蝦蝦燒

營業中

休息中

兩公婆經常係荃灣搵食，唔知食咩好，唸住試吓呢間餐廳，感覺有改善空間。除左蝦真係新鮮好食嘅，其他海鮮質素參差，鮑魚冇刷乾淨就擺出嚟，有啲食客都忍唔住自己洗一次，攞左10隻蜆有成半唔開口。另外就係味道問題，海鮮都尚可以清淡啲，當食鮮味，但串燒肉類就真係唔明，點解大部份都係冇調味的？牛仔骨甚至冇解凍仲有冰，餐廳冇提供燒烤醬之類嘅調味料，只得鹽/辣椒粉/孜然粉同泰式酸辣汁，無奈之下只好點豉油。唯一可讚係員工服務唔錯，姐姐好細心教剪鮑魚

今次同朋友去蝦蝦燒荃灣分店，心情有啲複雜，因為聽講呢間店一月中就會結業。其實之前都係去佐敦分店多，但荃灣呢度真係闊落好多，坐得舒服啲，連行過都冇咁迫，呢次係最後一次喺呢度食，實在有啲唏噓。流水蝦：勁生猛！🦐💦流水蝦仲係呢度嘅王牌！每次見到d蝦喺水槽嗰度游嚟游去已經好開心，一夾上嚟仲會掙扎添！燒熟之後，蝦肉真係夠彈牙，仲有啲蝦膏流出嚟，好邪惡～香港好少地方有得玩流水蝦，所以依家去食，真係要珍惜呢種體驗啦。.海鮮選擇多到燒唔曬 🐟🐚除咗蝦，仲有好多新鮮海鮮可以揀！當晚我哋試咗原條魚，我就最鍾意深海泥鯭，肉質又白又滑。另外，鮑魚真係夠鮮，燒嘅時候竟然仲識郁，食落爽口又帶少少海水味，完全冇腥味～貝殼類嘅嘢一樣多到揀唔晒，真係每樣都想試吓。.串燒：肥美鱔＋大叉燒 🍢🐟每人送一串鱔串燒，真係好有誠意，燒完啲鱔皮微焦，內裡仲保持住嫩滑彈牙，食到停唔到口。串燒款仲有好多選擇，最特別一定係串叉燒，大舊而且肥瘦比例又岩岩好，燒到微微焦香，簡直係串燒界嘅黑馬！🙌.烤爐＋牛油＝靈魂搭配🔥🧈佢哋嘅烤爐傳熱夠快，幾分鐘就燒好一大盤。重點係牛油真係靈魂加持，滴喺爐上即刻散發陣陣香味，燒蝦或者貝類嗰陣加啲牛油，呢香氣

流水蝦燒烤專門店 - 蝦蝦燒蝦蝦燒係社交媒體宣布位於荃灣大鴻輝分店做到2025年1月12日就唔做啦。我知道佢地結業消息後覺得好可惜，香港又少一間可以夾蝦蝦既餐廳啦，於是CK我就決定係結業前黎回味一下餐廳入面地方好大🤩，抽風系統強勁👍，唔會燒🔥到成身味🥰。各款新鮮🐟海鮮不停填充，而且清洗💦得乾淨，客人可以食得好放心。蝦蝦燒主打無限任食流水蝦及海鮮，荃灣分店由即日開始6點後更無限時任食。店內坐位每行配有新鮮流水蝦俾客人們即夾即燒，而海鮮區包括原隻生蠔、鮑魚、扇貝、帶子、仲有幾款原條鮮魚等等都係任拎任燒。仲有一個區域係肉食串燒，丸類同腸類基本既都有，但居然也仲有豬仔肶同羊架食，好易就食到回本 ! 而串燒仲有玉子燒、豬大腸、雞腎同雞軟骨等，3個大雪櫃既飲品都超多選擇～而甜品方面，有接近10種唔同味道既雪糕同雪條食～以3小時任食流水蝦🦐同埋各式🦑海鮮🐚，都只係💰三百幾蚊，海鮮🐟新鮮又抵食😋，真係值得大家一再幫襯！蝦蝦燒Cooking Haha荃灣分店地址：荃灣眾安街55號大鴻輝(荃灣)中心11樓電話號碼：62796299營業時間：星期一至五 17:00 - 00:00星期六至日、公眾假期 12:

唔好有下次！！！當晚閒日一行6個人去，首先講食材，蝦都生猛，鮑魚有生命嘅，蜆第一轉完全開唔到口，其他海鮮就…肉類大部分好健康無調味🙃，但最大問題黎啦張枱不大只有一個燒得好好好慢的爐”仔”，仲要放近枱嘅一邊，移動唔到，4個朋友睇住2個”廚師”燒嘢食，20分鐘左右先燒到一轉海鮮，大家越燒越餓、越睇越餓…咁諗住取熟食，但大部分涼拌小菜，小食，記憶不到10款。結論：世界有因果循環，你想去玩啲蝦？其實你係去比人玩！

環境舒服，食物ok，每枱座位側邊有缸蝦即夾新鮮蝦即燒，食物種類豐富，有肉 鮑魚 扇貝等⋯⋯海鮮燒，蒜蓉包好味，可以任燒3小時，有個男店員服務好好，會主動幫店客燒，又教店客點燒，仲整咗個香蕉船俾我哋，雖然唔知男店員叫咩名😅但值得讚賞👍🏻

「蝦蝦燒」好玩又好吃新鮮流水活蝦～自己抓～自己烤～抓新鮮活蝦也有技巧的喔，小秘訣是抓蝦的腰/尾部，反應要快的🤪不然生猛的蝦很快跑走推薦🌟燒蠔：蠔肉經過燒烤後，肉質彈牙鮮嫩，充滿蠔獨特的鮮甜味道推薦🌟燒鰻魚：鮮嫩的鰻魚肉質，搭配濃郁的燒烤醬汁，入口即化、口感豐富除咗大頭蝦，自助區亦都有好多其他海鮮可以選，例如鮑魚、蠔、蜆、扇貝、帶子、魷魚，還有很多品種嘅魚 ，另外每人送咗一串鱔，整體每款都好新鮮串燒有超級多選擇，豬、牛、羊、雞、香腸、丸、菇、蔬菜全部都有飲品、甜品有多款罐裝飲品同紙包飲品選擇，包括汽水、果汁、茶等。甜品除了有雪糕同雪條，最特別係有窩夫，可以配雪糕食，甚至有提供香蕉，可以自製香蕉船食評環境 9/10味道 9/10服務 9/10衛生 9/10性價比 9.5/10人均消費$350-$500

有朋友食過話好正，任飲任食三個鐘，新鮮流水蝦+海鮮+各款燒烤，好吸引，約咗2個朋友去試吓。大家早放工，揀咗平日早蝦蝦時段有88折，好抵。入到去環境幾乾淨，座位隔離就有個游水蝦嘅水缸，好特別。好多隻蝦跳跳紮，新鮮，想食就夾。海鮮種類都好多，有扇貝，生蠔，螺，幾款魚，蜆肉。鮑魚和鱔魚就另外分配。完全滿足到鍾意食海鮮嘅我。另外，都有各款肉類和串燒，雞翼大大隻，雞軟骨又香又好脆，試過牛仔骨，羊架幾款肉類都醃得入味又唔會太鹹，肉質鮮嫩。食完肉要食返啲菜，有翠肉瓜，矮瓜🍆南瓜，粟米和各類菇。仲有熟食同雪糕甜品，飲品任飲，好多選擇，整體滿意，性價比高，平日都差唔多坐滿人。

第三次跟同事去咗荃灣大鴻輝的蝦蝦燒 (荃灣)晚餐，好玩好食，勁鍾意食鮑魚，現場仲有一浸海水味，皆因有多款海鮮任燒任食。同事話鍾意夾流水蝦，好玩又好食，每隔兩三個月就想食一次，平日晚上餐廳都幾乎滿座，與早book位有着數。蝦蝦燒任飲任食 3 小時新鮮流水蝦+海鲜+自助串燒燒烤 $348蝦同海鮮都好生猛，每台有一個爐，旁邊長長的魚缸即夾即燒。扎扎跳的蝦，夾起要用冰桶凍暈佢先，跟住就可以慢慢燒。蝦肉口感爽彈而帶點嚼勁，鹹甜味與焦香互相平衡，清爽開胃的主菜。鍾意食蝦之外，出面仲有勁多海鮮，可以揀燒原條鮮魚。方便食嘅就有生蠔、鮑魚、元貝、大蜆，矜貴海鮮種類真多。鮑魚、元貝已燒好慢用，鮑魚用上新鮮的，灑上調味粉，上碟時香味十足。海鮮全部都好新鮮又好食，見到店員海鮮即開，用餐體驗都唔錯。入場每位奉送大白鱔一串，燒起嚟特別香，每一啖都享受到豐腴肉香，品嘗海洋鮮味，肉質鮮嫩多汁。海鮮之外，還有很多肉類，選擇相當豐富，質素也不錯。我喜歡土匪雞翼、牛肉串、紅腸、雞皮、豬大腸，食得好飽，大滿足！食完海鮮肉類鹹味嘅嘢，到最後當然都汽水雪糕甜品啦！我就自製咗烤窩夫加阿波羅雪糕球，仲有香甜多汁的燒菠蘿，甜品成為了完

作為一個熱愛海鮮的吃貨，我地搵到間自己夾活蝦的放題，一邊玩，一邊燒野食。一入到去琳瑯滿目的海鮮種類包括生蠔、鮑魚、大蜆、魷魚、原條魚、扇貝等，更有牛仔骨、豬仔髀、羊架等肉類美饌，食材算高質，但價錢合理，未燒已經聞到陣陣燒烤味，不禁讓我口水直流。每人仲有一串白鱔送，肥美鮮甜，好易燒，好味😋推介扇貝厚肉新鮮和生蠔，好新鮮，燒完好香甜，好👍🏻 餐廳還提供了多款雪糕和啤酒,豐富了整個用餐體驗。再來到自助區各式各樣串燒，肉類都齊全，選擇多又豐富。特別推薦牛仔骨、豬仔髀、豬扒和羊架，燒完好香，好惹味！仲有雞皮、雞軟骨、雞柳、豬羊肉串、腸仔、多款丸類同蔬菜，岩晒唔同需要的朋友！見仲有過百款海鮮、串燒、熟食、甜品同飲品，連啤酒都係任飲，認真超級豐富！！！小朋友最鍾意親力親為夾蝦，好刺激🤣甜品區的雪糕杯和雪條也為這頓豐盛的晚餐增添了不少甜蜜。食物豐富，服務還是環境，都能讓人大滿足！性格比高，值得一試。

荃灣大鴻輝有好多唔同既餐廳，好多時都係任食放題既餐廳，今次試左16樓呢間蝦蝦燒，5:30PM前入座仲有優惠價，入到餐廳已經見到好多海鮮，有鮑魚、扇貝、蜆、魷魚、蠔、青口、原條魚，全部都好大隻，望落好新鮮，除左海鮮櫃，仲有好多唔同既肉類、菜類、雪糕，見到已經流哂口水。最正係可以即場夾D 活蝦上黎，D蝦好新鮮，好生猛，一夾起即刻跳走🤪🤪，好有趣既體驗。餐廳好乾淨企理，服務員服務好好，清碟好快手，食得開心又滿足，我地坐到7點倒，餐廳越黎越多人，平日既晚巿都可以咁多客，係非常難得既場面。特別鐘意以下幾款食物﹕鱔﹕好肥美有口感，最鐘意厚切既鱔，咬落彈牙油甘魚﹕肉質好，魚味香蜆﹕大隻鮮甜鮑魚﹕鮑魚肉質唔錯，夠哂大隻

趁放假，我地去左荃灣的「蝦蝦燒」享受了一頓豐富的海鮮放題大餐。一走進餐廳，我就被琳瑯滿目的海鮮種類所吸引！🌟新鮮多款海鮮生蠔、鮑魚、大蜆、魷魚、原條魚和扇貝等，十分新鮮，任燒任食，令人垂涎欲滴！🌟肉類選擇同樣豐富肉類選擇讓人驚喜，有牛仔骨、豬仔髀、豬扒、羊架等，令我倍感興奮。這些肉類都入味鮮嫩，煙韌多汁美味。🌟串燒+蔬菜款式多，十分新鮮，好正👍🏻仲可以燒茄子，好惹味。🌟飲品和甜品一應俱全啤酒任飲！多款雪糕，包括雪米糍、雪糕杯和雪條，不停encore。🌟貼心周到的服務在用餐過程中，服務員十分細心，會教我地點燒，賓至如歸的感覺。以海鮮放題中，無論是海鮮、肉類還是飲品和甜品，讓人驚喜連連，強烈推薦給所有熱愛海鮮的吃貨們!

我哋成班friend都鍾意燒嘢食，一年都好幾次去戶外燒烤場，但呢排實在太熱，所以室內燒烤場就啱晒我哋。蝦蝦燒用細細個網爐燒，鋪滿海鮮同肉類好滿足。每次必玩活夾流水蝦，再自己燒嚟食特別有滿足感，大頭蝦好多蝦膏，燒鰻魚都好正，一人一串勁chill，當然唔少得蒜蓉扇貝，有粉絲同蒜蓉牛油好惹味出面自助區仲有好多嘢食拎，串燒穿好晒我哋一大盤拎返去係咁燒係咁食好爽🤣 肉同丸都係一串兩三粒唔會太多可以試好多款飲品方面有罐裝同盒裝，最愛西柚梳打好清爽，仲有OOHA無糖更健康

網上見有人介紹呢間蝦蝦燒 OpenRice又見到咁多好評 就決定搵日黎試吓呢度嘅賣點係你張枱隔離就已經有活生生嘅大頭蝦俾你可以即刻夾上黎燒 夠曬gimmick啲蝦生猛到扎扎跳 要夾起佢哋都唔好話咁容易之後要將佢哋擺落啲冰島冰暈佢哋 之後先可以擺上爐到燒🫣除咗蝦之外 其他海鮮全部都係任拎任燒 包括有扇貝、帆立貝、蠔、原條魚、蜆等等🥰🥰另外每人都會送一串鰻魚 上面仲搽咗燒汁 真係超好食🥹熟食方面都好出色 最正係有辣酒煮螺 超級辣超惹味 仲有醉大頭蝦 唔想自己夾黎燒嘅可以選擇食醉大頭蝦總括嚟講呢餐真係大滿足 三個鐘任食絕對夠晒 食到差唔多兩個鐘已經飽到反艇 仲要每人都只係三百幾蚊🫠🫠🫠而且啲海鮮都好新鮮，仲要不斷供應 真係就嚟食到痛風咁款

今晚同朋友去咗一間好有趣嘅餐廳食晚飯🤩之前一直想去玩👏🏼餐廳地方大，除咗有得即夾即燒新鮮流水蝦外，眼見仲有過百款海鮮、串燒、熟食、甜品同飲品，連啤酒都係任飲，認真超級豐富!!!❤️海鮮區生蠔、鮑魚、大蜆、魷魚、原條魚、扇貝、螺等…每人仲有一串白鱔送，特別肥美鮮甜。推介🤗鮑魚、扇貝厚肉新鮮。🧡肉類/串燒區各式各樣串燒，肉類都齊全👍🏻花多眼亂😂牛仔骨、豬仔髀、豬扒、羊架、雞皮、雞軟骨、雞柳、豬羊肉串、腸仔、多款丸類同蔬菜…最特別連燒賣、窩夫🧇都有好驚喜!!!💛甜品雪米糍、雪糕杯、雪條等…X朋友仲整咗個新派香蕉船😂俾我嘆😋💚飲品多款飲品選揀，連啤酒都係任飲架～今晚真係超滿足😋食咗好多野落肚，喺呢度有得玩又有得食，食物種類超多，自問大胃王嘅你可以嚟挑戰!!!😂

🦐3小時任食新鮮流水蝦+海鮮+串燒🍢成日聽朋友講，蝦蝦燒好好食！好正！好吸引！一直記住，有時間一定要去試下！今晚終於到我去食啦！超期待！🤩首先一坐低，職員送上肥美嘅白鱔串，一人一串，即刻放上爐上燒，燒到脆卜卜，咬落去啖啖肉，又無骨，啱晒食魚怕多骨嘅我，好正！每枱邊位都靠近長長嘅大水缸，入面放滿一隻隻游水生猛嘅大頭蝦，用夾夾起，然後即刻放入冰盤入面冰凍一陣再拎出嚟，放上爐上燒，隻隻都勁肥美多肉，又多蝦膏，仲有呀！每枱都有唔同種類嘅調味鹽（孜然粉，辣椒粉，椒鹽粉、粗鹽等等）揀啱一款啱你口味嘅，灑上蝦上，真係超惹味！👍👀再出去食物區度睇下有咩食先！👀海鮮類🦐🦑鮑魚、蝦、扇貝、帶子、魚、蜆、魷魚、黃花魚......最欣賞燒扇貝，係扇貝上面加粉絲加蒜蓉，燒到香噴噴，粉絲超入味，送酒真係一流！仲有燒魷魚，好軟淋，好好味！蔬菜類串燒🥒🌽🍠翠肉瓜、茄子、南瓜、香菇、菠蘿、豆卜、蕃薯仔、粟米、尖椒、蒜蓉包......最欣賞燒茄子，燒淋咗隻茄子上面再加蒜蓉豉油，再燒多陣，好味到不得了！肉類串燒🥩🍖雞翼、羊扒、排骨、台灣腸、牛仔骨、雞皮、雞軟骨、鴨胸、豬大腸、豬脾仔、金菇肥牛串......樣樣都咁好味！最欣