蠔站 (荃新天地)

營業中

休息中

行荃灣，完全被10蚊生蠔吸引決定試試生蠔抵食，10蚊一隻可以放心瘋狂order生蠔size唔算大，不過10蚊真係冇乜可抱怨冇乜可挑剔蠔味也算ok建議食時倒掉蠔內的水這樣不會過鹹快約朋友生蠔大作戰吧主食叫咗軟腳蟹義大利麵隻蟹有一點點油溢味其他不過不失個人覺得三色椒的味道稍微有點蓋過了cheese的基底味，有點可惜啤酒炸薯條係幼薯條派別好高質，好喜歡全餐最驚喜超級酥脆炸得很乾每一條都充滿薯仔那厚實的味道試試吧，你唔會失望

假日的親友聚會，冇拜年超耐冇見，相約到荃灣一聚，本身想去的餐廳full左唔想等即轉場，經過Os Plus，記得幾年前幫襯過尖沙咀果間，食物不俗，主要生蠔抵食優惠價$10一隻，估唔到呢個優惠而加仲做緊，大家都想食生蠔，一行4人即入去了。店子面積頗大，我們4人坐窗邊位置，因2:00點多冇乜人，感覺寧靜自在。估唔到竟然有石燒牛扒食，成件事好日式，仲要幾平，一於試下。指定生蠔，$10/隻，要了一打($120/12隻)，今日係愛爾蘭生蠔，賣相唔算好飽滿，但大小適中，口感爽脆，海水味淡，唔腥幾鮮甜，好耐冇食過蠔，感覺滿足。石燒系列套餐：美國USDA CAB牛三角肌(跟麵豉湯、前菜、白飯及餐飲)，$98。套餐份量十足，石燒自行烹調，生熟度自己話事，安格斯牛三角肌，大件厚肉，但都幾多筋，肉質富彈性有嚼勁，肉味濃，都不俗。個石燒等好耐，4份石燒，上左兩份，食完兩份石燒都仲未上另外果兩份⋯ 不想分秒在等待逐漸沉落苦海.....期間問左2次侍應，話幫我地跟進，之後答要等多陣，再等陣，極不想一拖再拖之下再問多次時話原來係漏單⋯-0-！前前後後等左30分鐘以上⋯(一度懷疑其實係味唔夠石燒板用wwww)。青蘋果梳

嗰晚叫咗兩打蠔，起碼有兩個係直情搵唔到肉食，其他肉質地好參差，又瘦猛猛，其他啲嘢又貴，叫咗一份叫做最平嘅扒，港幣298，可能我唔識欣賞啊，味道同埋口感冇咩咁特別。當然仲有其他更貴嘅扒港幣1388，如果用呢個價錢我去啲六星級餐廳食啦，環境係適合一兩三個朋友去飲下啤酒咁，裝修又唔係話高檔，我認為唔值得。之前有去過青衣嗰間分店食過反而服務同食物質素都好少少，喺青衣都食過幾次，但呢間係第一次！因為青衣嗰間唔知係咪執咗先特登去荃灣食，試咗超唔掂，一開始係諗住試生蠔嘅，但係連生蠔都唔掂以後都唔使去啦，老實講街市嗰啲反而仲好食啲！不過呢間店有更貴嘅生蠔🦪，三百幾蚊接近$400左右啦一打我哋無試到！可能嗰啲正呢?

今次同朋友即興去食生蠔 揀咗間平靚正 啱口味嘅蠔站 位置幾好搵 係荃新天地天橋一入去就到啦 如果有埋露天茶座就好啦朋友係生蠔迷 一嚟就叫返一打先 依家有優惠$10一隻 唔好以為會係cheapcheap蠔 食落勁啱大家口味 我地都係偏愛食淡d海水味嘅🦪 食完一打又一打 total 3個人食咗3打🤣 另外再叫咗三個main 不過份量少得可憐 黑松露野菌意大利飯同冬蔭功意粉味道唔錯 意粉辣辣地🌶 夠惹味 不過下次食小食算 三個人食埋單每位唔過300 我地仲嗌咗啤酒同白酒 計落都算平👍🏻

都算係蠔站常客，當想食蠔又懶自己開，就會黎大拆一番，每次冇一打唔收手今日即興去到，得番生豪bar枱嘅二人位，其實位置冇問題，不過當我見到開蠔果位師傅個把長有光面嘅披頭散髮，再加上佢全程口罩放下巴兼且不停與另一位工作人員吹水⋯⋯我就真係有啲介意⋯今時今日疫情未穩，基本衛生也必須吧⋯⋯蠔質非常一般…一分錢一分貨呢個定律大家都明嘅…(唔知好彩定唔好彩，上碟時仲未留意到開蠔司傅嘅衛生情況）呢個赤貝同帶子刺身就夠鲜味，入口爽脆鮮甜平時通常食肉眼，但今日忽然想食有咬口嘅西冷，medium well, 外層燒到有肉香，內層juicy亦有咬口，不錯之選另外叫咗個啤酒薯條，幼身炸到有啲乾身，而且食唔出啤酒味⋯個人喜歡粗身薯條，實在唔啱口味總括黎講，監於衛生問題，會暫停止幫襯

$10一隻蠔香港地竟然有咁平嘅蠔食。我唔信！然後身體卻很誠實咁走入去食店。一坐低梗係要叫一打$10蠔啦。嚟到嘅時候。啲蠔望落去一啲都唔細隻。每隻色澤都非常鮮艷。而且望落去都脹卜卜咁。咁就唔點任何醬汁嘅情況下。試咗第一隻先。入口非常之滑。而且一啲都唔腥。亦都有一浸蠔味。$20$10嘅價錢來講。可以話非常之高質。另外喺waiter介紹嘅情況下,我哋分別叫咗美國蠔同澳洲蠔。嚟到嘅時候。望落冇$10蠔咁飽滿。但係入口就非常之唔同。層次非常分明。而且係好食過$10蠔嘅。最後我哋都忍唔住叫多一打蠔。因為佢真係好抵食

好耐冇食過生蠔喇！忽然間勁想食蠔，搵到呢間蠔吧，做緊推廣優惠$10蚊蠔。今晚嘅指定生蠔來自愛爾蘭。我地都好怕中伏，叫左兩隻試試，好好彩，冇中伏！而且好好食！我地每人一共食左半打！蟹肉牛油果沙律，超驚訝，係好細份，得一隻杯仔嘅份量。但係寶寶話呢個價錢同份量係正常同合理。燒豬手我覺得好麻麻，啲皮燒得好脆，但好厚同好硬，個人認為係燒得過左火，而且價錢都貴，呢個唔係咁值得食。黃金軟殼蟹扁意粉超級有驚喜！咸蛋黃醬超正，冇諗過配意粉會咁夾！我都係第一次食呢隻style嘅意粉，好想再食，呢個下次我一定會再叫返。呢間餐廳好多分店，連鎖店黎講非常有水準，價錢中價。見好多客，都係5-6人gathering，（中間有隔板），叫好多唔同野食share，呢間餐廳適合大夥人。下次會再試下其他野食。

有日同老公接囡囡放學，心血來潮想食蠔，經過荃新天地見到有蠔站就走咗入去😍一家人叫咗好多嘢食一打生蠔，好新鮮，最緊要係無小動物，爽口得嚟又清甜活赤貝，我本身好鐘意赤貝，難得呢款赤貝清甜爽口，仲要一啲都唔腥，真係食完仲想encore沙律，有幾隻大蝦，中間夾住牛油果沙律，真係好好味卡邦尼意粉，個汁好濃味，有蛋黃撈埋一齊食，阿女咁嘴刁都食晒，真係不得了泰式生蝦，啲蝦好爽又無雪味，個汁又正，花花子食開好辣，係覺得爭少少，但都好好味連老公同皇帝女條脷咁難服侍都難得兩位都讚不絕口，我真係安樂晒😝

午餐諗唔到食咩，咁岩經過見到就入黎試下佢個lunch，好耐之前我都有食過呢間既晚飯，因為$10蠔而黎，個陣我去開另一啲分店，佢地既$10蠔size適中，入口好鮮好creamy 好好食😋，但今次係荃灣呢間食就失望左喇，因為太太太細隻半打$10蠔，太太太細隻，都鮮甜既，但未有creamy 既口感豚肉丼飯-豚肉煮得太耐，食落好感好硬，醬汁唔夠，最大問題啲飯好硬，唔太熟咁😵😵滑蛋豬扒丼飯-麵豉湯好飲既，個豬扒粉好厚，食落都好硬🤢，最出事係個飯，真係好硬🤮呢間店，我唔會再黎，因為佢唔算平，最好換左個廚師佢，因為啲野真係唔好食

咁係荃灣想食生蠔，經過見到蠔吧有優惠，$10一隻生蠔，就走左入去。環境幾大，都好多係到。咁兩個人就叫左一打$10生蠔🦪咁一黎到，見到佢地都好大隻，食落都好fresh，加啲檸檬汁都幾正，帶出左佢地既鮮味。之後係黑松露菇薄餅🍕咁黑松露既味都幾出既，但好彩唔會太勁，唔會只係食到佢既味，同時都飯到芝士味。之後仲有個冬陰功海鮮意粉🍝咁唔係咁辣，幾好食，海鮮都多既，加上幾大碟，都好飽肚。下次想食生蠔都會黎。

放假夜晚又要諗食咩啦！個人又懶，唔想去得遠，但係又想食好d，咁就搵下openrice啦！見到樓下有間西餐廳幾出名下，又有10蚊1隻蠔，咁就落去試下啦！落到餐廳客人都唔係好多，餐廳裝修幾靚，但係冷氣就唔係好夠啦！應該係壞左啦！因為餐廳本身都安排左坐地風機幫手。咁我地睇完menu之後兩個人就點左以下菜式啦！首先頭盤係一打生蠔先，生蠔本身都唔係好大隻，但係就同期望差唔多啦！始終都係10蚊隻，大家係唔可以太高期望呀！咁就試下先，海水味好重，肉都係鮮甜嘅，店員洗蠔都算係洗得乾淨，唔會好多蠔殼係度，肉就有部分多啦！如果唔夠喉其實係可以出去蠔吧自選呀！跟住就到主菜啦！我地就選擇左蒜香燒美國豬肋骨，好大盤，豬助骨皮脆，而焗嘅時間剛剛好，肉質唔會係太韌，而且好香豬味。我地都好滿意，伴碟有翠肉瓜，菇粒及薯角，都好滿足，薯角新炸，夠脆。最後就係冬陰公海鮮扁意粉，味道有驚喜，配料充足，有藍青口，蜆肉，蝦肉及其他配料，另外意粉份量充足，夠飽，不過食到尾可能就掛左太多汁之後就開始咸啦！不過整體來講都係好味！會再幫襯。

已經係第2年係度食生日飯。首先，蠔方面，我地依然係叫左＄10一隻蠔，性價比高D. 然後，係松露野菌飯，堅正！松露好香，必食之一。另外今次試左鵝肝，果然冇令人失望，好香好味好juicy. 仲叫左份蜜瓜加Ham. 蜜瓜夠甜，Ham反而油份未夠，唔夠香，得個咸字，不過mix一齊都好食既。不過想講一樣野，上菜比較慢，同埋會有漏單情況，希望改善下啦

工作左咁多日 星期五放工後享受一頓豪少少嘅晚餐🤪 為左平價高質生蠔🦪 今次XXG就去咗”蠔站” 試一試佢哋主打既($10@1)生蠔 你冇聽錯係$10‼️ 一打都只係$120😱 超級抵食 蠔友絕對唔可以錯過！蠔方面 平時本身都係生蠔fans嘅XXG成日都會去貴少少嘅自助餐 任食生蠔 🦪 呢到主打嘅($10@1)生蠔質素絕對不比酒店差🧐‼️ 雖然未去到好高等級但性價比極高👌🏻👌🏻肉質方面鮮嫩多汁 一啲都唔乾 而且大大隻好飽滿🤤食落仲有淡淡的鹹海水味道 蠔味十足 非常鮮甜！可按喜好 加入配上嘅蕃茄醬或者鮮檸檬汁 味道更佳😋我地最後仲encall左一打 完全唔覺肉赤😂😂 對生蠔質素有再多啲要求嘅朋友可以用貴少少嘅價錢購買不同質素及品種嘅生蠔🦪 價錢大概$34至$54左右另外我哋嗌多咗一碟黃金軟殼蟹扁意粉🍝 ($138) 但意粉方面質素平平 新意不大 加入三色椒配鹹蛋黃醬 但鹹蛋黃味道不夠香濃 味道不太出眾餐廳除咗主打生蠔外 仲有好多冷盤例如刺身、螺肉、泰式生蝦等 價錢亦都相對平👍🏻 總括嚟講佢哋嘅生蠔質素 係呢一個價錢之下絕對優勝 強烈推介蠔友去食生蠔食到飽🦪😻⭐️Remark: 另有酒精飲品提供

😔今晚約了家人到荃灣蠔站食蠔，其實今晚都比較多人，我哋一到已差不多坐了8成人客。當然蠔是今晚的主角，因為我之前吃了一次，覺得這家的蠔和熟食都不錯，便推薦這家餐廳和他們一起品嘗。🦪我哋一到，就先order了5打生蠔，這5打其實都有點鹹和開蠔的人可能無清洗一下蠔殼，所以蠔有不小蠔殼我哋要了開。這5打蠔都尚可接受。但因我爸爸想再多吃，他order了多3打，這3打有些鹹到苦😫比較失望。之後我哋還order了熟食。有豬手，軟殼蟹意粉，燒雞和辣肉腸pizza。除左燒雞不好吃外，其他的還可以。唔知係咪因為人多，食物水準下降還是食物水準已經下降中。希望再光顧時，水準能夠提升返。

久不久都會黎os plus食蠔。市面上就算買返屋企，$10一隻已經差不多係最平。呢度$10一隻，幫你開埋，俾地方你食，俾餐具你用，真係冇得挑剔！而且生蠔都好鮮甜，好過去啲平價自助餐食。平時一般都會叫一個餐另外再叫蠔，今次都係一樣。見佢有新出嘅石燒餐，澳洲m6和牛都只係$98，即管試下。塊牛個樣都算幾好，不過一落刀就已經知道出事，超多筋，好難切。幾經辛苦切到一塊，放落口，點知冇乜牛味，不過加埋佢個汁都算還可以。黎呢度始終都係為左食蠔，而個牛都唔算貴，算啦！