蟹仙海鮮私房．蒸氣石碢 (環海大廈)

營業中

休息中

之前聽朋友講過呢度好食，見都好多正評，就黎試下啦！六點左右黎到，有book位，都唔算多人。到7點到啲booking 就逐漸入座。我地最後選左尊貴海鮮套餐先上呢盤海鮮，流晒口水！😋😋加拿大野生海虎蝦好大只，超級鮮甜！蝦肉都好鮮甜爽口！蟹皇大元貝第一次食加蟹皇既元貝！蟹皇好濃郁，配合住爽甜既元貝食好高享受！韓國斧山珍珠蠔漲卜卜，好大只，咬落去時好creamy 好juicy ！好有蠔味，但唔腥！台灣花尾龍躉片肉好厚身，食落好有咬口，好多骨膠原大西洋野生青口紐西蘭刀貝蚌職員話重海水味，會有少少咸味，唔洗點醬油食，不過我以上都海鮮都無點過醬油，因為海鮮真係好新鮮甜美！食落又真係咸咸地，好好味！台灣九孔鮑魚好大只！清潔得好乾淨，咬落好爽口彈牙！第二盤海鮮野生琵琶龍蝦好特別，之前都未食過！呢個肉質相比虎蝦肉實少少，但都好爽口，清甜！好食！野生膏仔蟹好多膏！好濃厚既清甜味！蟹好好肉，蒸時間剛好，好嫩滑！啖啖肉，超好食！最後食埋個蔬菜盆同粥底就完美啦！好飽！職員話老闆做海鮮批發，時令海鮮先入貨，亦會親自選購最靚既海鮮，所以餐牌有時會唔同。海鮮全程由職員蒸，每款時間都唔同，計到最準時間個位就上碟，食到最鮮

未試過喺OpenRice寫食評，但係今次真係一定要。 費事其他人比好評fake左。本來週末諗住食餐好。 啱啱喺尖沙咀就搵吓有邊度可以食海鮮蒸鍋😋。最後見到呢度咁多好評諗住試吓新嘢就去咗。睇佢個價錢都幾貴下，但係食海鮮都預咗有啲貴，以為個價錢都可能會反映質素（最平嘅餐加加埋埋每人應該都$500+）。 啲嘢食嚟到嗰陣見到都真係好普通已經覺得伏伏哋，蒸咗啲嘢食之後都冇乜驚喜好一般… 食完真係好失望🙂‍↕️，自己之後心諗都唔知食咗啲乜。最後食到個粥… 一啲味道都冇。呢度啲服務係好，人都好好，佢會幫晒你蒸， 但係嘢食質素同價錢真係唔掂。去呢度啲人真係要睇吓負評寫啲咩先。佢地方又唔係好方便，尖沙咀嚟講都要行一段路。

就快母親節，媽媽最鍾意食海鮮，所以帶咗媽媽來食蒸氣海鮮，為她預先慶祝。這間是我之前食過CP值幾高蒸氣海鮮。而且這裏服務非常之好，服務員會幫手蒸海鮮，不用自己動手，以及講解海鮮來源，非常詳細。我哋叫咗兩個尊貴海鮮套餐，套餐包括有媽媽最鍾意食嘅龍蝦，其他有野生膏仔蟹、饅頭蟹、九孔鮑魚、青口、虎蝦、珍珠蠔、蟶子、大元貝及有機蔬菜籃。野生菲律賓膏仔蟹每人有半隻野生膏仔蟹，膏仔蟹有滿滿嘅蟹膏，而且蟹肉飽滿，啖啖肉，非常之新鮮甜美。龍蝦每人有半隻青年龍蝦，龍蝦非常新鮮，肉質飽滿，彈牙爽甜，非常之美味。饅頭蟹饅頭蟹出面比較少有，雖然蟹肉不多，但鮮味十足。九孔鮑魚、青口、虎蝦、珍珠蠔、蟶子及大元貝青口及大元貝都有配上蟹黃醬，蟹黃醬係餐廳自家製，互相配合，更加鮮美；虎蝦彈牙，聖子同九孔鮑魚爽口，全部都好大隻，非常鮮甜，而珍珠蠔就好creamy。粥底蒸海鮮仲有一個粥底，粥底有芋頭、豬骨、粟米、菜脯及蔥等，吸收蒸海鮮嘅精華，綿密鮮甜。最後仲有糖水送，椰汁雪燕，非常滋補，而且糖水唔係太甜，為豐富嘅一餐作完美結束，非常滿足。

蟹仙海鮮私房．蒸氣石碢 (環海大廈)地址：尖沙咀天文台圍2號環海大廈2期地舖一間專門食海鮮既店舖😋位於尖沙咀天文台道，雖然行上去條路比較斜，但都值得😆餐廳環境寬敞，坐落舒服。一坐低會有職員細心介紹及推介餐單，因有不同套餐，每個套餐有其特色，侍應會詢問客人口味，意向，再推介及詳細介紹海鮮，十分貼心！選了一個較為經濟的套餐，$449便有十款不同食物及新鮮海鮮😍全程海鮮不需自己親自落手，職員會過黎幫手蒸，將海鮮完完全全新鮮送上面前，只須食便可😋餐廳老闆做了十幾年海鮮進口，保證海鮮有質素及新鮮，由其是佢地既招牌膏仔蟹，真係正到不得了！超級豐富既蟹肉，蟹膏，無論味道及份量都係食過既蟹最好味！😍😍太平洋饅頭蟹係位於深海區既蟹，平時係極少機會食到，只有當蟹既交配期佢地先會上岸！鰻頭蟹雖然肉唔多，但係超鮮甜！非常正！依間蟹仙誠意推介俾大家～一共有十款，每位$449野生膏仔蟹太平洋饅頭蟹野生琵琶龍蝦台灣九孔鮑魚大西洋野生青口加拿大野生海虎蝦韓國斧山珍珠蠔紐西蘭月亮貝蟹黃大元貝有機蔬菜盤

今晚和朋友－起來到尖沙咀的蟹仙海鮮私房蒸氣石鍋晚餐，餐仙在香港開有多家分店，老闆是專做海鮮批發商，保證海鮮的質量和新鮮。至尊海鮮套餐原價$ 898/人，現優惠價$449/人。套餐包含野生膏仔蟹，野生加拿大海虎𧎚，台灣九孔鮑魚，大西洋野生青口，韓國斧山珍珠蠔，野生琵琶龍蝦，蟹皇大元貝，太平洋饅頭蟹，蟶子皇。海鮮款款鮮甜彈牙爽口，不用醬料可以食出海鮮的原汁原味。野生膏仔蟹肉質肥美結實。龍蝦有膏口感甘香，回味無窮。蟹皇大元貝，口感－流。有機蔬菜拼籃夠健康。最後生滾粥加入蔥和菜脯是晚餐的精華所在，美味可口，物超所值。

香港海鮮舉世聞名，蟹仙海鮮蒸汽火鍋，在香港有多家連鎖分店，餐廳推出多款套餐，海鮮至尊套餐：有野生膏仔蟹、大虎蝦，琵琵龍蝦、麵包蟹、聖子皇、野生大元貝，鮑魚、斧山珍珠蠔、青口、蔬菜籃子等共十款之多性價比較高。野生膏仔蟹，蟹香濃郁，蟹膏入口口感豐富回味無窮，蟹肉滑嫩。鮑魚、虎蝦、聖子皇美味彈牙，琵琵龍蝦鮮甜可口，斧山珍珠蠔營養豐富。不用沾任何調味料，可以品出海鮮的原汁原味。蔬菜籃子配有粟米、生菜、娃娃菜，非常之健康。記得要留肚吃集精華於一身的生滾海鮮粥，加入蔥和菜脯口感一流。最後餐後甜品，椰汁燉雪燕，甜度適中，令人回味。

心癢癢想食海鮮蒸鍋，朋友就帶咗我去尖沙咀試蟹仙海鮮私房餐廳😋餐廳環境光猛，主要都係卡位形式座椅，每張枱側邊嘅櫃桶放置垃圾桶，超方便棄置食完嘅海鮮，值得一讚餐廳諗得好周到！而且，全程蒸海鮮嘅過程都係由店員包辦，確保海鮮唔會蒸過龍，或者未蒸熟！▫️尊貴海鮮套餐 $449首先上枱嘅係大大碟海鮮拼盤，超級新鮮及精美包括：🔸台灣九孔鮑魚🔸大西洋野生青口🔸加拿大野生海虎蝦🔸韓國斧山珍珠蠔🔸蟹皇大元貝🔸紐西蘭刀貝蚌虎蝦大大隻，肉質新鮮又彈牙！鮑魚超厚肉，食落好煙靭，唔會有腥味，好新鮮！斧山珍珠蠔一食落口已有陣陣海水味，超鮮味！個人最愛係蟹皇大元貝，味道好夾，啖啖蟹黃，食落更Juicy！青口及刀貝蚌鮮味濃郁👍🏻▶️ 野生膏仔蟹▶️ 太平洋饅頭蟹兩款蟹都超多蟹膏，而且蟹膏一啲都冇腥味，超級新鮮，食落鮮甜嫩滑😋！膏仔蟹蟹肉多床喺蟹鉗內，鉗開之後有滿滿蟹肉！▶️ 澳洲青年龍蝦龍蝦大大隻，肉質彈牙，又保持到鮮味！🔸有機蔬菜籃 + 海鮮粥蔬菜籃包括娃娃菜、生菜及粟米，清蒸好養生健康！而海鮮粥就滲透咗以上海鮮嘅肉汁，再加上粟米排骨，份外入味！▫️椰汁燉雪燕以甜品作結，椰汁燉雪燕唔會太甜，食落口感冰涼，配上一絲絲雪燕，好滋味

作為食肉達人，食好海鮮當然不容錯過！估唔到搵到一間尖沙咀既高質海鮮蒸鍋餐廳！▫️尊貴海鮮套餐 $449▶️ 野生膏仔蟹顧名思義，金黃既蟹膏多到滿瀉，食落香滑而蟹香濃郁，肉質亦香甜鮮美，食蟹迷必選！▶️ 太平洋饅頭蟹呢隻蟹嘅品種相對比較細隻，食落去講求嘅係食佢嘅鮮味同香味，同我哋一般食到嘅肉蟹完全唔同，係更香甜！▶️野生琵琶龍蝦龍蝦大家都食得多，印象都係好味，但肉質唔容易處理得好。但係今次嘅琵琶龍蝦，唔單止比一般龍蝦更加香，食落去肉質亦都保持嫩滑，新鮮嘅味道配上香甜嫩滑嘅肉質，一隻絕對唔夠喉！台灣九孔鮑魚唔單止份量大大隻，最緊要係新鮮，味道香甜！大西洋野生青口通常食青口最驚就係食到擺得太耐嘅，食落去會有一種怪味。而今次既青口係難得嘅野生青口，食落口更為彈牙、鮮美。加拿大野生海虎蝦一食落去就知道係新鮮嘅蝦 - 肉質彈牙、蝦味十足，絕非市面一般嘅蝦可以相提並論。韓國斧山珍珠蠔蠔味濃郁，新鮮既海水味更添風味！蟹皇大元貝元貝新鮮彈口，食落唔會煙韌，配埋蟹黃更令味道添層次，香味十足！紐西蘭刀貝蚌一入口已經有海水既鮮味衝擊，味道鮮甜，配上咸香既鮮味，實在是樂而忘返！有機蔬菜籃包括不同蔬菜，比大家食完肉食菜休

之前喺厚福街食開嗰間蒸籠火煱執咗，試過粥底火鍋，但係都係心思思想食返蒸籠，上網搵到呢間，於是訂枱嚟試吓。喺餐廳門口見到呢隻可愛嘅🦀梗係要打吓卡啦。😂坐低見到蒸爐上面放哂啲餐具喺度高溫消毒，眼前一亮，俾Like👍🏼👍🏼👍🏼。我哋上次食火鍋冇乜食海鮮，今次叫咗個海龍皇海鮮五人套餐。第一味上嘅係鲜魚皮（剌身），我食咗一嚿，好爽甜，不過其中一個Friend話佢唔敢食，嚇到我都唔敢再食😂😂😂，最後碟嘢俾其餘三個人清哂🤣🤣🤣。我唔飲得，但係另外嗰四個好得，所以叫咗枝Sake，搞到今餐人均消費高咗添！🤣今日個象拔蚌刺身夠晒特別，我諗係新年限定😂，老闆娘叫我哋預備好手機影video，原來佢有火機喺手點呢個迷你煙花! 煙花賀新年，刺身夠晒甜。👍🏼👍🏼👍🏼之後每人一隻海虎蝦🦐，講真係幾大隻嘅，不過肉質有啲實，好似蒸得耐咗少少咁。啲蟹🦀好大隻又多膏，老闆娘話先啜哂啲膏先食肉。👍🏼😋龍蝦🦞我覺得都幾唔錯。跟住就係貝殼類，鮑魚厚肉、蠔肥美👍🏼👍🏼，扇貝加咗炸蒜𦴦鮮味出晒嚟。😋😋條魚啲肉好滑，唔會輸俾大酒樓。😂蒸完哂海鮮，下面有一煱美味嘅豬骨粥，啲海鮮精華落哂啲粥度，又真好好味喎。😋最後老闆娘話請我哋食壽包，雖然

記得前幾年好興食蒸海鮮，但香港食蒸海鮮價錢都比較貴。但今日同屋企人試咗呢間雖然地理位置唔係咁理想，但係性價比10分高，海鮮超級新鮮，新鮮生猛捉上嚟即蒸即食，以呢個價錢食到呢個質素嘅海鮮係香港真係好難搵。服務都十分周到，每一款海鮮都有專人幫你計時蒸好開蓋，所以每樣都生熟剛好，更添美味👍🏻我哋今日點左個set,包括十款海鮮，仲有蔬菜籃，最後食埋個粥底，真係食得很滿足👍🏻推介鍾意食海鮮嘅朋感覺不妨一試，一定唔會失望！

復活節假期的一天好想食蒸海鮮,  所以就去尖沙咀蟹仙海鮮蒸氣鍋，老闆經營香港海鮮入口商批發超過30年，每日新鮮直運新鮮海鮮到店舖，有多個套餐選擇, 仲有專人幫手蒸海鮮, 真系正今次試左尊貴海鮮套餐 ($449/每位)。套餐十道菜式包左膏蟹, 龍躉片, 琵琶龍蝦, 鮑魚, 青口, 虎蝦, 珍珠蠔, 刀貝蚌、大元貝同有機蔬菜藍,  店員會幫手將每款海鮮按味道由淡至重放落蒸氣鍋同提示蒸煮時間, 真系貼心膏仔蟹肉鮮甜滑嫩, 蟹膏極為新鮮，味道濃郁 清蒸琵琶龍蝦, 肉質有彈性新鮮, 呢兩款真心推介龍躉片魚肉爽滑鮮甜九孔鮑魚肉質爽脆又清甜, 沒有一點腥味青口,刀貝蚌, 大元貝及虎蝦肥美濃厚多汁啖啖鮮味珍珠蠔帶蠔肉清甜加上,  海鮮味濃有娃娃菜、生菜、粟米加埋吸各款海鮮汁既粥，加入排骨粟米特別香甜仲有椰汁雪燕甜品, 真系讚📌蟹仙海鮮私房．蒸氣石碢 (環海大廈)📍尖沙咀天文台圍2號環海大廈2期地舖

作為海鮮迷嘅貓奴，一定唔會錯過食海鮮蒸鍋🤩 今晚叫咗尊貴海鮮套餐 $449，有幾項自選嘅項目，我哋交俾店員推薦當日邊款海鮮新鮮就食邊款🤓店員先送上6款海鮮，店員會安排由淡至濃味咁蒸：🔸加拿大野生海虎蝦🦐🔸台灣九孔鮑魚🔸蟹皇大元貝🔸台灣花尾龍躉🔸韓國斧山珍珠蠔🦪🔸野生青口🔸紐西蘭刀貝蚌全部都好新鮮！仲有店員全程主理，時間火侯完全唔需要操心，啱晒淨係坐響到食嘅貓奴😍🔸爆膏奄仔蟹🦀大大隻蟹之餘仲要爆膏、頂肉😍 真係一試難忘😍🔸琵琶蝦琵琶蝦雖然外表醜，但勝在有內在美🤩 肉質彈牙鮮甜。我反而更喜歡佢肉質較爽，有別於龍蝦厚實嘅感覺😋海鮮始終用蒸嘅烹調方式，先食得出最原有嘅鮮味😋未蒸嘅時候已經好靚仔好吸引🤩 蒸完見到爆滿金黃嘅蟹膏，真係流晒口水🤤最後仲有蒸粟米🌽、生菜同娃娃菜🥬男友要增加口感，叫咗個炸魚皮送海鮮粥🤭拆咗啲蟹肉同海鮮粥一齊食，一流😋套餐一共有十款海鮮，仲有成鍋粥，真係唔洗擔心食唔飽，份量十足👍🏻 店員亦好好禮貌，不時留意我嘅進食嘅速度去調整，好細心😊 🐾貓奴足跡🐾🌐蟹仙海鮮私房．蒸氣石碢 (環海大廈) (尖沙咀)📍尖沙咀天文台圍2號環海大廈2期地舖

在蟹仙海鮮私房．蒸氣石碢度過的美妙晚餐，我品嚐了一份尊貴海鮮套餐，給我留下深刻的印象。這個套餐以粥底蒸海鮮為基底，融入了不同種類的蒸海鮮，讓我先品味海鮮的精華，最後再享用濃郁的粥湯。首先，餐點中的韓國生蠔令我驚艷。這些鮮嫩多汁的蠔肉散發著海洋的香氣，與自家製的蟹黃醬相得益彰，帶來令人難以忘懷的口感。接著，鮑魚的豐潤和台灣花尾龍躉片的獨特風味進一步豐富了這道套餐的層次感。而翡翠螺、刀背蜆以及野生琵琶龍蝦等海鮮的鮮美，令人彷彿置身於海洋的寶庫。然而，最令我驚艷的是野生罕見綠膏蟹。這種珍貴的蟹種擁有獨特的翠綠色蟹黃，帶來絕佳的口感和濃郁的蟹味。每一口蟹肉都散發著鮮甜的滋味，令人回味無窮。除了海鮮，套餐還包括了精心蒸製的時蔬和香氣撲鼻的粥。這些蒸菜保留了原料的新鮮度和營養價值，為整餐帶來了平衡和豐富的口感。總的來說，蟹仙海鮮私房．蒸氣石碢的尊貴海鮮套餐給我留下了難以磨滅的印象。新鮮的海鮮食材和精心烹調的手法使得每一道菜品都充滿了驚喜和美味。對於喜愛海鮮的人來說，這裡絕對是一個值得品味的餐廳。無論是餐點的味道還是食材的特別，蟹仙海鮮私房．蒸氣石碢都展現了他們對於美食的專業和用心。

蟹黃青瓜＆蟹皇海哲 （正常發揮）- 冰鎮原隻冰鎮龍蝦個人認為龍蝦生食冇咁好食，都係清蒸或者配上醬汁會更好。生食嘅龍蝦可以配上醬油一起享用。其實食落口感有啲似魚生😂都係一個唔錯嘅體驗。- 帶子帶子刺身味道鮮甜，唔係爽口嗰種帶子，係入口即溶嗰種！所以小編好推介大家揀帶子！- 野生琵琶龍蝦🦞琵琶龍蝦個樣真係好醜樣！🫠搞到我都唔係好想食，但佢味道係鮮甜，而且味道濃郁，喺出邊好少食到👍🏻- 膏蟹🦀佢唔算好大隻，但都好多肉。我哋揀咗隻公，會比較鮮甜好食。- 龍蝦（額外加錢+$450）🦞龍蝦都係蒸嘅好食！頭先嘅刺身只係一個體驗，蒸龍蝦最能夠將龍蝦嘅鮮味帶出，都算幾大隻嘅！- 八頭南非鮑魚鮑魚酸甜軟熟，蒸熟咗之後將個鮮味帶出，唔錯🥰- 韓國斧山珍珠蠔的確係幾鮮甜，但蒸嚟食冇咩特別🥲- 紐西蘭刀貝蚌有少少韌，個人唔係咁鍾意，唔建議大家選擇。有機蔬菜籃🥗龍蝦粥🍲聞落去就好濃郁嘅龍蝦味，但係食落就覺得還好，比預期中冇乜特別😅個粥係真係鮮甜，但味道唔夠濃郁。店員亦會將剛才食剩嘅龍蝦肉同龍蝦膏放入粥底入面熬製😊

今日朋友book咗一間隱世餐廳，我搵咗20分鐘先搵到，一入到去，原來係食蒸海鮮，我們叫咗兩個一人前既海鮮set，原價$9XX，現在做半價449，睇落去都算底食，唔知海鮮生唔生鮮呢～一開始職員就將碗碟放落蒸爐消毒，確保衛生，之後就上了一碟五款既海鮮，裡面有青口，蠔，大蝦，聖子同一款貝類(唔記得叫咩貝)第一樣蒸的是加拿大大蝦，很厚肉，加小小車鼓油一口食哂，好滿足第二樣蒸聖子，好大隻，好爽第三蒸鮑魚，唔算好大，但都有返咁上下size，不錯第四就樣就係貝類，青口同乜乜貝，海水味超強，不用調味已經很夠味～原來以上只係頭盤，接着黎先係主角首先食澳龍，雖然龍蝦不算好大每人半邊，原隻開邊蒸，能保留龍蝦的汁水，又多肉，正～之後蒸隻未見過既蟹，經理說，這個叫石頭蟹，這隻蟹捕捉時間只有6月-12月，因為這隻蟹大部份時間只會在深海石那之間，發情先會出來，以最靚嘅姿態去求偶，所以頗為珍貴，講到肉質，好細緻，真係好食，唯一美中不足就是肉少～接住來這個餸是最欣賞的，就是奄仔蟹，我諗大家都知道奄仔蟹的質感，我都不用說太多，唯一可以講這隻奄仔蟹超級大，肉多蟹膏多，現在都回味緊～跟住食埋蒸菜同埋個海鮮粥底，大滿足～總括黎