蟹仙海鮮私房．蒸氣石碢 (環海大廈)

營業中

休息中

出了消費券諗緊點用好，當然請屋企人食餐海鮮餐啦！就打電話到尖沙咀蟹仙海鮮蒸氣石鍋訂位，這裏的老闆係香港海鮮入口商經營批發30年經驗,確保拎到最靚既海鮮，每天直接空運到每間店鋪👍到達後職員為我們安排入座介紹海鮮的套餐，最後我們選擇中位價錢$449 尊貴海鮮套餐已經好吸引！第一盤海鮮有台灣九孔鮑魚厚肉帶點爽口，越南大虎蝦，色澤紅潤，鮮嫩彈牙，韓國珍珠蠔，蠔肉脹卜卜味道濃郁，大西洋野生青口，海水味濃帶點鹹鹹地所以不用醬汁已經好好味！紐西蘭刀貝蚌蒸完之後多汁鮮甜啖啖肉！第二盤海鮮主角出場，澳洲龍蝦🦞蝦肉勁爽口彈牙，而且好鮮甜帶有少少蝦膏，大黃奄蟹上枱時已經好友驚喜，成隻蟹充滿蝦膏，蒸熟後一株株的蝦膏入口好Creamy,蟹肉又結實非常美味😋太平洋饅頭蟹樣子好可愛，蟹肉比較少但蟹肉比起其他種類的蟹更鮮甜扎實！有機蔬菜籃🧺蔬菜有大白菜、生菜同粟米，新鮮爽口又健康！最後當然唔少得今日全部海鮮的精華放喺粥裏面，本身粥底已經加入粟米、排骨同芋頭，店員仲會放蔥粒和菜脯去提升味道。食完粥最後上甜品有凍椰汁鮮奶燕窩，椰汁味好香不會過甜食完之後養顏又滋補😋😋😋

派左有消費卷緊係出去消費下，食好嘢，同老公都好中意食海鮮，但兩個人怕麻煩就寧願出去食。我地叫左尊貴海鮮套餐，好正啊，店員會幫我地計時蒸埋，唔洗擔心蒸到過龍，服務真係好好，個個都有禮貌，讚！罕有大黃奄蟹好多膏，蟹肉鮮甜。深海海星斑好少食星斑，呢個肉質嫩滑，點上自制醬油更加鮮甜。澳洲青年龍蝦大隻，厚肉，肉質爽口彈牙。台灣九孔鮑魚店員控制時間非常好，剛剛熟，一點都唔靭。越南大虎蝦爽口彈牙，蝦味鮮甜。大西洋野生青口加左蟹黃一齊蒸，增加少少鮮甜味。紐西蘭刀貝蚌上枱個陣仲郁郁下，好新鮮。日本大元貝好有咬口，啖啖肉。韓國慶南珍珠蠔蠔味濃郁，粒粒飽滿。食左海鮮蔬菜，我地就食個粥底，海鮮嘅鮮味全部落哂入去，食左三碗，大滿足。

已經好耐無食過蒸氣石鍋，難得朋友放假，就過黎試下店員一開始會介紹海鮮餐，再講餐廳老做海鮮批發所有海鮮都是精挑細選的而且最新鮮$439/位的海鮮餐，可以食到9款海鮮用上以藤編織成的草帽當作鍋蓋編織緊密的草滕有很強的保溫功能能把所有食料保留原汁原味的套餐已包排骨粥底 粥底有米、有芋頭，粟米，排骨不用加水，之後再把海鮮隔放到上方讓排骨粥可慢慢煮，留到最尾才吃先來半條深海海星斑，肉質嫩滑，好鮮甜原隻琵琶龍蝦開邊蒸比龍蝦更加彈牙同咸鮮其他海鮮有大黃奄蟹，韓國慶南珍珠蠔，紐西蘭刀貝蚌，九孔鮑魚珍珠蠔看似細細隻，但又好重蠔味，超甜刀貝蚌海水味更濃大黃奄蟹，蟹膏超甘香，而且肉質甜實到了尾聲粥底已經煮得綿綿的吸哂海鮮精華相當鮮甜，入口米粒帶點口感非常好吃，真係大滿足

個日我哋兩個人12點左右去食，食左2-3小時。基本上可以用劣食來形容,最後我哋埋單大慨$1600, 人均消費$800, 但食物素質系差, 作為一個消費者真係好難接受。系蝦嘅味道可以話系冇乜蝦味，一d 都吾新鮮，仲衰過冰鮮蝦。龍蝦都係普普通通。隻蟹D 膏如圖所見系黑色嘅，食洛更加系冇任何滋味可言。服務就一般，當時有一老一年青嘅男子招呼我地，個老嘅食行埋黎系甘講佢哋D 食物有几好，其實根本系自己吹出黎，食洛去咩味道自己知。唯一可以讚下就係條魚，但其實都系好少少。總體來說，我會覺得人均消費$800嘅餐廳竟然會俾客人呢種劣食，我哋離開嘅時候只有俾人呃嘅感覺。

真係好耐係無食過蒸氣鍋，襯有消費券當然要出去食餐好。點左一份尊貴海鮮套餐，二選一項目就揀左少食到嘅琵琶龍蝦，店員在開始蒸海鮮前會幫大家整個粥底吸盡海鮮精華。深海海星斑每兩位都會有半條，餐廳會將大部份嘅骨都起左，食落都幾方便，魚肉一d都唔韌，加上醬汁，鮮味更出。食完魚就開始食其他海鮮，有台灣九孔鮑魚、越南大虎蝦、大西洋野生青口、紐西蘭刀貝蚌、日本大元具、韓國慶南珍珠蠔，材料件件新鮮，珍寶蠔比我想像中更飽滿，入口滋味。罕有大黃奄蟹和琵琶龍蝦蒸每件食材，店員都會幫你處理，set好時間，令你食到岩岩好嘅海鮮，大黃奄蟹和琵琶龍蝦也不例外，大黃奄蟹肉質非常嫰滑，蟹膏勁正，琵琶龍蝦入口爽彈，鮮味十足。食完咁多海鮮，當然要食d蔬菜，再食埋吸收所有肉汁精華嘅粥，依餐先叫完美。

自從上次食過蒸海鮮之後就念念不忘，清蒸海鮮可以食到原汁原味，好味與否取決於海鮮既質素，而家未有晚市堂食，為有放假去蟹鮮慢慢食個午餐。🦀$439包含十款海鮮，店員會每一款幫忙蒸煮，用最精準既時間令到海鮮剛剛好，唔會過熟。有服務之餘亦令你用最佳既方法食用。🐠雖然有提供調味料，但完全無需使用，因為海鮮既質素極高，新鮮肥味，就算自己去街市買都買問到敢靚。🦐深海海星班、龍蝦、黃奄蟹、鮑魚、大虎蝦、元貝、刀貝蚌、蠔及青口，樣樣都新鮮好味，尼個價錢有敢高既質素，性價比極高。✨最後，用離蒸海鮮既粥底將最鮮甜既海鮮精華吸收，全部粥底比地食曬，真係超級好味。😋如果用現金付款，仲會有燕窩湯水贈送。👍🏻

朋友知道我鐘意食海鮮，推介我去「蟹仙」食飯，話新鮮好味👍🏻 而且係用蒸的方法煮，健康又原汁原味👍🏻 今日終於有時間去😋 餐廳主要食海鮮套餐，唔洗諗唔洗煩，又樣樣都有得食😍 今次叫咗$439套餐，有十款食物：🥢 深海海星斑（每兩位半條）🍤 琵琶龍蝦/ 澳洲青年龍蝦🍴 台灣九孔鮑魚🍤 越南大虎蝦🦪 大西洋野生青口🦪 紐西蘭刀貝蚌🍥 日本大元貝🦪 韓國慶南珍珠蠔🥗 有機野菜籃款款都鮮甜美味👍🏻😍😋🤩👏🏻🤤 一邊食一邊蒸，保持熱度之餘又非常新鮮，而且最正係全程由店員幫手蒸，蒸的時間剛剛好，又唔洗自己動手👍🏻👍🏻👍🏻😍 蒸海鮮的精華會流去下面的鍋，一邊煲粥，最後食埋個鮮甜粥底，非常滿足👍🏻😋🤤 用現金付款仲送椰汁燉燕窩作甜品，好正呀😍☺️ 整體非常滿足👍🏻 推介👏🏻

而家日日禁晚市，但其實你有冇諗過午市都可以食正嘢！？～😍早前就去咗呢間🦀蟹仙🦀（重點一提係需要提早book位）我哋揀咗$439/1位嘅豪華海鮮蒸氣鍋套餐，入面足足有9款海鮮🦞🦀🐠店內有魚缸養殖海鮮，所以確保樣樣都新鮮～整體評分：7.2/10味道：7/10服務：6.8/10環境：6.8/10人均消費：$400-500地址：蟹仙海鮮私房．蒸氣石碢 (環海大廈) (尖沙咀)尖沙咀天文台圍2號環海大廈2期地舖9款海鮮🦞包括：💜罕有大黃奄蟹💜深海海星斑(每兩位半條)💜罕有琵琶龍蝦💜台灣九孔鮑魚 💜越南大虎蝦 💜大西洋野生青口 💜紐西蘭刀貝蚌 💜紐西蘭月亮貝💜有機蔬菜籃其中印象最深刻嘅係：🦀罕有大黃奄蟹：真不愧為「蟹仙」之名～大黃奄蟹完全爆滿膏！膏好香，而肉好甜好緊實，真係齒頰留香回味無窮❤️🦞罕有琵琶龍蝦：一般只能夠食到普通龍蝦，而呢度可以食到平時食唔到嘅罕有琵琶龍蝦🦞佢雖然肉質相對普通龍蝦冇咁彈牙，但佢鮮甜度係普通龍蝦嘅十倍！記憶深刻😍而其他海鮮都好新鮮好甜～食到最後個煲底有粥，個粥吸收晒啲海鮮嘅精華，食咗好多碗都唔夠😍而且仲有個燕窩甜品都好好味❤️

蟹仙當然出名食蟹，蟹嘅質素高。除咗蟹其他海鮮都一樣有水準。蒸海鮮套餐有唔同價位，海鮮款式唔同。我就揀咗個平價啲嘅試吓。呢個其實已豐富同有多款海鮮。食蒸海鮮全程只係等食，店員會逐樣幫你蒸，可以慢慢享受。首先就係蒸魚，魚非常飽滿多肉，而且新鮮。蝦、蠔及青口，都鮮味！蝦爽口。呢度嘅貝類出邊較少食到，大大隻好鮮甜。鮑魚都大隻，又厚大，好味主角當然係蟹同龍蝦。蟹好新鮮，蟹肉好鮮甜，蟹膏多到爆膏。連蟹膏都非常鮮味！食完海鮮仲有粥，最後仲有鮮奶燕窩做甜品。

而家無得食晚市，唯有weekend 午市12-6pm食好d補數🥺發現原來最愛餐廳之一蟹仙而家午市都有各款海鮮大餐食，當然要book！😍3人行點了個$439/位的海鮮餐，可以食到9款海鮮🦞🦀🦐大滿足！餐廳亦好衛生，會先用蒸氣消毒所有餐具，才serve嘢食先來的是貝殼類，每款都好新鮮大隻！round1 的貝殼類海鮮已經大滿足😋🦐越南大虎蝦意想不到地新鮮彈口，而且蒸熟後都好大隻，肉質肥美香口🌟台灣九孔鮑魚熟度剛好，肉質軟香中鮮甜，口感好好🌟韓國慶南珍珠蠔雖然唔係大大粒，但係都食到滿口鮮甜味🌟大西洋野生青口大大隻，味道鮮甜🌟最surprise嘅係紐西蘭刀貝蚌，一打開殼大大粒肉之餘，食落去超鮮海水味😋因為唔想食🐟嘅關係，餐廳安排了日本赤蝦，代替海星斑，但真係好值得一試！赤蝦大大隻之餘水準好高，朋友都忍唔住邊食邊講了三次「好鮮甜鮮甜」round 2 先係最重點！每款都係我最鍾意、覺得最吸引嘅海鮮！🦞😍店員說我們遇到可遇不可求的「重皮蟹」，蒸過後重皮層甜香，蟹膏+蟹肉都好鮮甜～😋😋😋另外🦞澳洲青年龍蝦亦非常出色，肉質厚香彈口+鮮甜，膏同樣超香超好食（有點食大閘蟹膏的感覺）最後食埋吸收曬海鮮鮮甜精華嘅

今日想去食海鮮，下午就走咗去食蒸海鮮。呢度有多款不同海鮮套餐，揀咗尊貴海鮮套餐$439/位。非常豐富一定夠飽！叫完嘢食店員已經預先幫你整定粥底，然後慢慢蒸海鮮。等海鮮嘅鮮味深入粥底，最後就可以食鮮味海鮮粥。套餐$439/位罕有大黃奄蟹、澳洲龍蝦、台灣九孔鮑魚、越南大虎蝦、大西洋野生青口、紐西蘭刀貝蚌、韓國慶南珍珠蠔、有機蔬菜籃海鮮非常新鮮! 龍蝦及蟹最有驚喜😍蟹非常新鮮，蟹肉鮮甜，而且仲有蟹膏。澳洲龍蝦大大隻，蒸之前仲郁緊，非常生猛！龍蝦肉爽口鮮甜，基本上海鮮新鮮唔需要點任何調味料已經好味道！另外我最鍾意食嘅鮑魚都相當唔錯😎彈牙大隻。虎蝦真係好大隻，而且亦都爽口。刀貝蚌夠鮮甜，珍珠蠔夠飽滿creamy ！青口亦都相當唔錯。最後食埋啲蔬菜同個粥、糖水，非常滿足！

因為晚上禁堂食嘅關係，想食蒸海鮮都變咗午餐食。好彩蟹仙宜家午市都有做，咋咋淋整返個尊貴海鮮套餐。呢個套餐包左半條班，條魚蒸完出嚟真係好滑，配埋啲蒸魚豉油真係冇得頂。而佢啲老虎蝦都好正，啲肉都好實好彈牙，證明真係好新鮮生猛。以佢嘅鮑魚都好好味，口感好煙韌。另外佢兩隻貝類都幾特別，職員千叮萬囑呢兩隻貝類唔可以點豉油，其中一隻係刀馬貝，確實真係好香海水味。另外一隻係更加少見嘅月亮貝，呢個個外表雖然麻麻哋，不過其實都好鮮甜。然之後就係重頭戲，肉蟹。佢啲肉蟹真係好多膏，好香㗎，因為新鮮嘅關係啲肉都好鮮甜好實淨。而另外最特別嘅係琵琶蝦同龍蝦可以每人要半隻，令到我哋可以兩隻都試吓。琵琶蝦嘅肉冇龍蝦咁彈牙，但係味道會鮮甜啲，真係各有各特色㗎。食完晒啲海鮮就食埋佢個超鮮甜粥底，呢個粥底真係不得了，吸收晒所有海鮮嘅精華，甜到忍唔住食左兩碗。最後因為現金付款嘅話就會送埋甜品，佢個甜品係椰汁官燕，識揀嘅你一定係揀現金付款啦。

冬日最喜歡吃暖笠笠食物，不是打邊爐就是蒸海鮮，蒸海鮮健康又美味。⭐️尊貴海鮮套餐$439/位店員先把豬骨、芋頭、粟米和生米放進鍋裡。⭐️深海海星斑首先吃半條蒸星斑，魚肉柔嫩鮮美。⭐台灣九孔鮑魚入口口感滑嫩有嚼勁，鮮味很足。⭐越南大虎蝦入口非常爽脆，很新鮮。⭐大西洋野生青口野生青口更容易入口，肉質嫩滑。⭐紐西蘭刀貝蚌海水味很突出，入口有鮮味竊有鹹鹹的海水味。⭐日本大元貝大元貝入口好柔嫩，鮮甜不需要沾醬油。⭐韓國慶南珍珠蠔海水味較重的珍珠蠔，愈嚼愈甜。⭐罕有大黃奄蟹有非常飽滿的蟹膏，主要吃蟹黃，入口濃滑香甜。⭐澳洲青年龍蝦澳洲龍蝦蝦肉很多，入口很彈牙，口感很正。⭐有機蔬菜籃蔬菜夠新鮮，入口清甜。最後將熬煮的粥用大火一煮，加入菜脯和蔥花，入口綿綿的，很美味。最後還有甜品，椰汁雪燕，很滋補。

好耐冇去食蒸氣海鮮啦，趁住年廿九出開街，所以同朋友一齊去食餐好既😋餐廳好闊落，有紅酒架又有鹹水魚缸，裏面既海鮮好生猛！首先蒸咗深海海星斑，食既時候落d鼓油已經好鮮美。之後係越南大虎蝦，肉質非常爽口彈牙，正！接住係貝類海鮮，包括九孔鮑魚、野生青口、蠔、元貝等，食得出每一種都好新鮮，啱洗點醬料都好好味。而且蒸既時間控制得好，食落唔會好韌。最期待係食大黃奄蟹同龍蝦，兩樣都冇令人失望👍🏼 龍蝦啖啖肉，而且肉質鮮甜爽脆。至於大黃奄蟹既蟹膏又多又香，食落味道似鹹蛋黃，yummy！食完海鮮就食蔬菜同粥，粥底吸哂海鮮既精華，仲加咗粟米、芋頭、豬骨等食材，味道非常濃郁，我地每人都食咗2，3碗。最後餐廳送咗椰汁雪燕比我地做甜品，成餐都好滿足！

媽媽生日話想食蒸海鮮, 所以我就一早BOOK好左之前食過覺得好正既蟹仙大食一餐!我地去到就揀左一陣餐, 最後叫左個最經濟的$439套餐, 想食既海鮮都已經齊晒首先食既係東星斑, 大約蒸9分鐘左右, 加少少豉油吊起個魚味就食得, 食落魚味濃郁, 係條靚斑黎的跟住食既係鮑魚同埋大虎蝦, SIZE都好大下, 已而食得出係新鮮海鮮先有既鮮甜!再黎就係野生青口同埋珍珠蠔, 食得出明顯同外面食既有分別, 腥味, 金屬味係完全冇得, 食得出只係海洋的好味道刀貝同月亮貝出面比較少有, 老闆教我地千奇唔好沾豉汁, 因為咁先食得出鮮味同貝味, 聽老闆的話果然無錯重點戲當然要放係最後, 就係青年龍蝦同埋膏蟹, 龍蝦都有手臂咁大, 而且咁厚肉, 肉質何其鮮甜, 而隻膏蟹既膏香到異常, 而且都幾多蟹肉又容易食食個粥底前梗係要食返D菜啦, 咁先係健康的寶寶麻最後食埋個粥, 有好重既海鮮味, 我地都食得非常滿足諗住埋單果陣, 唔得左佢講過現金找數係有糖水送, 仲要唔係普通料, 係椰汁官燕!!!食完都覺得皮膚滑左!媽媽食完都大感滿意, 讚左我好多句孝順仲不停同佢D朋友SHOW OFF, 睇黎帶佢黎食係正確的選擇