客人食完生蠔收返嚟嘅大膠兜不清潔亦不換過啲冰，每個收回嘅兜下面都是溶咗嘅冰水，而且冰水唔倒冰唔換就馬上重用，最離譜係佢哋將客人食剩嘅嗰小碗茄汁直接再唧啲新茄汁落去就放上另一盆生蠔比其他客食，睇住佢哋將好多盆生蠔放中間嘅茄汁都係咁做，跟手就送去比其他客人食，我今日嗰盆生蠔就是其中一盆係咁樣送來，我為有叫佢比多一份茄汁，睇住佢用個新嘅小碗唧啲茄汁落去才放心，啲生蠔亦不太新鮮，就連牛扒都唔掂，叫七剩熟就嚟咗九剩熟，星期日都冇人排隊都覺不妙！