蝦蝦燒 (已結業)

經常去大鴻輝打邊爐 次次搭𨋢都見到呢間蝦蝦燒🦐成日都話食擇日不如撞日 上星期就同細佬咗食呢間 寫住有得任食流水蝦同海鮮 單單呢點已經好吸引 又有得玩又有得食😙😙佢有好多唔同種類嘅海鮮 最特別係有一條條魚燒仲有生蠔啦同鮑魚同三文魚🐠本身好想試吓燒一條完整嘅魚 但我哋驚會燒好耐 同埋怕唔識燒會燒得好耐會好老 所以最終冇食到 就瘋狂食佢嘅鮑魚同蜆仲有啲串燒😂串燒種類有好多 豬牛羊雞每樣都有啲 我哋每樣都攞咗嚟啲 樣樣都好食好入味 另外呢度仲有樣好特別嘅就係平時入大澳先有得食燒魷魚(?)定要魷魚乾😂 太耐冇食覺得好好食脆卜卜咁😝😝另外有熟食區 有啲西蘭花炒蝦 鳳爪 炸雲吞等你燒緊嘅時候 都唔會冇嘢食 有嘢食下🤪仲有個爐俾你烚下菜同麵 幾好！唔怕食唔飽🤣嘢飲同甜品都有好多選擇 總有一款啱你😚總括嚟講呢度真係幾抵 未試過嘅朋友可以試吓🤓

今日嚟到荃灣嘅蝦蝦燒 事關有朋友介紹話好抵食可以任食海鮮同埋串燒 所以今日難得嚟到荃灣就一於試吓佢係咪咁抵食😌上到去員工會好細心咁介紹 會問你係咪第一次去佢會話你知要點樣整啲蝦 又會同你講如果唔食燒啲海鮮叫佢哋教你😚見到員工不斷refill啲海鮮 一有客人攞完佢就會再加啲新嘅落去 海鮮方面有生蠔、蜆、扇貝、鮑魚仲有幾款原條既魚etc 基本上淨係食海鮮已經回咗本🤩我起碼食咗廿幾隻扇貝同蜆 加埋蒜蓉同粉絲落去 真係好正 喺大排檔食六隻都要百幾蚊啦 所以我已經回咗本🤣除咗海鮮之外佢仲有啲串燒 推薦佢嘅沙薑雞全翼、蒜蓉雞翼、叉燒同埋豬仔髀 每隻都啖啖肉調味亦都唔會好鹹😋肉類之外 仲有蔬菜類同埋蒜蓉牛油麵包 差唔多你諗得到BBQ嘅嘢佢呢度都有👍🏻當然有雪糕雪條做甜品啦 嘢飲除咗汽水同茶類之外呢度竟然仲有啤酒同真露🤪

📍蝦蝦燒香港有得任夾流水蝦既地方唔多每次想瘋狂食海鮮同燒烤一定會唸起蝦蝦燒🦐因為唔洗準備唔洗用腦比錢就有得食有得夾蝦😆正‼️🦐缸入面既大頭蝦唔算大隻但好新鮮隻隻都彈下彈下夾蝦既過程都係一種挑戰😎成個過程都係自助形式自己去拎冰同裝水然後就可以係個蝦缸夾蝦你夾到幾多就可以燒幾多👍🏻🐟除左任食蝦海鮮、串燒同埋飲品都係任食任拎餐廳仲會每一枱送一串燒鱔燒完既鱔真係好好食又脆又有油香🥹另外燒元貝都係推薦可以自己拎醬料元貝加蒜茸燒已經好香🤤簡單點豉油食已經好夠🍢串燒方面一般既雞牛豬呀～丸類等等都有齊但我永遠都係target燒玉子燒因為係出面真係好少見到呢到有得燒好滿足😚我食星期日5:00-7:30時段任食2.5個鐘人均$378加一仲有88折價錢唔算好抵但偶然想任燒下海鮮又食下燒烤呢間真係無得輸💪🏻私心推介荃灣店坐得舒服d人又少d🤫

蝦蝦燒 ( 荃灣 )食過一次玩過一次一定係念念不忙既既然主場荃灣有梗係要去支持下啦其他分店我唔知但原來呢間係全港首間無限時流水蝦任食今次仲唔肥仔🤤🤤🔸 新鮮燒大頭蝦個名我改既拎個冰桶係岀面拎冰+小小水然後眼明手快地拎個夾隊落去個位隔離個水缸到想夾邊隻就夾邊隻然後一野隊落個冰桶到凍佢凍瓜佢，咁燒就唔會彈黎彈去啦！仲有鹽/蒜蓉/孜然/辣椒🌶️等唔同類型既調料去比自己發揮🤭燒完發覺蝦頭有膏嫁！不得了！新鮮，蝦肉彈牙爽口，正呀！🔸海鮮類分別有大蜆花甲沙白帶子扇貝鮑魚黃花魚紅衫魚䱽魚貝殼類係我飛佛每次起碼放十粒係個爐到燒仲要自調蒜蓉牛油/蒜蓉辣椒全部都好新鮮好味完全唔係放係冰櫃好耐好正！🔸 串燒肉類有燒賣紅腸五花腩豬大腸雞軟骨blah blah blah….根本種類多到我試唔哂不過燒要睇火我掛住同友人傾計成日都燒到乾哂😂🔸蔬果類調好個醬無理由唔燒條茄子嫁嗎？勁juicy 同好辣( 重手左小小 )但係勁好味囉友人仲叫我燒多一碌唉，勉為其難燒多一碌啦🔸 飲品及甜品類有好多唔同既雪糕同埋飲品汽水茶類都有仲有燒酒同啤酒！都係任飲嫁！我掛住飲啤酒唔記得影😂😂點解我咁鍾意同唔同既朋友黎？因為hehehaha又

突然興起想食串燒，於是就上網搵到呢間「蝦蝦燒」，即刻打電話去book位! 得知佢地有兩間分店，一間喺荃灣大鴻輝中心11樓，另一間喺佐敦。!!!咁啱荃灣分店做緊兩週年優惠，可以無限時任食!!!!我地幾個朋友去就最啱喇!呢間蝦蝦燒主打就係「新鮮」!有生猛鮮活嘅大頭蝦任食，仲要係自己捉上嚟，帶埋小朋友去又食又玩夠晒新奇有趣!場內嘅食物及飲品都係自助任取，啤酒任飲;有四款鮮魚、鮑魚、扇貝、帶子、生蠔、蜆、魷魚;串燒方面有豬肉、牛肉、羊肉、雞肉、雞軟骨、雞皮、雞翼etc;當然燒烤名物茄子都一定有啦!另外仲有熟食攤位，燒緊串燒期間等唔切都可以去熟食台(連調料台)拎嘢食填肚;食到最後亦都可以食埋雪糕埋尾，有多款雪糕任揀。衛生方面;場內潔淨、乾爽無異味，唔會因為有水槽而搞到好似街市咁成地濕立立 ;廁所亦都好乾淨，唔會影響食慾，睇得出有認真清潔。冷氣亦都好足夠，對住個燒烤爐都唔會出晒汗。收費: 星期一至四;成人為$313一位，小童為$178一位星期五、六、日及公眾假期前夕;成人為$340一位，小童為$205一位

( ͡° ͜ʖ ͡°) 蝦蝦燒 [ @hk.cookinghaha ]❝ 流水蝦任夾 串燒海鮮自助燒任飲任食 食到哈哈笑 ❞✿ 任飲任食 $348/位 (平日)坐低店員會送上鱔串旁邊就係魚缸流水大頭蝦任你夾 又玩得又食得 都幾過癮首先要拎冰桶放冰同水 凍一凍暈d蝦咁燒果陣就唔會亂咁跳啦～新鮮既大頭蝦肉質鮮美彈牙 蝦頭仲有小小膏真係可以食到回本！自助區有海鮮肉食/小食前菜/飲品/ 醬料區任食海鮮有生蠔 螺 蜆 沙白 蝴蝶蚌 原條魚等自己燒過好幾種 覺得蝴蝶蚌同大蜆燒係最好味根本唔使落牛油或者蒜之類既調味就咁燒到開口 再燒多一陣 就即刻食得勁鮮味！起碼要拎三四轉！串燒有丸類 台灣腸 冬菇 雞髀菇 雞軟骨 雞皮 雞翼 茄子加埋枱上嘅調味孜然粉燒 無得輸啦燒烤醬料區亦都唔少得醬油 生蒜 蔥花 辣椒等我哋重自製咗個辣椒蒜蓉醬黎燒生蠔同埋點蝦加落醬油都好鬼正！好香好惹味～啤酒韓國燒酒 汽水 紙包飲品雪糕任飲～╰☆* 推介指數：🌕🌕🌕🌕🌖‘𖤘◦″ 𖤣 蝦蝦燒 (荃灣)荃灣眾安街55號大鴻輝(荃灣)中心11樓🤤跟我搵食～請follow: @when_she_bites#蝦蝦燒 #燒烤 #燒海鮮 #任食 ✿

蝦類入面，我都最鍾意食大頭蝦，所以一直都好想試依間燒烤餐廳，終於有機會嚟到荃灣分店，我當時晚上7:00嚟到，先知道原來而家做緊兩周年大優惠，冇限時間任飲任食😍我非常開心。環境非常之舒服，月台之間都好闊落，而且冇乜油煙味，唔會煙霧瀰漫。一坐低被安排到去一個好長嘅大頭蝦缸隔離，我覺得就算唔夾蝦，一個咁大嘅歌，而且好清澈好活躍嘅蝦喺隔離陪食都一大滿足。店員會簡單介紹一啲細節，例如喺光度夾完大頭蝦，就要放入冰桶凍暈啲蝦先再擺落去燒，咁樣啲蝦就唔會太活躍周圍彈。另外值得注意嘅係啲鮑魚一定要先起殼燒🥳我簡單行咗個圈，海鮮類非常之新鮮，而且我見長期都係擺放滿滿的，唔會話俾人攞咗就會冇咗，而且左右海鮮都好新鮮，鮑魚類仲不停郁動，海鮮類有兩款蜆，多款魚類，鮑魚，扇貝，帶子，生蠔🫠之後到其他類型，有不同種類嘅蔬菜區，例如茄子、尖椒、翠玉瓜等等，而且各式各樣嘅肉類都有，例如羊扒、雞軟骨、雞腎、多春魚、雞皮、乾魷魚、等等，款式多到真係講唔晒，而且全部擺放得非常之整齊以及乾淨，真係望到都覺得每樣食一款都食唔晒🥰🥰飲品方面有超過20種，最值得要講一講就係有酒類任飲，有不同的啤酒，而且韓國米酒都有，真係適合一啲人鍾

流水蝦一向都好受歡迎😳之前試過佐敦既蝦蝦燒今次過黎試埋荃灣呢間🤭上到黎發現地方都係一樣好大😳自助區既位置都好方便而夠大。海鮮、肉類樣樣齊😳仲有四大個飲料櫃，勁豐富🦐坐低後就緊係夾下呢度既主角😳隻隻都好生猛既大頭蝦🤭大頭蝦好多都有蝦膏，蝦肉彈牙。因為蝦夠哂生猛，所以記得夾起後要馬上放入冰水凍暈先去燒🫢🦪大量海鮮任食，其中鮑魚同生蠔真係令我一食再食，鮑魚新鮮爽口，生蠔飽滿肥美😋🐖另外肉類我推薦叉燒同豬大腸，叉燒肥瘦適中，肉質爽滑。豬大腸夠哂油香，食唔停🤣🍍除左肉類，另外還有蔬菜類，翠肉瓜同菠蘿燒完一樣係咁多汁，讚👍🏽🍦食到差唔多就可以食埋雪糕😙有經典阿波羅雪糕杯，飲品有啤酒、解茶、汽水等等，絕對岩你口味👅呢度店員都好細心，當見到你食飽魚都會主動幫你除殼，而且經常幫你清理裝海鮮外殼的垃圾桶，等你放心狂食唔怕滿瀉👏🏻

是日留本區活動～荃灣都有蝦蝦燒～啲蝦好生猛呀～ 夾住都仲會彈黎彈去掙扎😆 又幾好玩～流水蝦就係每枱隔離， 就咁夾到，唔使走黎走去～仲有好多其他海鮮～有個海鮮專區鮑魚、大蜆、仙貝、魷魚、魚等見到都超開心～鮑魚仲識郁架！ 魚係一條條上，好正！ 每枱仲會送白鱔～燒完肉質好鮮嫩仲有熟食區～ 有炒辣花螺 超惹味，仲有西蘭花炒蝦～蝦新鮮彈牙菜又新鮮～仲有燒烤專區 常有既肉類同蔬菜都有～牛仔骨、雞翼、丸子、串燒等飲野仲勁多野揀 幾個大雪櫃～烏龍茶、檸檬茶、各式汽水、啤酒，支裝鑵裝都有～ 仲有雪糕～滿足！

今日搵食之《蝦蝦燒》，呢間任食3小時任食放題嘅流流水蝦BBQ，即夾即燒⋯⋯睇住啲大頭蝦喺水缸度行黎行去，睇住佢地新鮮仲好活潑，啲流水蝦夾完上嚟然後可以拎去燒烤，夾上黎即刻拎去冰筒度凍暈佢先，然後上爐，烤至微微焦香，啲大頭蝦新鮮仲好多膏，不過頭一兩次未掌握到係咁比啲蝦走甩有啲輪盡，但掌握到之後每轉夾到8~10隻啦，成個過程好治瘉，好玩又好食，我中意海鮮嘅原汁原味所以冇加啲咩調味而自助區有多種串燒，有各款肉類、蔬菜、海鮮⋯⋯你估到估唔到嘅都有喎，自助可以加調味根據個人口味搭配，再配上不同風味嘅醬汁。而且熟食區有唔同嘅野食，仲有己經煮好嘅醉蝦，食落味道幾好食喎。而飲品區有汽水、茶、啤酒⋯⋯連真露都有架，令外雪糕櫃有係回憶嘅密瓜味道雪糕呀

朋友話想食流水蝦，醒起佢未試過呢間餐廳，即刻帶佢黎試下，滿足下佢既願望🤭。每枱旁邊都有一條水缸，入面就係隻隻生猛大蝦，肉質彈牙。呢度既蝦店員都會補充得好快，所以唔怕夾哂就無得食，大家都可以盡情地夾🥳有啲蝦仲特別生猛、夾真係要眼明手快。另外海鮮仲有鮑魚、帶子、扇貝、沙白等等，配搭埋蒜蓉牛油去燒，勁香😋、沙白鮮甜脹卜卜，鱔係每人一條，油香肉滑，好厚肉。肉類有羊扒、牛柳粒、豬仔脾等等，燒起上黎都好方便，旁邊有調味料，自己想食咩風味自己調配💪🏼另外仲有玉子燒🤩香甜蛋味，值得一試。除左肉仲有蔬菜可以燒，口渴都有大量飲品選擇，仲有雪糕等等。呢度真係食得開心玩得開心🥳朋友都好滿意，開心既一餐👏🏻。

今日黎左荃灣食流水蝦，因為朋友第一次黎，所以就想揾間特別少少既餐廳同佢去食🦐而呢到都有唔少朋友同我推介，所以我就趁住荃灣分店有優惠帶左佢黎呢到試下😋。一上到黎就已經好歡欣，因為所有海鮮一目了然🐟全部都放係啲冰上面仲keep住有職員refill同清洗🧽所以環境衛生上都好好，而另外仲有串燒區，已經全部吉好哂，份量細細份，可以試多啲唔同既款式嘅串燒🍢飲品方面都想分享下係佢唔少酒精飲品都幾特別🍸有好多唔同既類別，所以相信都滿足到各個年齡層嘅人💪🏽另外佢地都有少少熟食，而corner位置仲有個熟食區同煮麵同菜既area🍜所以都十分之夠食同埋選擇都算多。蝦蝦燒任飲任食3小時(早蝦蝦時段)🐒星期一至四(5:00pm - 7:30pm)💰成人$348今日我係早蝦時段同埋平日過嚟，所以就係$348，以呢個價錢我覺得都好快可以回本🤣因為我主打海鮮🦞所以基本上都真係唔擔心會小鳥胃而蝕😝

今日黎到荃灣黎食呢個流行左一排既自助任食新鮮流水蝦，海鮮加自助串燒燒烤，而我地第一次黎食，店員都好nice咁同我地講解唔同海鮮既食法同埋煮既方法，再示範一次點樣去捉蝦，成個過程都好順利，又好好玩，不過如果驚青既話都真係未必捉到而枱面有4款調味粉for我地加落串燒到惹味啲，我自己就中意辣椒粉加味椒鹽，食落好惹味都無咁快膩而海鮮方面佢地仲有一個位可以拎牛油蒜茸，仲可以加辣椒同蔥花for我地燒海鮮可以加落去，燒到鮑魚既時候店員見到我地唔識起殼都好熱心咁幫我地，教我地應該點樣先至最安全咁剪到件鮑魚出嚟👍🏼真係好貼心

跟客戶提早團年，年青人喜歡有得玩有得食，現場好多流水蝦，蝦蝦燒 和 任食海鮮、串串燒烤。蝦蝦燒 現在用餐時間延長了到三小時，任飲任食，主打生猛流水蝦，自助新鮮海鮮、燒烤串燒、小食，飲品選擇好多，雪糕慢慢食，非常開心。厚切鰻魚串落單後奉送食客，每人一串肥美白鱔，用上鰻魚醬汁醃製過，特別惹味！放上燒烤爐，勁大鰻魚串，燒成皮脆內嫩，肉質彈牙多汁，超級好味！流水蝦安坐座位，旁邊就係新鮮流水蝦，跳來跳去。即夾即燒即食 ，大頭蝦的肉質很結實，燒烤時候加少少鹽作調味，食落味道鹹香。大頭蝦頭多膏，又係 彈牙多汁， 食多啲都好鮮味，我好滿足了！海鮮除咗燒蝦好食，好多串燒肉類同海鮮，一樣係超級正。自助區有海鮮檔，多款海鮮選擇，鮑魚、扇貝、生蠔、原條鮮魚、魷魚、大蜆。朋友喜歡食魷魚，厚肉爽口，鮑魚新鮮，記得剪外殼，彈牙非常。扇貝加蒜茸牛油，燒起來更惹味！更加鮮甜！自助串燒燒烤雪櫃保鮮了多款燒烤食材，全部豬牛羊雞食材都好新鮮， 任食任燒 ，一d都唔馬虎。雞翼、牛柳、 雞串 、豬仔肶，皮脆肉嫩，好入味，肉爽肥美，味道甘香。另外丸類、腸類肉質結實 ，肉味濃。各種蔬菜類、 魷魚乾等，真係花多眼亂，幾有驚喜！熟食小食

之前食過佐敦分店覺得不錯，今次試下荃灣店大鴻輝分店嘅蝦蝦燒，野食款式一樣都係咁多，今晚海鮮有扇貝、鮑魚、帶子、魚、蜆、蠔等等，仲有大大隻魷魚，帶子扇貝加捚蒜蓉牛油一齊燒仲正，自助區仲有粉絲提供比客人啊，生蠔建議擺下層燒，燒完出黎面頭係焦脆入面仲係鮮嫩，之前試過佐敦店所以對夾流水蝦技巧冇難度，而自助區既串燒種類繁多，包括多款肉類、蔬菜同海鮮，可隨心搭配，店員送左一份白鱔，竟然燒完出黎有驚喜喎，自己燒到個皮焦脆，但白鱔本身個肉質厚實，咬落脆彈，好食喎，總類又多而且仲有3個鐘任飲任食今次又要捧住個肚走啦。