蠔站 (荃新天地)

營業中

休息中

好耐沒見朋友相約到荃灣區行下食午飯,來相聚相聚一番。就是這poster 就吸引我們來這店來食。***餐廳地方寬敞裝潢具有西方牛仔風格,好RELAX好有情調。**兩人不話二說點一打【是日生蠔】 $10/隻是日生蠔就是South Africa Saldanha Bay這南非的Saldanha Bay生蠔10元隻,超抵食！想不到每隻不是太細,有淡淡海水味, 爽口厚肉口感,簡直鮮甜肥美,清甜得來似青瓜味,入口後滿滿生蠔鮮甜味！食完一輪, 我地再落多次一打生蠔,再回味無窮。**另外我們點了一款午餐F餐share食  這午餐有包有餐湯,餐飲及甜品是日餐湯是羅宋湯,湯有口感,酸甜味道不錯。還有竹炭麵包口感鬆軟。*【炭燒紐西蘭肉眼10安士配薯菜燒汁】 $168點了五成熟, 大大件又啖啖肉眼牛扒,肉味香濃而鬆嫩,還有淡淡炭燒香味,沾上紅酒燒汁很配合,伴上薯蓉,沙律菜及脆肉瓜。**餐飲 巨峰提子梳打  另加$10 巨峰提子梳打甜甜好飲又冰凍解渴。

話說我同我朋友都係非常鍾意食蠔 見到呢一間蠔站做緊一個長期都有嘅promotion $10 一隻生蠔 就算嗌足一打都只係$120 -✨$10推廣生蠔 ($120/1打）超級抵食 係足一打都係$120 carlingford 味道鮮甜 好有礦物味 -✨焗蠔（$138/6隻）見到呢度有好多種唔同味道嘅焗號可以選擇 而我就選擇左三款-黑松露野菌忌廉汁焗蠔幾特別嘅一個配搭 入口好濃郁嘅感覺 可惜個人覺得黑松露忌廉汁掩蓋左本身生蠔嘅鮮味 -芝士菠菜忌廉汁焗蠔芝士菠菜令到焗蠔味道濃郁之餘仲有少許清新嘅味道 都唔錯-蒜蓉蔥花焗蠔係味道最衝擊嘅嗰一種焗蠔 蒜蓉同埋蔥花刺激嘅味道 令到蠔味更上一層樓-✨鹹蛋黃軟殼蟹闊條麵軟殼蟹炸得外脆內院金黃色 咬入口好有鮮味 炸相當唔錯 鹹蛋黃令到成個意粉更添風味 -✨單骨炸雞翼炸雞翼我最鍾意食 鮮嫩炸雞翼 拆開左做單骨 特別好味😛😛

今日行荃新天地，順便食埋野，見到呢間蠔站門口有廣告寫住 $10/ 隻 蠔都幾抵食，而且環境都唔錯，所以就決定試下啦首先就當然叫返一打生蠔，真係幾有驚喜，估唔到個生蠔都幾飽滿厚肉同埋幾鮮甜10蚊一隻黎講算係性價比高另外仲叫左赤貝刺身，原隻上，都幾鮮味！另外叫左個雜菌黑松露意大利飯，黑松露味幾香幾濃，賣相都唔錯！飲品就叫左個Cider，打卡岩哂！整體黎講性價比都幾高，鍾意食蠔既朋友就可以黎開大餐食返夠本啦！

周末假期，黎左荃灣蠔站分店嘆個lunch$10/蠔做左甘多年推廣依然無加價賣緊$10，好值得支持。午餐已包湯、麵包、餐飲點了兩客午餐，再加一打$10生蠔凍檸茶+$0巨峰乳酸梳打+$10Lunch b 烤春雞 $78燒得都幾惹味，唔乾柴。美國豬肉眼配薯菜 $118豬肉眼切開有成個5蚊銀甘厚，的確有驚喜。肉質夠保濕唔乾柴。今日$10特價蠔係South Africa 嘅Namibia蠔🦪唔算好大隻，勝在蠔肉都幾creamy, 蠔邊都幾爽。

不嬲去過呢間蠔站好多次，不過多數都係去大角咀或者尖沙咀，啱啱先發現原來荃灣都有一間，仲要咁方便，咁今個星期五放工就去試吓啦。蠔站最出名嘅就梗係佢哋嘅$10蠔啦，第一次食之前其實覺得有啲驚，咁平會唔會好細隻或者好難食，不過試過嘅都知，雖然平但係佢嘅質素係非常好，所以次次我都起碼一人食一打先走㗎。今次仲叫咗三文魚刺身，估唔到佢除咗生蠔出色之外，啲刺身都好出色，佢同平時啲平價三文魚唔同，感覺比較厚身同埋肥美啲。朋友揀咗呢個炸啤酒薯條，佢話佢唔係太鍾意食生冷野，咁就叫一個小食啦。呢個薯條雖然食到冇乜啤酒味，但係唔知點解比其他薯條特別脆，會唔會係因為浸完啤酒之後炸嘅效果呢。呢個冬陰功意粉真係十分驚喜，估唔到呢度嘅ming course都做得咁好。佢食落真係好有冬陰功味，兩樣加埋竟然好夾，而且個意粉仲有好多海鮮，一啲都唔孤寒啊。呢間蠔站又平又抵食，而且仲周圍都有分店添，希望佢開多幾間啦。

荃新天地其實係一個幾唔錯既地方, 在荃灣地鐵站行天橋過來, 不會好天曬落雨淋, 商場都比較具規模, 幾好行聽朋友講這裡有間餐廳做緊 $10/隻生蠔, 超平呀! 夏日炎炎忍不住過來品嚐一下餐廳有sofa 位,坐椅舒適寬敞生蠔 $10/隻 我們先來一盤法國生蠔– Mauger , 肉味鮮甜同有金屬的回甘味! 蠔肉富光澤, 海水味滴中, 用來配 Chardonnay 一流而且餐廳的生蠔優惠很寬鬆, 可以加單再叫香炸魷魚條 ($88)魷魚比想像中大碟而且新鮮, 外而鬆脆, 內裡嫩滑彈牙, 明顯魷魚仍是十分新鮮迷迭香燒春雞 ($228)一大隻雞我覺得portion 要比我想像中大, 而且雞肉不肥, 皮脆香口就是雞肉感覺有點不太夠味, 可能要加點醬on side. 配菜因為已經烤焗過, 感覺香口健康, 而且份量亦多, 2 個人先可以食得晒 Apple Cider ($38)這個價錢堂食飲Apple cider 真的性價比很高! 我很喜歡果味種的 Apple cider, 有酒香又有蘋果味, 唔覺唔覺很快飲完一杯 

荃新天地好多好嘢食係人都知，近排疫情緩和咗好多，今日過嚟shopping，商場都多咗好多人，氣氛好咗好多，行到攰，都要食啲嘢，見到呢間餐廳，一於去試吓😊室內環境都唔錯，格局新穎，坐得又舒服，仲比我揀到個單邊位，可以望住出面個花園👍🏻😎新鮮空運生蠔🦪，每隻$10，點都要試吓啦，心諗唔知質素如何？🤔唔係講笑，即叫即開，新鮮無比，唔會將貨就價，隻隻冰凍新鮮，根本唔使加任何醬料，淡淡的海水味，包你食過返尋味👍🏻👍🏻👍🏻仲有呢度嘅午餐，價錢認真親民，幾十蚊已經有交易😜跟湯跟麵包🥯，絕對冇嬉場，好過好多大餐廳👍🏻香草檸檬烤春雞$78，擺盤靚，春雞好嫩滑，淡淡香草檸檬味，正😄炭燒紐西蘭肉眼，我要五成熟，燒得好香，生熟程度啱啱好，肉汁豐富，肉香嫩滑，好正宗，超值💯極度推薦，有機會過開嚟呢邊，一定要試試👍🏻

同好姊妹係荃新天地食完一餐美味的午餐，突然想飲番杯再繼續傾，於是行去蠔吧把酒談下心最鐘意尼度裝修新潮，充滿氣氛，雪格內擺滿不同的白酒，生蠔分類標列明蠔的名稱和介紹，方便客人容易選擇點了一杯Erdinger 啤酒，平時不太喜歡飲黑啤，但這個牌子的黑啤比較容易入口，沒有苦澀味，還有淡淡的大麥香味，細滑的泡沫又香又滑我又不想喝酒，於是我點了巨峰乳酸梳打，由浅到深紫色的梳打、很吸引，入口甜中帶微酸，加上冰碎，十分透心涼雖然已經很飽，但見到特價生蠔，又忍不住叫了一打來吃，今日生蠔是來是愛爾蘭的Carlingford ，雖然比較細隻，入口鮮甜，帶點果香，肉質清甜，具海水味，蠔味餘韻充滿口腔十元一只真係抵食又好食另外點了雙拼赤貝剌身，扇貝剌生，一看色澤已經知道新鮮，入口非常甜美

嘩 今日係荃新天地搵好西見到呢間全日供應的$10生蠔優惠已經即入！指定一款生蠔 今日就係來自Ireland的Harty「中庸的海水味 味道鮮甜而口感扎實 屬傳統歐洲蠔味」叫左半打小試牛刀 幾唔錯喎！另外仲有好多款蠔供應 不過就係原價 不過都好抵食除左蠔之外 仲叫左芝士四重奏薄餅同軟殼蟹芝士扁意粉一客六件的長方形薄脆Pizza 啱晒想食Pizza又唔想食到太飽太多carbs芝士份量多 而且真係食到唔同芝士的層次軟殼蟹好大隻飽肉 意粉al dente 醬汁濃郁掛麵 呢個有水準！

黎Oyster Station就係為左食蠔，咁岩見到餐廳做緊$10/隻愛爾蘭生蠔優惠，即刻決定要食番一打啦！.愛爾蘭生蠔 $10/隻 .生蠔細細隻但都算肥美，有淡淡海水味，新鮮而唔腥，得！.食完生蠔，係時候叫午餐食，餐廳星期六都有Lunch set（羅宋湯、餐飽、主菜及飲品），牛扒、烏冬拉麵、定食都有。.鯖魚定食$88半條鯖魚好多肉，包埋木魚絲紫菜絲配白飯、沙律、前菜小食（海帶&醃蘿蔔），好抵食。.紐西蘭肉眼扒10Oz配紅酒燒汁$168肉眼扒肉質不錯，半成熟剛好。沾燒汁食好夾，仲有烤青瓜燈同薯蓉。

近排成日都嚟荃灣，咁啱就係想試食西餐，一間餐廳設計融合咗木椅做主題環境幾舒適，咁啱見到佢嘅每日精選生蠔🦪做特價$10一隻，真係好吸引🤩下午唔算太多人就想入嚟試吓精選生蠔❤️✨香草檸檬烤春雞 /半隻午市來講都有午餐供應，Order左半隻烤雞，套餐仲有包餐湯同飲品，等咗20分鐘到即叫即做烤雞送到枱面上，熱辣辣香噴噴，聞到一浸香草嘅味道size 比較大隻，一人份量好夠食，外邊香脆肉質滑溜，點埋燒汁突出雞肉香味...更香濃✨炭燒紐西蘭肉眼10oz配薯菜燒汁另外朋友帶咗個牛扒，什麼事size份量好足夠燒至五成熟肉眼味道好濃牛肉嘅羶味，中間仲係粉紅嫩嫩，咬落去嗰種感覺仲係好腍外層用炭火燒到一陣炭燒味道，更惹味可以配合燒汁一齊食👍🏻👍🏻👍🏻✨香辣炸雞翼再嚟order一份小食雞翼，我就比較喜歡食細隻嘅雞翼，細細隻容易入口😬，呢度真係焗緊雞翼每一隻都比較細啲，外邊炸過香脆內裏雞肉嫩滑✨精選生蠔🦪$10/隻每日精選$10食生蠔，之前我去過三就係精選左泰國生蠔🦪 Size比較細隻但係肉質軟滑，海水味比較淡，未容易入口

好想食生蠔，見到$10一隻，真係可以好好咁係咁食生蠔。所以二話不說就入咗去啦，一坐低第一件事就係諗叫幾多隻生蠔，最後決定叫一打。諗住食咁多蠔 就唔食咁多其他嘢，所以只係叫咗個豬手，以後等我介紹一下。一打10蚊生蠔有人開埋俾你，仲要$10一隻，真係唔知邊度搵好。食落口同出邊30、40一隻嘅生蠔冇乜大分別，同埋佢有買檸檬同埋茄汁，其實整體來講已經算好好，坦白講，有啲人話佢嘅質素唔係好高，但係我就會話， $10一隻仲想點呀，唔通真係要酒店級但係平民價錢咩？所以大家嚟到真係可以放心咁叫，至少佢係好新鮮，食落口好好味。滿足到鍾意食生蠔嘅你。脆炸德國咸豬手配蜜糖芥末籽醬 田人大家望張相都知道佢太大隻，好好食。表皮好趣，肉質都幾新鮮亂畫。配合埋佢兩款醬汁，我覺得同生蠔配合一齊食，一個好新鮮一個係滿足食肉嘅滿足感，直頭係絕配。如果大家都係唔係特別肚餓，你都想享受唔同風味，建議大家好似我咁樣叫兩款截然不同嘅食物，配合埋有一番新嘅口味。

本人就一向都好中意食蠔，所以朋友仔見到特別餐廳都會告訴我。今次黎到呢度就系因爲朋友帶黎~~~估5到性價比甘有驚喜呀^^位置都算幾方便，就系荃新天地一期~~一去近門口就穩到la入面環境都算大，座位分得幾開，夠曬寬落黎到重點當然係食蠔la^^$10蚊一隻蠔！！！真心抵食ar！食落夠新鮮，order多D都5驚貴，可以滿足曬食蠔的欲望呀而且有個好驚喜之處：提供另類食蠔方法就是可以外加魚子醬同三文魚子$14就有10 gram，價錢非常平民~~望落漲卜卜，鮮甜可口卡邦尼扁意粉濃郁的醬汁有稠稠的質感~~每一口都沾滿卡邦尼，味道十足睇圖都見到肉片和配菜材料都不少炸啤酒味薯條薯條真的值得一試呀！每一條都炸得非常香脆啤酒味的有特別的口感同味道，令人食不停口我地因爲想食香脆蒜蓉包就直接單點+是日餐湯:儸宋湯估5到 $38蚊有成6件手掌大小，即叫即整，蒜的香味滲透曬入包入面^^

荃灣近來開左唔少新商場，行到攰攰地黎到Oyster Station 蠔站！食個午餐/下午茶🤣。加勒比海風既裝修幾Chill!~ 餐廳闊落坐得舒服，係咁多人又大既荃灣，搵個位坐下真係幾重要。但就係呢個牌吸引左我入黎坐 兼食!因為下午茶時間關係又想chill，我唔想食太飽，就叫左以下野食嘆下抖下~伊利比亞風乾火腿伴哈蜜瓜~＄158呢個頭盤可以話係經典~風乾火腿伴哈蜜瓜永遠都係咁夾，juicy又甜既瓜配起鹹鹹火腿十分吊胃口。生蠔~＄120超抵食一打生蠔，＄10一隻size不算小，而最緊要新鮮!而且餐廳洗得幾乾淨~香芒牛油果大蝦沙律~＄108而呢碟咁搶眼既係沙律!用料份量十分足夠，時令芒果甜度超高，配熟透香滑牛油果肉，醒一醒神，好fresh!赤貝刺身～可能係食過其中一次最厚肉而新鮮既赤貝刺身新鮮既味道刺身最珍貴之處，加上刺身本來厚肉肥美，成就食客既滿足感!坐低見到不少食客叫石燒牛，好似好正，不過真係食飽飽!下次黎我就會叫石燒啦～

去年，外父外母周年紀念，去左Forkers慶祝，食得好高興，今年，本來想再下一乘，搵左間好野試下。 點知，佢地話簡單食下就可以，個日喺荃灣有嘢做，於是求其喺荃灣揀間餐廳。 荃灣要食高檔餐廳講真就唔多，於是選了平民化少少的oyster Station，為的就是佢唔錯嘅意粉同埋蠔promotion。 要講食蠔嘅promotion 中環西環好多餐廳其實已經幾年前玩緊，特別係歡樂時光$10隻蠔，可以話係成日有，當然品質就一半一半好。 oyster station 出名多分店，而且呢個食蠔嘅優惠都好多分店都有。 慢慢優惠唔同，今晚係法國嘅gillardeau。基本上叫一打係最好不過嘅常識，來自法國嘅蠔非常新鮮清甜，海水味重，講真，$10一隻，又唔使自己開，如果我後生啲 ，啪三打都可以㗎。 四個人當然要叫啲重量級嘅食物，呢度嘅炸豬手做得非常唔錯，外父讚不絕口，豬皮脆得索索聲，大大隻的豬手，吃得好開心。 主食當然要叫啲意粉，簡單嘅辣椒炒意粉，已經係最好嘅美味，$100嘅價錢你唔好同involtini做比較。 另外叫的黑松露意大利飯，係外母嘅最愛，一浸黑