蟹仙海鮮蒸氣鍋 (仁愛街) (已結業)

父親大人同我都好鐘意海鮮，健康之選當然選蒸海鮮。我地坐係魚缸附近，見到好多唔同海鮮都有問店員係咩，店員都好熱心介紹。我地點了$688的套餐（原價$1378），包羅萬有，有我最愛的龍蝦，爸爸喜歡的星斑。前菜有蟹黃青瓜，賣相一般但味道一流。我地唔食刺身龍蝦 所以我地決定蒸埋佢食。膏蟹的膏蟹到流出來。星斑魚味濃，成條食真係爽，店員幫我地set時間蒸，蒸得剛剛好，好滑。澳洲龍蝦大大隻，啖啖肉，肉質彈牙，有鮮味。紐西蘭月亮貝，海水味濃，蜆肉大大粒。食完海鮮，海鮮的汁流入底下煲成粥，這個排骨粟米粥，我地仲加入龍蝦殼，增加鮮味。最後仲有椰汁官燕，劃上完美句號。

最近工作很忙很辛苦，想起很久沒吃海鮮，便和朋友找海鮮晚餐好好犒賞自己。蒸海鮮是我的首選，因為最原汁原味，吃到海鮮的鮮味，用料一定要最新鮮，才可以推出。選了蟹仙，原來這一間很近我返工地點，很方便。我們選了尊貴海鮮套餐，五折優惠後$399，有十道菜式，全海鮮餐真令人期待。越南大虎蝦先吃越南大虎蝦，的確相當大隻，蝦肉鮮色而肉質實淨，咬下去就知道是游水蝦來的，十分鮮甜。東星斑我印象中的東星斑都很大條，原來也有比較小型的，正好適合二人吃，魚肉十分滑溜，有魚香而不腥，讚嘆它蒸的時間剛好。台灣九孔鮑魚出名的九孔鮑魚，原來靠殼上有九個孔來辯識，它口感很爽，有鮑魚獨有的味道。韓國慶南珍珠蠔飽滿的珍珠蠔，蒸過後沒有大縮水，仍能維持，因為它沒有過火，保留蠔隻的滑溜而滿有蠔香。大西洋野生青口一向不太愛青口，但這青口蠻討人喜歡，大隻得來口感卻很柔軟，也沒有腥味。紐西蘭刀貝蚌刀貝和月亮貝的分別是它較長型，咬下出鮮甜的肉汁出來，我很喜歡的貝殼類的味道。紐西蘭月亮貝月亮貝較圓，它有較濃的海水味，但沒有掩蓋它原本的鮮甜，更帶出海洋的感覺。澳洲龍蝦真令人期待，雪白的龍蝦肉，配上淡黃的膏，蒸過後輕輕撩出來，一口咬下去，口感

朋友知道我減緊肥，所以約食飯都會約我食啲冇咁肥膩嘅嘢 🤫今次佢哋揀咗喺新蒲崗食蒸氣 海鮮 火鍋 去到 地方唔算大，有一間房 可能我哋早， 唔使等位 坐低咗之後 我哋就好快已經揀咗 尊貴海鮮套餐， 見到裏面啲嘢食都幾豐富 有 蟹,龍蝦, 刀貝,青口 ,鮑魚, 元貝 虎蝦, 廣島蠔， 仲要加埋個粥底一定夠飽👍🏻👍🏻， 仲要有人幫你蒸埋，唔使煩可以飲酒吹水， 樣樣海鮮都新鮮👍🏻 特別係虎蝦夠曬大隻超爽甜， 佢除咗今次我哋食呢個套餐之外仲有其他選擇如果大家有時間不妨試下😋

不嬲都係海鮮既愛好者，所以就算呢間有D貴都要黎會一會佢，本身諗住咁多like又有分店加上唔平應該唔會伏啦…點知少年實在係太年輕了…我o地o係佢簡介完之後叫o左包羅萬有海鮮2人套餐-->$999/2位第一樣上既海鮮係蝦，點知已經係霉既..諗住之後會好D啦…馬刀貝又係韌到一個點..朋友果隻直情係爛o左tim..跟住佢先話呢批成批都唔靚，好在佢都有換過其他貝類比我o地兩款蟹..一款饅頭蟹極細，好似BB蟹咁..完全無肉食另一款奄仔蟹..我真心未見過D膏少到咁既奄仔蟹..可能係我見識少啦…真心數唔出有邊款係覺得好食，就算澳洲青年龍蝦..黎之前見D食評講到好清甜，我都係覺得還好差唔多尾聲蒸果D牛丸、雞同菜全部都無味，好在仲有豉油吊一吊命牛肉同豬肉係少數好食既o野，清蒸特別有肉味最搞笑都係佢放o係下面靠蒸海鮮滴D汁落去煮既粥…本身都充滿期待…但入口一D味都無我初頭諗緊會唔會係因為D海鮮真係唔夠鮮先無o左果陣甜味呢?點知疑似老闆娘既人見我o地食剩咁多就突然跳出黎同我o地講話梗係唔甜啦，佢落o左4個人既份量比你o地阿..但我o地得2個人…真係唔該哂佢良心發現話我o地知wor..完全係期望越大，失

之前喺尖沙咀試過呢間海鮮蒸氣鍋，今次嚟到新蒲崗呢間總店懷念一番。揸車過嚟的朋友，附近有錶位，否則門口泊車也好方便，可以透過落地玻璃全程監視。餐廳門口設有海鮮缸養殖當造海鮮，一目了然。餐廳蒸氣火鍋有專人操作。餐具先由職員負責高溫消毒。之後每次蒸海鮮的過程當中，餐廳職員都會到場親自操刀，服務周到。當吃完海鮮，職員又會親自遞上濕紙巾，方便抹乾淨雙手，令人感到非常細心。今次揀左呢個海鮮套餐$399/位。有九樣海鮮和青菜。除咗蝦、元貝、蜆、青口、生𧐢、鮑魚、重點係仲包一只龍蝦和好多好多膏嘅大黃奄蟹，已經值回票價。特別回味無窮的大黃奄蟹，肉質結實，味道鮮甜，蟹膏好香。肥美到蟹腳都有啖啖蟹肉。龍蝦啖啖肉，好肥美，嫩滑嘅肉汁，食完龍蝦肉，蝦頭部份可以攞去煲粥，令煲粥達到更提鮮作用。鮑魚已處理乾淨，有半個手掌咁大隻，肉感夠厚身。韓國珍珠蠔加啲生蒜茸再利用生菜包住吃又另一半番風味。月亮貝肉感大粒飽滿。青口都好大隻。粥底由粟米排骨和海鮮嘅精華煲熟咗之後已經好有鮮味，只需要加少少菜甫和蔥花，一碗美味嘅海鮮粥就食得又滋味又飽肚。冬瓜茶一渣＄58。清甜解渴。兩個人都飲唔晒。最後以椰汁燕窩糖水作為完結。甜度適中。由

二訪蟹仙 今次嚟到新蒲崗店一嚟到嘅時候店員就幫忙用高溫消毒餐具感覺上好乾淨值得一讚🙌🏻🙌🏻💯而質素方面同第一次一樣都係好好啲海鮮好新鮮🤩全部食落都勁鮮味今次嗌左$399尊貴海鮮套餐試下揀咗太平洋饅頭蟹 🦀琵琶龍蝦🦞台灣九孔鮑魚 越南🇻🇳大虎蝦大西洋野生青口 紐西蘭刀背蚌紐西蘭月亮貝 韓國珍珠蠔🦪仲有蔬菜籃 勁豐富呢😋🤩就算唔加任何調味料都真係好好味要海鮮夠新鮮先可以食到咁嘅質素🙌🏻💯最後仲有個粥底 吸收晒所有海鮮嘅精華仲有粟米芋頭排骨等熬成 啖粥好甜好鮮味😋食完真係勁滿足😎😎

平時都唔寫食評嘅我忍唔住了！ 😆我哋4個海鮮控，揀咗尊貴海鮮套餐，有成九款海鮮！ 重點係好好服務，有專人一邊介紹d海鮮，一邊幫你整熟佢地，唔怕overcook 咬唔開，店員控制整海鮮嘅時間控制得好好，個鐘一響，蒸籠一開，啱啱好就見到啲貝殼嚟打開個殼😂😂😂😂😂時間啱啱好！個人最鍾意食嘅係琵琶龍蝦🦞同饅頭蟹，鮮甜到爆燈，蟹膏又香又多！仲有佢啲牛肉又係出色，易咬口又勁重牛味。最後再食埋用海鮮精華淆成嘅粥，簡直係大滿「粥」😂！飽到傻，之後仲要送埋椰汁燕窩！摸住個肚行出門口。對於一個芫荽控嚟講，開始食之前見到有芫荽，差唔多落晒人哋啲芫荽甘濟再加少少豉油，到最後發現根本唔需要豉油！😭下次再去食嗰陣時都係直接唔落豉油算。

鮮甜！超貼心！重有耐心講解！每一隻海鮮都去詳細講產地生活習慣、如何食、點食都最好食高質！好新鮮有開唔到嘅貝殼、太細隻主動換過服務態度好好！老闆好好人伙記都好熱心岩岩好熟！好好好味😋真係無一次再次~

朋友最愛吃海鮮 生日就帶他吃蒸氣鍋很久以前吃過蟹仙念念不忘 想去回味蒸氣鍋吃的就是原味 所以食材最重要老闆是海鮮批發商 揀幾廿年自然拿手職員會幫忙蒸及介紹海鮮 服務極之好maggie姐姐服務及時又週到very nice我們選了中價$399位的尊貴海鮮套餐有約莫十款新鮮海鮮 各有特色同鮮味-⧫⧫尊貴海鮮套餐⧫⧫ $399 / 位-⧫罕有大黃奄蟹⧫一人半隻橫切面爆哂膏 未蒸已覺吸引大黃奄出名膏軟滑 雖不是蟹季也好味蟹肉亦結實甜美 果然即叫即劏最正斗-⧫澳洲青年龍蝦⧫龍蝦個頭不大 但深海水壓高運動量多口感特別爽口彈牙 原汁原味已極鮮甜-⧫深海海星斑⧫兩個人半條的星斑 加薑蔥及熟豉油蒸一向愛魚的我自然喜歡 爽滑鮮甜魚香-⧫台灣九孔鮑魚 & 越南大虎蝦⧫鮑魚極之爽口有嚼勁 沾醬來吃很不錯蝦算大隻亦新鮮彈牙 味道相對不突出-⧫大西洋野生青口 & 紐西蘭刀貝蚌⧫新鮮青口很驚喜 肥厚鮮甜充滿海水味刀貝蚌都好食爽滑彈牙 殼啲汁都啜埋-⧫日本大元貝 & 韓國慶南珍珠蠔⧫大元貝相對較失望 合格但印象中更正蠔一口一隻 蒸的時間剛剛好軟嫩不腥-⧫有機蔬菜籃⧫吃點蔬菜中和罪惡感 感覺好舒服清新-⧫海鮮排骨粥⧫一早

今晚同朋友黎到蟹仙海鮮蒸氣鍋食蒸海鮮😋店員講解左好多海鮮既知識比我地聽，聽得出呢間餐廳對海鮮既新鮮度好有追求。店員全程幫我地打理蒸海鮮，確保熟之餘仲唔會浪費食材！我同朋友只係負責食😋😆我地揀左《專貴海鮮套餐》，當中既海鮮來自不同既產地，近至台灣，遠至紐西蘭，每一樣都好新鮮、爽口、鮮甜，蜆殼類既海鮮仲帶有咸咸地既海水味😆👍🏻重點介紹: 大黃奄蟹，鮮甜！連蟹腳都有肉食！野生琵琶龍蝦，金黃色既膏好吸睛，肉質好爽！最後既粥底係重點！吸收哂海鮮既精華，超鮮甜！本來好飽都忍唔住食左2碗😂原來仲有甜品！今晚係椰汁雪燕，飲落唔會好甜，完美的結尾😀

平日放工嚟，座位已經坐滿7788 ，如果嚟食記得提前book位餐廳門口有個海鮮水箱，全部都係生猛海鮮，不時見到職員出嚟撈海鮮我哋兩個人叫咗呢一個399嘅套餐，一共有10款嘢食叫完嘢食食完會用呢個路線將所有餐具整一次消毒最先上嘅係呢一碟貝殼類，有鮑魚青口生蠔月亮杯同埋刀貝蚌跟住上嘅係龍蝦同奄仔蟹奄仔蟹非常多高，蟹膏黃油流晒出嚟而龍蝦都非常之鮮甜，蝦肉蚊出嚟非常之彈牙結實，食完個龍蝦頭仲可以放返落足底度煲粥半條東星班，魚肉滑嫩鮮甜，配上薑蔥絲同蒸魚豉油，正粥底：加咗菜譜排骨同埋芋頭落去煲，吸晒所有海鮮嘅鮮甜味，正呀最美仲有甜品，係椰汁西米官燕，非常有椰汁香味但係又唔會太甜

人均消費$400的店舖，食物猶如垃圾，蟹只有三隻手指那麼大（每人只有半隻），食物份量極少，一個食量細小的女士也不足夠飽肚。😒服務態度......失去蹤影，只有少數服務員，上菜速度極慢，進場下單到上菜半個鐘未完成。另外整間店舖環境狹窄，座位之間也非常窄。全場只有約10張枱，枱的數量不多但服務不見了踨影，全程服務員都只是過來服務不超過五次，大失所望。總之整體表現欠佳，不會再光顧。🤦🏼‍♀️亦不太建議大家光顧！

今日同friend講開想食海鮮，於是就去咗食蒸鍋。其實之前食過蟹仙其他分店，覺得佢嘅海鮮好新鮮，服務又好，所以今次試吓新蒲崗分店掂唔掂先～竟然有我最鍾意嘅菜莆基本嘅調味料Yeahhhh 我今晚好期待既海鮮拼盤隻蝦仲識郁㗎青口同刀貝～好鮮甜彈牙鮑魚同生蠔～蒸生蠔真係麻麻哋好食可能係我本身鍾意食新鮮生蠔，蒸左之後嘅口感反而覺得怪怪地。鮑魚好彈牙雖然兩款蟹同埋一隻琵琶蝦都係得一隻，每人食得半份～但正所謂少食多滋味，重質不重量三款海鮮入面我最鍾意隻羔蟹！！係爆羔呀完全唔想點豉油或者任何調味料！原汁原味先食到佢蟹肉嘅鮮甜，蟹膏嘅香滑同油香味～～屋企可唔可以買一個自己蒸呢？仲有呢個香炸爽脆魚皮就咁食同埋用嚟送粥都好夾！全部海鮮嘅精華就落咗喺呢煲粥入面仲加入左粟米同埋排骨，好甜好綿既海鮮粥底～～一定要留肚食呀

每次想食蒸海鮮，必然想起蟹仙，因為蟹仙的海鮮品質真是非一般店子可比，而且性價比亦高，所以 毫無懸念， 今晚又係蟹仙。餐廳menu有數種套餐選擇，今晚我揀了尊貴海鮮套餐$399/位。有罕有大黃奄蟹/ 太平洋饅頭蟹(2揀1)，野生琵琶龍蝦，台灣九孔鮑魚，越南大虎蝦，日本大元貝/ 紐西蘭月亮貝(2揀1)，韓國慶南珍珠蠔， 大西洋野生青口， 紐西蘭刀貝蚌和有機蔬菜籃 。店員首先把南瓜，粟米，芋頭和排骨等配料放於蒸鍋底部，待蒸完海鮮後便有新鮮滚熱辣的粥食la!越南大虎蝦 ~肉質爽甜彈牙，帶海水的鹹鮮味，蝦頭又大又多膏，正呀！台灣九孔鮑魚~肉質飽滿厚肉 ，柔軟而富彈性，鮑味香濃，好好味呀！韓國廣南珍珠蠔~雖然不算大隻，但肥美滑嫩，蠔味濃郁，香甜美味。大西洋野生青口~ 野生青口和急凍青口無論味道和口感完全不一樣! 野生青口海水味非常濃郁, 十分肥美, 啖啖肉極鮮甜 ,好好味呀!真係唔係度度有得食。紐西蘭刀貝蚌~ 體型足有一般貝類三倍，口感嫩滑，爽口無沙，好味。紐西蘭月亮貝~ 肉厚鮮嫩又肥美，十分鮮甜。野生琵琶龍蝦~ 這種印尼琵琶龍蝦產量稀少， 肉質緊實爽脆，啖啖肉，口感甘甜， 我覺得比龍蝦還鮮甜。太

平時最愛食龍蝦同貝類海鮮，所以毫不猶疑揀左尊貴海鮮套餐 ($399)。海鮮盤逐次逐款咁蒸，平均都係三分鐘咁上下，我完全冇理過，店員由頭整到落尾，所以大虎蝦同鮑魚簡簡單單已經好好味，勝在火候時間都岩岩好。大西洋野生青口同紐西蘭刀貝蚌非常驚豔，洗得乾淨就基本啦，青口大隻又甜，刀貝蚌好爽又有種未食過既鮮味，好特別。紐西蘭月亮貝同韓國慶南珍珠蠔同想像中一樣咁新鮮甘甜，呢度既來貨有咁上下水準，難怪店員成日好自豪咁同客講話老細做海鮮批發所以有靚貨。由淡至濃咁食，終於等到龍蝦，好耐冇食過咁多肉咁原汁原味，感覺到佢上台前一秒仲跳緊。激讚太平洋饅頭蟹同大黃奄蟹，前者咸咸地好似bb蟹咁嫩滑，大黃奄蟹就係全晚最正，d膏未蒸已經夠吸引。 大黃奄蟹蟹膏好香，因為味道清新所以感覺唔算好邪惡，食食下唔覺唔覺都好飽。最後個粥底真係飽到食唔得多，店員都話太多野食未見過有人食得哂d粥，其實都好足料用豬骨熬，仲有哂成晚精華。